Ֆրանսիա

25.05.2017

«Յուվենտուսը» միացավ մանչեսթերյան ակումբներին «Մոնակոյի» ֆուտբոլիստի համար պայքարում

«Յուվենտուսը» միացավ «Մանչեսթեր Սիթիին» և «Մանչեսթեր Յունայթեդին» «Մոնակոյի» կիսապաշտպան Ֆաբինյոյի համար պայքարում: Football Italia-ի հաղորդմամաբ, իտալական ակումբը իր ուշադրութան կենտրոնում է պահում ֆրանսիական ակումբի 23-ամյա կիսապաշտպանին և պատրաստվում է պաշտոնական առաջարկով դիմել «Մոնակոյին»: Ֆաբինյոյին ձեռք բերելու համար «ծեր սենյորան» հրաժարվել է «Լիոնի» ֆուտբոլիստ  Կորենտին Տոլիսոյին ձեռք բերելու գաղափարից: Իտալական ակումբը նախատեսում է ֆուտբոլիստի տրանսֆերը գնելու համար տրամադրել 30 մլն. եվրո: Նույն արժեքն են առաջարկում նաև անգլիական ակումբները: Երեք ակումբներն էլ հաջորդ մրցաշրջանում կխաղան Չեմպիոնների լիգայում, հետևաբար ֆուտբոլիստին դժվար ընտրություն է սպասվում: Ֆաբինյոն ընթացիկ մրցաշրջանում մասնակցել  է 55 հանդիպման ՝ դառնալով 12 գոլի և 6 գոլային փոխանցման հեղինակ:
25.05.2017

Հայտնի է Եվրոպա լիգայի այս մրցաշրջանի խորհրդանշական հավաքականը

Եվրոպա լիգան ներկայացրել է այս մրցաշրջանի խորհրդանշական հավաքականը: Հավաքականը բաղկացած է 18 հոգուց, որի համարյա  կեսը անգլիական «Մանչեսթեր Յունայթեդի» ներկայացուցիչներն են: Հավաքականի կազմում ընդգրկվել են մանկունիացիների ֆուտբոլիստներ Սերխիո Ռոմերոն, Էրիկ Բային, Դեյլի Բլինդը, Անտոնիո Վալենսիան, Հենրիխ Մխիթարյանը, Պոլ Պոգբան, Անդեր Էրերան և Զլատան Իբրահիմովիչը: Խորհրդանշական հավաքականի մյուս անդամներն են Սերխիո Ալվարեսը, Գուստավո Կաբրալը, Ժերեմի Մորելը, Մատյես դե Լիգթը, Պաբլո Էրնանդեսը, Յուրի Տիլեմանսը, Կորենտին Տոլիսոն, Ամին Յունեսը, Ալեքսանդր Լյակազետը և Բերտրան Տրաորեն:
25.05.2017

Յուրի Ջորկաեֆ. «Այդ օրը ինձ ասացիր, որ մի օր կնվաճես Գավաթը»

Ֆրանսիայի հավաքականի և «Ինտերի» նախկին  լեգենդար կիսապաշտպան Յուրի Ջորկաեֆը լուսանկար է հրապարակել «Մանչեսթեր Յունայթեդի» հայ կիսապաշտպան  Հենրիխ Մխիթարյանի հետ՝ շնորհավորելով նրան Եվրոպա լիգայի գավաթը նվաճելու կապակցությամբ: «Այդ օրը ինձ ասացիր, որ մի օր դու էլ կնվաճես Գավաթը, դու արժանի ես դրան, իմ ընկեր: Շնորհավորում եմ: Բրավո «Մանչեսթեր Յունայթեդ»,-իր թվիթերյան էջում գրել է ֆրանսիացին: https://twitter.com/youridjorkaeff/status/867549495504011264 Իսկ Մխիթարյանը պատասխանել է. «Շատ շնորհակալ եմ: Այս պահը կարծես երեկ արած եղած լինի, և հիմա ես իրականացնում եմ նպատակներս, ինչպես դու»: https://twitter.com/HenrikhMkh/status/867638611990237184 Նշենք՝ Ջորկաեֆի մայրը հայուհի էր: Ջորկաեֆը իր ֆուտբոլային կարիերայի ընթացքում դարձել է աշխարհի և Եվրոպայի չեմպիոն:
24.05.2017

Տիլեմանսը բուժզննում է անցնում «Մոնակոյում»

«Անդերլեխտի» կիսապաշտպան Յուրի Տիլեմանսը կարիերան կշարունակի ֆրանսիական «Մոնակոյում»: Ֆուտբոլիստը այս պահին անցնում է «Մոնակո» տեղափոխվելու համար անհրաժեշտ բուժզննումը: Գործարքի արժեքը գնահատվում է 25 մլն. եվրո: Տիլեմանսը հրաժարվել է անգլիական «Մանչեսթեր Յունայթեդի» և «Մանչեսթեր Սիթիի» առաջարկներից: Ֆուտբոլիստը ցանկացել է մինչև թոփ ակումբներ տեղափոխվելը իր ուժերը փորձել միջին մակարդակ ունեցող ակումբում: Հիշեցնենք, որ «Մոնակոն» ցանկանում էր գնել Յուրի Տիլեմանսին թիմի կիսապաշտպան Թիմուե Բակայոկոյին փոխարինելու համար: Բակայոկոն ամենայն հավանականությամբ կարիերան կշարունակի Անգլիայում:
23.05.2017

Թոփ-5 լիգաների չեմպիոններից կազմված խորհրդանշական հավաքականն ըստ Squawka-ի

Squawka վիճակագրական ռեսուրսը կազմել է խորհրդանշական հավաքական եվրոպական թոփ-5 լիգաների չեմպիոն թիմերի լավագույն ֆուտբոլիստներից.
22.05.2017

Ոսկե խաղակոշիկ. Եվրոպայի լավագույն ռմբարկուների տասնյակը

Իսպանիայում, Գերմանիայում, Պորտուգալիայում և Ֆրանսիայում արդեն ավարտվել են ներքին առաջնությունները, միայն Ա Սերիայի ֆուտբոլիստները կարող են շարունակել պայքարը Եվրոպայի լավագույն ռմբարկուի կոչման համար: «Ռոմայի» հարձակվող Էդին Ջեկոն առաջնության լավագույն ռմբարկուն է, սակայն նա դժվար թե կարողանա մի հանդիպման ընթացքում 10 գոլ խփել և շրջանցել «Բարսելոնայի» ֆուտբոլիստ Լիոնել Մեսիին: Այսպիսով, վստահությամբ կարող ենք ասել, որ արգենտինացին 4-րդ անգամ կդառնա «Ոսկե խաղակոշիկի» մրցանակակիր: Դիրք Ֆուտբոլիստ Ակումբ Երկիր Գոլ Գործակից Միավոր 1 Լիոնել Մեսի 37 2 74 2 Բաս Դոստ 34 2 68 3 Պիեր Էմերիկ Օբամեյանգ   31 2 62 4 Ռոբերտ Լևանդովսկի 30 2 58 5 Հարի Քեյն 29 2 58 6 Լուիս Սուարես   29 2 58 7 Էդին Ջեկո 28 2 56 8  Դրիրես Մերտենս 27 2 54 9 Էդինսոն Կավանի 35 1,5 52.5 10 Անտոնի Մոդեստ   25 2 50 Թարմացված է առ  22/05/2017
21.05.2017

Չավին ընտրել է աշխարհի լավագույն 5 կիսապաշտպաններին՝ մի կողմ դնելով «Բարսայի» ֆուտբոլիստներին

«Բարսելոնայի» լեգենդար կիսապաշտպան Չավի Էրնանդեսը, ով ներկայումս հանդես է գալիս քաթարական «Ալ-Սադում», անվանել է իր խաղային դիրքում աշխարհի լավագույն 5 ֆուտբոլիստներին: Le parisien-ին տված հարցազրույցում Չավին պետք է ընտրեր 5 լավագույններին՝ հաշվի չառնելով «Բարսելոնայի» կիսապաշտպաններին: Հնգյակն ունի հետևյալ տեսքը՝ Լուկա Մոդրիչ («Ռեալ Մադրիդ») Տոնի Կրոս («Ռեալ Մադրիդ»)
21.05.2017

«Կանը» 90-րդ րոպեին ոչ-ոքի է կորզում ՊՍԺ-ից և պահպանում իր տեղը Լիգա-1-ում (տեսանյութ)

Ֆրանսիայի Լիգա 1, 38-րդ տուր «Պարկ դե Պրենս» մարզադաշտ, Փարիզ Մայիսի 20, 23։00 ՊՍԺ 1-1 «Կան» Գոլերը՝ 1-0՝ Ռաբյո 13՛, 1-1՝ Ռոդելին 90՛ «Կանը» վերջին րոպեներին փրկած 1 միավորի հաշվին, ինչպես հետո պարզվեց, պահպանեց իր տեղը ուժեղագույնների մրցաշարում, իսկ «Լորիանը», «Նանսին» և «Բաստիան» դուրս մնացին Լիգա-1-ից։
20.05.2017

«Մանչեսթեր Յունայթեդը», «Չելսին», «Լիվերպուլը» և ՊՍԺ-ն ցանկանում են ձեռք բերել «Մոնակոյի» կիսապաշտպանին

«Մանչեսթեր Յունայթեդը», «Չելսին», «Լիվերպուլը» և ՊՍԺ-ն ցականում են ընթացիկ մրցաշրջանի ավարտից հետո ձեռք բերել «Մոնակոյի» կիսպաշտպան Թիմուե Բակայոկոյին: Անգլիական մամուլում լուրեր էին տարածվում, որ Բակայոկոն արդեն համաձայնության է եկել «Չելսիի» հետ և պատրաստվում է ամռանը տեղափոխվել «Ստեմֆորդ Բրիջ»: «Չելսին» «Մոնակոյին» առաջարկել էր 40 մլն. ֆունտ 22-ամյա կիսապաշտպանի համար: Սակայն հայտնի է դարձել, որ «Լիվերպուլը», «Մանչեսթեր Յունայթեդն» ու ՊՍԺ-ն նույնպես նմանատիպ առաջարկներ են արել «Մոնակոյին» իրենց գործակալների միջոցով: Եթե «Չելսիի» հետ գործարքը չհաջողվի, Բակայոկոն ցանկություն է հայտնել տեղափոխվել «Մանչեսթեր Յունայթեդ»: Հավելենք, որ ֆրանսիական ակումբը արդեն փոխարինող է գտել Բակայոկոյին: Նրանք արդեն առաջարկով դիմել են «Անդերլեխտի» ֆուտբոլիստ Յուրի Տիլեմանսին:
20.05.2017

«Մոնակոն» նոր պայմանագրեր կառաջարկի թիմի 2 ֆուտբոլիստի

Ֆրանսիական «Մոնակոն» պատրաստվում է նոր պայմանագրեր առաջարկել թիմի հարձակվողներ Կիլիան Մբապեին և Ռադամել Ֆալկաոյին, հաղորդում է Get Football News France-ը: Ֆրանսիական ակումբը երկու ֆուտբոլիստին նոր պայմանագրեր կառաջարկի մոտ օրերս: Տեղեկությունների համաձայն, նոր պայմանագրերը ավելի շահավետ պայմաններ կառաջարկեն ֆուտբոլիստներին թիմում մնալու համար: Ֆալկաոյի պայմանագիրը նախատեսված է մինչև 2018 թվականը: Մբապեին կառաջարկեն այնպիսի պայմանագիր, որը կապահովի նրա հետագա գործունեությունը ֆրանսիական ակումբում  և ֆուտբոլիստը չի ցանկանա փոխել իր ակումբային գրանցումը: Ավելի վաղ հայտնի էր դարձել, որ անգլիական «Լիվերպուլը» 75 մլն. եվրո է առաջարկել 18-ամյա ֆուտբոլիստի համար, սակայն «Մոնակոյի» ղեկավարությունը մերժել է՝ ասելով, որ կվաճառի ֆուտբոլիստին 100 մլն. եվրո ոչ պակաս արժեքով: Ընթացիկ մրցաշրջանում 2 հարձակվողներն անցկացրել են 43-ական խաղ «Մոնակոյի» կազմում, Ֆալկաոն իր հաշվին գրանցել է 30 գոլ, իսկ Մբապեն ՝ 26:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: