Ֆրանսիա | Էջ - 41

27.06.2016

Լորան Բլանը լքում է ՊՍԺ-ի գլխավոր մարզչի պաշտոնը

«Պարի Սեն Ժերմենի» գլխավոր մարզիչ Լորան Բլանը լքում է իր զբաղեցրած պաշտոնը, տեղեկացնում է ֆրանսիական ակումբի պաշտոնական կայքը: «Հարգալից մթնոլորտում մեր բանակցությունները ավարտվեցին հունիսի 27-ին:  Քանի որ ակումբը որոշել է նոր ուղղությամբ ընթանալ, կողմերի փոխհամաձայնությամբ որոշվեց, որ ներկայիս մարզչական անձնակազմը պետք է լքի ակումբը: Մենք ցանկանում ենք շնորհակալություն հայտնել Լորան Բլանին և իր անձնակազմին 3 տարվա ընթացքում կատարված աշխատանքի համար»,-նշվում է պաշտոնական հայտարարության մեջ: Հիշեցնենք՝ ֆրանսիացի մասնագետը ՊՍԺ-ի ղեկին է 2013 թվականից և թիմի հետ հաղթել է 11 գավաթ, սակայն չի կարողացել նվաճել եվրոպական առաջնություններից որևէ մեկը:
20.06.2016

«Սևիլիան» երեք տարվա պայմանագիր է առաջարկել Բեն-Արֆային

«Սևիլիան» շարունակում է բանակցությունները կիսապաշտպան Հատեմ Բեն-Արֆայի տեղափոխման շուրջ: Ֆուտբոլիստի պայմանագրի ժամկետը «Նիցցայի» հետ լրացել է, և նա այժմ ազատ գործակալի կարգավիճակ ունի: Ինչպես հաղորդում է  L’Équipe-ը, կողմերը բանակցություններ են վարել անցած շաբաթ: Նշվում է, որ «Սևիլիան» կիսապաշտպանին առաջարկել է 3  տարվա պայմանագիր, և արդեն այս շաբաթ Բեն-Արֆան կարող է ընդունել այդ առաջարկությունը: Ավելի վաղ ԶԼՄ-ները հայտնում էին, որ «Նիցցան» պատրաստ է 29-ամյա խաղացողին վճարել 450.000 եվրո ամսական ՝ 3 անգամ ավելի նախորդ մրցաշրջանի իր աշխատավարձից: Ավարտված մրցաշրջանում Բեն-Արֆան մասնակցել է 33 խաղի Լիգա 1-ու, դարձել է 17 գոլի և 5 գոլային փոխանցման հեղինակ:
18.06.2016

«Լացիոյի» հարձակվողը մոտ է «Ռեալ» տեղափոխությանը

«Լացիոյի»  հարձակվող Կեյտա Բալդեն մոտ է Մադրիդի «Ռեալ» տեղափոխությանը: Տեղեկացվում է, որ 21-ամյա ֆուտբոլիստը համաձայնության է հասել «սերուցքայինների» հետ և շուտով 5-ամյա պայմանագիր կստորագրի: Սակայն չի տեղեկացվում, արդյոք ֆուտբոլիստը հանդես կգա հենց «արքայական» ակումբի կազմում, թե վարձավճարով կխաղա այլ ակումբում:
17.06.2016

«Լիոնի» պաշտպանը Եվրոյից հետո բուժզննում կանցնի «Բարսելոնայում»

Ֆրանսիական «Լիոնի» պաշտպան Սամուել Ումտիտին Եվրո 2016-ից հետո բուժզննում կանցնի «Բարսելոնայում»՝ հայտնում է իսպանական Sport-ը: Ակնկալվում է, որ Ումտիտին «Բարսելոնայում» բուժզննում կանցնի հուլիսի միջնամասում: Տեղափոխության բոլոր կետերը դեռևս համաձայնեցված չեն, սակայն կողմերը մոտ են համաձայնության գալուն: «Բարսելոնան» պաշտպանի տրանսֆերի դիմաց կվճարի շուրջ 30 միլիոն եվրո:
17.06.2016

Sky Sports. Թոփ 10 սպասվող տրանսֆերները այս ամառ

16.06.2016

Իսպանական գրանդը հետաքրքրված է Պայեի ծառայություններով

Ֆրանսիայի ազգային հավաքականի ու անգլիական «Վեսթ Հեմի» կիսապաշտպան Դմիտրի Պայեն հետաքրքրել է Մադրիդի «Ռեալին»՝ հայտնում է The Telegraph-ը: Աղբյուրի հաղորդմամբ՝ 29-ամյա Պայեի ծառայություններով անձամբ Զինեդին Զիդանն է հետաքրքրված ու ամեն ինչ անելու է ամառային տրանսֆերային պատուհանին հայրենակցին «արքայական» ակումբ բերելու համար: Նշենք, որ առաջին անգամ չէ, որ խոսվում է «Ռեալի»՝ Պայեի ծառայություններով հետաքրքրվելու մասին:
14.06.2016

Bild. Զլատանի Իբրահիմովիչը կարող է շարունակել կարիերան Գերմանիայում

Շվեդիայի ազգային հավաքականի ֆուտբոլիստ Զլատան Իբրահիմովիչը կարող է կարիերան շարունակել Մյունխենի «Բավարիայում»: Ինչպես հաղորդում է Bild-ը, 34-ամյա ֆուտբոլիստը վերջին շաբաթների ընթացքում բանակցություններ է վարել մյունխենյան ակումբի գլխավոր մարզիչ Կառլո Անչելոտիի հետ: Նշվում է, որ Իբրան պատրաստ է տեղափոխվել Գերմանիա Եվրո 2016-ի ավարտից հետո: Իր հերթին, բրիտանական մամուլը շարունակում է պնդել, որ շվեդ հարձակվողը 1 տարվա պայմանագիր է ստորագրելու «Մանչեսթեր Յունայթեդի» հետ:
14.06.2016

Իբրահիմովիչը բուժզննում կանցնի «Մանչեսթեր Յունայթեդում»

«Պարի Սեն Ժերմենի» և Շվեդիայի հավաքականի հարձակվող Զլատան Իբրահիմովիչը Եվրոպայի առաջնության ավարտից հետո կդառնա «Մանչեսթեր Յունայթեդի» ֆուտբոլիստի, այդ մասին հայտնում է Sky sports-ը: Նշենք, որ կողմերի միջև բանակցությունները ընթացան ավելի երկար, քան ակնկալվում էր, այդ իսկ պատճառով, ակումբը չկարողացավ կազմակերպել շվեդ ֆուտբոլիստի բուժզննումը Եվրո 2016-ի մեկնարկից առաջ: Այնուամենայնիվ, Իբրահիմովիչը համապատասխան բուժզննում կանցնի Ֆրանսիայում տեղի ունեցող առաջնության ավարտից հետո և այնուհետև կստորագրի 1 տարվա պայմանագիր:
14.06.2016

Բեն-Արֆան բանակացություններ է վարում իսպանական ակումբի հետ

«Նիցայի» կիսապաշտպան Հատեմ Բեն-Արֆան կարող է կարիերան շարունակել Իսպանիայում: 29-ամյա ֆուտբոլիստը բանակցություններ է վարում Եվրոպա լիգայի 2015/16 մրցաշրջանի հաղթող «Սեվիլյայի» հետ: Ավելի վաղ տեղեկացրել էինք, որ ֆրանսիացու ծառայություններով հետաքրքրված են մի շարք թոփ ակումբներ ՝ այդ թվում «Բարսելոնան»:
14.06.2016

Ֆրասնիայի հավաքականի ֆուտբոլիստը համաձայնեցրել է անձնական պայմանագիրը «Բարսելոնայի» հետ

Ֆրանսիայի ազգային հավաքականի և «Լիոնի» պաշտպան Յումտիտին, ամենայն հավանականությամբ, կարիերան կշարունակի «Բարսելոնայում»: Ըստ Le Dauphine-ի, 22-ամյա ֆրանսիացին արդեն համաձայնեցրել է անձնական պայմանագիրը կատալոնական ակումբի հետ:Նշվում է, որ Յումտիտիի տրանսֆերը կկազմի մոտ 30 մլն եվրո: Ավելացնենք, որ 2015/16 մրցաշրջանում ֆրանսիացին անցկացրել է 30 հանդիպում և խփել 1 գոլ:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: