Իտալիա | Էջ - 103

30.05.2016

Հիգուաինը որոշել է ,թե որ ակումբում կշարունակի իր կարիերան

«Նապոլիի» հարձակվող Գոնսալու Հիգուաինը ցանկանում է տեղափոխվել «Լիվերպուլ», պնդում է Daily Mirror-ը: Բրիտանական լրատվամիջոցը հաղորդում է, որ 28-ամյա արգենտինացին ամառային տրանսֆերային պատուհանի ժամանակ կհեռանա իտալական ակումբից: Ա Սերիայի 2015/16 մրցաշրջանում Հիգուաինը անցկացրեց 35 հանդիպում և խփեց 36 գոլ ՝ դառնալով Իտալիայի առաջնության բոլոր ժամանակների լավագույն ռմբարկու:
30.05.2016

Իտալիա 1-0 Շոտլանդիա. Պելեի գոլը հաղթական էր

Ընկերական հանդիպում Իտալիա 1-0 Շոտլանդիա Գոլը՝ Գրացիանո Պելե 57՛ Չեզոք մարզադաշտ, Մալթա
29.05.2016

Դանի Ալվեսը համաձայնեցրել է պայմանագրի կետերը «Յուվենտուսի» հետ

Կատալոնական «Բարսելոնայի» պաշտպան Դանիել Ալվեսը մոտ է «Յուվենտուս» տեղափոխությանը՝ հայտնում է Football Italia-ն: Աղբյուրի տեղեկություններով՝ տրանսֆերն արդեն կայացած է: Ալվեսը «Յուվենտուսի» հետ կնքելու է 2-3 տարվա պայմանագիր՝ տարեկան 5 միլիոն եվրո աշխատավարձով: Նշվում է, որ տեղափոխությունը կայանալու է անվճար: Ալվեսն իտալական ակումբ է տեղափոխվելու ազատ գործակալի կարգավիճակով, քանի որ իրավունք ունի միակողմանի խզել պայմանագիրը «Բարսելոնայի» հետ: Ակնկալվում է, որ տրանսֆերը պաշտոնապես կհաստատվի առաջիկա օրերին: Թուրինյան ակումբը հետաքրքրված է նաև Խավյեր Մասկերանոյի ծառայություններով, որին պատրաստ է ավելի բարձր աշխատավարձ վճարել:
28.05.2016

Մասկերանո. «Հիմա «Բարսելոնայի» ֆուտբոլիստ եմ, բայց չգիտեմ՝ ինչ կլինի հետո»

Կատալոնական «Բարսելոնայի» կիսապաշտպան Խավյեր Մասկերանոն խոսել է իր՝ «Յուվենտուս» հնարավոր տեղափոխության մասին: «Դրանք խոսակցություններ են: Այս պահին ես «Բարսելոնայի» ֆուտբոլիստ եմ, բայց չգիտեմ՝ հետո ինչ կլինի: Ակումբում տեղյակ են, որ ես որոշ անձնական խնդիրներ ունեի»,- Football Italia-ն փոխանցում է արգենտինացու խոսքը: Նշվում է, որ կատալոնական ակումբը 20 միլիոն եվրո է պահանջում Մասկերանոյի տրանսֆերի համար, իսկ «Յուվենտուսն» այդքան գումար չի ուզում վճարել:
28.05.2016

«Ռոման» բանակցում է Կովաչիչի տրանսֆերի շուրջ

Հռոմի «Ռոման» ցանկանում է ձեռք բերել Մադրիդի «Ռեալի» կիսապաշտպան Մատեո Կովաչիչի տրանսֆերը՝ հայտնում է Football Italia-ն: Աղբյուրի տեղեկություններով՝ այսօր թիմերի ներկայացուցիչները հանդիպել են Միլանում, որտեղ «Ռեալը» պատրաստվում է Չեմպիոնների լիգայի եզրափակիչին: Նշվում է, որ Կովաչիչն ուզում է հեռանալ «արքայական» ակումբից, քանի որ խաղաժամանակ չի ստանում մադրիդցիների կազմում: Խորվաթ կիսապաշտպանի ծառայություններով հետաքրքրված է նաև «Միլանը»:
28.05.2016

Իբրահիմովիչը կարող է տեղափոխվել «Միլան»

«Պարի Սեն Ժերմենի» հարձակվող Զլատան Իբրահիմովիչի գործակալ Մինո Ռայոլան բանակցություններ է վարել «Միլանի»հետ: Ռայոլան հանդիպում է ունեցել ակումբի փոխնախագահ Ադրիանո Գալիանի հետ Իտալիայում, որում կողմերը քննարկել են շվեդ ֆուտբոլիստի հնարավոր տրանսֆերը միլանյան ակումբ: Իսկ Իբրահիմովիչը կհամաձայնվի վերադառնալ նախկին ակումբ, եթե նրա աշխատավարձը բարձրացվի մինչև 6 միլիոն եվրոյով:  
26.05.2016

Տեղի կունենա՞ Թոնի Կրոս – Պոլ Պոգբա փոխանակություն

Մադրիդի «Ռեալը» ցանկանում է ամռանը ձեռք բերել «Յուվենտուսի» ֆուտբոլիստ Պոլ Պոգբայի տրանսֆերային իրավունքները՝ հայտնում է fichajes.net-ը: Աղբյուրի տեղեկություններով՝ իսպանական ակումբը պատրաստ է 23-ամյա ֆրանսիացուն ձեռք բերելու համար թուրինյան ակումբին հատկացնել Թոնի Կրոսի իրավունքները: «Բարսելոնան» ու «Մանչեսթեր Յունայթեդը» ևս հետաքրքրված են Պոգբայի ծառայություններով, սակայն ավելի վաղ ֆրանսիացին հայտարարել է, որ ցանկանում է շարունակել ելույթները «Յուվենտուսում»:
26.05.2016

«Յուվենտուսը» արդեն փոխարինող է գտել Ալվարո Մորատային

«Յուվենտուսի» գործադիր տնօրեն Բեպե Մարոտան հայտարարել է, որ ամառային տրանսֆերային պատուհանի ժամանակ «Սասուոլոյի» ֆուտբոլիստ Դոմենիկո Բերարդին կտեղափոխվի թուրինյան ակումբ: «Բերարդին ՝ իսկական տաղանդ է, մենք բանավոր համաձայնություն ունենք «Սասուոլոյի» հետ: «Յուվենտուսը» իրավունք ունի հրաժարվելու նրա տրանսֆերից, սակայն մենք նրան կգնենք»,- ասել է Մարոտան: Ամենայն հավանականությամբ, Բերարդին «Յուվենտուսում» կփոխարինի Ալվարո Մորատային, ով կվերադառա «Ռեալ»:
26.05.2016

«Ռեալի» հարձակվող Խեսեն մոտ է իտալական գրանդ տեղափոխվելուն

Ամառային տրանսֆերային պատուհանի ժամանակ Մադրիդի «Ռեալի» հարձակվող Խեսեն կարող է փոխել ակումբային գրանցումը: Ըստ իտալական La Repubblica-ի, հռոմեական ակումբի ղեկավարները արդեն բանակցություններ են սկսել «Ռեալի» ներկայացուցիչների հետ: Խեսեին «Ռոմայում» ցանկանում է տեսնել անձամբ Լուչիանո Սպալետին, ով մտադիր է ամռանը ուժեղացնել իր թիմի հարձակման գիծը: Իտալական լրատվամիջոցը նաև նշում է, որ Խեսեի տրանսֆերը կարող է արժենալ մոտ 25 մլն եվրո:
26.05.2016

Մադրիդի «Ռեալի» նախկին ֆուտբոլիստը կարող է տեղափոխվել «Բարսելոնա»

Մանուել Գարսիա Կիլոնը, ով համարվում է «Նապոլիի» կիսապաշտպան Խոսե Կալյեխոնի գործակալը, իր հաճախորդի ծառայություններն առաջարկել է «Բարսելոնային»: Այս մասին գրում է իսպանական Sport պարբերականը: Իր հերթին, «Բարսելոնան» դեմ չէ ձեռք բերել Կալյեխոնի տրանսֆերը, սակայն կատալոնացիները պատրաստ են վճարել իսպանացու դիմաց 18 մլն եվրոյից ոչ ավել, այն դեպքում, երբ նեապոլիտանցիները պահանջում են 30 մլն: Հիշեցնենք, որ նախկինում Խոսե Կալյեխոնը հանդես է եկել Մադրիդի «Ռեալի» կազմում:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: