Հայաստանի ազգային հավաքական | Էջ - 7

12.11.2016

Շալանդ. «Արթուր Պետրոսյանը շատ բան կարող է տալ այս թիմին »

Չեռնոգորիայի հավաքականի դեմ տարած Հայաստանի ընտրանու փառահեղ հաղթանակից հետո մեր հավաքականի նախկին գլխավոր մարզիչ Բեռնարդ Շալանդը պատասխանեց Vivaronews.am-ի լրագրողի հարցերին: Ի՞նչ կասեք Հայաստանի Հավաքականի այսօրվա ցուցադրած խաղի մասին: -Ես շատ ուրախ եմ Հայաստանի ազգային հավաքականի և Արթուր Պետրոսյանի համար: 2-րդ խաղակեսը շատ լավ անցկացրեցին, թիմը ցույց տվեց մարտական ոգի, իհարկե, դա հեշտ չէր անել 2-0 հաշվի ժամանակ, բայց հայ ժողովրդի մարտական ոգին օգնեց թիմին և շնորհավորում ենք բոլոր ֆուտբոլիստներին: Մոտ 2 տարի է, ինչ լքել եք Հավաքականի գլխավոր մարզչի պաշտոնը: Ի՞նչ դրական փոփոխություններ նկատեցիք թիմում: -Կարծում եմ, որ թիմը լավ սկսեց, բայց առաջին կեսի ավարտին ամեն ինչ փոխվեց: Բայց ի վերջո խաղավերջին հավաքականը սկսեց պայքարել և տիրել գնդակին: Շնորհավորում եմ մարզչին, որը մեծ աշխատանք է տարել: Ո՞ր ֆուտբոլիստի խաղը Ձեզ ամենաշատը տպավորեց: -Սա թիմի հաղթանակն է: Ղազարյանը մեծ աշխատանք կատարեց: Արթուր Պետրոսյանը Ձեր օգնականն էր հավաքականում աշխատելու տարիներին: Աճե՞լ է նա որպես մարզիչ: -Երկար տարիներ է, ինչ Արթուրին ճանաչում եմ, նա հիանալի մարզիչ է և դրանում կասկած չի կարող լինել:  Նա կարող է շատ բան տալ այս թիմին: Հայաստանի հավաքականը դեռ կարո՞ղ է պայքարել Աշխարհի առաջնության ուղեգրի համար: -Այո՛, դեռ հնարավորություն կա: Ճիշտ է՝ դա հեշտ խնդիր չէ: Բայց եթե թիմը այսպիսի կամային ֆուտբոլ ցուցադրի, կկարողանա Աշխարհի առաջնության ուղեգիր նվաճել:
12.11.2016

Ռուսլան Կորյան. «Չի կարելի հանձնվել, որովհետև խաղում ենք հայրենիքի համար»

Հայաստանի հավաքականի հարձակվող Ռուսլան Կորյանը Չեռնոգորիայի դեմ խաղից հետո պատասխանեց VivaroNews.am-ի թղթակցի հարցերին. - Ի՞նչ տպավորություններ ունեք խաղից: - Շնորհավորում եմ բոլորիս: Ինչպիսի տպավորություններ կարող է լինել նման խաղից հետո: Կարծես առաջին կեսում լավ էինք սկսել, բայց ինքներս մեզ մի քանի գոլ բերեցինք: Լավ է, որ չհանձնվեցինք ու խաղը հետ բերեցինք: - Ի՞նչ էիք մտածում 0-2 հաշվից հետո: - Չի կարելի հանձնվել: Չի կարելի, որովհետև մենք խաղում ենք մեր հայրենիքի համար, մարդիկ գալիս են, ողջ սրտով երկրպագում, ուստի մենք չէինք կարող մեզ թույլ տալ հանձնվել: - Իսկ ինչ ասեց մարզիչը առաջին կեսից հետո: - Նույնն էլ նա ասեց: Որ չպետք է գլուխներս կախենք, պետք է աշխատենք, ու արդյունքը կգա: Իհարկե, բախտերս էլ բերեց, բայց այս ամենը պետք էր վաստակել: - Ի՞նչպես եղավ, որ թիմը այդպես կերպարանափոխվեց: - Մենք աստիճանաբար կայանում ենք որպես թիմ, խաղակցվում ենք: Սա, ընդհանրապես, իմ առաջին խաղն էր մեկնարկային կազմում: - Ի՞նչ է տալիս Հենրիխ Մխիթարյանի ներկայությունը թիմում: - Կարճ ասեմ՝ Հենրիխը մեր թիմի ամեն ինչն է: Նա թե պահեր է ստեղծում, թե պահում է խաղը:
12.11.2016

Հասարակության և հայտնի մարդկանց արձագանքը Հայաստանի հավաքականի ֆանտաստիկ հաղթանակին (թարմացվող)

Հայաստանի ազգային հավաքականը «Հանրապետական» մարզադաշտում փառահեղ հաղթանակ տարավ Չեռնոգորիայի հավաքականի նկատմամբ: Երկու գնդակի տարբերությամբ առաջին խաղակեսից հետո պարտվելուց հետո մեր տղաները կարողացան ոչ միայն վերականգնել հաշվի հավասարակշռությունը, այլև ավելացված ժամանակում գոլի հեղինակ դառնալ ու հաղթել այս խաղում, որը Հայաստանի հավաքականի գլխավոր մարզիչ Արթուր Պետրոսյանի համար առաջին դիմակայությունն էր պաշտոնին նշանակվելուց հետո: Ստորև ներկայացնում ենք հայտնի մարդկանց, ինչպես նաև հանրության արձագանքը Հայաստանի հավաքականի հաղթանակին: Արաս Օզբիլիս. «Հիանալի աշխատանք էր, տղաներ: Գեղեցիկ հաղթանակ վերջին րոպեին»: Արսեն Վարդանյան Շիրակի Բազե. «Լեննականցիք օր կսեն՝ Գլուխ ունինք` կգովանք, Հրայր Մկոյանի՝ գլխով գնդակի հեռացման մասին կսեն, թե չէ բդի կրվեինք»։ Մխիթարյան. «Շատ ուրախ եմ և հպարտ այսօրվա հաղթանակի համար: Մենք զիջում էինք, սակայն պայքարից դուրս չէինք: Հիասքանչ ոգի ու շատ կարևոր 3 միավոր նոր մարզչի գլխավորությամբ»:
12.11.2016

Մխիթարյան. «Հանդերձարանը ցնծում էր, ձայնիցս էլ կարող եք նկատել, թե ինչքան ենք ուրախացել»

Աշխարհի առաջնության ընտրական փուլի Չեռնոգորիայի հավաքականի դեմ տարած հաղթանակից հետո (3-2) Հենրիխ Մխիթարյանը պատասխանեց լրագրողների հարցերին: - Ի՞նչ տպավորություններ ունեք այսօրվա խաղից: -Կարող եմ ասել, որ ֆանտաստիկ հանդիպում ստացվեց: Կարծում եմ, որ բոլորդ էլ չէիք սպասում, որ 2-0 հաշվով պարտվելուց հետո կարող ենք 3-2 հաղթել: Բայց մենք հավատում էինք դրան և մեր մեջ ուժ գտանք ու կարողացանք 2-րդ խաղակեսին հետ բերել ամեն ինչ: - Դուք և մարզիչը ի՞նչ խոսակցություն ունեցաք ֆուտբոլիստների հետ առաջին խաղակեսից հետո: -Դե պարզ է, որ ցանկանում էինք սխալները ուղղել: Փորձեցինք բարելավել առաջին խաղակեսի մերը խաղը: Կարծում եմ, որ ինքներդ էլ նկատեցիք 2-րդ խաղակեսի խաղը: - Մոտ 2 ամիս խաղաժամանակ չստանալուց հետո Ձեզ համար ֆիզիկապես դժվա՞ր էր խաղադաշտում 90 րոպե անցկացնել: -Ֆիզիկապես դժվար էր, բայց կարևորը ցանկություն ունեի, մինչև վերջ փորձում էի պայքարել, որովհետև չէի կարող թիմին ճանապարհի կեսից թողնել ու մտածել, որ ամեն ինչ կորած է և հույս չկա,  փորձում էի հնարավորինս ամեն ինչով օգնել թիմին: - Ի՞նչ էր կատարվում հանդերձարանում այս հաղթանակից հետո: -Հանդերձարանը ցնծում էր (ժպտում է-խմբ): Ձայնիցս էլ կարող եք նկատել, թե ինչքան ենք ուրախացել: 3 տարի հաղթանակ չենք տարել պաշտոնական խաղերում: Այդ հաղթանակը շատ կարևոր էր մեզ համար այս ընտրական փուլում: - Արթուր Պետրոսյանը ի՞նչ տվեց մեր հավաքականին, որը օգնեց այսպիսի հաղթանակ տոնել: -Կարծում եմ, որ 4-5 օրում կարողացավ շատ մեծ աշխատանք տանել, չնայած, որ շատ դժվար էր: Բայց նա արեց դա, հույս ունեմ, որ մյուս ընտրական փուլերի հանդիպումներից առաջ ավելի լավ կպատրաստվենք:
12.11.2016

Գևորգ Ղազարյան. «Արթուր Պետրոսյանը թիմին հավատ հաղորդեց»

Չեռնոգորիայի հավաքականի նկատմամբ 3-2 հաշվով կամային հաղթանակից հետո վերջին գոլի հեղինակ Գևորգ Ղազարյանը պատասխանեց VivaroNews.am-ի թղթակցի հարցերին. - Ինչպիսի՞ տպավորություններ ունեք խաղից, որում հաղթական գնդակը խփեցիք: - Տպավորությունները շատ դրական են, որովհետև դրական արդյունք գրանցեցինք: Շատ ուրախ եմ, որ հաղթական գոլը խփեցի, բայց պետք է նշեմ, որ ողջ թիմը նվիրվեց այս արդյունքի համար, բոլորը հավասարաչափ իրենց լուման ներդրեցին այս հաղթանակի մեջ: - Ի՞նչ էիք մտածում հարվածը կատարելուց առաջ: - Հարվածը պատահական չէր, մինչև վերջին վայրկյանը թիմը հավատում էր: Արդյունքը համապատասխանում է խաղին, ու մեր նվիրվածությունը արդարացվեց: - Ի՞նչ հաղորդեց թիմին Արթուր Պետրոսյանն այսքան կարճ ժամանակահատվածում: - Առաջին բանը որ կասեմ` շատ բարձր տրամադրություն ու դրական էմոցիաներ հաղորդեց թիմին, հաղորդեց հավատ, որ մենք կարող ենք հաղթել ու շատ լավ ֆուտբոլ խաղալ: Դա առաջին բանն էր, որ պետք էր հավաքականին:
11.11.2016

Վարազդատ Հարոյանը հավասարեցնում է հաշիվը (տեսանյութ)

ԱԱ 2018-ի որակավորման մրցաշար, E խումբ, 4-րդ տուր «Հանրապետական» մարզադաշտ, Երևան Մեկնարկը՝ 21:00 Հայաստան – Չեռնոգորիա Գոլեր`0-1` Կոյաշևիչ 36, 0-2` Յովետիչ 38′, 1-2` Արտակ Գրիգորյան 50′, 2-2` Վարազդատ Հարոյան 74'
11.11.2016

Արտակ Գրիգորյանի գոլը` Չեռնոգորիայի դարպասը (տեսանյութ)

ԱԱ 2018-ի որակավորման մրցաշար, E խումբ, 4-րդ տուր «Հանրապետական» մարզադաշտ, Երևան Մեկնարկը՝ 21:00 Հայաստան – Չեռնոգորիա Գոլեր`0-1` Կոյաշևիչ 36, 0-2` Յովետիչ 38′, 1-2` Արտակ Գրիգորյան 50'
11.11.2016

Չեռնոգորիայի հավաքականի 2 գոլերը` Հայաստանի դարպասը (տեսանյութեր)

ԱԱ 2018-ի որակավորման մրցաշար, E խումբ, 4-րդ տուր «Հանրապետական» մարզադաշտ, Երևան Մեկնարկը՝ 21:00 Հայաստան – Չեռնոգորիա Գոլեր`0-1` Կոյաշևիչ 36, 0-2` Յովետիչ 38'
11.11.2016

Գոլ Մալաքյանի վիճելի դրվագը, որի համար ֆուտբոլիստը զգուշացվեց (տեսանյութ)

Աշխարհի առաջնության որակավորման փուլի Հայաստան - Չեռնոգորիա խաղում Գոռ Մալաքյանը զգուշացվեց մրցակցի տուգանային հրապարակում սիմուլյացիայի դիմելու համար: Ներկայացնում ենք դրվագի տեսագրությունը.
11.11.2016

Հայաստան – Չեռնոգորիա. Ուղիղ եթեր, մեկնարկային կազմեր

ԱԱ 2018-ի որակավորման մրցաշար, E խումբ, 4-րդ տուր Հայաստան - Չեռնոգորիա Մեկնարկը՝ 21:00 Ուղիղ հեռարձակումը՝ խաղից 1-2 րոպե առաջ «Հանրապետական» մարզադաշտ, Երևան Հայաստանի հավաքականի մեկնարկային կազմը՝ 1. Արսեն Բեգլարյան 3. Վարազդատ Հարոյան 4. Տարոն Ոսկանյան 5. Գոռ Մալաքյան 8. Մարկոս Պիզելլի 9. Ռուսլան Կորյան 10. Գևորգ Ղազարյան 14. Արտակ Գրիգորյան 15. Հրայր Մկոյան 18. Հենրիխ Մխիթարյան (ա) 20. Լևոն Հայրապետյան Պահեստայիններ՝ 12. Գրիգոր Մելիքսեթյան 23. Անատոլի Այվազով 2. Արթուր Քարտաշյան 6. Վարդան Պողոսյան 7. Գեղամ Ղադիմյան 11. Արթուր Սարկիսով 13. Կամո Հովհաննիսյան 16. Դավիթ Հակոբյան 17. Արտակ Եդիգարյան 19. Կարեն Մուրադյան 21. Սերոբ Գրիգորյան 22. Էդգար Մալաքյան Չեռնոգորիայի հավաքականի մեկնարկային կազմը՝ Բոժովիչ, Վուկչևիչ, Բաշա, Բեշովիչ, Յովետիչ, Բեչիրայ, Սավիչ, Կոյաշևիչ, Շչեյկիչ, Ստոյկովիչ, Մարուշիչ
ԹԵԺ ԵՎ ԲԱՑԱՌԻԿ

Vivaro News

Հասցե - Գետառի 4/17 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: