Իտալիա | Էջ - 2

21.03.2017

Դիբալան խուսափել է լուրջ վնասվածքից և միացել Արգենտինայի հավաքականին

«Յուվենտուսի» հարձակվող Պաոլո Դիբալան խուսափել է լուրջ վնասվածքից: Արգենտինացին վնասվածք էր ստացել Ա Սերիայի շրջանակներում «Սամպդորիայի» հետ կայացած հանդիպման ժամանակ: Ըստ նախնական ախտորոշման՝ Դիբալան կարող էր մի քանի շաբաթ բաց թողնել, սակայն ամեն բան ավելի լավ է դասավորվել նրա համար: Հարձակվողը նույնիսկ միացել է Արգենտինայի հավաքականին, որի բժիշկները տեղում կորոշեն՝ ֆուտբոլիստը պատրաստ կլինի՞ Չիլիի և Բոլիվիայի հետ ընտրական հանդիպումներին, թե՞ ոչ: Միաժամանակ, «Յուվենտուսում» իրատեսորեն են նայում Դիբալայի ապաքինման ժամկետներին: Ակումբում վստահ են, որ արգենտինացին կկարողանա մասնակցել հավաքականների հանդիպումներից հետո թիմի արդեն առաջին խաղին, որում թիմը կմրցի «Նապոլիի» հետ: http://www.vivaronews.am/pyanich-chem-kartcum%D5%9D-barselonan-cankanum-er-yuventusi-pes-mrcakic-unenal
21.03.2017

Պյանիչ. «Չեմ կարծում՝ «Բարսելոնան» ցանկանում էր «Յուվենտուսի» պես մրցակից ունենալ»

«Յուվենտուսի» կիսապաշտպան Միրալեմ Պյանիչը պատմել է Չեմպիոնների լիգայի գավաթի խաղարկության քառորդ եզրափակչում «Բարսելոնայի» հետ դիմակայությունից ունեցած սպասելիքների մասին: «Մենք հարգանքով ենք վերաբերվում «Բարսելոնային», բայց պատրաստվում ենք խնդիրներ ստեղծել նրանց համար: Եթե «Յուվենտուսը» մտադիր է հաղթել Չեմպիոնների լիգայում, ապա ոչինչ չի մնում անել, քան հաղթել մրցաշարի գլխավոր ֆավորիտներից մեկին: Մենք հնարավորություններ կփնտրենք՝ նրանց պարտության մատնելու համար: Չեմ կարծում՝ «Բարսելոնան» ցանկանում էր «Յուվենտուսի» պես մրցակից ունենալ»,- ասել է Պյանիչը: «Յուվենտուս» - «Բարսելոնա» առաջին հանդիպումը տեղի կունենա ապրիլի 11-ին, իսկ պատասխան խաղը՝ ապրիլի 19-ին:
21.03.2017

Ինչպիսի տեսք կունենա Լիոնել Մեսին ձեր ակումբի մարզաշապիկով (ֆոտոշարք)

Goal.com-ը փորձել է պատկերացնել, թե ինչպիսի տեսք կունենա Լիոնել Մեսին, եթե խաղա այլ ակումբում: Ահա թե ինչ է ստացվել.
21.03.2017

Բուֆոնն Ա Սերիայում արտերկրացի ներդրողներին դեմ է արտահայտվել

Թուրինի «Յուվենտուսի» դարպասապահ Ջանլուիջի Բուֆոնին դուր չի գալիս այն, որ արտերկրացի ներդրողները շարունակաբար ձեռք են բերում իտալական թիմեր: «Ռոման» կապ ունի ամերիկացիների հետ, միլանյան թիմերը՝ չինացիների: Սա վատ է Իտալիայի համար: Այս ամենը բացասական ազդեցություն ունի թե՛ մեր ֆուտբոլի, թե՛ ավանդույթների վրա»,- Kicker-ը փոխանցում է Բուֆոնի խոսքը:
21.03.2017

Ինսինյեի գործակալն ակնարկում է

«Նապոլիի» ֆուտբոլիստ Լորենցո Ինսինյեի գործակալ Չիրո Վեներատոն խոսել է ֆուտբոլիստի ու նեապոլյան ակումբի՝ նոր պայմանագրի շուրջ բանակցությունների մասին: «Ինսինյեն հոգնել է սպասելուց: Չորս ակումբ նրան 4,5 միլիոն եվրոյով պայմանագիր է առաջարկել: Միջազգային ընկերություններից մեկն էլ հովանավորչական պայմանագիր է առաջարկել՝ տարեկան 2.5 միլիոն եվրոյով: Ինսինյեն պատրաստ է քիչ վաստակել, բայց մնալ «Նապոլիում», սակայն նա 4 միլիոն եվրո աշխատավարձ է ցանկանում: «Նապոլին» 3.5 միլիոն եվրո է առաջարկում, ընդ որում՝ դա «մաքուր» չէ: Մայիսին պարզ կլինի: «Միլանն» ու «Ատլետիկոն» պատրաստ են քայլեր ձեռնարկել, իսկ «Յուվենտուսն» ու «Ռոման» մտածում են»,- ասել է գործակալը:
20.03.2017

Ո՞ր գոլն է Իկարդին համարում ամենագեղեցիկն իր մարզական կարիերայում (տեսանյութ)

«Ինտերի» հարձակվող Մաուրո Իկարդին «Բոլոնիայի» դարպասն ուղարկած գնդակը համարում է լավագույնն իր մարզական կարիերայում: «Ամենագեղեցիկ գոլս խփել եմ «Բոլոնիայի» դեմ խաղում, իսկ կարևորագույնը՝ «Յուվենտուսի» դեմ խաղերում խփած բոլոր գնդակները»,- ասել է Իկարդին:
20.03.2017

«Բարսելոնան» առաջարկ է կատարել Ալեգրիին

«Յուվենտուսի» գլխավոր մարզիչ Մասիմիլիանո Ալեգրին ամռանը կարող է ստանձնել «Բարսելոնայի» գլխավոր մարզչի պաշտոնը: Premium Sport-ի տեղեկություններով՝ կատալոնական ակումբը պատրաստ է տարեկան 8,5 միլիոն եվրո աշխատավարձ վճարել Ալեգրիին: Աղբյուրը պնդում է, որ կողմերն ակտիվ բանակցություններ են վարում:
20.03.2017

Դոնարուման՝ իր ապագայի մասին

«Միլանի» դարպասապահ Ջանլուիջի Դոնարուման հայտարարել է, որ ցանկանում է մարզական կարիերան շարունակել «ռոսոներիների» կազմում: «Ցանկանում եմ մնալ «Միլանում», քանի որ միլանիստ եմ: Պայմանագրիս երկարաձգման գործընթացով գործակալս է զբաղվում»,- ասել է Դոնարուման: Նշենք, որ Ա Սերիայի ընթացիկ մրցաշրջանի 29 խաղերից 10-ում Դոնարուման գնդակ բաց չի թողել:
20.03.2017

Ընթացիկ մրցաշրջանի թոփ-5 ամենահարձակողական թիմերը

«Մոնակո»   87 խփած գոլ (2.9 յուրաքանչյուր խաղում) Լավագույն ֆուտբոլիստ. Ռադամել Ֆալկաո (24+8) Լավագույն հարձակվող. Ռադամել Ֆալկաո (24) Լավագույն ասիստենտ. Բեռնարդու Սիլվա (10) «Մոնակոն» եվրոպական մրցաշրջանի հայտնություններից է, ու իր այդ կոչումը վերջնականապես ամրագրեց՝ «Մանչեսթեր Սիթիին» Չեմպիոնների լիգայից դուրս թողնելով: Ու թող Ռադամել Ֆալկաոյի կրկնվող անունը չշփոթեցնի Ձեզ: Թե՛ կոլումբիացու մարզավիճակի վերադարձը, թե՛ Ֆրանսիայի առաջնությունում առաջին տեղը թիմային աշխատանքի արդյունք է: Ժարդիմի թիմում փայլում են երիտասարդ աստղեր, որոնց համար մեծ որս է սկսվելու այս ամառ: Իսկ մինչ ամառ ուղղակի պետք է վայելել այս հիասքանչ թիմի ֆուտբոլը, որը յուրաքանչյուր խաղում 3 գոլ է խփում:
19.03.2017

Դիբալան վնասվածք է ստացել և կարող է բաց թողել «Բարսելոնայի» դեմ խաղը

«Յուվենտուսի» հարձակվող Պաուլո Դիբալան վնասվածք է ստացել Իտալիայի առաջնության 29-րդ տուրի «Սամպդորիայի» (0-1) դեմ հանդիպման ժամանակ և ստիպված է եղել լքել խաղադաշտը հանդիպման 27-րդ րոպեին: Ինչպես տեղեկացնում են իտալական լրատվամիջոցները, արգենտինացին մկանային վնասվածք է ստացել, սակայն Դիբալան խաղընկերներին հայտնել է, որ իր վնասվածքը այդքան լուրջ չէ: Ֆուտբոլիստի մասնակցությունը Արգենտինայի հավաքականի առաջիկա խաղերին Չիլիի և Բոլիվիայի դեմ հարցականի տակ է: Մտավախություն կա նաև, որ հարձակվողը կարող է բաց թողել Չեմպիոնների լիգայի 1/4  եզրափակչի «Բարսելոնայի» դեմ հանդիպումը, որը կկայանա ապրիլի 11-ին Թուրինում: Վաղը Դիբալան բուժզննում կանցնի, որից հետո պարզ կդառնա վնասվածքի լրջությունը:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: