Իսպանիա | Էջ - 9

17.05.2017

«Յուվենտուսը» կփորձի ձեռք բերել «Բարսելոնայի» կիսապաշտպանին

Թուրինի «Յուվենտուսը» շարունակում է պայքարել Ա Սերիայի և Չեմպիոնների լիգայի գավաթների համար: Իտալական ակումբը նաև հայացքները սևեռել է մի քանի ֆուտբոլիստի վրա՝ թիմը ուժեղացնելու նպատակով:  «Բարսելոնայի» կիսապաշտպան Ռաֆինյան այդ խաղացողների ցանկում է: La Gazzetta dello Sport-ի փոխանցմամբ, «ծեր սինյորան» մտադիր է 25 մլն. եվրո վճարել կատալոնական ակումբի սանի դիմաց: Պետք է նշել, որ նույնքան գումար է վճարել «Բավարիան» Ռաֆինյայի եղբոր՝ Տիագո Ալկանտարայի դիմաց: Ընթացիկ մրցաշրջանի բոլոր մրցաշարերում Ռաֆինյան 26 հանդիպում է անցկացրել՝ դառնալով 7 գոլի և 2 գոլային փոխանցման հեղինակ:
17.05.2017

Խամեսի գործակալ Ժորժե Մենդեշը ավարտին է հասցրել կոլումբացու տրանսֆերը «Մանչեսթեր Յունայթեդ»

Մադրիդի «Ռեալի» կիսապաշտպան Խամես Ռոդրիգեսը մեկ ոտքով «Մանչեսթեր Յունայթեդում» է: Ինչպես տեղեկացնում է Soy Madridista-ն, կոլումբացու գործակալ Ժորժե Մենդեշը համաձայնեցրել է տրանսֆերը «Յունայթեդի» հետ: Անգլիական գրանդը Խամեսի համար կվճարի 70 մլն եվրո + 5մլն եվրո բոնուսների տեսքով: J.Mendes closed the deal for James Rodriguez to sign for Manchester United last night. Fee is €70m + €5m in add ons [Soy Madridista] #MUFC — Manchester United (@ManUtdUpdates_) May 16, 2017
16.05.2017

Զիդանը խոսել է Մորատայի՝ ձեռքսեղմումից հրաժարվելու դրվագի մասին

Մադրիդի «Ռեալի» գլխավոր մարզիչ Զինեդին Զիդանը Լա Լիգայի 21-րդ տուրից հետաձգված «Սելտայի» հետ հանդիպումից առաջ խոսել է առաջիկա խաղի մասին, ինչպես նաև անդրադարձել Ալվարո Մորատայի պահվածքին, ով «Սևիլյայի» դեմ մրցավեճում փոխարինվելուց հետո հրաժարվել էր սեղմել մասնագետի ձեռքը: «Մեզ դժվարին խաղ է սպասվում, «Սելտան» շատ որակյալ թիմ է: Հիմա նույն իրավիճակն է, ինչպիսին մեր թիմերի նախորդ հանդիպումից առաջ էր. մենք գիտեինք, որ ծանր խաղ է լինելու: «Մալագայի» հետ նույնպես հեշտ չի լինելու կիրակի օրը: Բայց մենք մտադիր ենք պայքարել մեր նպատակների համար: Մորատան հրաժարվե՞ց ձեռքսեղմումից. նա բարկացած էր ոչ թե ինձ վրա, այլ ինչ-որ այլ բանի հետ կապված: Չգիտեմ՝ կոնկրետ ինչի: Մենք քննարկել ենք այդ դրվագը: Այդ ամենն արդեն անցյալում է»,- ասել է Զիդանը: http://www.vivaronews.am/madridi-realum-herthakan-skandaln-e-hasunanum-lusankar
16.05.2017

Էռնեստո Վալվերդեն հայտարարել է «Ատլետիկի» գլխավոր մարզչի պաշտոնից հեռանալու մասին

Բիլբաոյի «Ատլետիկի» գլխավոր մարզիչ Էռնեստո Վալվերդեն այս մրցաշրջանի ավարտից հետո կհեռանա իր զբաղեցրած պաշտոնից: «Ես լքում եմ ակումբը: Այս մասին հայտարարում եմ մրցաշրջանի ավարտին, քանի որ ցանկանում էի՝ թիմը պահպաներ մրցակցային ոգին: Շնորհակալ եմ «Ատլետիկին» ամեն ինչի համար»,- Վալվերդեի խոսքերը մեջբերում է El Mundo Deportivo-ն: Ավելի վաղ կային խոսակցություններ, որ Վալվերդեն համաձայնության է եկել «Բարսելոնայի» գլխավոր մարզչի դերը ստանձնելու վերաբերյալ: Նա բասկյան թիմը մարզել է վերջին 4 տարիների ընթացքում:  
16.05.2017

Չեմպիոնները. 9 ակումբներ, որոնք արդեն լավագույնն են ճանաչվել իրենց երկրներում

Եվրոպական մրցաշրջանը մոտենում է իր տրամաբանական ավարտին: Ձեր ուշադրությանն ենք ներկայացնում եվրոպական 9 ակումբների, որոնք արդեն ապահովել են իրենց առաջնությունների հաղթողների կոչումը: «Բազել» - Ապրիլի 28-ին հռչակվեց Շվեյցարիայի չեմպիոն 8-րդ անգամ անընդմեջ: «Բավարիա» - Ապրիլի 29-ին Բունդեսլիգայի ուժեղագույն թիմի կոչումը նվաճեց 5-րդ անգամ անընդմեջ: Սա նմանատիպ առաջինն էր Կառլո Անչելոտիի օրոք, ով դարձավ եվրոպական թոփ-5 առաջնություններից 4-ում չեմպիոն հռչակված առաջին մարզիչը: «Չելսի» - Անտոնիո Կոնտեի տիտղոսն Անգլիայում առաջին իսկ մրցաշրջանում, 6-րդն՝ ակումբի պատմության մեջ: Գերազանցեցին «Սանդերլենդի» ցուցանիշը:
16.05.2017

Մեսին և Ռոնալդուն հայտնվել են թոփ 5 առաջնությունների խորհրդանշական հավաքականում

CIES Football Observatory գործակալությունը, որը զբաղվում է ֆուտբոլային վիճակագրության վերլուծությամբ, կազմել է թոփ 5 առաջնությունների 2016/17 մրցաշրջանի խորհրդանշական հավաքականը: Այսպիսի տեսք է ստացել խորհրդանշական հավաքականը՝ Մանուել Նոյեր («Բավարիա»), Ալեքս Սանդրո  («Յուվենտուս»), Մաթս Հումելս («»), Խավի Մարտինես  (երկուսն էլ «Բավարիա»), Բրունո Պերես  («Ռոմա»), Տիագո Ալկանտարա  («Բավարիա»), Պոլ Պոգբա  («Մանչեսթեր Յունայթեդ»),  Նաբի Կեյտա («Լեյպցիգ»), Կրիշտիանո Ռոնալդու  («Ռեալ»), Դրիս Մերտենս  («Նապոլի»), Լիոնել Մեսի  («Բարսելոնա»):    
16.05.2017

Բալագե. «Բարսելոնան» չի ցանկանում ձեռք բերել Կոուտինյոյին»

SkySports-ի լրագրող և իսպանական ֆուտբոլի փորձագետ Գիյեմ Բալագեն անդրադարձել է «Լիվերպուլի» առաջատար Ֆելիպե Կոուտինյոյի հնարավոր տեղափոխությանը «Բարսելոնա»՝ նշելով, որ կատալոնական ակումբն իրականում այնքան էլ լուրջ մտադրություններ չունի՝ կապված բրազիլացու հետ: «Կան մի քանի պատճառներ, թե ինչու «Բարսելոնան» շատ ջանքեր չի գործադրի Կոուտինյոյին ձեռք բերելու համար: Առաջինը նրա գինն է: Երկրորդն այն է, որ նա ավելի շատ հարձակվող է, քան կիսապաշտպան, իսկ «Բարսելոնան» հարձակման գծում համալրումների կարիք չունի: Նրանք ուրիշ ոճի կիսապաշտպան են փնտրում: Ոչ ոք կասկածի տակ չի դնում Կոուտինյոյի որակները, բայց «Բարսելոնային» այլ ֆուտբոլիստ է պետք»,-գրում է Բալագեն:
16.05.2017

Մադրիդի «Ռեալում» հերթական սկանդալն է հասունանում (լուսանկար)

Մադրիդի «Ռեալում» հերթական սկանդալն է հասունանում: Ինչպես տեղեկացնում են իսպանական ԶԼՄ-ները, «Արքայական ակումբի» հարձակվող Ալվարո Մորատան վիճել է թիմի գլխավոր մարզիչ Զինեդին Զիդանի հետ: Լա լիգայի վերջին տուրի «Սեվիլիայի» դեմ հանդիպման 61-րդ րոպեին իսպանացի հարձակվող փոխարինվեց և հրաժարվեց սեղմել գլխավոր մարզչի ձեռքը: Ավելացնենք, որ Ալվարո Մորատան վերջին շրջանում կապված է «Չելսի» տեղափոխության հետ: Նշվում, որ արդեն հունիսին կողմերը կհամաձայնեցնեն հարձակվողի տրանսֆերը:
16.05.2017

Կազեմիրո. «Երեխա ժամանակ չէի կարող երազել, որ 100 խաղ կանցկացնեմ «Ռեալի» կազմում»

Մադրիդի «Ռեալի» կիսապաշտպան Կազեմիրոն կիսվել է Լա լիգայի 37-րդ տուրի «Ռեալ Մադրիդ» 4 - 1 «Սևիլիա» խաղի մասին իր տպավորություններով: Խաղն ավարտվեց «Ռեալի» հաղթանակով ՝ 4-1 հաշվով: Կազեմիրոն «Սանտիագո Բեռնաբեու» մարզադաշտում անցկացրեց իր 100-րդ խաղը «արքայական» ակումբի կազմում: «Հպարտ եմ, որ 100 խաղ եմ անցկացրել «Ռեալի» կազմում, ես երազում էի դրա մասին, իսկ այժմ ցանկանում եմ շարունակել հանդես գալ այս ակումբի համար: Երեխա ժամանակ չէի կարող երազել ,որ 100 խաղ կանցկացնեմ «արքայական» ակումբում: Չեմ կարող ասել ՝ որն է ամենակարևորն այդ խաղերից՝ առաջինը, թե երեկվա խաղը, երևի բոլորն էլ կարևոր են»,- ասել է բրազիլացին Marca-ի հետ հարցազրույցում:  
15.05.2017

Նեյմարը նորից կրկնօրինակում է Գրիզմանին (տեսանյութ)

«Բարսելոնայի» հարձակվող Նեյմարը մարզման ժամանակ նորից կրկնօրինակել է «Ատլետիկոյի» հարձակվող Անտուան Գրիզմանի շարժումները, որոնք ֆրանսիացին անում է ամեն անգամ գոլ հեղինակելիս:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: