Հայաստանի ազգային հավաքական | Էջ - 11

05.11.2016

Հայաստանի հավաքական է հրավիրվել ևս մեկ դարպասապահ

«Գանձասար-Կապանի» դարպասապահ Գրիգոր Մելիքսեթյանը հրավիրվել է Հայաստանի ազգային հավաքական, հայտնում է կապանյան ակումբի ֆեյսբուքյան էջը, իսկ ապա հաստատեց նաև ՀՖՖ-ն: Հայաստանի բարձրագույն խմբի 25-րդ առաջնության 13-րդ տուրում «Գանձասար-Կապանը» հյուրընկալվելով «Փյունիկին» գոլազուրկ ոչ-ոքի է գրանցել, որի ընթացքում իր խաղով աչքի է ընկել դարպասապահ Գրիգոր Մելիքսեթյանը: Հանդիպմանը ներկա Հայաստանի ազգային հավաքականի մարզիչները որոշել են նրան ազգային թիմ հրավիրել։ Հիշեցնենք, որ Գրիգոր Մելիքսեթյանը նախկինում էլ հրավիրվել է Հայաստանի ազգային հավաքական, որի կազմում անցկացրել է ընկերական մեկ հանդիպում։ ՀՖՖ կայքը հայտնում է, որ Գրիգոր Մելիքսեթյանը հավաքականի կազմում կփոխարինի վնասվածք ստացած Գոռ Մանուկյանին:
04.11.2016

Վիկտորինա. Թվարկե՛ք բոլոր ֆուտբոլիստներին, ում Վարուժան Սուքիասյանը հրավիրել էր ազգային հավաքական

Հայաստանի հավաքականի արդեն նախկին գլխավոր մարզիչ Վարուժան Սուքիասյանը սիրում էր հնարավորություն տալ նոր ֆուտբոլիստների՝ մեծապես ուշադրություն հատկացնելով նաև Հայաստանի առաջնության կադրերին: Նրա առաջին պաշտոնավարման ընթացքում 12 ֆուտբոլիստներ իրենց նորամուտը նշեցին Հայաստանի հավաքականում, որոնցից շատերը հետագայում դարձան առանցքային դերակատարներ: Նորեկների թիվը մեծ էր նաև Սուքիասյանի երկրորդ ու առայժմ վերջին պաշտոնավարման ընթացքում, որի ժամանակ մասնագետը հավաքական հրավիրեց ընդհանուր առմամբ 40 ֆուտբոլիստի: Առաջարկում ենք ստուգել, թե նրանցից քանիսին կհիշեք դուք հիմա: Նշենք, որ մասնակցելու համար անհրաժեշտ է հայերենով գրել ֆուտբոլիստների ազգանունները / կամ անուն/ազգանունները/: http://www.vivaronews.am/articles/havakhakani-futbolistner-oronc-dukh-havanabar-chekh-tchanachum-viktorina
03.11.2016

Արթուր Պետրոսյանը հրապարակել է Հայաստանի հավաքականի կազմը՝ Չեռնոգորիայի դեմ խաղի համար

Նոյեմբերի 11-ին՝ ժամը 21:00-ին՝ Վազգեն Սարգսյանի անվան «Հանրապետական» մարզադաշտում, կկայանա Աշխարհի 2018 թ. առաջնության ընտրական փուլի Հայաստան-Չեռնոգորիա հանդիպումը: Նախապատրաստվելով այդ հանդիպմանը՝ Հայաստանի ազգային հավաքականը նոյեմբերի 6-ից 11-ը կանցկացնի մարզական հավաք ՀՖՖ Տեխնիկական կենտրոնում՝ Ֆուտբոլի ակադեմիայում: Հայաստանի ազգային հավաքականի գլխավոր մարզիչ Արթուր Պետրոսյանը հրապարակել է այն ֆուտբոլիստների անունները, որոնք ստացել են նախապատրաստական հավաքին մասնակցելու հրավեր.  Դարպասապահներ Արսեն Բեգլարյան «Ալաշկերտ» Անատոլի Այվազով «Շիրակ» Գոռ Մանուկյան «Փյունիկ» Պաշտպաններ Վարազդատ Հարոյան, «Փադիդե», Իրան Լևոն Հայրապետյան, «Փայքան», Իրան Հրայր Մկոյան, «Էսթեղլալ», Իրան Տարոն Ոսկանյան, «Կարմիոտիսա», Կիպրոս Արտակ Եդիգարյան, «Ալաշկերտ» Կամո Հովհաննիսյան, «Փյունիկ» Արթուր Քարտաշյան, «Փյունիկ» Սերոբ Գրիգորյան, «Փյունիկ» Կիսապաշտպաններ Հենրիխ Մխիթարյան, «Մանչեսթեր Յունայթեդ» (Անգլիա) Մարկոս Պիզելլի, «Ալ Ֆուջեյրա» (ԱՄԷ) Գևորգ Ղազարյան, «Մարիտիմու» (Պորտուգալիա) Դավիթ Մանոյան, «Կարմիոտիսա» (Կիպրոս) Գոռ Մալաքյան, «Ստալ» (Ուկրաինա) Էդգար Մալաքյան, «Ստալ» (Ուկրաինա) Արտակ Գրիգորյան, «Ալաշկերտ» Կարեն Մուրադյան, «Ալաշկերտ» Դավիթ Հակոբյան, «Շիրակ» Պետրոս Ավետիսյան, «Փյունիկ» Հարձակվողներ Գեղան Կադիմյան, «Կարպատի» (Ուկրաինա) Արթուր Սարկիսով, «Մորդովիա» (Ռուսաստան) Ռուսլան Կորյան, «ԲՄԱ Խաբարովսկ» (Ռուսաստան) Վարդան Պողոսյան, «Փյունիկ» Ավելացնենք, որ ազգային հավաքականում Արթուր Պետրոսյանի օգնականները լինելու են Սարգիս Հովհաննիսյանը և Ռազմիկ Գրիգորյանը, դարպասապահների մարզիչը՝ Հայկ Կիրակոսյանը:
03.11.2016

Արթուր Պետրոսյան. «Երեկոյան առաջարկ ստացա «Արսենալից», առավոտյան այն արդեն հետ էին կանչել»

Հայաստանի հավաքականի նորանշանակ գլխավոր մարզիչ Արթուր Պետրոսյանը իր շնորհանդեսի ժամանակ անդրադարձել է իր չկայացած տեղափոխությանը «Արսենալ»: «Երեկոյան ես առաջարկ ստացա «Արսենալից», առավոտյան արդեն այն հետ էին կանչել: Ինձ համար սա մեծ հոգեբանական հարված էր: Հաջորդող մեկ տարում, ովքեր որ հետևել են կհիշեն, խաղադաշտում Արթուր Պետրոսյանի ստվերն էր, այլ ոչ թե ես»,-նշեց Պետրոսյանը: ՀՖՖ նախագահ Ռուբեն Հայրապետյանն իր հերթին հայտնեց, որ իր պաշտոնը ստանձնելու ժամանակ ծանոթացել է ֆեդերացիայի ներկայացուցիչների և «Արսենալ» ակումբի նամակագրությանը և համոզվել, որ տրանսֆերի ձախողումը ՀՖՖ այդ ժամանակվա ղեկավարության մեղքով է եղել, ովքեր աստղաբաշխական գումար են պահանջել հայ ֆուտբոլիստի դիմաց:
03.11.2016

Արթուր Պետրոսյան. «Մովսիսյանի հարցով վերջնական որոշում ենք կայացրել ՀՖՖ նախագահի հետ»

Հայաստանի հավաքականի նորանշանակ գլխավոր մարզիչ Արթուր Պետրոսյանի շնորհանդեսի ժամանակ վերջինս հայտարարեց, որ Յուրա Մովսիսյանի և Ռոբերտ Արզումանյանի հարցերը փակված են` ՀՖՖ նախագահ Ռուբեն Հայրապետյանի հետ քննարկումների արդյունքում: «Բանակցությունների սկզբում մենք պարոն Հայրապետյանի հետ զրուցել ենք Յուրա Մովսիսյանի հարցով, և ես անձամբ ցանկություն ունեի նրան տեսնելու հավաքականում: Սակայն, նրա պատասխանը դուք բոլորդ էլ արդեն լսել եք: Ես իմ որոշումը կայացրել եմ` իմանալով այդ ամենը: Իսկ Ռոբերտ Արզումանյանի հարցով մենք չենք խոսացել, քանի որ վերջինս ինքն էր հրաժարվել ելույթ ունենալ հավաքականում»,-նշեց Պետրոսյանը: ՀՖՖ նախագահ Ռուբեն Հայրապետյանը հավելեց, որ բազմիցս մեկնաբանել է Յուրա Մովսիսյանի հավաքականից դուրս թողնելու հանգամանքը: Նա մասնավորապես նշեց, որ հարձակվողը խախտել է հավաքականի կարգապահությունը ու ազդել միջավայրի վրա: ՀՖՖ նախագահը, խնդրեց, որ իրեն այլևս չհարցնեն այս ֆուտբոլիստի մասին: Բացի Յուրա Մովսիսյանից ու Ռոբերտ Արզումանյանից` մնացած բոլոր ֆուտբոլիստների ընտրության իրավունքը պատկանում է գլխավոր մարզիչ Արթուր Պետրոսյանին:
03.11.2016

Հայտնի է Արթուր Պետրոսյանի մարզչական կազմը և երիտասարդական հավաքականի մարզիչը

Հայաստանի հավաքականում նորանշանակ գլխավոր մարզիչ Արթուր Պետրոսյանի մարզչական շտաբը կազմելու են Հայաստանի հավաքականի նախկին ֆուտբոլիստներ Ռազմիկ Գրիգորյանը և Սարգիս Հովհաննիսյանը: Այս մասին հայտնել է հենց Արթուր Պետրոսյանը` իր պատշոնական շնորհանդեսի ժամանակ: Սարգիս Հովհաննիսյանի հարցով առայժմ բանակցություններ են ընթանում «Լոկոմոտիվ» ակումբի հետ, որտեղ նա զբաղեցնում էր գլխավոր մարզչի օգնականի պաշտոնը: Վերջինս հավաքականին միանալու է միայն մարզական հավաքների ժամանակ: Հայաստանի երիտասարդական հավաքականի գլխավոր մարզչի պաշտոնը Արթուր Պետրոսյանի առաջարկով գլխավորելու է Արթուր Ոսկանյանը, ով մինչ այդ զբաղեցնում էր Մ-17 հավաքականի գլխավոր մարզչի պաշտոնը: Նշենք նաև, որ Արթուր Պետրոսյանը դադարեցրել է իր գործունեությունը «Ցյուրիխ» ակումբում և իր աշխատանքային պարտականությունների կատարման ընթացքում բնակվելու է Հայաստանում:
02.11.2016

Հայաստանի Մ-19 հավաքականի մարզական հավաքին է հրավիրել 24 ֆուտբոլիստ

Նոյեմբերի 10-ից 15-ը Երևանում կկայանա Եվրոպայի մինչև 19 տարեկանների 2017 թ. առաջնության ընտրական 7-րդ խմբի մրցաշարը, որտեղ Հայաստանի հավաքականի մրցակիցները կլինեն Շվեյցարիայի, Իտալիայի և Հունգարիայի հավաքականները: Պատրաստվելով այդ մրցաշարին՝ Հայաստանի մինչև 19 տարեկանների հավաքականը՝ Արամ Ոսկանյանի գլխավորությամբ կանցկացնի մարզում նոյեմբերի 4-ին, իսկ նոյեմբերի 5-ից 15-ը՝ մարզական հավաք ՀՖՖ Տեխնիկական կենտրոնում՝ Ֆուտբոլի ակադեմիայում: Արամ Ոսկանյանը մարզական հավաքին մասնակցելու համար հավաքական է հրավիրել 24 ֆուտբոլիստների, որոնցից մրցաշարին մասնակցելու համար կընտրվեն 18-ը: Դարպասապահներ Նիկոլաս Մելիքյան, «Ատրոմիտոս» (Հունաստան) Մարկ Գրիգորյան «Դոնաֆելդ» (Ավստրիա) Վարդան Շահատունի, «Փյունիկ» Սևակ Ասլանյան «Փյունիկ» Պաշտպաններ Վահե Մուրադյան, «Փյունիկ» Էմիլ Ղուկասյան «Փյունիկ» Լևոն Գևորգյան «Բանանց» Հայկ Սարգսյան, «Բանանց» Արթուր Խաչատրյան, «Բանանց» Էդգար Գրիգորյան, «Բանանց» Իշխան Մանուկյան, «Ալաշկերտ» Պետրոս Տեր-Պետրոսյան «Արարատ» Կիսապաշտպաններ Հրաչիկ Գևորգյան, «Տեննիս Բորուսիա» (Գերմանիա) Հայկ Գալստյան,  «Բոխում» (Գերմանիա) Ալբերտ Մնացականյան  «Սպարտակ» (Մոկսվա, Ռուսաստան) Արթուր Նադիրյան, «Փյունիկ» Հովհաննես Հարությունյան, «Փյունիկ» Հովհաննես Նազարյան  «Փյունիկ» Դավիթ Բաղդասարյան, «Փյունիկ» Էրիկ Վարդանյան, «Փյունիկ» Նարեկ Ավագյան, «Բանանց» Հարձակվողներ Վահան Բիչախչյան, «Շիրակ» Էրիկ Պետրոսյան, «Փյունիկ» Էդգար Մովսեսյան, «Բանանց»
29.10.2016

Ռուբեն Հայրապետյան. «Վարդան Մինասյանն անգամ չի ուզում լսել հավաքականի անունը»

ՀՖՖ նախագահ Ռուբեն Հայրապետյանը Վանաձորում ֆուտբոլի ակադեմիայի բացման հանդիսավոր արարողությունից հետո՝ մամուլի ասուլիսի ընթացքում անդրադարձել է Հայաստանի հավաքականի մի շարք խնդիրներին ու երկրպագուներին հետաքրքրող մի շարք հարցերին: Ստորև ներկայացնում ենք Հայրապետյանի ասուլիսն ամբողջությամբ: Տեսանյութը՝ ՀՖՖ-ի
29.10.2016

Արաս Օզբիլիսը վնասվածք է ստացել և բաց կթողնի 2 ամիս

«Բեշիքթաշի» հայ կիսապաշտպան Արաս Օզբիլիսը այսօր առավոտյան՝ թիմի մարզման ժամանակ, աջ ուսի վնասվածք է ստացել, տեղեկացնում է CNN Turk-ը: Արաս Օզբիլիսը վիրահատության կենթարկվի և չի կարողանա խաղադաշտ դուրս գալ  շուրջ 2  ամիս: Հիշեցնենք, որ Արասը հրավիրված էր Հայաստանի հավաքական` մասնակցելու Աշխարհի առաջնության ընտրական փուլի Չեռնոգորիայի դեմ հանդիպմանը:
29.10.2016

Ռուբեն Հայրապետյան. «Ես թույլ չեմ տա հավաքական հրավիրել Մովսիսյանին և Արզումանյանին, որքան էլ մարզիչը ցանկանա»

Վանաձորում այսօր տեղի ունեցած ֆուտբոլի ակադեմիայի բացման արարողությունից հետո Հայաստանի ֆուտբոլի ֆեդերացիայի նախագահ Ռուբեն Հայրապետյանը խոսել է ագզային ընտրանու նոր գլխավոր մարզիչ Արթուր Պետրոսյանի նշանակման մասին: «Հայաստանի հավաքականի գլխավոր մարզչի ընտրությունը կանգ է առել Արթուր Պետրոսյանի վրա, որովհետև նա ունի PRO կարգ ու մարզչական փորձ: Արթուր Պետրոսյանին առաջարկեցի 4 տարվա պայմանագիր կնքել, սակայն նա պնդեց 2 տարվա համաձայնագիր ստորագրել և ասաց, որ ԱԱ ընտրական փուլից հետո կվերանայենք պայմանագիրը»: Ռ. Հայրապետյանը նաև անդրադարձել է Հայաստանի հավաքական չհրավիրվող ֆուտբոլիստներ Յուրա Մովսիսյանին և Ռոբերտ Արզումանյանին  ու ընդգծել, որ իր որոշումը չի փոխվել այս խնդրով: «Այն ֆուտբոլիստները, որոնք կխախտեն հավաքականի կարգը, կվնասեն թիմին, այլևս չեն հրավիրվի: Նրանք չեն հրավիրվի իմ անձնական ցանկությամբ: Բացի նրանցից, հավաքականի մարզիչը կհրավիրի բոլոր նրանց, ում տվյալ պահին կհամարի օգտակար: Հայաստանի հավաքական չեն  հրավիրվի Յուրա Մովսիսյանը և Ռոբերտ Արզումանյանը: Ինչքան էլ մարզիչը ցանկանա հրավիրել նրանց, ես թույլ չեմ տա»,-ավելացրել է ՀՖՖ նախագահը: 53-ամյա հայ գործարարը իր զարմանքն է արտահայտել Հենրիխ Մխիթարյանի ունեցած խնդիրների հարցով «Մանչեսթեր Յունայթեդում»: «Չեմ հասկանում, թե ինչ է կատարվում Ժոզե Մոուրինյոյի գլխում: Խոսել եմ Հենրիխի հետ և նա չի հասկանում, թե ինչու չի խաղում»,-շեշտել է Հայաստանի ֆուտբոլի ֆեդերացիայի նախագահը:
ԹԵԺ ԵՎ ԲԱՑԱՌԻԿ

Vivaro News

Հասցե - Գետառի 4/17 Հեռ. - 010 510051 E-mail - info@vivaronews.am

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: