Ֆրանսիա | Էջ - 41

27.05.2016

OK Diario. ՊՍԺ-ն Նեյմարի համար առաջարկել է 190 մլն եվրո

ՊՍԺ-ն շարունակում է փոխարինող փնտրել Զլատան Իբրահիմովիչին: Ինչպես հաղորդում է OK Diario-ն, ֆրանսիական ակումբը բանակցություններ է վարել բրազիլացու ներակայացուցիչների հետ: ՊՍԺ-ն պատրաստ է 190 մլն եվրո առաջարկել Նեյմարին, իսկ ահա ֆուտբոլիստ փարիզյան ակումբից պահանջում է տարեկան 25 մլն եվրո աշխատավարձ: Ավելի վաղ իսպանական ԶԼՄ-ները հայտնել էին, որ Նեյմարը մտադիր է երկարաձգել պայմանագիրը «Բարսելոնայի» հետ մինչև 2022թ:
25.05.2016

Իբրահիմովիչը չի կարողացել համաձայնության գալ «Ման Յունայթեդի» հետ

«Պարի Սեն Ժերմենի» հարձակվող Զլատան Իբրահիմովիչը չի տեղափոխվի մանչեսթերյան ակումբ, տեղեկացնում է Sky Sports-ը: Ավելի վաղ տեղեկացվում էր, որ շվեդ ֆուտբոլիստի ծառայություններով լրջորեն հետաքրքրված է «Կարմիր սատանաների» ենթադրյալ ապագա մարզիչ Ժոզե Մոուրինյոն: ԶԼՄ-ներում շրջանառվում էին այն լուրերը, որ հարձակվողը Մանչեսթեր տեղափոխվելու դեպքում կստանար 250 հազար ֆունտ շաբաթական: Հիշեցնենք՝ 2016 թվականի ամռանից Իբրահիմովիչը կդառնա ազատ գործակալ :
24.05.2016

Gazetta Dello Sport. ՊՍԺ-ն 120 մլն եվրո է առաջարկել Կրիշտիանո Ռոնալդուի համար

ՊՍԺ-ի ղեկավարությունը առաջարկություն է արել Մադրիդի «Ռեալի» հարձակվող Կրիշտիանո Ռոնալդուին: Այս մասին գրում է իտալական La Gazzetta Dello Sport-ը: Ֆրանսիական ակումբը պատրաստ է 31-ամյա ֆուտբոլիստի դիմաց վճարել ռեկորդային 120 մլն եվրո, իսկ նրա աշխատավարձը կկազմի տարեկան 30 մլն եվրո: Եթե այս տրանսֆերը իրականանա, ապա այն կդառնա ֆուտբոլի պատմության մեջ ամենաթանկարժեքը: Նշենք, որ ներկա պահին ամենթանկարժեք տրանսֆերը համարվում է Գարեթ Բեյլի տեղափոխությունը «Ռեալ»: Այդ ժամանակ «արքայական» ակումբը վճարել էր 99,7 մլն եվրո:
24.05.2016

Միշել Տեր-Զաքարյանը՝ «Ռեյմսի» գլխավոր մարզիչ

Ֆրանսահայ նախկին ֆուտբոլիստ Միշել Տեր-Զաքարյանը նշանակվել է ֆրանսիական «Ռեյմսի» գլխավոր մարզիչ: Տեր-Զաքարյանը երկու տարվա պայմանագիր է կնքել ակումբի հետ: Հայ մասնագետի առաջ խնդիր է դրված վերադարձնել «Ռեյմսը» առաջնության բարձրագույն դիվիզիոն: Նշենք՝ այս մրցաշրջանի ավարտին թիմը, զբաղեցնելով 18-րդ տեղը, լքեց Ֆրանսիայի ուժեղագույն մրցաշարը:
23.05.2016

«Նապոլին» Հիգուայինին փոխարինող է գտել

«Էվերտոնի» հարձակվող Ռոմելու Լուկակուն կարող է փոխարինել «Նապոլիի» հարձակվող Գոնսալու Հիգուայինին, եթե վերջինս որոշի փոխել ակումբային գրանցումը: Տեղեկացվում է, որ Հիգուայինի եղբայրը, որը ֆուտբոլիստի գործակալն է, հանդիպել է «Պարի Սեն Ժերմենի» ներկայացուցիչների հետ, որոնք էլ Զլատան Իբրահիմովիչին են փոխարինող փնտրում: Հիգույանինի հրաժարագինը կազմում է մոտ 94 միլիոն եվրո: «Նապոլին» հետաքրքրված է նաև «Ֆիորենտինայի» հարձակվող Նիկոլի Կալինիչի ծառայություններով:
22.05.2016

ՊՍԺ-ի նախագահը հանդիպել է Հիգուայինի հետ

«Նապոլիի» հարձակվող Գոնսալո Հիգուայինը ֆրանսիական «Պարի Սեն Ժերմենի» ուշադրության կենտրոնում է: ՊՍԺ-ի նախագահ Օլիվյե Լետանգն արդեն հանդիպել է արգենտինացի հարձակվողի հետ: Հանդիպման ժամանակ քննարկվել է պայմանագրի մանրամասներն ու ներկայացվել ակումբի ծրագրերը՝ հայտնում է Le Parisien-ը: Բացի այդ, Հիգուայինի եղբայրն ու գործակալը հանգստյան օրերն անցկացնում են Փարիզում: Ակնկալվում է, որ արգենտինացու տրանսֆերը կկազմի 60 միլիոն եվրո:
22.05.2016

«Օլիմպիկ Մարսել» 2-4 ՊՍԺ. Փարիզցիները վերցնում են նաև այս տիտղոսը

Ֆրանսիայի գավաթ, եզրափակիչ «Օլիմպիկ Մարսել» 2-4 ՊՍԺ Գոլեր` 0-1` Մատյուիդի 3', 1-1` Տովին 12', 1-2` Իբրահիմովիչ 47' 11մ, 1-3` Կավանի 57', 1-4` Իբրահիմովիչ 82', 2-4` Բատշուայի 87'
21.05.2016

Նեյմարը մերժել է ՊՍԺ-ի իրեն ամենաբարձր վարձատրվող ֆուտբոլիստ դարձնելու առաջարկը

«Բարսելոնայի» հարձակվող Նեյմարին չի գայթակղել ՊՍԺ-ի առաջարկած աստղաբաշխական եկամուտը: Բրազիլայի հավաքականի ֆուտբոլիստը կտրականապես մերժել է «Պարի Սեն Ժերմենի» առաջարկը, որպեսզի նոր պայմանագիր ստորագրի «Կապտանռնագույնների» հետ, տեղեկացնում է իսպանական առցանց լրատվամիջոց Sport-ը: ՊՍԺ-ն 190 միլիոն եվրո էր առաջարկում Նեյմարի դիմաց, իսկ իրեն՝ հարձակվողին, պատրաստ էր դարձնել աշխարհի ամենաբարձր վարձատրվող ֆուտբոլիստը: Ավելի վաղ տեղեկացրել էինք, որ Նեյմարը համաձայնության է եկել կատալոնական ակումբի հետ: Բրազիլացի նոր պայմանագրի կստորագրի մինչև 2022 թվականը:
19.05.2016

«Ատլետիկոն» մտադիր է ձեռք բերել ֆրանսիական «Լանսի» բաժնեմասը

Մադրիդի «Ատլետիկոն» մտադիր է ձեռք բերել Ֆրանսիայի 2-րդ լիգայում հանդես եկող «Լանսի» բաժնետոմսերի մի մասը՝ հայտնում է Marca-ն: Մադրիդյան ակումբը լյուքսեմբուրգյան ընկերության հետ միասին առաջարկ է կատարել ակումբը ձեռք բերելու վերաբերյալ: Հաղորդման համաձայն՝ «Ատլետիկոյին» կպատկանի թիմի բաժնետոմսերի 35 տոկոսը, իսկ լյուքսեմբուրգյան ընկերությանը՝ հսկիչ փաթեթը՝ 65 տոկոսը: Ակնկալվում է, որ գործարքի մասին պաշտոնական հայտարարություն կլինի երկուշաբթի: Նշենք, որ «Լանսի» սեփականատերն է ադրբեջանցի գործարար Հաֆիզ Մամեդովը:
19.05.2016

Ֆրանսիայի հավաքականի նախկին ֆուտբոլիստը սրտի կանգի պատճառով հոսպիտալացվել է

Ֆրանսիայի ազգային հավաքականի, «Տոտենհեմի» ու «Պարի Սեն Ժերմենի» նախկին կիսապաշտպան Դավիդ Ժինոլան սրտի կանգի պատճառով հոսպիտալացվել է՝ գրում է Nice Matin-ը: 49-ամյա ֆրանսիացու սրտի կանգը տեղի է ունեցել գոլֆ խաղալիս: Խաղադաշտից նրան հոսպիտալացրել են ուղղաթիռով: Դեպքը տեղի է ունեցել մոտ կես ժամ առաջ: Ժինոլան անգիտակից վիճակով գտնվում է Մոնակոյի սրտաբանական կենտրոնում: Վիճակը կայուն է: Հիշեցնենք, որ Ժինոլան իր թեկնածությունն էր առաջադրել ՖԻՖԱ-ի նախագահի պաշտոնում:
ԹԵԺ ԵՎ ԲԱՑԱՌԻԿ

Vivaro News

Հասցե - Գետառի 4/17 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: