Ֆրանսիա | Էջ - 5

27.02.2017

«Մոնակոն» պատրաստ է «նոր Անրիին» վաճառել 60 մլն եվրոյի դիմաց

«Մոնակոն» հայտնել է, որքան գումարի դիմաց է պատրաստ բաց թողնել թիմի հարձակվող Կիլիան Մբայեին, որի ծառայություններով հետաքրքրված են «Բարսելոնան», «Ռեալը», «Մանչեսթեր Սիթիին», «Արսենալը» և Դորտմունդի «Բորուսիան»: Ինչպես հաղորդում է Le Parisien-ը, մոնեգասկները պատրաստ են վաճառել 18-ամյա ֆուտբոլիստին 60 մլն եվրոյի դիմաց: Սակայն նախ և առաջ ֆրանսիական ակումբը ցանկանում է երկարաձգել պայմանագիրը Մբայեի հետ: Ավելացնենք, որ Մբայեին նաև անվանում են «նոր Անրի»:      
26.02.2017

Ալեքսանդր Լյակազետը կարող է տեղափոխվել անգլիական գրանդ ակումբ

«Լիոնի» հարձակվող Ալեքսանդր Լյակազետը հայտնվել է «Լիվերպուլի» ուշադրության կենտրոնում՝ պնդում է Tribal Football-ը: Հաղորդվում է, որ 25-ամյա հարձակվողի ծառայություններով անձամբ Յուրգեն Կլոպն է հետաքրքրված: Նշենք, որ ընթացիկ մրցաշրջանում Լյակազետը Ֆրանսիայի առաջնության 22 խաղում դարձել է 21 գոլի հեղինակ:
26.02.2017

Երբ բարկության պահին առջևումդ մրցավարն է. «Բաստիայի» ավագի զվարճալի կարմիր քարտը (տեսանյութ)

«Բաստիայի» ավագ Յանիկ Կայուզակը կարմիր քարտ է ստացել Ֆրանսիայի առաջնության 27-րդ տուրի՝ «Անժեի» դեմ մրցավեճում (0-3), երբ փոխարինվել է 74-րդ րոպեին: Լքելով խաղադաշտը՝ նա գցել է լուսատախտակը, որն իր ձեռքերում պահել էր 4-րդ մրցավարը, ինչի հետևանքով էլ ստացել է ընթացիկ մրցաշրջանում իր արդեն չորրորդ կարմիր քարտը: Le rouge du week-end pour Cahuzac. #SCOSCB pic.twitter.com/No4vGbKkbC — Franck (@franckb22) February 25, 2017
25.02.2017

«Մոնակոն» հաղթեց «Գենգամին» (տեսանյութ)

Լիգա 1, 27-րդ տուր «Գենգամ» 1-2 «Մոնակո» Գոլերը՝ 0-1՝ Գլիկ 24՛, 0-2՝ Ֆաբինյո 86՛(11-մետրանոց), 1-2՝ Դիդո 90՛ «Ստադ դյու Ռուդուրու» մարզադաշտ, Գենգամ
24.02.2017

Մարիո Բալոտելին որակազրկվել է (տեսանյութ)

«Նիցայի» հարձակվող Մարիո Բալոտեին որակազրկվել է 1 խաղով, այս մասին գրում է Football Italia-ն: Իտալացի ֆուտբոլիստը ֆրանսիական լիգայի 26-րդ տուրի «Լորիանի» հետ խաղի ժամաանակ միանգամից հեռացվել էր խաղադաշտից իր «երկար» լեզվի պատճառով:  Լիգայի կարգապահական կոմիտեն որոշում է ընդունել է 1 խաղով որակազրկել ֆուտբոլիստին և ևս մեկ խաղով, եթե Բալոտելին նորից կարմիր քարտ է ստանա: Ավելացնենք, որ Բալոտելիի «Նիցան» ներկայումս զբաղեցնում է 3-րդ հորիզոնականը:
24.02.2017

Ֆուտբոլային դրամա Իտալիայում և «հեքիաթագիր» մարզչի հեռացումն Անգլիայում. Օրվա գլխավոր լուրերի քրոնիկոնը

VivaroNews.am-ն առանձնացրել է փետրվարի 23-ին տեղի ունեցած ամենաուշագրավ իրադարձությունները և դրանք ներկայացնում է քրոնիկոնի տեսքով: Մադրիդի «Ռեալը» նշանառության տակ է առել «Մոնակոյի» միանգամից երկու ֆուտբոլիստների՝ 18-ամյա հարձակվող Կիլիան Մբապեին և 22-ամյա կիսապաշտպան Բերնարդու Սիլվային: «Արքայական» ակումբին առաջնահերթ գրավել էին Սիլվայի ելույթները, բայց նրան դուր է եկել նաև Մբապեն, ում շատ են համեմատում Տիերի Անրիի հետ: «Լեսթերը» պաշտոնապես հաստատել է, որ պաշտոնանկ է արել գլխավոր մարզիչ Կլաուդիո Ռանիերիին: Թիմը նրա գլխավորությամբ նախորդ մրցաշրջանում դարձել էր Անգլիայի Պրեմիեր լիգայի հաղթող: Նրան փոխարինելու գլխավոր թեկնածուն մեկ այլ իտալացի՝ Ռոբերտ Մանչինին է:  Եվրալիգայի գավաթի խաղարկության 1/16 եզրափակիչ փուլում կայացել են հերթական պատասխան խաղերը: «Ռոման» սեփական հարկի տակ 0-1 հաշվով պարտվել է «Վիլյառեալին», իսկ Բիլբաոյի «Ատլետիկը» հյուրընկալվելիս 0-2 հաշվով զիջել է «ԱՊՕԵԼ»-ին: Իսպանական ակումբները լքել են պայքարը: «Զենիթը» պատասխան խաղում 3-1 հաշվով պարտության է մատնել «Անդերլեխտին», բայց առաջին մրցավեճում 0-2 հաշվով պարտվելու պատճառով լքել պայքարը, իսկ «Լիոնը» 7-1 հաշվով ջախջախել է «ԱԶ Ալկմարին» և ձեռք բերել հաջորդ փուլի ուղեգիր: Մյունխենգլադբախի «Բորուսիան», թեև 29-րդ րոպեի դրությամբ զիջում էր 0-2 հաշվով, վերջնական արդյունքում 4-2 հաշվով Ֆլորենցիայում հաղթել է «Ֆիորենտինային» ու նույնպես շարունակում է պայքարը: «Տոտենհեմը» երկուական գնդակ է փոխանակել «Գենտի» հետ, բայց, քանի որ առաջին խաղում զիջել էր 0-1 հաշվով, դուրս չի եկել հաջորդ փուլ: «Սելտան» մրցավարի ավելացրած ժամանակում գրավել է «Շախտյորի» դարպասը, իսկ արդեն լրացուցիչ ժամանակում հաշիվը դարձրել 2-0 և հայտնվել 1/8 եզրափակչում: Ռոնալդինյո. «Գրեթե ամեն տարի լինում եմ Չինաստանում և տեսնում եմ, որ ֆուտբոլն Ասիայում օրեցօր զարգանում է: Վստահ եմ, որ «Բարսելոնայից» եկող պրոֆեսիոնալները կնպաստեն դրան: Բոլորը գիտեն, թե «Բարսան» ինչպես է աշխատում երեխաների հետ»: Մինո Ռայոլա. «Ես որոշում եմ ընդունել, որպեսզի լուծեմ Բալոտելիի հետ կապված խնդիրները: Ցանկանում եմ կտրել նրա լեզուն: Այդ դեպքում նա պատճառաբանություններ գտնելու հնարավորություն այլևս չի ունենա»: Օլիվեր Կան. «Ներկա պահին չեմ ցանկանում դառնալ «Բավարիայի» մարզական տնօրենը: Ինձ դուր է գալիս ձեռնարկատիրական գործունեությունը, բացի այդ, մինչ 2018 թվականը պայմանագիր ունեմ  ZDF հեռուստաընկերության հետ: Ակումբային աշխատանքի մասին չեմ մտածում»:
23.02.2017

Հենրիխ Մխիթարյան vs «Սենտ Էթյեն» (տեսանյութ)

Տեսանյութում ներկայացված են «Մանչեսթեր Յունայթեդի» կիսապաշտպան Հենրիխ Մխիթարյանի գործողությունները «Սենտ Էթյենի» դեմ պատասխան հանդիպմանը: Հիշեցնենք, որ Մխիթարյանը բացեց հաշիվը, իսկ մի քանի րոպե անց փոխարինվեց վնասվածքի պատճառով:
22.02.2017

Մխիթարյանի գոլը հաղթանակ է պարգևում «Յունայթեդին» (տեսանյութ)

Եվրոպա լիգա, 1/16 եզրափակիչ, պատասխան հանդիպում «Սենտ Էթյեն» 0–1 «Մանչեսթեր Յունայթեդ»(1-ին խաղը՝ 0-3) Գոլը՝ Հենրիխ Մխիթարյան 17՛ Հեռացում՝ Էրիկ Բայի 63՛(«Մանչեսթեր Յունայթեդ») «Ժոֆրուա Գիշար» մարզադաշտ, Սենտ Էթյեն
22.02.2017

The Telegraph. Մխիթարյանը խաղադաշտը լքեց վնասվածքի պատճառով

Ինչպես արդեն տեղեկացրել ենք, «Սենտ Էթյեն» - «Մանչեսթեր Յունայթեդ» հանդիպման 25-րդ րոպեին Հենրիխ Մխիթարյանը փոխարինվել է՝ իր տեղը զիջելով Մարկուս Ռեշֆորդին: The Telegraph-ը հաղորդում է, որ Մխիթարյանը վնասվածքի պատճառով է փոխարինվել: Նախնական տվյալներով՝ 28-ամյա հայ կիսապաշտպանը ձգել է ազդրի մկանը: «Յունայթեդի» պաշտոնական թվիթերյան էջը ևս նշում է, որ Հենրիխը փոխարինվել է վնասվածքի պատճառով: http://www.vivaronews.am/sent-ethyen-manchesther-yunaythed-mxitharyaneh-bacum-e-xaghi-hashiveh-tesanyuth
22.02.2017

«Սենտ Էթյեն» – «Մանչեսթեր Յունայթեդ». Առաջին կեսի միջնամասում Մխիթարյանը փոխարինվում է

Եվրոպա լիգայի 1/16 եզրափակիչի պատասխան խաղում «Սենտ Էթյենն» ընդունել է «Մանչեսթեր Յունայթեդին»: Հայաստանի հավաքականի ու «Մանչեսթեր Յունայթեդի» կիսապաշտպան Հենրիխ Մխիթարյանը խաղին մասնակցեց մեկնարկից: 17-րդ րոպեին Մխիթարյանը գոլի հեղինակ դարձավ, իսկ 25-րդ րոպեին փոխարինվեց՝ իր տեղը զիջելով Մարկուս Ռեշֆորդին: http://www.vivaronews.am/sent-ethyen-manchesther-yunaythed-mxitharyaneh-bacum-e-xaghi-hashiveh-tesanyuth
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: