Հայաստանի ազգային հավաքական | Էջ - 6

26.03.2017

Հայաստան – Ղազախստան. Ուղիղ եթեր (տեսանյութ)

ԱԱ 2018, որակավորման մրցաշար, E խումբ Հայաստան - Ղազախստան Մեկնարկը՝ 20:00 Ուղիղ հեռարձակումը՝ խաղից 1-2 րոպե առաջ «Հանրապետական» մարզադաշտ, Երևան Մեկնարկային կազմեր
26.03.2017

Հայաստանի հավաքականի հայտացուցակը Ղազախստանի ընտրանու հետ խաղում

Հայտնի է Հայաստանի ազգային հավաքականի հայտացուցակը՝ Ղազախստանի ընտրանու հետ 2018 թվականի աշխարհի առաջնության ընտրական փուլում այսօր կայանալիք հանդիպման համար, հաղորդում է ՀՖՖ ֆեյսբուքյան էջը: Խաղին կարող են մասնակցել հետևյալ ֆուտբոլիստները՝ 1. Արսեն Բեգլարյան 2, Արթուր Քարտաշյան, 3. Վարազդատ Հարոյան, 4. Տարոն Ոսկանյան, 5. Գաել Անդոնյան, 6. Գոռ Մալաքյան, 7. էդգար Մալաքյան, 8. Մարկոս Պիզելլի, 9. Ռուսլան Կորյան, 10. Գևորգ Ղազարյան, 11. Արթուր Սարկիսով, 12. Գրիգոր Մելիքսեթյան, 13. Կամո Հովհաննիսյան, 14. Արտակ Գրիգորյան, 15. Հրայր Մկոյան, 16. Անատոլի Այվազով, 17. Արտակ Եդիգարյան, 18. Հենրիխ Մխիթարյան, 19. Արտյոմ Սիմոնյան, 20. Լևոն Հայրապետյան, 21. Տիգրան Բարսեղյան, 22. Էդգար Մանուչարյան, 23. Արաս Օզբիլիս: Հիշեցնենք, որ մրցավեճը կայանալու է Վազգեն Սարգսյանի անվան «Հանրապետական» մարզադաշտում և մեկնարկելու է 20:00-ին: http://www.vivaronews.am/articles/hayastan-ghazaxstan-havanakan-meknarkayin-kazmer-lusankarner
26.03.2017

Հայաստան – Ղազախստան. Հավանական մեկնարկային կազմեր (լուսանկարներ)

Ինչպես հայտնի է, 2018 թվականի աշխարհի առաջնության ընտրական փուլի 5-րդ տուրում Հայաստանի հավաքականն այսօր հյուրընկալելու է Ղազախստանի ընտրանուն: Մրցավեճը տեղի է ունենալու Վազգեն Սարգսյանի անվան «Հանրապետական» մարզադաշտում և մեկնարկելու է 20:00-ին: VivaroNews.am-ի փորձագետները ներկայացրել են Հայաստանի հավաքականի հիմնական կազմի իրենց տարբերակները: Դրանք հիմնված են ֆուտբոլիստների մարզավիճակի, ինչպես նաև երեկ կայացած մարզումից արված եզրակացությունների վրա: Կարեն Ռաֆայելյան  Ռոբերտ Գասպարյան Գևորգ Լոռեցյան Հրաչ Խաչատրյան  Արման Աբելյան   
26.03.2017

Եվս մեկ ջախջախում Թուրքիայում և հավաքականի նախախաղյա տրամադրությունը. Հայկական ֆուտբոլի գլխավոր լուրերի քրոնիկոնը

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ: Ձեր ուշադրությանն ենք մարտի 25-ի իրադարձությունների քրոնիկոնը: Թուրքիայի Մանավգաթ քաղաքում շարունակվում է Եվրոպայի մինչև 17 տարեկանների 2016/2017 թթ. առաջնության էլիտ-ռաունդի առաջին խմբի մրցաշարը: Հայաստանի Մ-17 հավաքականը երկրորդ տուրում 0-6 հաշվով պարտվել է Թուրքիայի հասակակից թիմին: Արտակ Օսեյանի սաներից ինքնագոլ է հեղինակել Կարեն Հովհաննիսյանը: Հայաստանի պատանեկան հավաքականն առաջին տուրում 1-10 հաշվով զիջել էր գերմանացիներին: Արթուր Պետրոսյան. «Վաղը խաղալու են հավասար թիմեր, նշանակություն չունի, որ հետնապահներ են ենթախմբում: Շատ լարված խաղ է ընթանալու: Ամեն ինչ անելու ենք հաղթանակի համար: Երկրպագուներին հորդորում եմ աջակցել մեր թիմին»: http://www.vivaronews.am/arthur-petrosyan-mxititharyaneh-chi-karogh-xaghal-miayn-darpasapahi-dirkhum-orovhetev-bardzrahasak-che Ալեքսանդր Բորոդյուկ. «Հայաստանի և Ղազախստանի հավաքականները նման են տեխնիկական տեսանկյունից, հայերը դեռ ԽՍՀՄ տարիներից աչքի են ընկել այդպիսի վարպետությամբ: Այս խաղը շատ կարևոր է մեզ համար: Նախորդ խաղից արել ենք հետևություններ, և հուսով ենք, որ վաղվա մրցավեճում այդ սխալները թույլ չենք տա: Փորձելու ենք հաղթել»: http://www.vivaronews.am/alekhsandr-borodyuk-mofracel-enkh-naxord-handipumeh-phordzelu-enkh-haghthel-hayerin http://www.vivaronews.am/photos/arevot-erevanyan-marzum%D5%9D-ghazaxstani-het-xaghin-ehndaraj-fotosharkh Ղազախստանի հավաքականի ավագ Բաուիրժան Իսլամխան. «Վաղը մեզ բարդ հանդիպում է սպասվում: Մենք պատրաստ ենք խաղին: Մարզիչն ասել է, որ պետք է դուրս գանք խաղադաշտ և ցույց տանք այն, ինչին ունակ ենք: Կիպրոսի հավաքականին պարտվելը ցավալի էր, բայց վաղը մտադիր ենք ուրախացնել մեր երկրպագուներին»: Ընթացքի մեջ է ամերիկյան ՄԼՍ-ի հերթական տուրի՝ «Նյու-Յորք Ռեդ Բուլս» - «Ռեալ Սոլթ-Լեյք» հանդիպումը: Յուրա Մովսիսյանը հայտավորված է իր թիմի մեկնարկային կազմում: Ավստրիայի 6-րդ դիվիզիոնի 13-րդ տուրում «Յունիոն Նոյհոֆենը» սեփական հարկի տակ 1-0 հաշվով հաղթել է «Հայնֆելդին»: «Յունիոն Նոյհոֆենից» Գևորգ Բադալյանը մասնակցել է ամբողջ խաղին, ինչպես և «Հայնֆելդից» Թաթուլ Սարիկյանը: «Յունիոն Նոյհեֆենը» 14-րդ տեղում է, իսկ «Հայնֆելդը»՝ 6-րդ: Լեհաստանի 2-րդ դիվիզիոնի 23-րդ տուրում «Բելհատուվը» հյուրընկալել է «Պոլոնիային» և հաղթել 2-1 հաշվով: Աղվան Պապիկյանը եղել է մեկնարկային կազմում և փոխարինվել 72-րդ րոպեին՝ դառնալով գոլային փոխանցման հեղինակ: «Բելհատուվը» 15-րդ հորիզոնականում է: «Տորպեդո-Բելազն» ընկերական հանդիպում է անցկացրել Մինսկի «Տորպեդոյի» հետ և հաղթել 3-0 հաշվով: Անդրեյ Խաչատուրյանը մասնակցել է առաջին խաղակեսին՝ դառնալով գոլային փոխանցման հեղինակ, իսկ Կամո Հովհաննիսյանը Հայաստանի հավաքականի տրամադրության տակ է: Հոլանդիայի 3-րդ դիվիզիոնի 28-րդ տուրում «Ռեյնսբուրգսե Բոյսը» հյուրընկալվելիս 2-ական գնդակ է փոխանակել «Գրոնինգեմ-2»-ի հետ: Մասիս Բակերջյանը մասնակցել է ամբողջ հանդիպմանը: «Ռեյնսբուրգսե Բոյսը» 6-րդ հորիզոնականում է: Սլովակիայի 3-րդ դիվիզիոնի 22-րդ տուրում «Կոմարնոն» սեփական դաշտում 2-1 հաշվով պարտության է մատնել «Կովոյին»: Վահագն Միլիտոսյանը եղել է հիմնական կազմում, դարձել գոլի հեղինակ և փոխարինվել 87-րդ րոպեին: «Կոմարնոն» գլխավորում է մրցաշարային աղյուսակը:
25.03.2017

Արևոտ երևանյան մարզում՝ Ղազախստանի հետ խաղին ընդառաջ (ֆոտոշարք)

Հայաստանի հավաքականը Աշխարհի առաջնության ընտրական փուլի՝ Ղազախստանի հավաքականի հետ խաղին ընդառաջ մարզվեց «Հանրապետական» մարզադաշտում. Date: 25.03.2017 Լուսանկարները՝ Հրաչյա Խաչատրյան  Photos by: Hrachya Khachatryan
25.03.2017

Մ-17. Թուրքիա-Հայաստան. Ուղիղ եթեր

Եվրոպայի Մ17 2016/17 առաջնություն  Թուրքիա Մ 17- Հայաստան Մ17 Մանավգաթ, «Էմիրհան» մարզադաշտ Հանդիպման ուղիղ հեռարձարկմանը կարող եք հետևել այս հղումով:
25.03.2017

Գևորգ Ղազարյան. «Երկար դադարից հետո լույս եմ տեսնում թունելի վերջում»

Հայաստանի ազգային հավաքականը 3 տարի սեփական հարկի տակ հաղթանակ չէր տարել: Երկրպագուների թիվը մարզադաշտում խաղից խաղ կրճատվում էր: Մոնտենեգրոյի հետ խաղից հետո անկումը ևս շարունակվելու միտում կունենար, սակայն մրցավարի ավելացված ժամանակի բառացիորեն վերջին վայրկյաններին Գևորգ Ղազարյանն իր ֆանտաստիկ հարվածով էյֆորիայի մեջ գցեց ամբողջ «Հանրապետականն» ու Հանրապետությունը՝ դառնալով այդ խաղի, ինչպես նաև VMag ամսագրի 13-րդ համարի (դեկտեմբեր 2016) հերոսը:  - Ինչպե՞ս դասավորվեց քեզ համար 2016 թվականը, ինչո՞վ էր այն առանձնանում մյուսներից: - 2016 թվականն, առհասարակ, ես ինձ համար բաժանում եմ երկու հատվածի: Առաջինն ամենաանհաջողներից էր իմ կարիերայի ընթացքում: Տարվա սկզբից 3 վնասվածք ստացա: Դրանցից մեկը բավական լուրջ ստացվեց: Ստիպված եղա խաղադաշտից դուրս մնալ մոտ 4 ամսով, սակայն կարողացա ոտքի կանգնել, կազդուրվել ու վերադառնալ խաղադաշտ: Այդտեղից սկսվում է 2016-ի երկրորդ, համեմատաբար ավելի հաջող հատվածը: Վնասվածքից հետո քայլ առ քայլ վերադարձա շարք, սկսեցի մասնակցել հանդիպումներին ու խաղաժամանակ ստանալով նորից հասա իմ լավագույն մարզավիճակին: - Տարվա վերջին խաղում քո խփած գնդակը հաղթական ստացվեց: Ի՞նչ արժեք ունի այս գոլը քեզ համար: - Մոնտենեգրոյի դարպասը խփած գնդակն ինձ համար, իսկապես, մեծ արժեք ունի: Առաջին հերթին՝ խաղի բառացիորեն վերջին վայրկյաններին այն Հայաստանի հավաքականին երեք միավոր պարգևեց: Բացի դրանից, անձամբ ինձ համար այս գնդակը կարևոր էր հոգեբանական տեսանկյունից: Երկար ժամանակ աչքի չէի ընկել հավաքականի կազմում: Ավելի քանի երեք տարի չէի կարողանում դառնալ գոլի հեղինակ: Հուսամ՝ սառույցը կոտրվեց: - 10 համարի մարզաշապիկով հանդես եկող ֆուտբոլիստը խփեց իր 10-րդ գնդակը հավաքականում: Թվերի մոգական ուժին հավատու՞մ ես: - Որ ճիշտն ասեմ՝ մոգական ուժերին առհասարակ չեմ հավատում: Եթե այդպես լիներ՝ 100 համարի մարզաշապիկով կխաղայի: (ժպտում է) - Կարելի՞ է արդյոք այս գնդակը համարել Հայաստանի հավաքականի նոր հաղթական ուղու առաջին քայլը: - Չգիտեմ՝ որքանով այն կարելի է հաղթական ուղու սկիզբ համարել, բայց երկարատև դադարից հետո լույս եմ տեսնում թունելի վերջում: Հույս արթնացավ երկրպագուների ու առհասարակ բոլորի շրջանում: Անկախ այս հաղթանակից, Հայաստանի հավաքականն ունի բազում թերություններ ու խնդիրներ, մասնավորապես՝ պաշտպանությունում: Չափից շատ էին անհիմն վտանգավոր պահեր ծագում մեր դարպասի մոտ: Բնականաբար, չենք կարող ամեն անգամ խաղային դրվագը թողնել բախտի քմահաճույքին ու խնդրել ճակատագրին, որ այդ անգամ էլ գնդակը չհայտնվի մեր դարպասում: Ամեն ինչ շտկել է պետք: Իսկ դա, իհարկե, մի օրում չի լինում: Ես հասկանում եմ երկրպագուներին, նրանք հոգնել են սպասելուց: Ուղղակի պետք է գիտակցել ու հասկանալ, որ մարզիչը չունի կախարդական փայտիկ, որը մեկ վայրկյանում կլուծի բոլոր խնդիրները: Այո՛, լավ է, գերազանց է, էպիկ հաղթանակ ենք տարել 3-2 հաշվով, բայց խնդիրները դեռևս ահռելի են: - Հայաստանի հավաքականում խաղացել ես տարբեր մարզիչների գլխավորությամբ: Ու՞մ հետ էր ամենից հեշտ աշխատել: - Իհարկե, յուրաքանչյուր մարզիչ ունի աշխատանքի իր մեթոդիկան ու իր համապատասխան ծրագիրը: Անձամբ ինձ հեշտ է եղել աշխատել Վարդան Մինասյանի աշխատակազմի հետ: Ինչու՞ չեմ առանձնացնում միայն Վարդան Մինասյանին, որովհետև մարզչի հաջողության առյուծի բաժինը կախված է լավ օգնականներից՝ Վարդան Մինասյան, Ռաֆայել Նազարյան, Արթուր Մկրտչյան, Արթուր Ավագյան: Մենք բոլորս մի ընտանիքի պես էինք: Այդ հավաքականը հավերժ կմնա իմ հուշերում, որպես բոլոր ժամանակների լավագույն հավաքական: - Վերջին հաջողություններից հետո ինչպե՞ս են ընթանում գործերդ «Մարիտիմուում»: Մտադի՞ր ես մնալ Պորտուգալիայում, թե՞ ինչ-որ առաջարկի ես սպասում: - «Մարիտիմուում» ամեն ինչ նորմալ է, ընթանում է բնականոն հունով: Այս պահին այլ ակումբում կարիերաս շարունակելու մասին չեմ մտածում:  Բնականաբար, չեմ բացառում ոչինչ: Եթե լինեն ավելի գայթակղիչ առաջարկներ, կքննարկեմ ակումբիս հետ: Բայց ինձ այստեղ ամեն ինչ գոհացնում է, ես շարունակում եմ մնալ «Մարիտիմուի» ֆուտբոլիստ, բացի դրանից ունեմ գործող պայմանագիր, որն ուժի մեջ է ևս մեկ մրցաշրջան: - Ուժերդ փորձել ես տարբեր մենթալիտետներ ու խաղաոճեր ունեցող առաջնություններում: Ինչո՞վ քեզ գրավեց Պորտուգալիան։ - Ես կյանքում սիրում եմ փոփոխություններ: Պորտուգալիայից առաջարկ ստանալու հետ մեկտեղ ունեցա առաջարկ այլ երկրներից: Կար տարբերակ Ուկրաինայում՝ «Մետալիստ» ակումբում, ինչպես նաև հետաքրքիր առաջարկ էի ստացել հունական երկու ակումբից: Բայց քանի որ արդեն հասցրել էի ուժերս փորձել այդ երկրներում, ընտրություն կատարեցի հօգուտ Պիրենեյան թերակղզու: Գիտեի, որ այստեղի առաջնությունը հետաքրքիր է ու տարբերվում է մյուսներից: Բացի դրանից ավելի հեռանկարային է: - Կա՞ առաջնություն կամ երկիր, որտեղ կցանկանայիր երբևէ հանդես գալ: - Իհարկե, աշխարհը մեծ է, գայթակղությունը՝ նույնպես: Կուզենայի երբևէ ուժերս փորձել այստեղի հարևան երկրի՝ Իսպանիայի առաջնությունում: Դա իսկապես մեծագույն մարտահրավեր կլիներ ինձ համար: http://www.vivaronews.am/gevorg-ghazaryaneh-kazmel-e-ir-erazankhi-5-hoganoc-thimeh - Մեր հաջորդ մրցակիցը Ղազախստանի հավաքականն է: Այնտեղ հանդես գալու փորձ ունես դու, ինչպես նաև հավաքականի այլ ֆուտբոլիստներ: Ինչպե՞ս է փոխվել այդ երկրի հավաքականը և ինչպիսի՞ն են մեր շանսերը - Ղազախստանի հավաքականը շատ-շատ է փոխվել: Այն հավաքականից, որին մենք հաղթել էինք 3-0 հաշվով, բառացիորեն ոչինչ չի մնացել: Հիմա ղազախներն ավելի մրցունակ են դարձել: Եվ դա տեղի է ունեցել մեծապես ներքին առաջնության խաղամակարդակի բարձրացման հաշվին: Մի քանի անգամ Եվրոպական ակումբային ամենահեղինակավոր մրցաշարերին մասնակցելով՝ այդ ակումբները լուրջ խթան հանդիսացան Ղազախստանում ֆուտբոլի նկատմամբ հետաքրքրության աճի ու, առհասարակ, մակարդակի բարձրացման համար: - Երկար տարիներ Հայաստանում չես: Փորձե՞լ ես հետևել Հայաստանի առաջնության հանդիպումներին և ու՞ր է գնում հայկական ֆուտբոլը: Կա՞ն հեռանկարներ: - Դեպքից դեպք հետևում եմ Հայաստանի առաջնության հանդիպումներին: Եթե անկեղծ լինեմ՝ մեր առաջնությունը երբեք այսքան թույլ չի եղել: Ես հիշում եմ, թե ինչ առաջնություն էր 5-6 տարի առաջ, և հիմա, որ նայում եմ, միմյանց հետ որևէ աղերս չունեն: Դժվարանում եմ ասել՝ ինչպես կարելի է ոտքի կանգնեցնել հայկական ակումբային ֆուտբոլը, որն օրեցօր ավելի է մոտենում անդունդի հատակին: http://www.vivaronews.am/video/gevorg-ghazaryan-karevorn-ayn-e-or-arthur-petrosyani-galuc-heto-thimum-tramadruthyuneh-bardzracel-e - Բավական ակտիվ ես սոցցանցերում: Շփվու՞մ ես երկրպագուների հետ: - Սիրում եմ ժամանակ անցկացնել սոցցանցերում: Այդ ընթացքում, հնարավորության դեպքում, հասցնում եմ շփվել երկրպագուների հետ: Աշխատում եմ որևէ նամակ անպատասխան չթողնել: Յուրաքանչյուր երկրպագու կարևոր է: - Նկատելի է, որ մեծ սեր ունես խաղակոշիկների նկատմամբ: Քանի՞սն ունես ու ինչպե՞ս ես որոշում դրանց արտաքին տեսքը: - Շատ ճիշտ եք նկատել: Իմ լավ խաղը կախված է լավ խաղակոշիկներից, որոնցից յուրաքանչյուրին մեծ ուշադրություն եմ դարձնում:  Երբեմն ինքս եմ զբաղվում դրանց արտաքին տեսքով, դիզայնով ու պատվիրում եմ: Այս պահին ունեմ 5 զույգ: Դրանք միշտ պիտի փայլեն, արտաքին տեսքը ազդում է խաղիս ու տրամադրությանս վրա: (ժպտում է) - Գաղտնիք չէ, որ սիրում ես ազատ ժամանակդ անցկացնել համակարգչի առջև, մասնավորապես, սիրում ես խաղալ FIFA ֆուտբոլային վիդոխաղ: Ունե՞ս մրցակիցներ հավավաքականի ներսում: - Համակարգչային խաղերը իմ գլխավոր հոբբին էի համարում: Ժամանակին, իսկապես, երբ միայնակ էի ապրում, ընկերներով, մասնավորապես հավաքականի իմ թիմակիցներով, շատ էինք խաղում FIFA ֆուտբոլային վիդեոխաղը: Հիմնական մրցակիցներս Էդգար Մանուչարյանն ու Մալաքյան եղբայրներն էին, սակայն հիմա ազատ ժամանակս փորձում եմ տրամադրել ընտանիքիս ու երեխաներիս: - Ինչ-որ ծրագրեր ունե՞ս որդուդ հետ կապված: Այսինքն մտադի՞ր ես իրեն տանել քո ճանապարհով: - Թեպետ որդիս դեռ 4 տարեկան էլ չկա, բայց այսօր արդեն հետս գալիս է «Մարիտիմուի» պարապմունքներին: Շաբաթը երկու անգամ գալիս է ինձ հետ: Հարցազրույցը վարեց՝ Ռոբերտ Գասպարյանը    
25.03.2017

Որտե՞ղ են հիմա նրանք. Հայաստանի հավաքականի առաջին հաղթանակը տարած կազմը

VivaroNews.am-ը սկսում է նոր շարք, որի նպատակն է անդրադառնալ ֆուտբոլի Հայաստանի հավաքականի անցկացրած կոնկրետ որևէ խաղի մասնակիցների ֆուտբոլային կարիերային և տեղեկացնել, թե նրանք ներկայումս ինչով են զբաղված: Մեր առաջին հրապարակումը վերաբերում է 1995թ. սեպտեմբերի 6-ին Սկոպիեում կայացած Եվրոպայի առաջնության ընտրական մրցաշարի Մակեդոնիա-Հայաստան հանդիպման 14 մասնակիցներին: Այդ խաղը հավաքականի պատմության մեջ հիշարժան է նրանով, որ մեր ընտրանին Սամվել Դարբինյանի գլխավորությամբ պաշտոնական մրցումներում իր առաջին հաղթանակը տոնեց: Ռազմիկ Գրիգորյանի և Արմեն Շահգելդյանի խփած գոլերի շնորհիվ ՀՀ հավաքականը 2:1 հաշվով կամային հաղթանակ տարավ: Հատկանշական է նաև, որ այդ կազմի երեք ֆուտբոլիստներ այժմ ղեկավարում են Հայաստանի հավաքականը։ Ահա թե ինչպես դասավորվեց այդ խաղի մասնակիցների ֆուտբոլային հետագա կարիերան և ներկայումս նրանք ինչով են զբաղված: Արմենակ Պետրոսյան Ֆուտբոլային կարիերան «Արարատում» սկսած դարպասապահը Հայաստանի ազգային հավաքականի կենսագրության առաջին տարիներին իր ավելի փորձառու գործընկեր ու թիմակից Հարություն Աբրահամյանի հետ փոխնիփոխ պաշտպանում էր մեր ընտրանու դարպասը: Մակեդոնացիների նկատմամբ տոնած հաղթանակում էլ  շատ մեծ էր 22-ամյա դարպասապահի ներդրումը, ով խաղավարտից 2 րոպե առաջ հետ մղեց 11մ նշակետից Բոբան Բաբունսկու հարվածը: Առաջին անգամ Պետրոսյանը հավաքականի դարպասը պաշտպանել է 1994թ. մայիսի 15-ին ԱՄՆ-ի ընտրանու հետ Ֆուլերտոնում կայացած ընկերական խաղում: Իսկ վերջին հանդիպումը հավաքականում անցկացրել է 1996թ. նոյեմբերի 9-ին ալբանացիների հետ աշխարհի առաջնության ընտրական մրցաշարի արտագնա խաղում: Հավաքականում Արմեն Պետրոսյանն անցկացրած 7 խաղում 9 գոլ է բաց թողել: Ընդամենը մի քանի մրցաշրջան հանդես գալով «Արարատում» (45 խաղ, 30 բաց թողած գոլ), Արմեն Պետրոսյանը տեղափոխվեց Իրան, որտեղ երկար տարիներ հաջողությամբ պաշտպանում էր տեղի «Սեպահան» և «Զոբահան» թիմերի դարպասը: Ներկայումս 44–ամյա նախկին դարպասապահը բնակվում է Երևանում և զբաղվում է գործարարությամբ:
24.03.2017

Լավագույնների պարգևատրումը և «Ալաշկերտի» մարզչական «քաոսը». Հայկական ֆուտբոլի գլխավոր լուրերի քրոնիկոնը

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ: Ձեր ուշադրությանն ենք մարտի 24-ի իրադարձությունների քրոնիկոնը: Հենրիխ Մխիթարյանը ստացել է 2016 թվականի Հայաստանի լավագույն ֆուտբոլիստի, իսկ Վարդան Բիչախչյանը՝ լավագույն մարզչի մրցանակը: Պարգևատրվել են նաև լավագույն ֆուտբոլիստի պայքարում 2-3-րդ տեղերը զբաղեցրած համապատասխանաբար Գևորգ Ղազարյանը և Մարկոս Պիզելին: Հենրիխ Մխիթարյան. «Խաղում եմ ազգիս համար, ոչ թե լավագույն ֆուտբոլիստի կոչման»: http://www.vivaronews.am/video/henrix-mxitharyan-xaghum-em-azgis-hamar-och-the-lavaguyn-futbolisti-kochman Գևորգ Ղազարյան. «Կարևորն այն է, որ Արթուր Պետրոսյանի գալուց հետո թիմում տրամադրությունը բարձրացել է»: http://www.vivaronews.am/video/gevorg-ghazaryan-karevorn-ayn-e-or-arthur-petrosyani-galuc-heto-thimum-tramadruthyuneh-bardzracel-e «Ալաշկերտը» պաշտոնապես հայտարարել է գլխավոր մարզիչ Արամ Ոսկանյանի պաշտոնանկության մասին: Նրա հետ թիմից հեռացել են նաև օգնականներ Տիգրան Ասլանյանը և Մանուկ Սարգսյանը: Թիմը կգլխավորի Աբրահամ Խաշմանյանը, ում օրոք «Ալաշկերտը» դարձել էր 2015/16թթ. մրցաշրջանի Հայաստանի չեմպիոն: Վարդան Բիչախչյան. «Մեկ-երկու հաջողությունը Վահան Բիչախչյանին չպետք է շեղի ճիշտ ճանապարհից»: http://www.vivaronews.am/vardan-bichaxchyan-mek-erku-hajoghuthyuneh-vahanin-chpetkh-e-sheghi-tchisht-tchanaparhic-tesanyuth   Ամերիկյան ESPN-ի փորձագետները կանխատեսում են արել Հայաստան - Ղազախստան հանդիպման վերաբերյալ. «Հայաստանի հավաքականը պարտվել է ընտրական փուլի առաջին 3 խաղերում, բայց այնուհետև հաղթել խմբի առաջատարին: Այս անգամ նրանց կհյուրընկալվի Ղազախստանի ընտրանին: Հաղթանակի դեպքում հայերը կարող են պայքարել փլեյ-օֆֆի ուղեգրի համար: Նրանց կարելի է ֆավորիտ համարել առաջիկա խաղում»: Էստոնական «Տալինն» ընկերական խաղում 0-3 հաշվով զիջել է Հելսինկիի «ՀԻԿ»-ին: Սերգեյ Թումասյանը մասնակցել է ամբողջ հանդիպմանը, իսկ Ալեքսանդր Թումասյանը չի հայտնվել թիմի հայտացուցակում: Բաստիան Շվայնշտայգերը պաշտոնապես տեղափոխվել է ամերիկյան «Չիկագո Ֆայր»՝ դառնալով Դավիթ Արշակյանի թիմակիցը: Ղազախստանի Մ-21 հավաքականն ընկերական խաղում 2-3 հաշվով պարտություն է կրել «Կայզերսլաուտեռնի» Մ-21 թիմից: Գևորգ Նաջարյանը մասնակցել է երկրորդ խաղակեսին:
24.03.2017

2050թ. Հենրիխ Մխիթարյանը և Հայաստանի լավագույն ֆուտբոլիստի մրցանակը (ծաղրանկար)

Այսօր Հենրիխ Մխիթարյանը 6-րդ անգամ ստացավ Հայաստանի լավագույն ֆուտբոլիստի մրցանակը։ VivaroNews.am-ը փորձել է պատկերացնել, թե ինչ վիճակում կհայտնվի Մխիթարյանը 2050թ. Նկարազարդումը՝ Սահակ Չիբուխչյան Գաղափարը՝ VivaroTeam
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: