Իսպանիա | Էջ - 9

15.02.2017

Ռոնալդուն սեփական հակառեկորդն է սահմանել Չեմպիոնների լիգայում

Մադրիդի «Ռեալի» հարձակվող Կրիշտիանու Ռոնալդուն չի կարողանում գոլ խփել Չեմպիոնների լիգայում արդեն 433 րոպե: Այս ցուցանիշով Ռոնալդուն գրանցել է գոլերի իր ամենաերկար երաշտը ՉԼ-ում: Եվրոպական այս առաջնության ընթացիկ խաղարկության խմբային փուլում պորտուգալացին 2 գնդակ է հեղինակել, մեկը՝ «Սպորտինգի» դարպասը, մյուսը՝ Դորտմունդի «Բորուսիայի» դարպասը: Նշենք, որ Չեմպիոնների լիգայի խաղարկություններում 32-ամյա ֆուտբոլիստին հաջողվել է փլեյ-օֆֆ փուլի 38 խաղում դառնալ 34 գոլի հեղինակ, որը մեծացնում է Ռոնալդուի գոլ խփելու հավանականությունը Չեմպիոնների լիգայի 1/8 եզրափակչի «Նապոլիի» դեմ տնային հանդիպմանը:
15.02.2017

Մարադոնան մեղադրվում է մի կնոջ վրա հարձակում գործելու մեջ

Արգենտինայի հավաքականի նախկին լեգենդար հարձակվող Դիեգո Մարադոնան ժամանել էր Մադրիդ, որպեսզի աջակցի իր նախկին թիմ «Նապոլիին» Չեմպիոնների լիգայի 1/8 եզրափակչի Մադրիդի «Ռեալի» դեմ հանդիպման ժամանակ: The Sun-ի փոխանցմամբ, այսօր առավոտյան հյուրանոցի մենեջերը, որտեղ կանգ է առել Մարադոնան, զանգահարել է ոստիկանություն և տեղեկացրել է, որ արգենտինացին փորձել է հարձակվել մի կնոջ վրա: Մարադոնայի հյուրանոցային համարը խուզարկվել է, իսկ  նախկին ֆուտբոլիստը վկայություն է տվել դեպքի վերաբերյալ: Այլ մանրամասներ դեռևս չեն հաղորդվում:
15.02.2017

«Ես ստանում եմ նույն վերաբերմունքը և՛ պարտվելիս, և՛ հաղթանակ տոնելիս».Լուիս Էնրիկեի պատասխանը լրագրողին

Չեմպիոնների լիգայի 1/8 եզրափակչի առաջին խաղում «ՊՍԺ»-ն 4-0 հաշվով վստահ հաղթանակ տարավ կատալոնական «Բարսելոնայի» հանդեպ: Կատալոնացիների հաջորդ փուլում հայտնվելը իսկական հրաշք կհամարվի, քանի որ մինչ այս նման հաշվով պարտված ոչ մի թիմի չի հաջողվել դուրս գալ 1/4  եզրափակիչ: Խաղից հետո «Բարսելոնայի» գլխավոր մարզիչ Լուիս Էնրիկեն պատասխանել է  TV3 հեռուստաալիքի լրագրողի հարցերին: «Սա լավ խաղ չէր մեզ համար: Մենք փոխել էինք 4-3-3 դասավորությունը 4-2-3-1 դասավորության, որպեսզի փակենք նրանց խաղացողներին և թույլ տանք Լեո Մեսիին ազատ շարժվել առաջ: Սա սխալ էր, որը շատ թանկ կարժենա»,- ասել է իսպանացի մասնագետը: Այն հարցին , թե ով է պատասխանատու նման արդյունքի համար, Էնրիկեն պատասխանել է.« Մենք կարող էինք փոխել դասավորությունը ,սակայն արդյունքը նույնը կլիներ: Ես չեմ պատրաստվում պատասխանատու կամ մեղավոր գտնել նման արդյունքի համար: Մի անհանգստացեք, ես պատասխանատվությունը կվերցնեմ ինձ վրա: Ես ստանում եմ նույն վերաբերմունքը և՛ պարտվելիս, և՛ հաղթանակ տոնելիս: Դուք միևնույն  տոնայնություն եք օգտագործում ինձ հարցեր տալիս: Ես ցանկանում եմ, որ դուք փոխեք այն, երբ ես հաղթեմ»:
15.02.2017

Գրիզմանը մտավախություն ունի Անգլիա տեղափոխվելու հարցում

«Ատլետիկոյի» հարձակվող Անտուան Գրիզմանը դեռ չի կողմնորոշվում, թե որտեղ է շարունակելու կարիերան: Չնայած անգլիական գրանդերի մեծ հետաքրքրվածությանը՝ ֆրանսիացին վստահ չէ, որ կարող է հարմարվել Պրեմիեր լիգայի ճնշմանը և բրիտանական կլիմային: «Ով գիտի, թե ինչպես կավարտվի մրցաշրջանը: Եթե այն վատ ավարտվի, գուցե ես սկսեմ մտածել: Բայց այս պահին դա տեղին չէ: Բացի այդ, ես ինձ հարց եմ տալիս, թե ո՞ւր կարող եմ գնալ: Իսպանիայում միայն «Բարսելոնան» ու «Ռեալն» են: «Բարսելոնան» հարձակման գծում արդեն ունի իր եռյակը: «Ռեալի» տարբերակը անհնար է՝ իմ ներկայիս ակումբի պատճառով: Նրանց միջև [միմյանց ֆուտբոլիստների չվաճառելու] համաձայնություն կա : Գերմանիայի առաջնությունն ինձ այնքան էլ չի ձգում: Ֆրանսիան՝ ոչ այս պահին: Իսկ Անգլիան, ես մտավախություններ ունեմ իմ անձնական կյանքի հարցում: Ամեն ինչ, օրինակ՝ անձրևը, վատ եղանակը... ես պետք է երջանիկ զգամ ինձ խաղադաշտից դուրս»,-ասել է Գրիզմանը: Հիշեցնենք, որ Գրիզմանի տրանսֆերը գնելու ամենահավանական թեկնածուն Անգլիայում «Մանչեսթեր Յունայթեդն» է:
15.02.2017

«ՊՍԺ»-ի ապտակը «Բարսելոնային» և Օբամեյանգի վճռորոշ վրիպումը. Օրվա գլխավոր լուրերի քրոնիկոնը

VivaroNews-ն առանձնացրել է փետրվարի 14-ին տեղի ունեցած ամենաուշագրավ իրադարձությունները և դրանք ներկայացնում է քրոնիկոնի տեսքով: Անտուան Գրիզման. «Այս պահին ցանկություն չունեմ հեռանալու «Ատլետիկոյից»: Դեռ չգիտենք, թե ինչպիսին կավարտվի այս մրցաշրջանը մեզ համար: Եթե ամեն ինչ չլինի այնպես, ինչպես մենք ենք ցանկանում, ապա ևս մեկ անգամ կխոսենք այս թեմայի շուրջ»: Մանուել Նոյեր. ««Մանչեսթեր Սիթիից» ինձ հետ ոչ ոք կապ չի հաստատել: Երջանիկ եմ Մյունխենում և վերջերս եմ նոր պայմանագիր կնքել ակումբի հետ: Պեպ Գվարդիոլան ունի իմ հեռախոսահամարը, բայց նա ինձ դեռ չի զանգել, ուստի ամեն ինչ կարգին է»: Զինեդին Զիդան. ««Ռեալը» միշտ էլ Չեմպիոնների լիգայի հաղթողի ֆավորիտների թվում է, բայց ակումբի խորհրդանիշը դեռ ոչինչ չի երաշխավորում: Ցանկանում ենք առաջ շարժվել խաղ առ խաղ և փորձել հաղթել մրցաշարում: «Նապոլիի» հետ մեզ հետաքրքիր հանդիպում է սպասվում»: Զլատան Իբրահիմովիչ. «Անտոնիո Մարսիալն այն տղաներից չէ, ովքեր շատ են խոսում. նա շատ լռակյաց և պրոֆեսիոնալ անձնավորություն է: Նա քրտնաջան է մարզվում և միշտ ցանկանում է իրեն լավագույնս դրսևորել: «Ուոտֆորդի» դարպասը խփած գոլը նրան վստահություն կհաղորդի»: Արսեն Վենգեր. «Սպասում ենք, որ «Բավարիան» մեզ հետ խաղում փորձելու է գերիշխել դաշտում: Նրանք կվերահսկեն գնդակը և արագ տեղաշարժերով կանցնեն հարձակման: Մենք պատասխան խաղն անցկացնելու ենք Լոնդոնում, ուստի շատ կարևոր է առաջին մրցավեճում դրական արդյունք ստանալը»: «Մանչեսթեր Սիթին» պաշտոնապես հաստատել է, որ հարձակվող Գաբրիել Ժեզուշը գարշապարի ոսկորի վնասվածք է ստացել և շարքից դուրս մնացել 2-3 ամսով: Ըստ La Gazzetta dello Sport-ի՝ «Ռոման» շարունակում է փնտրել ներդրողների: Ակումբը բանակցում է չինացի գործարարների հետ, ովքեր, բացի նոր մարզադաշտի կառուցման համար ներդրումներից, պատրաստ են գնելու նաև ակումբի բաժնետոմսերի 10%-ը, որը նրանց կարժենա 100 մլն եվրո: Մեկնարկել է Չեմպիոնների լիգայի գավաթի խաղարկության 1/8 եզրափակիչ փուլը: «ՊՍԺ»-ն անսպասելիորեն 4 անպատասխան գնդակ է ուղարկել «Բարսելոնայի» դարպասը: Դուբլ է ձևակերպել Անխել դի Մարիան, ևս մեկական անգամ աչքի են ընկել Յուլիան Դրաքսլերը և Էդինսոն Կավանին:
15.02.2017

ՊՍԺ – «Բարսելոնա»՝ 4-0. Կատալոնացիները խաղին չէին ժամանել (տեսանյութ)

Չեմպիոնների լիգա, 1/8 եզրափակիչ, 1-ին հանդիպում ՊՍԺ 4–0 «Բարսելոնա» Գոլերը՝ Դի Մարիա 18՛, 55՛, Դրաքսլեր 40՛, Կավանի 72՛ «Պարկ դե Պրենս» մարզադաշտ, Փարիզ
15.02.2017

ՊՍԺ – «Բարսելոնա». Կավանին հաշիվը դարձնում է 4-0 (տեսանյութ)

Չեմպիոնների լիգայի 1/8 եզրափակիչում շարունակվում է ՊՍԺ – «Բարսելոնա» խաղը: ՊՍԺ-ի հարձակվող Էդինսոն Կավանին 72-րդ րոպեին հաշիվը դարձրել է 4-0: http://www.vivaronews.am/pszh-barselona-di-marian-hiaskhanch-golov-dubl-e-dzevakerpum-tesanyuth
15.02.2017

ՊՍԺ – «Բարսելոնա». Դի Մարիան հիասքանչ գոլով դուբլ է ձևակերպում (տեսանյութ)

Չեմպիոնների լիգայի 1/8 եզրափակիչում շարունակվում է ՊՍԺ - «Բարսելոնա» խաղը: 55-րդ րոպեին Անխել դի Մարիան երրորդ գնդակն է ուղարկել «Բարսելոնայի» դարպասը՝ ձևակերպելով դուբլ: http://www.vivaronews.am/arajin-kesic-heto-pszh-n-erku-gndak-e-ugharkel-barselonayi-darpaseh-lisabonum-hashiveh-chi-bacvel-tesanyuth
15.02.2017

Առաջին կեսից հետո. ՊՍԺ-ն երկու գնդակ է ուղարկել «Բարսելոնայի» դարպասը, Լիսաբոնում հաշիվը չի բացվել (տեսանյութ)

Չեմպիոնների լիգայի 1/8 եզրափակիչում ՊՍԺ-ն ընդունել է «Բարսելոնային», իսկ «Բենֆիկան»՝ Դորտմունդի «Բորուսիային»: Առաջին կեսից հետո «Բենֆիկա» - «Բորուսիա» խաղում հաշիվը չի բացվել, իսկ ֆրանսիական ակումբը երկու անպատասխան գնդակ է ուղարկել «Բարսելոնայի» դարպասը: http://www.vivaronews.am/pszh-barselona-di-marian-tuganayinic-gol-xphec-tesanyuth
15.02.2017

ՊՍԺ – «Բարսելոնա». Դի Մարիան տուգանայինից գոլ խփեց (տեսանյութ)

Ընթանում է Չեմպիոնների լիգայի 1/8 եզրափակիչի ՊՍԺ - «Բարսելոնա» հանդիպման առաջին խաղակեսը: Ֆրանսիական ակումբի կիսապաշտպան Անխել դի Մարիան հանդիպման 18-րդ րոպեին դիպուկ իրացրեց տուգանային հարվածը՝ առաջ մղելով իր թիմին: Նշենք, որ այսօր արգենտինացին նշում է իր ծննդյան տարեդարձը:
ԹԵԺ ԵՎ ԲԱՑԱՌԻԿ

Vivaro News

Հասցե - Գետառի 4/17 Հեռ. - 010 510051 E-mail - info@vivaronews.am

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: