Իսպանիա | Էջ - 7

20.05.2017

Իսպանիայի հավաքականը՝ Եվրոպայի Մ-17 առաջնության չեմպիոն

Ավարտվել է Մ-17 Եվրոպայի առաջնության եզրափակիչ փուլը: Եզրափակիչ մրցավեճում Իսպանիայի հավաքականը հաղթանակ է տոնել Անգլիայի ընտրանու նկատմամբ: Հանդիպման հիմնական ժամանակն ավարտվել է 2-2 հաշվով, իսկ 11-մետրանոց հարվածաշարում իսպանացիներն առավելության են հասել 4-1 հաշվով: Իսպանիայի Մ-17 հավաքականն իր տարիքային խմբում Եվրոպայի չեմպիոն դարձավ ռեկորդային՝ 3-րդ անգամ: Իսպանիա Մ-17 2-2 Անգլիա Մ-17 (11-մետրանոց հարվածաշարում՝ 4-1) Գոլերը՝ 0-1՝ Հադսոն-Օդոյ 18՛, 1-1՝ Մորեյ 38՛, 1-2՝ Ֆոդեն 58, 2-2՝ Դիաս 80՛
19.05.2017

Կակա. «Զիդանը կարիերայի ավարտից հետո ասել էր ինձ, որ չի ցանկանում մարզիչ դառնալ»

Ամերիկյան «Օռլանդո Սիթիի» կիսապաշտպան Կական խոսել է իր նախկին թիմում՝ Մադրիդի «Ռեալում» գլխավոր մարզիչ Զինեդին Զիդանի աշխատանքից իր տպավորությունների մասին: «Նա հրաշալի ֆուտբոլիստ է եղել, Զիզուն շատ խելացի է, և նրա թիմի ցուցադրած արդյունքները պարզապես անհավանական են: Նա կարող է հաղթել Լա Լիգայում և Չեմպիոնների լիգայում: Դա շատ լավ ցուցանիշ է մի մարզչի համար, ով ընդամենը երկու տարի է աշխատում այս պաշտոնում: Իմ շնորհավորանքները Զիդանին: Նա կարիերայի ավարտից հետո ասել էր ինձ, որ չի ցանկանում մարզիչ դառնալ, այլ ուզում է վայելել կյանքը, ճանապարհորդել: Սակայն, նա մի քանի տարի անց սկսեց կարոտել ֆուտբոլը և որոշեց վերադառնալ մարզչի կարգավիճակով: Կարծում եմ՝ դա ինձ համար լավ օրինակ կլինի ապագայի համար»,- ասել է Կական:
19.05.2017

Cadena Cope. «Բարսելոնան» պատրաստ է տրանսֆերի հանելու Նեյմարին

«Բարսելոնայի» ղեկավարությունը պատրաստ է դիտարկելու թիմի առաջատարներից մեկի՝ հարձակվող Նեյմարի համար ստացված առաջարկները: Ինչպես հաղորդում է Cadena Cope-ն, կատալոնական ակումբի ղեկավարությունը դժգոհ է բրազիլացի ֆուտբոլիստի ապրելակերպից խաղադաշտից դուրս: Վերջերս նաև հայտնի էր դարձել, որ կոնֆլիկտ է հասունացել Նեյմարի և «Բարսելոնայի» գլխավոր մարզչի օգնական Խուան Կառլոս Ունսուեի միջև: Վերջինս մարզման ժամանակ նկատողություն էր արել բրազիլացի աստղին՝ մարզումներին իմիջիայլոց վերաբերվելու համար: «Կապտանռնագույնները» կհամաձայնեն վաճառելու Նեյմարի տրանսֆերը միայն այն դեպքում, եթե ստանան համապատասխան առաջարկ:
19.05.2017

Սամպաոլին հայտարարել է՝ հեռանալու է «Սևիլյայից». հայտնի է մարզչի նոր աշխատավայրը

«Սևիլյայի» գլխավոր մարզիչ Խորխե Սամպաոլին հայտարարել է, որ մոտ է Արգենտինայի հավաքականը գլխավորելուն: Արգենտինացի մասնագետն իսպանական ակումբում է աշխատում 2016 թվականից և թիմի գլխավորությամբ հասել է Չեմպիոնների լիգայի գավաթի խաղարկության 1/8 եզրափակիչ, իսկ Լա Լիգայում եզրափակիչ տուրից առաջ 4-րդ հորիզոնականում է: «Որպես արգենտինացի՝ ես չեմ կարող բաց թողնել երկրիս հավաքականը գլխավորելու հնարավորությունը, նույնիսկ եթե ստիպված եմ հեռանալու Եվրոպայից, որտեղ աշխատանքս լավ է ընթանում: Ես պետք է լինեմ այնտեղ: Արգենտինայի ֆուտբոլի ֆեդերացիան և «Սևիլյան» այժմ պետք է կարգավորեն պայմանագրային հարցերը: Դրանք կարվեն «Օսասունայի» հետ վերջին հանդիպումից հետո: Մենք երջանիկ ենք, քանի որ Իսպանիայում հետ ենք մնում միայն լավագույն երեք թիմերից: Մինչ 30-րդ տուրը մենք «Ռեալի», «Բարսելոնայի» և «Ատլետիկոյի» հետ պայքարել ենք չեմպիոնության համար: Արգենտինայից ստացված առաջարկը լիովին փոխեց իմ պլաններն Իսպանիայում: Ես ծանր ապրումներ եմ ունեցել՝ փորձելով հարմարվել եվրոպական ֆուտբոլին, և ես հասա նրան, ողջ Եվրոպան մի շրջան անընդհատ խոսում էր «Սևիլյայի» մասին: Ես շատ երջանիկ եմ այս ակումբում, բայց Արգենտինան մնում է Արգենտինա»,- ասել է Սամպաոլին: Հավելենք՝ արգենտինական կողմը պետք է 1,2 մլն եվրո վճարի «Սևիլյային»՝ Սամպաոլիի հետ գործող պայմանագիրը խզելու համար:
19.05.2017

Համացանցում են հայտնվել «Բարսելոնայի» հաջորդ մրցաշրջանի մարզաշապիկները (նկար)

Համացանցում տարածվել են 2017/18 մրցաշրջանի «Բարսելոնայի» հավանական մարզաշապիկները: Հաղորդվում է, որ կատալոնական ակումբը պաշտոնապես կներկայացնի հաջորդ խաղաշրջանի մարզաշապիկները մյուս շաբաթ: Իսկ ակումբի գլխավոր հովանավորը այսուհետ կլինի ոչ թե Qatar-ը, այլ Rakuten ընկերությունը: Ֆուտբոլիստները նոր մարզահագուստով առաջին անգամ խաղադաշտ դուրս կգան ամռանը կայանալիք հավաքի ընթացքում:
19.05.2017

«Ռեալը» պլան Բ է մշակել, եթե դե Խեայի տրանսֆերը ձախողվի

Մադրիդի «Ռեալի» ղեկավարությունը ամառային տրանսֆերային պատուհանի ընթացքում մտադիր է ձեռք բերել դարպասապահի, տեղեկացնում է Goal.com-ը: «Արքայական» ակումբի հիմնական թիրախները «Մանչեսթեր Յունայթեդի» իսպանացի դարպասապահ Դավիդ դե Խեան է և «Չելսիի» դարպասապահ Տիբո Կուրտուան: Եթե «Ռեալը» չկարողանա գնել այդ ֆուտբոլիստներից որևէ մեկին, ապա ակումբը ամեն ինչ կանի «Ատլետիկոյի» դարպասապահ Յան Օբլակի տրանսֆերային իրավունքները գնելու ուղղությամբ: Սակայն սլովենացի ֆուտբոլիստի հրաժարագինը կազմում է 100 մլն. եվրո, և «հնդկացիների» ղեկավարությունը մտադիր չէ զիջումների գնալ ֆուտբոլիստի տրանսֆերային արժեքի հարցում: Ավելի վաղ հայտնի էր դարձել, որ «Ռեալը» մոտ է «Ատլետիկոյի» պաշտպան Տեո Էրնանդեսի տրանսֆերը ձեռք բերելուն:
19.05.2017

Անչելոտի. «Ամբողջ աշխարհը տեսավ, որ «Ռեալը» «Բավարիային» հաղթեց անարդարացի»

Հունիսի 3-ին կկայանա Չեմպիոնների լիգայի 2016/17 խաղարկության եզրափակիչ հանդիպումը «Յուվենտուսի» և Մադրիդի «Ռեալի» միջև: Սակայն Մյունխենի «Բավարիայի» գլխավոր մարզիչ Կառլո Անչելոտին մինչև օրս չի կարողանում հաշտվել քառորդ եզրափակչում գերմանական թիմի պարտության հետ: «Ռեալ Մադրիդ»-«Բավարիա» խաղում գլխավոր մրցավարի որոշումները քննարկումների մեծ ալիք բարձրացրին. Կրիշտիանու Ռոնալդուն 2 գոլ հեղինակեց խաղից դուրս վիճակից, իսկ մյունխենցիների կիսապաշտպան Արտուրո Վիդալը շատերի կարծիքով անարդարացի ստացավ 2-րդ դեղին քարտը և հեռացվեց խաղադաշտից: «Դա անարդարություն էր: «Ռեալի» հաղթանակը «Բավարիայի» նկատմամբ կգրվի պատմության մեջ, ամբողջ աշխարհը տեսավ, թե ինչ կատարվեց Մադրիդում: Այդպես այլևս չի կարող լինել, արդեն ժամանակն է կիրառել կրկնապատկերներ: Եզրափակիչ խաղը կդիտեմ մեծ հետաքրքրությամբ, իսկ կերկրպագեմ գեղեցիկ ֆուտբոլին: Կցանկանայի տեսնել Բուֆոնի հաղթանակը, նա իմ ամենասիրելի ֆուտբոլիստներից մեկն է: Այդ տիտղոսը կնշանավորի նրա փառահեղ կարիերան»,-Marca-ն է փոխանցում Անչելոտիի խոսքերը:
19.05.2017

Կրոսը խոսել է Գերմանիա վերադառնալու մաին

Մադրիդի «Ռեալի» կիսապաշտպան Տոնի Կրոսը խոսել է Գերմանիայի առաջնություն իր վերադարձի տեղեկությունների մասին և ընդգծել նման հնարավորություն դեպքում էլ չի վերադառնա Բունդեսլիգա: «Բունդեսլիգայում այլևս չեմ խաղա: Կարիերայիս այդ հատվածը ավարտվել է: Նույնիսկ չեմ կարողանում պատկերացնել իմ վերադարձը «Բավարիա», նման բան չի լինի, էլ չեմ խոսում Գերմանիայի այլ ակումբների մասին: Չգիտեմ՝ ինչ կպատահի 5 տարուց, սակայն հիմա միայն ցանկանում եմ մնալ «Ռեալում»,-շեշտել է ֆուտբոլիստը: Հոկտեմբերին Կրոսը երկարաձգել էր պայմանագիրը մադրիդյան ակումբի հետ մինչև 2022 թվականը:
19.05.2017

Ռոնալդուն մեղադրել է «Սելտայի» ֆուտբոլիստների կաշառք վերցնելու մեջ

Իսպանիայի առաջնության 21-րդ տուրի «Սելտա»-«Ռեալ Մադրիդ» հանդիպման ժամանակ հյուրերի հարձակվող Կրիշտիանու Ռոնալդուն մեղադրել է մրցակցի ֆուտբոլիստներին կաշառք ստանալու մեջ, տեղեկացնում է Mundo Deportivo-ն՝ հղում կատարելով Gol TV-ին: Պորտուգալացին խաղային դրվագներից մեկում տանտերերի պաշտպան Գուստավո Կաբրալյուին ասել է.«Շատ փող, մի ճամպրուկ»: Դրանով Ռոնալդուն ցանկանում էր ասել, որ «Բարսելոնան» «Սելտային» պարգև է խոստացել, եթե նրանց հաջողվի միավորներ կորզել «Ռեալից»: Ընդ որում՝ 32-ամյա հարձակվողը համապատասխան ժեստ է արել ձեռքերով՝ ակնարկելով ստացած փողերը: Իսպանիայի առաջնության մրցաշարային աղյուսակը միանձնյա գլխավորում է «արքայական» ակումբը, եթե վերջին տուրի հանդիպմանը մադրիդյան ակումբը գրանցի ոչ-ոքի կամ հաղթանակ, ապա կնվաճի Լա Լիգայի տիտղոսը վերջին 5 տարիներում առաջին անգամ:
19.05.2017

Ռոնալդուն անվանել է աշխարհի ամենաերիտասարդ տաղանդավոր ֆուտբոլիստներին

Մադրիդի «Ռեալի» հարձակվող Կրիշտիանու Ռոնալդուն Marca-ի հետ զրույցում խոսել է ֆուտբոլի ապագա սերնդի մասին և անվանել այն ֆուտբոլիստներին, որոնք մի օր կարող են առաջնորդել ֆուտբոլի նոր սերնդին: «Ոչ մեկ չի կարող դառնալ հաջորդ Կրիշտիանու Ռոնալդուն, նմանակներ չկան: Հաջորդը լինելու է նա, ով կա, բայց նույնը հնարավոր չէ լինել: Այդպես չի լինում: Եվրոպայում  մի քանի տաղանդավոր ֆուտբոլիստ եմ տեսնում այս պահին, սակայն կնշեմ Ռենատու Սանշեսին, Անդրե Գոմեշին կամ Ժոաո Մարիոյին: Շատ կան նման ֆուտբոլիստներ, բայց ես նշեցի միայն պորտուգալացիներին: Ուրախ եմ, որ նրանք կան, քանի որ հասկանում եմ, որ ֆուտբոլը ապահով ձեռքերում է»,-եզրափակել է «Ոսկե գնդակի» քառակի դափնեկիրը:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: