Ֆրանսիա | Էջ - 6

27.03.2017

Ամենաբարձր վարձատրվող ֆուտբոլիստները և մարզիչները՝ ըստ France Football-ի

Մադրիդի «Ռեալի» հարձակվող Կրիշտիանու Ռոնալդուն ընթացիկ մրցաշրջանի ամենաբարձր վարձատրվող ֆուտբոլիստն է՝ France Football հեղինակավոր պարբերականի վարկածով: 32-ամյա ֆուտբոլիստը բոնուսների և գովազդների հետ միասին վաստակել է 87,5 մլն. եվրո: 2-րդ տեղում է հայտնվել «Բարսելոնայի» հարձակվող Լիոնել Մեսին, որը մեկ մրցաշրջանի ընթացքում հարստացել է 76,5 մլն. եվրոյով: Եռյակը եզրափակել է արգենտինացու թիմակից Նեյմարը, որը վաստակել է 55,5 մլն: Բրազիլիացի ֆուտբոլիստին այդ ցուցանիշով նախորդում են Գարեթ Բեյլը (41 մլն.) և «Հեբեյ Չայնա Ֆորչունի» հարձակվող Էզեկիել Լավեսին (28,5): Իսկ մարզիչներից ամենաբարձրն է վարձատրվում  Ժոզե Մոուրինյոն:«Մանչեսթեր Յունայթեդի» գլխավոր մարզիչը մեկ մրցաշրջանի ընթացքում աշխատել է 28 մլն. եվրո: 2-րդ տեղում է հայտնվել Չինաստանի հավաքականի գլխավոր մարզիչ Մարչելո Լիպին (23,5), իսկ 3-րդ հորիզոնականում է ՊՍԺ-ի նախկին գլխավոր մարզիչ Լորան Բլանը (20):
26.03.2017

Կասիլյասը կարիերան շարունակելու երկու տարբերակ ունի

«Պորտուի» դարպասապահ Իկեր Կասիլյասն արդեն ամռանը կարող է հեռանալ Պորտուգալիայի առաջնությունից, հաղորդում են պորտուգալական ԶԼՄ-ները: Մադրիդի «Ռեալի» լեգենդար դարպասապահը ընթացիկ մրցաշրջանում արդեն 30 հանդիպում է անցկացրել «Պորտուի» կազմում, ինչը ֆուտբոլիստին թույլ է տալիս ակումբի հետ պայմանագիրն ավտոմատ կերպով երկարաձգել ևս մեկ տարով: Սակայն, բացի «Պորտուում» մնալու տարբերակից, Կասիլյասն առաջարկ ունի նաև «Մարսելից»: Ֆրանսիական ակումբը նրան առաջարկել է երկու տարվա պայմանագիր:
24.03.2017

Բենզեման խորհուրդ է տվել Մբապեին, թե նա ինչպես պետք է դասավորի իր կարիերան

Մադրիդի «Ռեալի» հարձակվող Կարիմ Բենզեման «Մոնակոյի» ծագող աստղ, 18-ամյա Կիլիան Մբապեին խորհուրդ է տվել չշտապել տեղափոխվելու թոփ-ակումբ: «Ինձ պատմել են, որ Մբապեն իսկական ֆեմոնեն է: Անկեղծ ասած, նրան դեռ չեմ տեսել գործի մեջ: Թոփ-ակումբներում հանդես գալն այնքան էլ հեշտ չէ, որքան կարող է թվալ: Ես Մադրիդ տեղափոխվեցի 21 տարեկան հասակում՝ հաջողությունների հասնելով «Լիոնում»: Իմ առաջին տարին Իսպանիայում ամենադժվարն էր, քանի որ հայտնվեցի շատ հեռու իմ ընտանիքից: Մարդիկ ասում են, որ Մբապեն շատ լավ ֆուտբոլիստ է, և հուսով եմ, որ նրան պայծառ ապագա է սպասվում: Միաժամանակ, Կիլիանը չպետք է շտապի հեռանալ Ֆրանսիայից, քանի որ դեռ շատ երիտասարդ է: Գործերն այժմ հաջող են ընթանում, բայց կկարողանա՞ 18-ամյա տղան պատվով դուրս գալ այն իրավիճակից, երբ ամեն ինչ չլինի այնպես, ինչպես հիմա է. նրան անչափ դժվար կլինի արդեն այս տարիքում հայտնվել ահռելի ճնշման տակ»,- ասել է Բենզեման:
24.03.2017

Վենգերը կմնա «Արսենալում» և ձեռք կբերի 3 ֆուտբոլիստի տրանսֆերը

«Արսենալի» գլխավոր մարզիչ Արսեն Վենգերը չի լքի «Զինագործների» ղեկը: Վերջինս մտադիր է լրջորեն ուժեղացնել անգլիական ակումբի կազմը, տեղեկացնում է L'Equipe-ն: Ընդգծվում է, որ ֆրանսիացի մասնագետը դիտարկում է «Լիոնի» ֆուտբոլսիտներ Կորենտեն Տոլիսոյի և Ալեքսանդր Լյակազետի , ինչպես նաև «Մոնակոյի» պաշտպան Ջիբրիլ Սիդիբեի տրանսֆերները գնելու հնարավորությունը: 25-ամյա Լյակազետի դիմաց «Արսենալը» պատրաստ է վճարել 60 մլն. եվրո: Ավելի վաղ հարձակվողի գործակալը ժխտել էր տեղեկատվությունը այն մասին, որ իր հաճախորդը մոտ է Մադրիդի «Ատլետիկո» տեղափոխությանը: Ընթացիկ մրցաշրջանում Լյակազետը 23 գոլ է խփել Ֆրանսիայի առաջնության 24 հանդիպումներում:
24.03.2017

Պերեսը չի բացառել Մբապեի տրանսֆերը գնելու հնարավորությունը

Վերջին շրջանում իսպանական մամուլում լուրեր էին շրջանառվում, որ Մադրիդի «Ռեալը» հետաքրքրված է «Մոնակոյի» հարձակվող Կիլիան Մբապեի տրանսֆերի ձեռքբերմամբ: «Արքայական» ակումբի նախագահ Ֆլորենտինո Պերեսը մեկնաբանել է այդ տեղեկությունները և անդրադարձել այն շշուկներին, ըստ որոնց՝ Կարիմ Բենզեման թիմի հիմնական կազմում ընդգրկվում է իր պահանջով: «Մբապե-Բենզեմա դուետը՞, ամեն ինչ էլ հնարավոր է: Մբապեն շատ լավ ֆուտբոլիստ է, սակայն հիմա ես խոսելու եմ միայն «Ռեալի» խաղացողների մասին: Հիմա մենք միայն պետք է կենտրոնանանք Չեմպիոնների լիգայի և Իսպանիայի առաջնության վրա: Բենզեման խաղում է մեզ մոտ, քանի որ նախագահի սիրելի՞ ֆուտբոլիստն է, դա սուտ է: Նա խաղում է մեր թիմում իր արժանիքների և աշխատանքին պրոֆեսիոնալ մոտեցման շնորհիվ: Իմ շնորհիվ չէ, որ Բենզեման լավ ֆոտբոլիստ է: Ֆրանսիական 9 համարը: Էլ ի՞նչ կարող եմ ասել: Հույս ունեմ, որ նա կմնա մեզ հետ»,-Marca-ն է փոխանցում Պերեսի խոսքերը:
23.03.2017

COPE. «Մոնակոն» մերժել է «Մանչեսթեր Յունայթեդի» աստղաբաշխական առաջարկը

«Մանչեսթեր Յունայթեդի» սկաուտները ակտիվորեն հետևում են «Մոնակոյի» հարձակվող Կիլիան Մբապեյին: Անգլիական ակումբը արդեն 2 պաշտոնական առաջարկություն է արել 18-ամյա ֆուտբոլիստի տրանսֆերը գնելու համար: Նախ «Կարմիր սատանաները» մոնեգասկցիներին առաջարկել են 80 մլն եվրո, իսկ ահա ՉԼ-ի 1/8 եզրափակչի «Մոնակո» - «Մանչեսթեր Սիթի» պատասխան խաղից հետո ՝ 110 մլն: Սակայն ինչպես տեղեկացնում է COPE-ը, «Մոնակոն» երկու դեպքում էլ մերժել «Յունայթեդի» առաջարկը:     http://www.vivaronews.am/chxnayelov-gumarnereh-pszh-n-mbapei-hamar-monakoyin-karajarki-80-90-mln-evro
22.03.2017

Կիլիան Մբապեն կազմել է բոլոր ժամանակների իր լավագույն թիմը

«Մոնակոյի» նորահայտ աստղ Կիլիան Մբապեն կազմել է բոլոր ժամանակների ֆուտբոլիստներից իր լավագույն թիմը.
21.03.2017

Չխնայելով գումարները. «ՊՍԺ»-ն Մբապեի համար «Մոնակոյին» կառաջարկի 80-90 մլն եվրո

«ՊՍԺ»-ն լրջորեն հետաքրքրված է «Մոնակոյի» հարձակվող Կիլիան Մբապեի ծառայություններով: Ինչպես հաղորդում է Le Parisien-ը, փարիզյան ակումբը վաղուց է հետևում ֆուտբոլիստի ելույթներին: Մբապեի տրանսֆերային արժեքը գնահատվում է մոտ 60 մլն եվրո: Սակայն «ՊՍԺ»-ն և «Մոնակոն» հանդես են գալիս միևնույն առաջնությունում, ուստի եթե մոնեգասկեցիները որոշեն վաճառել 18-ամյա խաղացողի տրանսֆերը, ապա գործարք կձևակերպեն արտասահմանյան ակումբներից մեկի հետ, որպեսզի չուժեղացնեն գլխավոր մրցակցի կազմը: «ՊՍԺ»-ն «Մոնակոյին» համոզելու համար մտադիր է Մբապեի տրանսֆերի դիմաց առաջարկել 80-90 մլն եվրո: Երիտասարդ հարձակվողը Ֆրանսիայի ընթացիկ առաջնությունում մասնակցել է 22 հանդիպման և դարձել 12 գոլի հեղինակ: Մբապեի հաշվին Չեմպիոնների լիգայի գավաթի այս խաղարկությունում գրանցված է 5 խաղ և 2 գոլ:
21.03.2017

Ինչպիսի տեսք կունենա Լիոնել Մեսին ձեր ակումբի մարզաշապիկով (ֆոտոշարք)

Goal.com-ը փորձել է պատկերացնել, թե ինչպիսի տեսք կունենա Լիոնել Մեսին, եթե խաղա այլ ակումբում: Ահա թե ինչ է ստացվել.
21.03.2017

COPE. Ալեքսանդր Լյակազետը տեղափոխվում է իսպանական գրանդ

«Լիոնի» հարձակվող Ալեքսանդր Լյակազետը համաձայնվել է տեղափոխվել «Ատլետիկո Մադրիդ»: Ինչպես հաղորդում է COPE-ը, ֆրանսիացին հանդիպել է «Ատլետիկոյի» գործադիր տնօրեն Միգել Անխել Հիլ Մարինի հետ և նախնական համաձայնության հասել իսպանական գրանդի հետ: Ավելացնենք, որ Լյակազետը «Ատլետիկոյում» պետք է փոխարինի Անտուան Գրիզմանին, ով ամենայն հավանականությամբ, ընթացիկ մրցաշրջանի ավարտից հետո կտեղափոխվի «Մանչեսթեր Յունայթեդ»:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: