Հայաստանի ազգային հավաքական | Էջ - 2

27.03.2017

The Show Must Go On… 5 կետ, որոնց հետ պետք է հաշվի նստել հավաքականի առաջիկա խաղերում

Հայաստանի ազգային հավաքականը  տարավ իր երկրորդ անընդմեջ հաղթանակը: Վերջին անգամ մերոնք պաշտոնական խաղերում 2 անընդմեջ հաղթանակ տարել էին հեռավոր 2011 թվականին՝ իրար հետևից ջախջախելով Սլովակիայի ու Մակեդոնիայի ընտրանիներին: Ես ընդհանուր նմանություն եմ տեսնում այդ 2011-ի ու այսօրվա մեր հավաքականների մեջ: Վարդան Մինասյանից հետո մեր թիմում կարծես թե կորել էր նպատակասլացությունը, «հավեսը»: Ակնհայտ էր, որ հավաքականը սպասում է մասնագետի, ով իր հետ կբերի հաղթանակների շունչը: Թեպետ Բեռնար Շալանդը, Սարգիս Հովսեփյանն ու Վարուժան Սուքիասյանը լավ մարզիչներ են, սակայն հաղթողի հոգեբանություն նրանք չունեին ու բնականաբար թիմ բերել չէին կարող: Արթուր Պետրոսյանը շատ տարիներ հեռու էր Հայաստանից ու միայն մեծագույն ջանքերի գնով նա նորից հայացքը սևեռեց դեպի հայրենիքը: Եվ դա տվեց բաղձալի արդյունք... Հայաստանի հավաքականի այս հաղթանակից հետո արդեն պետք է անել որոշ եզրակացություններ՝ հաջողությունը զարգացնելու համար: Մենք առանձնացրել ենք դրանցից 5-ը. 1. Տղաների ֆիզիկական ու մարզական վիճակը հույսեր է ներշնչում: Այլևս չկա այն հավաքականը, որը 70-րդ րոպեից կորցնում էր բոլոր ուժերն ու կանգնում: Այս հավաքականը խաղում է մինչև վերջ, մինչև վերջին շունչը: Իհարկե, այս ամեն ինչը գալիս է նաև ֆուտբոլիստների խաղային պրակտիկայից: Մեր տղաների մեծ մասը հաջողությամբ հանդես է գալիս արտերկրում՝ ակումբներում ստանալով անհրաժեշտ խաղաժամանակ: 2. Արթուր Պետրոսյանի գալով թիմը ավելի վստահ սկսեց հանդես գալ առջևի գծում: Վերջապես Հենրիխ Մխիթարյանը կարող է իրեն լիովին նվիրել հարձակմանը, գրոհների կազմակերպմանը, քանի որ նախորդ տարիներին մեր ավագը ստիպված փակում էր կենտրոնական ու հենակետային գոտին: Բայց հիմա Մալաքյան-Գրիգորյան-Մանոյան եռյակի առկայությունը թույլ է տալիս մարզչին ուղարկել Հենոյին ցանկացած եզր կամ հարձակման գիծ: Այդտեղից էլ հարձակվողների ու հարձակվողական ոճի կիսապաշտպանների ներքին վստահությունը մեծանում է: http://www.vivaronews.am/mxitharyaneh-dardzav-geghecik-goli-heghinak-ozbiliseh-nvirec-ir-xphatc-gndakeh-gevorg-ghazaryanin-fvotvosharkh 3. Բոլոր դրական կողմերի հետ կան նաև բացասականները: Մասնավորապես մտահոգում է պաշտպանությունը: Ղազախների հետ խաղում Պետրոսյանը ստիպված գնաց փորձարկման՝ պաշտպանության աջ եզրում օգտագործելով Տարոն Ոսկանյանին: Թեպետ Կիպրոս տեղափոխվելուց հետո Ոսկանյանի խաղը ակնհայտորեն բարելավվել է, սակայն աջ պաշտպանի դիրքը նրա համար հարազատ չէր, ու անվստահությունը հսկայական էր: Եթե մրցակիցը լիներ ավելի ագրեսիվ, գուցե ելքը ավելի տխուր լիներ: Վարազդատ Հարոյանը շատ համարձակ էր գնում առաջ, անգամ չափից շատ համարձակ: Անդոնյանը մնում էր միայնակ, իսկ դա հանգեցնում էր ահավոր վտանգավոր ու պայթյունավտանգ իրավիճակների: Պաշտպանության ձախ եզրը, ինչպես միշտ, վստահված էր Լևոն Հայրապետյանին: Հերթական անգամ Հայրապետյանի՝ ոչ համարձակ խաղը մերկացրեց մեր ձախ թևը ինչպես պաշտպանությունում, այնպես էլ հարձակման ժամանակ: Ինչու՞ անընդհատ վստահել Լևոնին, եթե կարելի է օգտագործել պոտենցիալ ավելի ուժեղ Արտակ Եդիգարյանին: 4. Դավիթ Մանոյանը թեպետ միշտ չէ, որ հանդես է գալիս ազգային հավաքականում վնասվածքների պատճառով, սակայն վերջերս լավ մարզավիճակ էր հավաքել, ղազախների հետ խաղում նրա բացակայությունը շատ զգացվեց: Միջին գծում չկար կրեատիվություն, իսկ Արտակ Գրիգորյանի ցավալի վնասվածքը լիովին դատարկ դարձրեց հենակետային գոտին, որտեղ Գոռ Մալաքյանն ակնհայտորեն միայնակ շատ ավելի թույլ է, քան թիմակցի հետ: Այլ ելք չկար՝ պետք էր հաղթել, դրա համար հենակետայինը մեկն էր: 5. Առջևի գծում համեմատաբար ավելի լավ է, բայց կենտրոնական հարձակվողի գոտում մենք շարունակում ենք մնալ խոցելի: Արթուր Սարկիսովը փոխարինման ֆուտբոլիստ է, մեկ խաղակեսի, ով կարող է սրել խաղը, կամ մրցակցին ստիպել դեղին ու կարմիր քարտեր ստանալ: Ռուսլան Կորյանին շարունակում են չվստահել անհասկանալի պատճառներով: Ղազախստանի հետ խաղում փորձարկվեցին բազում տարբերակներ, այդ թվում և Տիգրան Բարսեղյանին առջևում օգտագործելը: Երիտասարդ ֆուտբոլիստը «Միկայում» հանդես գալու տարիներին հաջողությամբ կատարել է գոլ խփողի ու գրոհների եզրափակողի պարտականությունները: Ղազախստանի հետ խաղում նա մեծ աշխատանք կատարեց՝ փորձելով կատարել այսպես կոչված «ջոկերի» պարտականությունները՝ հայտնվելով այստեղ-այնտեղ և ամենուր: 2 տուր առաջ բոլորը քարկոծում էին մեր հավաքականին, իսկ հիմա նորից տրիբունաները լեփ լեցուն են: Հավատացեք, այս հաղթանակը կերտվեց հենց երկրպագուների բուռն աջակցության շնորհիվ: Այսպես շարունակելու դեպքում կլինի երկկողմանի շահույթ - երկրպագուները ականատես կլինեն գրավիչ ֆուտբոլի, Հայաստանի հավաքականն էլ նման աջակցության դեպքում կկարողանա մոտիվացված լինել ու հաղթել ցանկացած մրցակցի: The Show Must Go On...
27.03.2017

Մխիթարյանը դարձավ գեղեցիկ գոլի հեղինակ, Օզբիլիսը նվիրեց իր խփած գնդակը Գևորգ Ղազարյանին (ՖՈՏՈՇԱՐՔ)

Լուսանկարները ՝ Հրաչ Խաչատրյանի
27.03.2017

Արթուր Սարկիսով. «Անգամ եթե կարմիր քարտ չլիներ, մեր ճնշումը կտար իր արդյունքը» (տեսանյութ)

Հայաստանի հավաքականի հարձակվող Արթուր Սարկիսովը Ղազախստանի հետ խաղից հետո (2-0) պատասխանել է լրագրողների հարցերին. - Արթուր, ինչպե՞ս կգնահատեք խաղը: - Բավականին ծանր խաղ ստացվեց, մրցակիցը պրեսինգ էր անում: Բայց մենք պատրաստվել էինք դրան ու կատարեցինք այն, ինչ հանձնարարել էին մարզիչները, դրա համար էլ արդյունք ստացանք: - Ինչպե՞ս փոխեց խաղի ընթացքը մրցակցի ստացած կարմիր քարտը: - Դե, իհարկե, միշտ ավելի հեշտ է խաղալ 9 խաղացողի դեմ: Բայց մենք առանց այդ էլ ճնշում էինք, ու կարծում եմ՝ մեր ճնշումը կտար իր արդյունքը, ուղղակի այսպես ավելի հեշտ ստացվեց: - Միշտ չէ, որ ստացվում էր եզրափակել պահերը, ի՞նչն էր պատճառը:  - Դե, որովհետև սա ֆուտբոլ է: Միշտ չէ, որ ստացվում է, բայց մենք աշխատում էինք, պահեր էինք ստեղծում: Կարևորն այն է, որ պահեր կային, իսկ գոլերը եկան երկրորդ կեսում:  
27.03.2017

Տարոն Ոսկանյան. «Ղազախները կարմիր քարտ ստացան մեր հավաքականի ջանքերի շնորհիվ»

Հայաստանի հավաքականի պաշտպան Տարոն Ոսկանյանը 2018 թվականի աշխարհի առաջնության ընտրական փուլի՝ Ղազախստանի ընտրանու նկատմամբ տոնած հաղթանակից հետո (2-0) VivaroNews.am-ին տված հարցազրույցում խոսել է հանդիպման մասին. -Ինչպես սպասում էինք, շատ դժվար խաղ ստացվեց: Սա երկրորդ անընդմեջ հաղթանակն էր և փորձելու ենք շարունակել այս շարքը: Գործում էիք Ձեզ ոչ այդքան հոգեհարազատ՝ աջ պաշտպանի դիրքում: Դժվարությունների հանդիպեցի՞ք այդտեղ հանդես գալիս:  -Մի փոքր դժվարություններ կային սկզբնամասում, քանի որ իմ թիմում՝ «Կարմիոտիսայում» այդ դիրքում չեմ խաղում: Փորձեցի որքան հնարավոր է կենտրոնացած գործել, իսկ թե որքանով ստացվեց, արդեն կգնահատեն մասնագետները: «Հանրապետական» մարզադաշտը լեփ-լեցուն էր: Որքանո՞վ օգնեց թիմին երկրպագուների աջակցությունը:  -Շատ շնորհակալ եմ նրանց: Երկրպագուների աջակցությունը շատ կարևոր է մեզ համար, այն թիմին երկրորդ շնչառություն է հաղորդում: Հուսով եմ՝ առաջիկա հանդիպումներում ավելի շատ երկրպագուներ կայցելեն մարզադաշտ: Ղազախստանի հավաքականի՝ 10 հոգով մնալն այս հանդիպման առանցքայի՞ն դրվագն էր, թե՞ առանց դրա էլ կկարողանայիք հաղթանակ կորզել:  -Պետք է նշել, որ կարմիր քարտը նրանք ստացան մեր ջանքերի շնորհիվ: Մեծ ուժերով փորձեցինք գրոհել, այդ պատճառով էլ մրցակիցը տեղի տվեց: Դրանից հետո ավելի շատ տարածություններ բացվեցին և հաղթանակ տոնեցինք: Հանդերձարանում ինչպիսի՞ մթնոլորտ էր խաղից հետո:  -Դրական էմոցիաներ էին, քանի որ բոլորը շատ ուրախ էին: Բոլորը շնորհավորում էին միմյանց: Կարճ անդրադարձ Ձեր ակումբային կարիերային: Ինչպե՞ս եք զգում Կիպրոսի «Կարմիոտիսայում» և մտադի՞ր եք այնտեղ շարունակել ելույթները:  -Դեռ չեմ կարող ասել՝ կմնա՞մ այնտեղ, թե՞ ոչ: Պայմանագրիս ժամկետը լրանում է այս մրցաշրջանի ավարտին: Որոշում դեռ չեմ կայացրել: Փորձելու եմ հնարավորինս լավ հանդես գալ մնացած խաղերում, իսկ հետո արդեն կտեսնենք: Ակումբում Ձեր թիմակիցը՝ Դավիթ Մանոյանը, վնասվածքի պատճառով չէր միացել հավաքականին: Տեղյա՞կ եք՝ նրա ապաքինումն ինչպես է ընթանում:  -Արդեն լավ է, սկսել է անհատապես մարզվել: Տեղյակ եմ, որ մեկ շաբաթից արդեն սկսելու է մարզվել թիմի հետ: http://www.vivaronews.am/aras-ozbilis-xaghum-enkh-erkrpssaguneri-hamar-ev-sirum-enkh-nranc
27.03.2017

Էդգար Մանուչարյան. «Հիշարժան խաղերը դեռ առջևում են» (տեսանյութ)

Էդգար Մանուչարյանը ամփոփել է Հայաստան - Ղազախստան խաղը՝ հույս հայտնելով, որ այս հաղթանակը դրական կազդի ֆուտբոլիստների ու թիմի վրա.
26.03.2017

Տիգրան Բարսեղյան. «Երկրպագուները երկրորդ շնչառություն են բացում» (տեսանյութ)

Հայաստանի հավաքականի ֆուտբոլիստ, 2-րդ րոպեին փոխարինման մտած Տիգրան Բարսեղյանն ամփոփել է խաղը.
26.03.2017

Արաս Օզբիլիս. «Խաղում ենք երկրպագուների համար և սիրում ենք նրանց» (տեսանյութ)

Հայաստանի հավաքականի կիսապաշտպան Արաս Օզբիլիսը, ով Ղազախստանի ընտրանու հետ մրցավեճում դարձավ գոլի հեղինակ (2-0), խոսել է հանդիպման մասին. -Շատ կարևոր հաղթանակ և երեք միավոր էր: Ուրախ ենք երկրպագուների համար: Ինչ վերաբերում է իմ ելույթին, ապա ես անընդհատ աշխատում եմ և փորձում ներդնել առավելագույն ուժերս: Ի՞նչ կասեք Գևորգ Ղազարյանի ստացած վնասվածքի վերաբերյալ: -Հուսով եմ՝ նրա հետ ոչ մի լուրջ բան չի պատահել և շուտով շարք կվերադառնա:  Ի՞նչ տպավորություն թողեցին մարզադաշտում գտնվող երկրպագուները: -Երկրպագուներն այսօր հիանալի էին: Շատ ուրախ ենք նրանց աջակցության համար: Երբ դուրս եկաք խաղադաշտ, երկրպագուները մեծ ոգևորությամբ ընդունեցին Ձեզ: Դա օգնե՞ց, որ այնուհետև դառնաք գոլի հեղինակ: -Դա հրաշալի էր: Մենք խաղում ենք հենց նրա համար և սիրում ենք նրանց: Տեղեկություններ կային, որ ցանկություն ունեք հեռանալու «Բեշիքտաշից»: Դրանք համապատասխանո՞ւմ են իրականությանը: -Ես կենտրոնացած եմ ակումբիս վրա: Ամենակարևորն այն է, որ ցանկություն ունեմ խաղալու: Դա կարող է լինել իմ ներկայիս ակումբում, կամ որևէ այլ թիմում: Սակայն ես այս պահին աշխատում և մարզվում եմ, որպեսզի խաղամ «Բեշիքտաշում»: Ակումբում շատ ֆուտբոլիստներ կան, առկա է մրցակցություն: Գիտեք՝ ես լուրջ վնասվածք ունեի: Միշտ փորձում եմ կատարելագործվել, բայց այնտեղ միշտ խաղալը հեշտ չէ: Հանդիպումների մեծ մասին չեք մասնակցում, և դա չի կարող չազդել Ձեր մարզավիճակի վրա... -Այո, դու կարող ես անընդհատ մարզվել, բայց անհրաժեշտ է հանդիպումների մասնակցել: Այդպես դու ավելի ուժեղ ես դառնում: Ինչպիսի՞ մթնոլորտ էր տիրում հանդերձարանում այսօրվա հանդիպումից հետո:  -Բոլորն ուրախ էին: Բայց մեր տրամադրությունը մի փոքր ընկել էր, քանի որ Գևորգ Ղազարյանը վնասվածք էր ստացել, և մեր մտքերը նրա հետ են:
26.03.2017

Մարկոս Պիզելի. «Ուզում եմ միշտ ծնողներիս բերել խաղերին, միշտ նման լավ խաղանք ու հաղթենք» (տեսանյութ)

Մարկոս Պիզելին Ղազախստանի նկատմամբ հաղթանակից հետո խոսել է հաղթանակի, մարզչի հրահանգների ու իր ծնողների մասին. http://www.vivaronews.am/articles/markos-pizelii-tcnoghnereh%D5%9D-hayastan-ayci-u-ghazaxstani-dem-xaghi-masin
26.03.2017

Գաել Անդոնյան. «Անցյալի սխալների փոխարեն մտածում եմ հաջողակ ապագայի մասին» (տեսանյութ)

Հայաստանի հավաքականի պաշտպան Գաել Անդոնյանը խոսել է Ղազախստանի հավաքականի նկատմամբ տոնած հաղթանակի մասին (2-0). -Շատ ուրախ եմ, որ մասնակցեցի այս հանդիպմանը, քանի որ Մոնտենեգրոյի դեմ նախորդ խաղում հնարավորություն չէի ստացել: Այս հաղթանակը մեծ ուրախություն է մեզ համար: Նախորդ խաղերի համեմատ այսօր ավելի քիչ սխալներ թույլ տվեցիք պաշտպանությունում: -Համաձայն եմ: Բայց ես չեմ ցանկանում խոսել անցյալում թույլ տված սխալների մասին: Ցանկանում եմ մտածել ապագայի մասին, որը խոստանում է հաջողակ լինել: Ձեր ակումբի նախորդ խաղում կարմիր քարտ էիք ստացել: Դա խնդիրներ չի՞ առաջացնի այնտեղ: -Ոչ, դա խնդիր չէ: Այդպիսի բաներ պատահում են ֆուտբոլում: Ես պաշտպան եմ, ժամանակ առ ժամանակ պահանջվում մի փոքր կոպիտ գործել, ուստի ամեն ինչ կարգին է: Ի՞նչ տպավորություն թողեց Ղազախստանի հավաքականը: -Շատ լավ թիմ էր: Նույնիսկ կարմիր քարտից հետո նրանք չդադարեցին ֆուտբոլ խաղալ, մինչև վերջ պայքարում էին: Շնորհավորանքներս այդ թիմին հաջող խաղի համար: Այսօր խաղին չմասնակցեց Հրայր Մկոյանը, և նրա փոխարեն հանդես եկավ Տարոն Ոսկանյանը: Փոխըմբռնման խնդիր չկա՞ր: -Ոչ, մենք բոլորս խաղում ենք հանուն ազգային հավաքականի: Մենք միշտ պետք է պատրաստ լինենք կատարելու մեր աշխատանքը: Նույն Մոնտենեգրոյի հետ նախորդ մրցավեճում էլ այլ պաշտպանություն էր հանդես գալիս, բայց մենք հաղթեցինք: Կապ չունի՝ ով է խաղում, մենք պետք է կատարենք մեր աշխատանքը:
26.03.2017

Արսեն Բեգլարյան. «Երբ նման աջակցություն կա տրիբունայից, ոչ մի վայրկյան չես կտրվում խաղից»

Հայաստանի հավաքականի դարպասապահ Արսեն Բեգլարյանի մեկնաբանել է Ղազախստանի նկատմամբ տարած 2-0 հաշվով հաղթանակը.
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: