Հայաստանի ազգային հավաքական | Էջ - 8

22.03.2017

Հայ ֆուտբոլիստների՝ համացանցում հայտնված ամենահետաքրքիր լուսանկարները. Մաս 8-րդ (լուսանկարներ)

Գաղտնիք չէ, որ ֆուտբոլիստների համար ժամանցի ամենանախընտրելի և սիրելի վայրն այսօր հանդիսանում է համացանցը: Սոցիալական տարբեր կայքերում նրանք իրենց անձնական կյանքին առնչվող հրապարակումներով հաճախ կիսվում են երկրպագուների հետ: Այդ ամենից անմասն չեն նաև հայկական ֆուտբոլի ներկայացուցիչները: Մարտի 17-22-ին նրանց՝ Facebook և Instagram սոցիալական կայքերում հրապարակած ամենահետաքրքիր լուսանկարները և տեսանյութերը ներկայացնում ենք ձեր ուշադրությանը: Գևորգ Ղազարյան  Էդգար Մանուչարյան Գևորգ Կասպարով («Ալաշկերտ») Մարկոս Պիզելի 
22.03.2017

Էդգար Մանուչարյան. «Միշտ շատ մեծ ուրախությամբ եմ գալիս հավաքական»

Հայաստանի հավաքականի հարձակվող Էդգար Մանուչարյանը հարցազրույց է տվել ՀՖՖ պաշտոնական կայքին և ներկայացրել իր սպասելիքները Ղազախստանի ընտրանու հետ ընտրական առաջիկա հանդիպման վերաբերյալ: -Էդգար, Ղազախստանը պետք է որ առանձնահատուկ մրցակից լինի քեզ համար, քանի որ 13 տարի առաջ հենց նրանց դեմ խաղում ես նշել նորամուտդ Հայաստանի ազգային հավաքականում: Ի՞նչ հիշողություններ ունես այդ խաղից: -Այդ ժամանակ շատ երիտասարդ էի՝ ընդամենը 17 տարեկան, և շատ բաներ արդեն ջնջվել են հիշողությունիցս, բայց որոշ դրվագներ, իհարկե, հիշում եմ: Մինչ այդ խաղացել էի բոլոր տարիքային հավաքականներում, բայց ազգային հավաքականում խաղալն այլ պատասխանատվություն էր ու նաև մեծ պատիվ: Բավականին հետաքրքիր խաղ էր, որն ավարտվեց 3:3 հաշվով:  - Ի՞նչ զգացողություններ ունես կրկին հավաքական հրավիրվելու կապակցությամբ:  -Միշտ շատ մեծ ուրախությամբ եմ գալիս հավաքական: Կարոտել եմ խաղընկերներիս և այն մթնոլորտը, որ տիրում է հավաքականի խաղերի ժամանակ:  -Ի՞նչ սպասելիքներ ունես առաջիկա խաղից:  -Չեռնոգորիայի հետ խաղում տղաներն իսկական հրաշք գործեցին՝ խաղի վերջին վայրկյաններին կորզելով հաղթանակը: Հիմա պարտավոր ենք շարունակել այն, ինչ սկսել ենք այդ խաղի ժամանակ: Որքան էլ որ Ղազախստանի հավաքականի բավականին ուժեղ թիմ է, եթե մենք ցանկանում ենք դուրս գալ Աշխարհի առաջնուփյան եզրափակիչ փուլ, մենք պարտավոր ենք հաղթել և կրկին ուրախացնել մեր երկրպագուներին:
22.03.2017

Հենրիխ Մխիթարյանը Հայաստանի լավագույն ֆուտբոլիստի մրցանակը կստանա մարտի 24-ին

Ինչպես հայտնի է, Հայաստանի 2016 թ. լավագույն ֆուտբոլիստ է ճանաչվել Հենրիխ Մխիթարյանը, երկրորդ տեղում Գևորգ Ղազարյանն է, երրորդ տեղում՝ Մարկոս Պիզելլին: Հայաստանի 2016 թ. լավագույն մարզիչ է ճանաչվել Վարդան Բիչախչյանը: Իրենց ակումբներում զբաղվածության պատճառով ֆուտբոլիստները մինչ օրս չէին կարողացել ժամանել Հայաստան՝ ստանալու իրենց մրցանակները: Այժմ նրանք բոլորն էլ գտնվում են Հայաստանի ազգային հավաքականի ճամբարում: Ինչպես հաղորդում է ՀՖՖ պաշտոնական կայքը, լավագույն ֆուտբոլիստի և մարզչի մրցանակների հանձնման արարողությունը կկայանա մարտի 24-ին՝ ժամը 11:00-ին՝ ՀՖՖ Տեխնիկական կենտրոն/Ֆուտբոլի ակադեմիայում: Միջոցառմանը կարող են ներկա գտնվել միայն Հայաստան-Ղազախստան հանդիպմանը հավատարմագրված լրագրողները՝ ներկայացնելով Հայաստան-Ղազախստան հանդիպման հավատարմագրերը: ՀՖՖ Մամուլի քարտուղարությունը խնդրում է ներկայանալ միջոցառման մեկնարկից առնվազն 10 րոպե առաջ:
22.03.2017

Մարկոս Պիզելիի հայերեն կոչը երկրպագուներին (տեսանյութ)

Հայաստանի հավաքականի կիսապաշտպան Մարկոս Պիզելին կոչով դիմել է հայ երկրպագուներին.  
22.03.2017

Հայաստանի ազգային հավաքականը շարունակում է նախատապատրաստվել Ղազախստանի ընտրանու դեմ խաղին (տեսանյութ)

21.03.2017

Հենրիխ Մխիթարյանը մասնակցել է Հայաստանի հավաքականի այսօրվա մարզմանը (լուսանկար)

Ինչպես հայտնի է, Հայաստանի ազգային հավաքականը նախապատրաստվում է Ղազախստանի ընտրանու հետ ընտրական հանդիպմանը, որը կայանալու է մարտի 26-ին: Ընտրանու ճամբարում է նաև հավաքականի ավագ Հենրիխ Մխիթարյանը, ով այսօր է միացել թիմակիցներին: Նա մասնակցել է Արթուր Պետրոսյանի գլխավորած հավաքականի այսօրվա մարզմանը: Ինչպես հաղորդում է ՀՖՖ պաշտոնական կայքը, մարզմանը մասնակցել են 22 ֆուտբոլիստներ։ Արտյոմ Սիմոնյանը դեռ չի ժամանել հավաքականի ճամբար, իսկ Արթուր Քարտաշյանը բաց է թողել մարզումը վնասվածքի պատճառով։ Նախավարժանքից հետո ֆուտբոլիստները աշխատել են հարձակման գծում գոլային պահերի իրացման վրա՝ շեշտը դնելով մեկը մեկի և երկուսը երկուսի դեմ խաղի վրա։ Դրանից հետո մշակվել են ստանդարտ իրավիճակների խաղարկումներ, իսկ մարզումն ավարտվել է երկկողմանի խաղով։ Ավելի վաղ կային տեղեկություններ, թե Հենրիխ Մխիթարյանն իբր վնասվածք ունի, քանի որ բաց էր թողել «Մանչեսթեր Յունայթեդի» վերջին հանդիպումը, որում մանկունյական թիմը պարտության էր մատնել «Միդլսբրոյին» (3-1):
20.03.2017

Հենրիխ Մխիթարյանը, Գևորգ Ղազարյանը, Մարկոս Պիզելին և այլ ֆուտբոլիստներ հավաքականին կմիանան վաղը

Ինչպես տեղեկացնում է Հայաստանի ֆուտբոլի ֆեդերացիայի պաշտոնական էջը, մարտի 20-ին Հայաստանի ազգային հավաքականն սկսել է  նախապատրաստությունը մարտի 26-ին կայանալիք Հայաստան-Ղազախստան հանդիպմանը: Այսօր կայացած վերականգնողական թեթև մարզմանը մասնակցել են 16 ֆուտբոլիստ: Մյուս ֆուտբոլիստները՝ Կամո Հովհաննիսյանը, Ռուսլան Կորյանն ու Արթուր Սարկիսովը, հավաքականին կմիանան այսօր երեկոյան, Տարոն Ոսկանյանը, Հենրիխ Մխիթարյանը, Գևորգ Ղազարյանը, Մարկոս Պիզելլին՝ մարտի 21-ին, իսկ Արտյոմ Սիմոնյանը՝ մարտի 22-ին: http://www.vivaronews.am/arthur-petrosyaneh-hraparakec-azgayin-havakhakani-verjnakan-haytacucakeh
20.03.2017

Հեռու մնալով արկածներից. Ինչո՞ւ է պետք Հայաստանի հավաքականի դարպասը վստահել Արսեն Բեգլարյանին

2018 թվականի աշխարհի առաջնության ընտրական փուլի՝ Հայաստան - Ղազախստան հանդիպումը սարերի հետևում չէ: Գլխավոր մարզիչ Արթուր Պետրոսյանի կողմից ընտրանի հրավիրված բոլոր ֆուտբոլիստներն արդեն առաջիկա օրերին կլինեն նրա տրամադրության տակ: Ուշագրավ է, որ Հայաստանի հավաքականի հայտացուցակում միայն դարպասապահի դիրքն է, որտեղ հրավիրված բոլոր ֆուտբոլիստները ներկայացնում են ներքին առաջնությունը: Արդեն այսօր քննարկման առիթ է հանդիսանում այն հարցը, թե ո՞վ պետք է պաշտպանի հավաքականի դարպասն առաջիկա խաղում: Ընտրական նախորդ հանդիպումներում այդ պարտականությունը կատարել է Արսեն Բեգլարյանը, սակայն նա վերջին մեկ-երկու խաղերում այդքան էլ վստահ տպավորություն չի թողել, ինչը ստիպել է մտածել նաև Անատոլի Այվազովի և Գրիգոր Մելիքսեթյանի թեկնածությունների մասին: Եթե 30-ամյա Մելիքսեթյանը հիմնականում դիտարկվում է որպես պահեստային դարպասապահ, ապա ֆուտբոլասերների մի զանգված կարծում է, որ 20-ամյա Այվազովին վերջապես հնարավորություն տալու ժամանակն է: Այդուհանդերձ, VivaroNews.am-ը ներկայացնում է երեք պատճառ, թե ինչո՞ւ է պետք ղազախների հետ խաղում վստահել 24-ամյա Բեգլարյանին: Փորձարկումների ժամանակը չէ Ճիշտ է, Այվազովը չափազանց խոստումնալից դարպասապահ է, նա իրեն հաջող է դրսևորել թե՛ երիտասարդական հավաքականում, թե՛ «Շիրակում»: Չպետք է մոռանալ, որ մեծամասամբ հենց նրա վստահ խաղի շնորհիվ էր Գյումրիի թիմը Բարձրագույն խմբի առաջնության աշնանային հատվածից հետո ընթանում առաջին տեղում և ուներ ամենաամուր պաշտպանությունը: Սակայն, դարպասապահն ազգային հավաքականում դեռ ոչ մի խաղ չի անցկացրել և նրան նորամուտի հնարավորություն տալ միանգամից պաշտոնական խաղում, այդքան էլ տրամաբանական չէ: Արթուր Պետրոսյանը լավ է գիտակցում, որ Մոնտենեգրոյի հավաքականի նկատմամբ հաղթանակից հետո (3-2) պետք է ապացուցել, որ այդ հաջողությունը պատահականություն չէր: Արսեն Բեգլարյանն արդեն բավականաչափ փորձ է կուտակել հավաքականում և թիմակիցների հետ փոխըմբռնման խնդիր այլևս չունի: Այվազովին կարելի է փորձարկել ընկերական հանդիպումներից որևէ մեկում և ապա մտածել սկզբունքային խաղերում հնարավորություն տալու մասին: Բեգլարյանն արժանի է ևս մեկ հնարավորության  «Ալաշկերտի» դարպասապահի հասցեին քննադատութունն ավելի մեծ թափ չստացավ, քանի որ հավաքականը գերդրամատիկ հաղթանակ տոնեց Մոնտենեգրոյի ընտրանու նկատմամբ, և դա շեղեց ուշադրությունն առկա խնդիրներին: Այն, որ Բեգլարյանն ամենևին բարձունքում չէր այդ մրցավեճում, անզեն աչքով էլ տեսանելի էր: Գուցե խաղի լարվածությունից էր, որ ֆուտբոլիստը որոշ դրվագներում անհարկի շտապողականություն էր դրսևորում կամ ոչ ճիշտ պահին դուրս գալիս դարպասային հրապարակից: Միաժամանակ, և՛ ռումինների, թե՛ չեռնոգորցիների հետ խաղերում անհաջող է գործել ամբողջ պաշտպանությունը, և ոչ թե միայն Բեգլարյանը: Սիրուց ատելություն մեկ քայլ է: Դանիայի հավաքականի հետ հանդիպումից հետո (0-1) նրան բոլորը «երկինք էին բարձրացնում»՝ նշելով, որ Հայաստանի հավաքականն առաջիկա առնվազն 5-10 տարիներին դարպասապահի խնդիր չի ունենա: Եթե նա ունակ է նման կարևորության խաղում այդպիսի ֆուտբոլ ցուցադրելու (բազմաթիվ սեյվեր, հետ մղած 11-մետրանոց), ապա մեկ-երկու ոչ գերազանց մրցավեճերից հետո պետք է «թաղե՞լ» նրան: Առնվազն ևս մեկ հանդիպումից հետո Բեգլարյանի հեռանկարներն ավելի հստակ կլինեն: Ակումբային գործերը հիանալի են ընթանում՝ ի տարբերություն Այվազովի  Եթե Հայաստանի առաջնության աշնանային հատվածում Բեգլարյանն «Ալաշկերտի» դարպասը փոխնիփոխ պաշտպանում էր Գևորգ Կասպարովի հետ, ապա երկրորդ հատվածում կայացած երեք խաղերում միայն նա է եղել հիմնական կազմում: Դա այն դեպքում, որ գլխավոր մարզիչ Արամ Ոսկանյանն ավելի վաղ նշել էր՝ թիմում լինելու է մեկ հիմնական դարպասապահ: Այսինքն, Բեգլարյանն առայժմ հաղթում է այնպիսի փորձառու դարպասապահի հետ մրցակցությունում, ինչպիսին Գևորգ Կասպարովն է: «Ալաշկերտը» մեկնարկային խաղերում ընդամենը մեկ գնդակ է բաց թողել, իսկ Բեգլարյանն էլ, չհաշված որոշ թեթև սխալները, վստահ խաղով է աչքի ընկել: Իսկ ահա Այվազովի «Շիրակի» գործերը մեղմ ասած հաջող չեն ընթանում: Կուռ պաշտպանությամբ հայտնի թիմը մեկնարկային երեք խաղերում արդեն 5 գոլ է բաց թողել: Ճիշտ է, եթե չլիներ Այվազովը, ապա գյումրեցիները շատ ավելի հաճախ գնդակը դուրս կբերեին սեփական դարպասից: Երկու անընդմեջ պարտությունները հոգեբանական ազդեցություն չեն կարող չթողնել դարպասապահի վրա, ինչը կբերի նաև վստահության որոշակի պակասի: Հ.Գ. Շատ հաճելի է, որ Ռոման Բերեզովսկու հեռանալուց հետո կարող ենք հույսեր կապել այսպիսի հեռանկարային դարպասապահների հետ և քննարկել, թե ո՞վ է ավելի արժանի տեղ գրավելու հավաքականի դարպասում: Ընդգծենք, որ Գրիգոր Մելիքսեթյանն էլ հիանալի մարզավիճակում է միացել ընտրանուն: Ընտրությունն արդեն Արթուր Պետրոսյանինն է, ով ներկա է եղել առաջնության գրեթե բոլոր հանդիպումներին և քաջ ծանոթ է թեկնածուների կարողություններին:
17.03.2017

Շահեք Հայաստան- Ղազախստան խաղի տոմսեր՝ մասնակցելով Վիվառոյի կետերում անցկացվող ակցիային

Ֆուտբոլի երկրպագուներն անհամբերությամբ են սպասում Հայաստանի հավաքականի հերթական խաղին, որը տեղի կունենա մարտի-26-ին՝ ժամը 20:00-ին՝ Վազգեն Սարգսյանի անվան «Հանրապետական» մարզադաշտում: Աշխարհի 2018 թ. առաջնության ընտրական փուլի շրջանակում հայ ֆուտբոլիստները կմրցեն Ղազախստանի հավաքականի հետ: Վերջին հաղթանակից հետո մեր ազգային թիմը ամեն գնով աշխատելու է կրկին պատվով հաղթահարել հերթական արգելքը: Շատ կրևոր է մեր տղաներին հենց մարզադաշտում աջակցել: Այդպիսի հնարավորություն ընձեռում է Վիվառոն, որն այդ առիթով բեթ-շոփերում անցկացնում է ակցիա, որի արդյունքում հաղթողները կպարգևատրվեն խաղի տոմսերով: Ինչ պետք է անել ակցիայի մասնակցելու համար: Կատարել էքսպրես խաղադրույք, որի իրադարձությունների մեջ պետք է լինի խաղադրույք Հայաստան-Ղազախստան խաղի վրա: Խաղարկությանը մասնակցում են 10.000 դրամ և ավելի գումարով կատարված էքսպրես խաղադրույքները: Ակցիայի գործում է այն խաղադրույքների համար, որոնք կատարվել են 20.03.2017-ից մինչև 24.03.2017-ին ժամը 19:00: Ակցիան անցկացվում է Վիվառոյի հետևյալ կետերում. - «Երևան» տոնավաճառ - Արամի 42/1 Նավավար - Տերյան 8 - Տիգրան Մեծ 2 Հաղթող կճանաչվեն նշված յուրաքանչյուր 4 կետում կատարված այն 3 էքսպրես խաղադրույքները, որոնց գործակիցները կլինեն ամենաբարձրը տվյալ կետում: 10,000 դրամ և ավելի խաղադրույք կատարողները պետք է նույն կետում թողնեն կոնտակտային տվյալներ: Վիվառոյի նշված 4 կետերում հաղթող ճանաչված 3-ական մասնակիցները կստանան Հայաստան – Ղազախստան հանդիպման երկուական տոմս: Հավատացեք մեր թիմին և աջակցեք նրան հենց մարզադաշտում:
17.03.2017

Արթուր Պետրոսյանը հրապարակեց ազգային հավաքականի վերջնական հայտացուցակը

Մարտի-26-ին՝ ժամը 20:00-ին՝ Վազգեն Սարգսյանի անվան «Հանրապետական» մարզադաշտում, կկայանա Աշխարհի 2018 թ. առաջնության ընտրական փուլի Հայաստան-Ղազախստան հանդիպումը: Նախապատրաստվելով այդ հանդիպմանը՝ Հայաստանի ազգային հավաքականը մարտի 20-ից 26-ը կանցկացնի մարզական հավաք ՀՖՖ Տեխնիկական կենտրոն/Ֆուտբոլի ակադեմիայում: Հայաստանի ազգային հավաքականի գլխավոր մարզիչ Արթուր Պետրոսյանն արդեն հրապարակել էր Հայաստանի ազգային հավաքականի՝ արտերկրում հանդես եկող ֆուտբոլիստների անունները, որոնք ստացել էին նախապատրաստական հավաքին մասնակցելու հրավեր: Այսօր Արթուր Պետրոսյանը հրապարակել է Հայաստանի առաջնությունում հանդես եկող 6 ֆուտբոլիստների անունները, որոնք ևս կմիանան ազգային հավաքականին, հաղորդում է ՀՖՖ պաշտոնական կայքը: Դարպասապահներ Արսեն Բեգլարյան «Ալաշկերտ» Անատոլի Այվազով «Շիրակ» Գրիգոր Մելիքսեթյան «Գանձասար-Կապան» Պաշտպաններ Լևոն Հայրապետյան, «Փայքան» (Իրան) Հրայր Մկոյան, «Էսթեղլալ» (Իրան) Վարազդատ Հարոյան, «Փադիդե» (Իրան) Տարոն Ոսկանյան, «Կարմիոտիսա» (Կիպրոս) Հովհաննես Համբարձումյան «Վարդար» (ՆՀՀ Մակեդոնիա) Կամո Հովհաննիսյան «Տորպեդո-Բելազ» (Բելառուս) Գաել Անդոնյան «Վերիա» (Հունաստան) Արթուր Քարտաշյան «Փյունիկ» Կիսապաշտպաններ Գոռ Մալաքյան, «Ստալ» (Ուկրաինա) Էդգար Մալաքյան «Ստալ» (Ուկրաինա) Հենրիխ Մխիթարյան, «Մանչեսթեր Յունայթեդ» (Անգլիա) Մարկոս Պիզզելլի, «Քսանտի» (Հունաստան) Արաս Օզբիլիս, «Բեշիքթաշ» (Թուրքիա) Գևորգ Ղազարյան «Մարիտիմու» (Պորտուգալիա) Տիգրան Բարսեղյան «Վարդար» (ՆՀՀ Մակեդոնիա) Արտյոմ Սիմոնյան «Լե Մոն» (Շվեյցարիա) Արտակ Գրիգորյան «Ալաշկերտ» Արտակ Եդիգարյան «Ալաշկերտ» Հարձակվողներ Արթուր Սարկիսով «Ենիսեյ» (Ռուսաստան) Ռուսլան Կորյան «ԲՄԱ-Խաբարովսկ» (Ռուսաստան) Էդգար Մանուչարյան «Ուրալ» (Ռուսաստան) Ավելացնենք, որ Ռուսլան Կորյանն ու Արթուր Սարկիսովը հավաքականին կմիանան մարտի 20-ի երեկոյան, Տարոն Ոսկանյանը, Հենրիխ Մխիթարյանը, Գևորգ Ղազարյանը, Մարկոս Պիզելլին և Արաս Օզբիլիսը՝ մարտի 21-ին, իսկ Արտյոմ Սիմոնյանը՝ մարտի 22-ին:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: