Իսպանիա | Էջ - 7

18.02.2017

Գվարդիոլա. «Ես երբեք չեմ վերադառնա «Բարսելոնա» որպես մարզիչ»

«Բարսելոնայի» նախկին գլխավոր մարզիչ Պեպ Գվարդիոլան, որը ներկայումս գլխավորում է «Մանչեսթեր Սիթին», խոստովանել է, որ մտադրությունը չունի վերադառնալու կատալոնական ակումբ որպես մարզիչ: «Ես երբեք չեմ վերադառնա «Բարսելոնա» որպես մարզիչ: Կյանքիս այդ ժամանակահատվածը վաղուց ավարտվել է»,-ասել է իսպանացի մասնագետը: Հիշեցնենք, որ Գվարդիոլան «Կապտանռնագույների» ղեկին էր 2008-ից մինչև 2012 թվականը: Նրա ղեկավարության ներքո «Բարսելոնան» 3 անգամ նվաճել Լա Լիգայի և Իսպանիայի Սուպերգավաթի տիտղոսը, 2 անգամ դարձել է Իսպանիայի գավաթի, Չեմպիոնների լիգայի, ՈՒԵՖԱ-ի Սուպերգավաթի և Աշխարհի ակումբային առաջնության տիտղոսակիր:
18.02.2017

«Ռեալի» 6 ֆուտբոլիստ չի մասնակցի «Էսպանյոլի» դեմ խաղին

Իսպանիայի առաջնության 23-րդ տուրի «Էսպանյոլի» դեմ խաղից առաջ Մադրիդի «Ռեալի» գլխավոր մարզիչ Զինեդին Զիդանը որոշել է հանգստանալու հնարավորություն  տալ դարպասապահ Կեյլոր Նավասին, կիսապաշտպան Լուկա Մոդրիչին և հարձակվող Կարիմ Բենզեմային: Միաժամանակ տեղեկացվում է, որ Դանիլոն, Կոենտրաոն ու Սերխիո Ռամոսը բաց կթողնեն հանդիպումը վնասվածքի պատճառով: Փոխարենը, ֆրանսիացի մասնագետը վստահեցրել է, որ Գարեթ Բեյլը լիովին ապաքինվել է վնասվածքից և կխաղա կատալոնական ակումբի դեմ: Զիդանը անդրադարձել է նաև Ալվարո Մորատային, որը շատ խաղային պրակտիկա չի ստանում: «Ես չէի ցանկանա, որ Մորատան հեռանա մրցաշրջանի ավարտից հետո: Նա մեկնարկային րոպեներից խաղադաշտ դուրս կգա «Էսպանյոլի» դեմ խաղում, ու դա չի լինի վերջին անգամ, երբ նա կհայտնվի մեկնարկային կազմում»,-շեշտել է «սերուցքայինների» գլխավոր մարզիչը:
18.02.2017

Սամպաոլին՝ «Բարսելոնան» գլխավորելու մասին. «Ո՞վ գիտի, թե վաղը ինչ կպատահի»

«Սևիլիայի» գլխավոր մարզիչ Խորխե Սամպաոլին մեկնաբանել է «Բարսելոնան» գլխավորելու շշուկները: Հիշեցնենք, որ Չեմպիոնների լիգայում կատալոնական ակումբի ջախջախիչ պարտությունից հետո, սկսեցին լուրեր շրջանառվել, որ թիմի ղեկավարությունը մտածում է գլխավոր մարզիչ Լուիս Էնրիկեի պաշտոնանկության շուրջ և դիտարկում է նոր մարզչի թեկնածություններ, որոնց թվում է նաև արգենտինացի մասնագետը: «Գլխավորե՞մ «Բարսելոնան»: Ո՞վ գիտի՝ վաղը ինչ կպատահի: Բայց պետք է ասեմ, որ մամուլում պտտվող լուրերը, թույլ չեն տալիս ճիշտ գնահատել Լուիս Էնրիկեի աշխատանքը: «Բարսելոնայի» մարզչի պաշտոնը կդառնա թափուր, երբ Էնրիկեն դա ինքը կցանկանա: Այս իրավիճակում ես լիովին հանգիստ եմ, քանի որ ես չեմ տարածել այդ լուրերը: Լիովին կենտրոնացած եմ «Սևիլիայում» իմ ամենօրյա աշխատանքի վրա»,-ասել է Սամպաոլին:
18.02.2017

«Յուվենտուսի» անառիկ ամրոցը և «Ռեալի» աստղի վերադարձը. Օրվա գլխավոր լուրերի քրոնիկոնը

VivaroNews.am-ն առանձնացրել է փետրվարի 17-ին տեղի ունեցած ամենաուշագրավ իրադարձությունները և դրանք ներկայացնում է քրոնիկոնի տեսքով: Իսպանիայի տարածաշրջանային լիգայում հանդես եկող «Հեդուլա» թիմի ֆուտբոլիստներից մեկը երկրի ֆուտբոլի ֆեդերացիայի կողմից որակազրկվել է 47 հանդիպումով: Նա խաղի ժամանակ շատ կոպիտ խախտում է թույլ տվել, անտեսել գլխավոր մրցավարի որոշումը և հարձակվել վերջինիս օգնականի վրա: Լիոնել Մեսիի հայրը՝ Խորխեն, արդեն քանի օր է՝ Բարսելոնայում է, սակայն դեռ չի հանդիպել ակումբի ղեկավարության հետ: «Բարսելոնան» դեռևս ոչ մի կոնկրետ առաջարկ չի արել Մեսիի՝ պայմանագրի երկարաձգման վերաբերյալ: Այդուհանդերձ, հնարավոր է, Մեսի-ավագը և Խոսեպ Բարտոմեուն մոտ օրերս նստեն բանակցությունների սեղանի շուրջ: Իտալիայի Ա Սերիայի 25-րդ տուրում «Յուվենտուսը» 4-1 հաշվով առավելության է հասել «Պալերմոյի» նկատմամբ: Դուբլ է ձևակերպել սիցիլիական ակումբի նախկին հարձակվող Պաոլո Դիբալան, մեկական անգամ աչքի են ընկել Կլաուդիո Մարկիզիոն և Գոնսալո Հիգուայինը: Հյուրերից մեկ գոլով պատասխանել է Իվալյո Կոչևը: «Յուվենտուսն» Ա Սերիայի շրջանակներում արդեն 29 հանդիպում է, ինչ չի պարտվել սեփական հարկի տակ: Նրանք թոփ-5 առաջնությունների պատմության մեջ այդ ցուցանիշով երկրորդն են՝ զիջելով միայն 1958-1960թթ. «Բարսելոնային», որն իր հարկի տակ չէր պարտվել 39 խաղ անընդմեջ: Իկեր Կասիլյաս. «Բախտս բերել է, որ 4 տարի փոքր եմ Բուֆոնից: Հասցրել եմ հետևել նրա խաղին, սովորել շատ բաներ: Հաճախ ենք խաղացել միմյանց դեմ: Չեմ կարծում՝ իտալական ֆուտբոլում հայտնվի դարպասապահ, ով կգերազանցի Ջիջիին: Նա ֆուտբոլի պատմության լավագույն դարպասապահներից մեկն է»: Զինեդին Զիդան. «Ակնհայտ է, որ «ՊՍԺ»-ն կարող է հաղթել Չեմպիոնների լիգայի գավաթը: Նրանք ահռելի պոտենցիալ ունեն և հաղթողի հավակնորդների թվում են: Սակայն, ճանապարհը երկար է: Մեկ հաղթանակը, թեկուզև այն շատ տպավորիչ էր, դեռ ոչինչ չի երաշխավորում»: «Արսենալի» երկրպագուների մի մասը մտադիր է բոյկոտել ՉԼ 1/8 եզրափակչում «Բավարիայի» հետ պատասխան խաղը: Դեռ օրեր առաջ էին սպառվել Լոնդոնում կայանալիք հանդիպման բոլոր տոմսերը, բայց առաջին մրցավեճից հիասթափված մի խումբ երկրպագուներ չեն ցանկանում այցելել մարզադաշտ: ՈԻԵՖԱ-ի պաշտոնական կայքում անցկացված հարցման արդյունքում Արյեն Ռոբենը ճանաչվել է Չեմպիոնների լիգայի գավաթի խաղարկության շաբաթվա լավագույն ֆուտբոլիստ: Նա հավաքել է ձայների 38%-ը՝ գերազանցելով Կարիմ Բենզեմային (24%, «Ռեալ») և Էդերսոնին (23%, «Բենֆիկա»):
17.02.2017

Գվարդիոլա. «Բարսելոնան» հիմա էլ աշխարհի լավագույն ակումբն է»

«Մանչեսթեր Սիթիի» գլխավոր մարզիչ Պեպ Գվարդիոլան, որը «Բարսելոնան» գլխավորել է 2008-2012 թվականներին, հայտարարել է, որ հիմա էլ կատալոնական ակումբն աշխարհում ուժեղագույնն է: «Հիմա էլ «Բարսելոնան» ուժեղագույն ակումբն է աշխարհում: Ֆուտբոլում այդպիսի պարտություններ լինում են, քանի որ մրցակիցները ևս ուժեղ են: Եթե որևէ թիմ կա, որ կարող է առավելության հասնել 0-4 հաշվով պարտությունից հետո, ապա «Բարսելոնան» է»,- ասել է Գվարդիոլան:
17.02.2017

Նեյմարը հիվանդանոցում այցելել է Գաբրիել Ժեզուշին (ֆոտո)

«Բարսելոնայի» հարձակվող Նեյմարը հիվանդանոցում այցելել է «Մանչեսթեր Սիթիի» հարձակվող Գաբրիել Ժեզուշին ու լուսանկար հրապարակել Ինստագրամի իր էջում: 19-ամյա ֆուտբոլիստը, որ Նեյմարի հետ հանդես է գալիս Բրազիլիայի հավաքականի կազմում, հաջողությամբ վիրահատվել է: Ապաքինման համար Ժեզուշից 2-3 ամիս կպահանջվի: Bom ver que você está bem molecão ... já já volta voando ! Tamo junto fiote @dejesusoficial Публикация от Nj neymarjr (@neymarjr) Фев 17 2017 в 7:24 PST
17.02.2017

Զիդան. «Բեյլին խաղաժամանակ կտրամադրեմ «Էսպանյոլի» դեմ մրցավեճում»

Մադրիդի «Ռեալի» գլխավոր մարզիչ Զինեդին Զիդանը հաստատել է, որ կիսապաշտպան Գարեթ Բեյլն ապաքինվել է վնասվածքից: Ուելսցին այս շաբաթվա ընթացքում է վերադարձել ամբողջ ծանրաբեռնվածությամբ մարզումներին և նախապատրաստվել «Էսպանյոլի» հետ Լա Լիգայի առաջիկա հանդիպմանը: «Բեյլը թիմի հայտացուցակում է, ցանկանում եմ նրան որոշակի խաղաժամանակ տրամադրել: Նա անհամբերությամբ է սպասում խաղադաշտ վերադառնալուն, իսկ մենք ուրախ ենք նրա համար: Դեռ ունենք վնասվածք ունեցող 2-3 ֆուտբոլիստներ, ուստի գրեթե բոլորն արդեն կազմուպատրաստ են: Գարեթը կարևոր ֆուտբոլիստ է մեզ համար: Մենք գիտենք Բեյլի խաղամակարդակը, արագությունը, ինչպես նաև այն դժվարությունները, որ նա կարող է ստեղծել մրցակիցների համար: Ուրախ եմ, որ նա մեզ հետ է, բայց Գարեթն ավելի երջանիկ է իր վերադարձի կապակցությամբ, քան ես»,- ասել է ֆրանսիացի մասնագետը: http://www.vivaronews.am/ramos-zidann-andzamb-e-shphvum-futbolistneri-het-ev-haskanum-the-inch-e-katarvum-mer-glxum
17.02.2017

Իտալացի 11 ֆուտբոլիստ, որոնց հաջողվել է գոլ խփել «Ռեալի» «Սանտիագո Բերնաբեու» մարզադաշտում

Երեքշաբթի օրը Չեմպիոնների լիգայի շրջանակներում «Նապոլիի» հարձակվող Լորենցո Ինսինյեն գրավեց «Ռեալի» դարպասը: Ինսինյեն դարձավ իտալացի 11-րդ ֆուտբոլիստը, ում հաջողվեց եվրոագավաթների ժամանակ գոլ «Սանտիագո Բերնաբեոյում»: Ջովանի Լոդետի («Միլան») «Ռեալ» 4-1 «Միլան» Չեմպիոնների գավաթ ¼ եզրափակիչ. 1963-64
17.02.2017

Մեսին զանգահարել է Գվարդիոլային և խնդրել վերադառնալ «Բարսելոնա»

«Բարսելոնայի» հարձակվող Լիոնել Մեսին ցանկանում է, որ թիմի նախկին գլխավոր մարզիչ Պեպ Գվարդիոլան վերադառնա կատալոնական ակումբ: The Sun-ի տեղեկություններով՝ արգենտինացին իսպանացի մասնագետի հետ այդ թեմայով հեռախոսազրույց է ունեցել Չեմպիոնների լիգայի գավաթի խաղարկության 1/8 եզրափակիչ փուլում «ՊՍԺ»-ից կրած պարտությունից հետո (0-4): «Ոսկե գնդակի» հնգակի դափնեկիրն ընդգծել է, որ Լուիս Էնրիկեն բացասական ազդեցություն է ունենում թիմի ելույթների վրա: Հիշեցնենք, որ Գվարդիոլան, ով ներկայումս մարզում է «Մանչեսթեր Սիթին», «Բարսելոնան» գլխավորել է 2008-2012թթ.: Թիմը նրա գլխավորությամբ 3 անգամ դարձել է Իսպանիայի չեմպիոն, 2-ական անգամ հաղթել է երկրի գավաթն ու Սուպերգավաթը, Չեմպիոնների լիգայի գավաթը, ՈՒԵՖԱ-ի Սուպերգավաթը և աշխարհի ակումբային առաջնությունը: http://www.vivaronews.am/barselonan-arandznacrel-e-erku-pashtpanneri-oroncic-mekeh-kphoxarini-aleysh-vidalin
17.02.2017

«Բարսելոնան» առանձնացրել է երկու պաշտպանների, որոնցից մեկը կփոխարինի Ալեյշ Վիդալին

«Բարսելոնան» շարունակում է նոր աջ պաշտպանի որոնումները, հաղորդում են կատալոնական լրատվամիջոցները: Լուիս Էնրիկեի թիմին այդ դիրքում անհրաժեշտ է նոր ֆուտբոլիստ, քանի որ Ալեյշ Վիդալը շարքից դուրս է մնացել երկար ժամանակով: Չնայած տրանսֆերային պատուհանը փակ է՝ «Բարսելոնան» իրավունք ունի կատարելու նման տրանսֆեր, քանի որ, ըստ օրենքի, ակումբին նման արտոնություն է տրվում իր խաղացողի՝ 5 ամիս և ավելի ժամանակով խաղադաշտից բացակայելու դեպքում: Հիմնական թեկնածուներն են «Մալագայից» Ռոբերտո Ռոսալեսը և «Դեպորտիվոյից» Խուանֆրանը: Այդ ֆուտբոլիստներից մեկը «Բարսելոնայում» հանդես կգա մինչև այս մրցաշրջանի ավարտը, իսկ ամռանն ակումբը մտադիր է լուրջ համալրում կատարել պաշտպանության աջ եզրում: Բացի այդ, Չեմպիոնների լիգայի գավաթի խաղարկությունում անհաջող ելույթների պատճառով կատալոնական ակումբում ամռանը պաշտպանությունում կարող են տեղի ունենալ արմատական փոփոխություններ: http://www.vivaronews.am/marca-yeri-minan-kteghaphoxvi-barselona
ԹԵԺ ԵՎ ԲԱՑԱՌԻԿ

Vivaro News

Հասցե - Գետառի 4/17 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: