Ֆրանսիա | Էջ - 2

18.04.2017

Դորտմունդի «Բորուսիան» փոխարինող է գտել Պիեր-Էմերիկ Օբամեյանգին

«Լիոնի» հարձակվող Ալեքսանդ Լյակազետը կարող է տեղափոխվել Դորտմունդի «Բորուսիա»: Ինչպես հաղորդում է գերմանական Bild-ը, «Բորուսիայի» մարզչական շտաբը կարծում է, որ ֆրանսիացի հարձակվողը կկարողանա փոխարինել Օբամեյանգին, ով ընթացիկ մրցաշրջանի ավարտից հետո կհեռանա Դորտմունդից: 25-ամյա Լյակազետը ընթացիկ մրցաշրջանում անցկացրել է 39 հանդիպում և խփել 30 գոլ:  
17.04.2017

Բյուրկի. «Բոլոր ֆուտբոլիստները լաց էին լինում «Մոնակոյից» կրած պարտությունից հետո»

Դորտմունդի «Բորուսիայի» դարպասապահ Ռոման Բյուրկին խոսել է Չեմպիոնների լիգայի 1/4 եզրափակչի «Մոնակոյի» դեմ հանդիպումից առաջ թիմի ավտոբուսի մոտակայքում որոտացած պայթյունների մասին և ՈՒԵՖԱ-ի որոշման մասին հետաձգել հանդիպումը ընդամենը մեկ օրով: «Դեռևս չեմ կարողանում գիշերները հանգիստ քնել: Ենթագիտակցությանս մեջ պայթյունի պատկերներն են հայտնվում, հետո արթանանում եմ և տեսնում եմ, որ տանն եմ՝ ընտանիքիս հետ: Իսկ «Մոնակոյի» հետ խաղը բավական բարդ էր ինձ համար, ես չէի կարողանում կենտրոնանալ հանդիպման վրա: Իսկ պարտությունից հետո բոլոր ֆուտբոլիստները լաց էին լինում: Եթե մեզ հարցնեին, ոչ մեկս չէինք մասնակցի այդ հանդիպմանը: ՈՒԵՖԱ-ն պարզ դարձրեց, որ միայն փողի մասին է մտածում, ոչ մի մարդկային վերաբերմունք չտեսանք նրանց կողմից: Հաջորդ օրը կազմակերպության ներկայացուցիչը ասաց, որ խաղը երկար ժամկետով կհետաձգվեր, եթե ինչ որ մեկը մահանար»,-պատմել է Բյուրկին Kicker-ի հետ զրույցում: Նշենք՝ ահաբեկչության արդյունքում «Իշամեղուների» պաշտպան Մարկ Բարտրան ձեռքի վնասվածք էր ստացել և շարքից դուրս մնացել 4 շաբաթով:
17.04.2017

Հայտնի է՝ ով կսպասարկի «Բարսելոնա»-«Յուվենտուս» հանդիպումը

ՈՒԵՖԱ-ի պաշտոնական կայքը հրապարակել է Չեմպիոնների լիգայի 1/4 եզրափակչի պատասխան հանդիպումները սպասարկող մրցավարական անձնակազմերը: «Բարսելոնա»-«Յուվենտուս» հանդիպումը (առաջին խաղ -3:0) կսպասարկի հոլանդական մրցավարական կազմը՝ Բյորն Կույպերսի գլխավորությամբ: «Մոնակո»-«Բորուսիա Դորտմունդ» (առաջին խաղ- 3:2) մրցավեճը կսպասարկեն Դամիր Սկոմինը և նրա օգնականները: Վերոնշյալ հանդիպումները տեղի կունենան ապրիլի 19-ին՝ 22:45-ին:
17.04.2017

Բաֆետիմբի Գոմիսի փայլուն ընդունումն ու սուպերգոլը (տեսանյութ)

Ֆրանսիայի Լիգա-1-ում կիրակի օրը Մարսելի «Օլիմպիկը» 4-0 հաշվով ջախջախեց «Սենտ-Էտիենին»։ Սակայն, հատկապես գեղեցիկ ստացվեց այս գնդակը՝ Բաֆետիմբի Գոմիսի 17-րդ գոլը առաջնությունում.
16.04.2017

Ռադամել Ֆալկաոն ֆանտաստիկ գոլի հեղինակ է դարձել. (տեսանյութ)

Ֆրանսիական Լիգա 1-ի  33-րդ տուրի «Դիժոն» -«Մոնակո» խաղի ընթացքում կոլումբացի հարձակվող Ռադամել Ֆալկաոն ֆանտաստիկ գոլի հեղինակ է դարձել: Կոլումբացու գոլը հաղթանակ է պարգևել ֆրանսիական ակումբին և 3 միավորով մոտեցրել աղյուսակը գլխավորող ՊՍԺ-ին: Falcao goal, still one of the best players in the world in my opinion. Falcao, todavía uno de los mejores @falcao #golazo #crack #football #falcao #colombia #asmonaco #monaco #freekick Публикация от G.O. (@betos888) Апр 15 2017 в 7:24 PDT
16.04.2017

Թոփ 10 ամենատիտղոսակիր գործող ֆուտբոլիստներն այս պահին

Երբ դու ոչ միայն լավ ֆուտբոլիստ ես, այլև հաջողակ մարդ, ապա տիտղոսները շուտով կլցնեն քո վիկիպեդիայի էջը։ Առանձնացրել ենք 10 գործող ֆուտբոլիստների, ովքեր ամենաշատ տիտղոսներն ունեն։ 10. Կրիշտիանու Ռոնալդու - 18 տիտղոս «Մանչեսթեր Յունայթեդ» - 9 տիտղոս՝ Պրեմիեր լիգա (2006/07, 2007/08, 2008/09), Անգլիայի գավաթ (2003/04), Լիգայի գավաթ (2005/06, 2008/09), Քոմյունիթի Շիլդ (2007), Չեմպիոնների լիգա (2007/08), Աշխարհի ակումբային գավաթ (2008)։ «Ռեալ Մադրիդ» - 8 տիտղոս՝ Լա Լիգա (2011/12), Կոպա դել Ռեյ (2010/11, 2013/14), Իսպանիայի Սուպերգավաթ (2012), Չեմպիոնների լիգա (2013/14, 2015/16), ՈՒԵՖԱ-ի Սուպերգավաթ (2014), Աշխարհի ակումբային գավաթ (2014, 2016)։ Պորտուգալիայի հավաքական - 1 տիտղոս՝ ԵՎՐՈ-2016 (2016)։ 9. Ֆիլիպ Լամ - 21 տիտղոս «Բավարիա» - 20 տիտղոս՝ Բունդեսլիգա (2005/06, 2007/08, 2009/10, 2012/13, 2013/14, 2014/15, 2015/16), Գերմանիայի գավաթ (2005–06, 2007–08, 2009–10, 2012–13, 2013–14, 2015–16), Գերմանիայի Լիգա-Պոկալ 2007, Գերմանիայի Սուպերգավաթ (2010, 2012, 2016), Չեմպիոնների լիգա (2012-13), ՈՒԵՖԱ-ի Սուպերգավաթ (2013), Աշխարհի ակումբային առաջնություն (2013): Գերմանիայի հավաքական - 1 տիտղոս՝ Աշխարհի առաջնություն (2014):
15.04.2017

«Նիցան» 41 տարի անց վերադառնում է Չեմպիոնների լիգա

Ֆրանսիայի առաջնության 33-րդ տուրի շրջանակներում «Նիցան» սեփական հարկի տակ առավելության հասավ «Նանսիի» նկատմամբ (3-1): Այս հաղթանակի շնորհիվ Լուցիեն Ֆավրեի սաները ամրապնդեցին իրենց տեղը լավագույն եռյակում:  «Արծիվները» վաստակել են 74 միավոր՝ ետևում թողնելով «Լիոնին», որը 10 միավորով զիջում է «Նիցային»: Այսպիսով, «Նիցան» կմասնակցի Չեմպիոնների լիգայի 2017/18 խաղարկությանը: Ֆրանսիական թիմը առաջին անգամ 1976 թվականից սկսած կմասնակցի ամենահեղինակավոր եվրոպական գավաթի մրցաշարին:
14.04.2017

Հայտնի է Չեմպիոնների լիգայի շաբաթվա լավագույն ֆուտբոլիստի անունը

Մադրիդի «Ռեալի» հարձակվող Կրիշտիանու Ռոնալդուն ճանաչվել է Չեմպիոնների լիգայի 1/4 եզրափակչի առաջին շրջանի հանդիպումների լավագույն ֆուտբոլիստը: «Արքայական» ակումբը Մյունխենում պարտության մատնեց «Բավարիային» (1-2), իսկ պորտուգալացի ֆուտբոլիստի դուբլ ձևակերպեց: ՉԼ-ի շաբաթվա լավագույն ֆուտբոլիստի կոչման համար պայքարում էին նաև Պաուլո Դիբալան («Յուվենտուս»), Կիլիան Մբապեն («Մոնակո») և Անտուան Գրիզմանը («Ատլետիկո»): «Յուվենտուս»-«Բարսելոնա» խաղում Պաուլո Դիբալան դուբլ հեղինակեց: 2 գնդակ է խփել նաև «Մոնակոյի» հարձակվող Կիլիան Մբապեն, իսկ Անտուան Գրիզմանը վաստակել է 11 մետրանոց «Ատլետիկոյի» համար և իրացրել այն:
14.04.2017

«Մոնակոն» հերթական խելահեղ առաջարկն է ստացել

«Մոնակոյի» երիտասարդ հարձակվող Կիլիան Մբապեն կարող է կարիերան շարունակել «Ինտերում»: Իտալական ակումբի ղեկավարությունը արդեն բանակցություններ է սկսել մոնեգասկների հետ: Ինչպես տեղեկացնում է Tuttosport-ը, «ներաձուրիները»  70 մլն եվրո են առաջարկել Մբապեի համար, այն դեպքում, երբ Transfermarkt.de-ն նշում է, որ 18-ամյա ֆրանսիացու տրանսֆերը արժե 10 մլն եվրո: Ընթացիկ մրցաշրջանում Մբապեն «Մոնակոյի» կազմում անցկացրել է 34 հանդիպում, խփել 21 գոլ և կատարել 11 գոլային փոխանցում:  
13.04.2017

Թուրքական ակումբի երկրպագուների պահվածքի պատճառով «Լիոն»-«Բեշիքտաշ» հանդիպումը հետաձգվել է

«Բեշիքտաշի» երկրպագուները անկարգություններ են կազմակերպել Եվրոպա լիգայի 1/4 եզրափակչի «Լիոնի» դեմ հանդիպման մեկնարկից առաջ: Տեղեկացվում է, որ հսկիչներից մեկը վնասվածք է ստացել: Հյուրերի երկրպագուները կողմնակի իրեր և  ճայթրուկներ են նետել «Լիոնի» երկրպագուների վրա: Արդյունքում, ֆրանսիական ակումբի երկրպագուները ստիպված են եղել ներխուժել խաղադաշտ: Թիմերի միջև կայանալիք հանդիպումը հետաձգվել է, և դեռևս հայտնի չէ, թե երբ կկայանա մրցավեճը: https://www.youtube.com/watch?v=vSfTPiQWeSw
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: