Ֆրանսիա | Էջ - 3

16.03.2017

«Մոնակոյի» 18-ամյա ծագող աստղը, Գրիզմանը և Պոգբան հրավիրվել են Ֆրանսիայի ազգային հավաքական

Ֆրանսիայի ազգային հավաքականի գլխավոր մարզիչ Դիդյե Դեշամը հրապարակել է այն ֆուտբոլիստների անունները, ովքեր կմասնակցեն ԱԱ 2018թ. որակավորման փուլի Լյուքսեմբուրգի և Իսպանիայի ընտրանու հետ խաղերի համար (ընկերական): Նշենք, որ առաջին անգամ ազգային հավաքական են հրավիրվել «Մոնակոյի» ծագող աստղեր Կիլինա Մբապեն և Տենույե Բակայոկոն, ովքեր երեկ օգնեցին իրենց թիմին դուրս գալ Չեմպիոնների լիգայի 1/4 եզրափակիչ:
16.03.2017

Դեպայը գերազանցում է Մխիթարյանին, Իբրահիմովիչին, Պոգբային (ինֆոգրաֆիկա)

Ձմեռային տրանսֆերային պատուհանի ընթացքում «Մանչեսթեր Յունայթեդից» «Լիոն» տեղափոխված Մեմֆիս Դեպայը փայլուն է սկսել կարիերան նոր ակումբում: Olala-ն կազմել է ինֆոգրաֆիկա, որտեղ ներկայացվում է հոլանդացու ցուցանիշները՝ համեմատելով «Մանչեսթեր Յունայթեդում» նրա խաղընկերների հետ: Սկսած Լիգա-1-ում իր նորամուտից (հունվարի 22), Դեպայը բոլոր ցուցանիշներով գերազանցում է «Յունայթեդի» ֆուտբոլիստներին: Մասնավորապես՝ նա խփել է 5 գոլ, կատարել 2 գոլային փոխանցում, 31 հարված, 24 հաջող խլում, ստեղծել 23 պահ:
16.03.2017

Ռոնալդուն ու Մեսին իրենց ակումբներին խորհուրդ են տվել գնել նույն ֆուտբոլիստին

Իսպանական Don Balon-ը հայտնում է, որ աշխարհի երկու լավագույն ֆուտբոլիստները՝ Կրիշտիանու Ռոնալդուն և Լիոնել Մեսին իրենց ակումբներին խորհուրդ են տվել գնել «Մոնակոյի» և Պորտուգալիայի հավաքականի կիսապաշտպան Բեռնարդո Սիլվային: Իսկոյի ու Խամեսի հեռանալու դեպքում «Ռեալը» կիսապաշտպանի կարիք կունենա, ու Ռոնալդուն այդ դիրքում տեսնում է հենց իր հայրենակցին: Իսկ Մեսին ցանկանում է վերջապես գտնել մեկին, ով կկարողանա թիմում արժանի փոխարինել Խավիին ու Ինիեստային: «Հաճելի է, որ ինձ կապում են նման ակումբների հետ, բայց ես առայժմ շատ չեմ մտածում այդ մասին: Մի օր ես կուզենամ խաղալ Անգլիայում կամ Իսպանիայում, աշխարհի երկու լավագույն լիգաներից մեկում, բայց այս պահին ես երջանիկ եմ այստեղ»,-ասել է Բեռնարդո Սիլվան:
14.03.2017

Մարկինյոսին ցանկանում են տեսնել Անգլիայում

ՊՍԺ պաշտպան Մարկինյոսի ծառայություններով սկսել են հետաքրքրվել անգլիական «Չելսին» և «Մանչեսթեր Յունայթեդը»: 22-ամյա ֆուտբոլիստին այս մրցաշրջանի ավարտից հետո ցանկանում է ձեռք բերել ոչ միայն «Ինտերը», այլ նաև «Չելսին» և «Մանչեսթեր Յունայթեդը»: Բրազիլացու տրանսֆերային արժեքը կազմում է շուրջ 50 մլն եվրո, սակայն ֆրանսիական ակումբի ղեկավարությունը չի ցանկանում բաց թողնել իր ֆուտբոլիստին և գերադասում է փոխանակել նրան, եթե Մարկինյոսը այնուամենայնիվ որոշի հեռանալ: «Չելսիի» գլխավոր մարզիչ Անտոնիո Կոնտեն ցանկանում է թիմում նոր պաշտպանի տեսնել , քանի որ Ջոն Տերին այլևս առաջվա մարզավիճակում չէ: Բացի այդ, Կոնտեն հաջորդ մրցաշրջանում ցանկանում է օգտագործել 3-5-2 դասավորությունը: Իսկ «Մանչեսթեր Յունայթեդի» ղեկավարությունը  թիմի գլխավոր մարզիչ Ժոզե Մոուրինյոյին տրամադրել է շուրջ 200 մլն ֆունտ տրանսֆերային գումար, որպեսզի պորտուգալացին «կարմիր սատանաներին» վերադարձնի Չեմպիոնների լիգա: Անցած ամռանը ՊՍԺ-ն արդեն մերժել է «Բարսելոնայի» 45 մլն-անոց առաջարկը, սակայն իսպանական Sport-ի համաձայն՝ բրազիլացին արդեն տեղեկացրել է ֆրանսիական ակումբի ղեկավարությանը, որ ցանկանում է տեղափոխվել կատալոնական ակումբ այս մրցաշրջանից հետո: Հիշեցնենք, որ Մարկինյոսը ՊՍԺ է տեղափոխվել 2013 թվականին «Ռոմայից»: Ֆրանսիական ակումբի  կազմում  բրազիլացին մասնակցել 118 խաղի և նվաճել 8 տիտղոս:
14.03.2017

Վերատին պատրաստ է առաջարկներ լսել այլ ակումբներից

«ՊՍԺ»-ի կիսապաշտպան Մարկո Վերատին կարող է ընթացիկ մրցաշրջանի ավարտին հեռանալ Փարիզից, հայտնում է Mundo Deportivo-ն: Աղբյուրի հաղորդմամբ՝ 24-ամյա իտալացին իր գործակալին խնդրել է լավ տարբերակներ գտնել՝ կարիերան շարունակելու համար: Վերատին շատ ծանր է տարել պարտությունը «Բարսելոնայից», բացի այդ՝ վրդովված է, որ նրան քննադատում են գիշերային ակումբ հաճախելու համար: Իտալացի կիսապաշտպանով հետաքրքրված են «Բարսելոնան», «Յուվենտուսը» և «Բավարիան», իսկ տրանսֆերի արժեքը մոտ 80 մլն եվրո է:
13.03.2017

Մեմֆիս Դեպայը դարձել է ֆանտաստիկ գոլի հեղինակ (տեսանյութ)

«Մանչեսթեր Յունայթեդի» նախկին հարձակվող Մեմֆիս Դեպայը, ով ներկայումս հանդես է գալիս ֆրանսիական «Լիոնի» կազմում, Լիգա 1-ի վերջին տուրի «Թուլուզի» դեմ խաղի ժամանակ դարձել է ֆանտաստիկ գոլի հեղինակ: Ավելացնենք, որ հանդիպումը ավարտվել է 4-0 հաշվով:
12.03.2017

ՊՍԺ-ի կիսապաշտպանը հետաքրքրել է «Ինտերին»

ՊՍԺ-ի կիսապաշտպան Գժեգոժ Կրիխովյակը կարող է ամռանը փոխել իր ակումբային գրանցումը: Լեհ ֆուտբոլիստն «Ինտերի» ուշադրության կենտրոնում է: Միլանյան ակումբը հետևում է իրադարձությունների զարգացմանը: Կրիխովյակը «Սևիլիայից» ՊՍԺ տեղափոխվելուց հետո չի կարողանում տեղ գտնել փարիզյան ակումբի մեկնարկային կազմում:
12.03.2017

«Բարսելոնա» – «ՊՍԺ» խաղի մրցավարը հանդիպման ընթացքում վիրավորել է ֆրանսիական թիմի ֆուտբոլիստներին

Չեմպիոնների լիգայի գավաթի խաղարկության 1/8 եզրափակչի՝ «Բարսելոնա» - «ՊՍԺ» պատասխան խաղի ժամանակ գլխավոր մրցավար Դենիս Այտեկինը մի քանի անգամ կոպիտ խոսքեր է հասցեագրել ֆրանսիական թիմի ֆուտբոլիստներին: Ինչպես հաղորդում է Le Parisien-ը, երբ «ՊՍԺ»-ի ֆուտբոլիստները մրցավարին խնդրել են բացատրել իր որոշումները վիճելի դրվագների ժամանակ, նրանք մրցավարի կողմից այս պատասխանն են լսել. «F**k you»: Հիշեցնենք՝ «Բարսելոնան» երկու խաղերի արդյունքում հաղթել է 6-5 հաշվով և դուրս եկել քառորդ եզրափակիչ: «Կամպ Նոու» մարզադաշտում կայացած հանդիպումից հետո ՈՒԵՖԱ-ի մրցավարական կոմիտեն դժգոհ էր մնացել Այտեկինի աշխատանքից: http://www.vivaronews.am/klop-yerb-diteci-barselona-pszh-xagheh-mtatceci-yes-sirum-em-futboleh
11.03.2017

Օբամեյանգի երազանքի թիմը (լուսանկար)

Դորտմունդի «Բորուսիայի» և Գաբոնի հավաքականի հարձակվող Պիեր Էմերիկ Օբամեյանգը, որը երեկ ճանաչվեց Չեմպիոնների լիգայի 1/8 եզրափակչի պատասխան հանդիպումների շաբաթվա լավագույն ֆուտբոլիստը, ներկայացրել է իր երազանքի թիմը:
10.03.2017

Դի Մարիայի կինը դժգոհել է «Բարսելոնայի» հետ խաղի մրցավարությունից, իսկ ավելի ուշ հեռացրել գրառումը

«ՊՍԺ»-ի կիսապաշտպան Անխել դի Մարիայի կինը՝ Խորխելինա Կարդոսոն, դժգոհ է մնացել Չեմպիոնների լիգայի գավաթի խաղարկության 1/8 եզրափակչի՝ «Բարսելոնա» - «ՊՍԺ» հանդիպման մրցավարությունից, որում իր սիրելիի թիմը պարտություն կրեց 1-6 հաշվով և դուրս մնաց պայքարից: «Հաշվի առնելով մրցավարությունը՝ Չեմպիոնների լիգան շարունակելու են հաղթել միևնույն թիմերը: Ամենայն հավանականությամբ, «ՊՍԺ»-ն չի մտնում այդ ցուցակում»,- գրել է Կարդոսոն Instagram-ի իր էջում: Ինչպես հաղորդում է Ole-ն, Կարդոսոն ավելի ուշ ստիպված է եղել հեռացնելու իր գրառումը՝ «Բարսելոնայի» մեծ թվով երկրպագուների կողմից տարաբնույթ սպառնալիքներ ստանալու պատճառով: http://www.vivaronews.am/yerkrpagunereh-viravorel-ev-kotrel-en-pszh-futbolistneri-avtomekhenanereh-tesanyuth
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: