Իտալիա | Էջ - 103

12.07.2016

«Արսենալը» պատրաստ է Հիգուաինի համար առաջարկել 60 մլն եվրո և Ժիրուի տրանսֆերը

Արսեն Վենգերը շարունակում է նոր հարձակվողի փնտրել: Ինչպես հաղորդում է La Gazzetta dello Sport-ը, լոնդոնյան գրանդը պատրաստ է Հիգուաինի համար վճարել 60 մլն եվրո և իտալացիներին փոխանցել Օլիվյե Ժիրուի տրանսֆերը: Ավելացնենք, որ «Նապոլին» Հիգուաինի համար առաջարկ էր ստացել նաև Չինաստանից, սակայն արգենտինացին մերժել էր:
11.07.2016

Մեմֆիս Դեփայը կարիերան կարող է շարունակել իտալական գրանդում

«Մանչեսթեր Յունայթեդի» կիսապաշտպան Մեմֆիս Դեփայը հայտնվել է «Յուվենտուսի» ուշադրության կենտրոնում: Նշվում է, որ իտալական ակումբը պատրաստվում է հանդես գալ պաշտոնական առաջարկով: Թուրինցիները պատրաստ են վճարել հոլանդացու տրանսֆերի դիմաց 20 մլն եվրո: Նշենք, որ Դեփայը «Յունայթեդ» էր տեղափոխվել անցյալ տարի ՊՍՎ Էյնդհովենից: Վերջինիս տրանսֆերը այդ ժամանակ կազմել էր 27,5 մլն եվրո:
11.07.2016

Ռայոլա. «Հնարավոր է, որ Պոգբան մնա «Յուվենտուսում»

«Յուվենտուսի» կիսապաշտպան Պոլ Պոգբայի գործակալ Մինո Ռայոլան մեկնաբանել է իր հաճախորդի ապագայի շուրջ պտտվող շշուկները: «Պոգբայի ապագային մասին շատ է խոսվում, սակայն հնարավոր է, որ նա չհեռանա «Յուվենտուսից»: Նա չի շտապում հեռանալ, իսկ ակումբում ցանկանում են, որ ֆրանսիացին մնա:«Յուվենտուսը» ուզում է, որ Պոգբան երկարաձգի պայմանագիրը: Պոլը մտադիր չէ հեռանալ ակումբից առաջին իսկ հնարավորության դեպքում: Նա երջանիկ է «Յուվենտուսում»: Ակումբ, որը ձգտում է թիմում պահել իր աստղերին: Թուրինյան ակումբը  շատ լավ է վերաբերվում Պոլին: Ֆանտաստիկ ակումբ է, որը հավատում է Պոգբային»,-նշել է Ռայոլան: Հիշեցնենք՝ Ֆրանսիայի հավաքականի ֆուտբոլիստի ծառայություններով հետաքրքրված է «Մանչեսթեր Յունայթեդը», «Ռեալը»:
11.07.2016

«ՄՅՈՒ»-ն համաձայնության է հասել Ռայոլայի հետ Պոգբայի պայմանագրի հարցում

«Մանչեսթեր Յունայթեդը» մտադիր է հնարավորինս շուտ ավարտին հասցնել Պոլ Պոգբայի տեղափոխությունը: Ինչպես հաղորդում է Manchester Evening News-ը, «կարմիր սատանաները» արդեն համաձայնության են հասել ֆրանսիացու գործակալ Մինո Ռայոլայի հետ (տարեկան 13 մլն եվրո) և այժմ մնում է, որպեսզի Պոգբան վերջնական որոշում կայացնի: Ավելի վաղ հայտնի էր դարձել, որ անգլիական գրանդը պատրաստ է 110 մլն ֆունտ վճարել Պոգբայի տրանսֆերի դիմաց:
10.07.2016

«Ռեալը» հրաժարվել է Պոգբայի տրանսֆերը ձեռք բերելու մտքից

Մադրիդի «Ռեալը» հրաժարվել է Ֆրանսիայի ազգային հավաքականի ու «Յուվենտուսի» կիսապաշտպան Պոլ Պոգբայի տրանսֆերային իրավունքները ձեռք բերելու մտքից՝ հայտնում է Sky Sports-ը: Այս պահին միակ թիմը, որտեղ կարող է տեղափոխվել Պոգբան, «Մանչեսթեր Յունայթեդն» է: Գործարքի արժեքը գնահատվում է 120-125 միլիոն եվրո: Նշենք, որ «Յունայթեդը» պատրաստ է Պոգբային առաջարկել հնգամյա պայմանագիր շաբաթական 250 հազար ֆունտ աշխատավարձով:
09.07.2016

Տոտին վնասվածք է ստացել թիմի առաջին մարզման ժամանակ

«Ռոմայի» լեգենդ Ֆրանչեսկո Տոտին թիմի առաջին մարզման ժամանակ վնասվածք է ստացել: Ինչպես հաղորդում է Football Italia-ն, 40-ամյա իտալացին ազդրի մկանի վնասվածքի պատճառով ստիպված է եղել մարզվել մարզասրահում: Առաջիկա օրերին պարզ կդառնա վնասվածքի լրջությունը:
09.07.2016

Պեպե Ռեյնան 14 տարի անց կարող է վերադառնալ իսպանական գրանդ

Ինչպես տեղեկացնում է fichajes.net-ը, «Նապոլիի»  դարպասապահ Պեպե Ռեյնան կարող է տեղափոխվել «Բարսելոնա»: Կատալոնական ակումբը Ռեյնային տեսնում է որպես Մարկ Անդրե տեր Շտեգենի և Կլաուդիո Բրավոյի փոխարինող: Երկու ֆուտբոլիստները ցանկանում են ավելի շատ խաղային ժամանակ ունենալ: Նշենք, որ Բրավոն վերջին 2 մրցաշրջանում հանդես է գալիս Իսպանիայի առաջնությունում, իսկ տեր Շտեգենը՝ Իսպանիայի գավաթում և Չեմպիոնների լիգայում: 2 դարպասապահների ապագան կատալոնական գրանդի կազմում դեռ կասկածի տակ է: Պեպե Ռեյնան համարվում է «Բարսելոնայի»  ակադեմիայի սան, որի կազմում անցկացրել է 49 հանդիպում (2000-02):
09.07.2016

«Ռոմայի» նախկին ֆուտբոլիստը մահացել է մարզման ժամանակ ստացած վնասվածքից

Մահացել է իսպանական «Լինարեսի» ֆուտբոլիստ և թիմի ավագ Ֆրան Կառլեսը: Կառլեսը մարզման ժամանակ ազդրի վնասվածք է ստացել: Ֆուտբոլիստը այդքան էլ ուշադրություն չի դարձրել ստացած վնասվածքին և շարունակել է  մարզվել: Րոպեներ անց վերջինս ուշաթափվել է և տեղափոխվել հիվանդանոց: Կառլեսի մոտ հայտնաբերվել է մկանների պատռվածք, որի պատճառով նրա մոտ սկսվել է ներքին արյունահոսություն: Բժիշկները փորձել են վիրահատել ֆուտբոլիստին, սակայն նրանց չի հաջողվել փրկել 26-ամյա ֆուտբոլիստի կյանքը: Ավելացնենք, որ Ֆրան Կառլեսը նախկինում հանդես է եկել իտալական «Ռոմայի» կազմում:
09.07.2016

Բելգիայի ազգային հավաքականի առաջատարը տեղափոխվում է իտալական ակումբ

Բելգիայի ազգային հավաքականի և «Զենիթի» կիսապաշտպան Աքսել Վիտսելը կարիերան կշարունակի իտալական «Նապոլիի» կազմում: Ինչպես հաղորդում է Radio Kiss Kiss Napoli-ին, իտալական ակումբը համաձայնության է հասել «Զենիթի» հետ Վիտսելի տրանսֆերի հարցում: Բելգիացու տեղափոխությունը «Նապոլի» կկազմի 20 մլն եվրո:
09.07.2016

Բիելսան պատմել է, թե ինչու է լքել «Լացիոն» նշանակվելուց ընդամենը 2 օր հետո

Հայտնի մարզիչ Մարսելո Բիելսան հայտնել է, թե ինչու է լքել «Լացիոյի» գլխավոր մարզչի պատշոնը նշանակվելուց ընդամենը 2 օր անց: Մասնագետը հայտնում է, որ հռոմեական ակումբը խախտել է տրված խոստումները` կապված տրանսֆերների հետ: «Մենք ակումբի նախագահի հետ պայմանավորվել էինք, որ պետք է 4 նոր ձեռքբերում ունենանք մինչև հուլիսի 5-ը: Չորս շաբաթ շարունակ աշխատել էինք և 7 տրանսֆերային թիրախ ընտրել, սակայն դրանցից ոչ մեկը չի իրականացվել: Քանի որ մինչև մեր նշած ժամկետը ոչ մի տրանսֆեր չի իրականացվել, մենք նման որոշում կայացրեցինք, չնայած որ ակումբը մեր պայմանավորվածությանը հակառակ դրանից 2 օր առաջ հայտարարեց պայմանագրի կնքման մասին»,-ասել է Բիելսան: Լուրեր են շրջանառվում, որ Խերարդո Մարտինոյի հեռացումից հետո Բիելսան կարող է նշանակվել Արգենտինայի գլխավոր մարզչի պաշտոնում:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: