Իսպանիա | Էջ - 7

19.04.2017

«Ռեալը» ՉԼ ռեկորդ է սահմանել՝ գերազանցելով «Բարսելոնայի» ցուցանիշը

Ինչպես արդեն տեղեկացրել ենք, Չեմպիոնների լիգայի գավաթի խաղարկության քառորդ եզրափակիչ պատասխան մրցավեճում Մադրիդի «Ռեալը» լրացուցիչ ժամանակում հաղթել է «Բավարիային» (4-2): Առաջին հանդիպումը, որը կայացել էր Մյունխենում, ավարտվել էր «Արքայական» ակումբի հաղթանակով՝ 2-1 հաշվով, ուստի Զինեդին Զիդանի սաները մրցաշարի կիսաեզրափակչում են: Մադրիդյան թիմը Չեմպիոնների լիգայի գավաթի խաղարկության ռեկորդ է սահմանել՝ 7-րդ անգամ անընդմեջ հայտնվելով մրցաշարի կիսաեզրափակչում: Նախկին ռեկորդը պատկանում էր իսպանական ակումբներից մյուսին՝ «Բարսելոնային», որը 2008-2013թթ. եվրոպական ակումբային ամենահեղինակավոր մրցաշարի կիսաեզրափակիչ էր դուրս եկել 6 անգամ անընդմեջ: http://www.vivaronews.am/realeh-lracucich-zhamanakum-paykharic-durs-thoghec-bavariayin-ev-chl-kisaezraphakchum-e-tesanyuth
18.04.2017

Լուիս Էնրիկե. «Երկրպագուներին հորդորում եմ մարզադաշտից չհեռանալ 80-րդ րոպեին»

«Բարսելոնայի» գլխավոր մարզիչ Լուիս Էնրիկեն խոսել է Չեմպիոնների լիգայի գավաթի խաղարկության քառորդ եզրափակչում «Յուվենտուսի» հետ պատասխան հանդիպման մասին: Կատալոնական թիմն առաջին մրցավեճում Թուրինում պարտվել է 0-3 հաշվով: «Ես, իհարկե, կցանկանայի նախապատրաստվելու համար մեկ շաբաթից ավել ժամանակ ունենալ, այդ ընթացքում ուղևորվել Մալդիվներ... Ընդհանուր առմամբ, այժմ գրեթե նույն իրավիճակում ենք, ինչ «ՊՍԺ»-ի հետ հանդիպումից առաջ: Անհրաժեշտ է խփել առնվազն երեք գոլ և դարպասն էլ անառիկ պահել՝ դիմակայության հաշիվը հավասարեցնելու համար: Սակայն, կարծում եմ, «Յուվենտուսն» անպայման կստեղծի իր պահերը, ուստի մեր խնդիրը 5 գոլ խփելն է: Եթե հաջողվի արագ գոլ խփել, «Կամպ Նոուի» մթնոլորտն առաջ կմղի դա անելու երկրորդ անգամ, իսկ երրորդը կգա ինքն իրեն: Այս պահին կորցնելու ոչինչ չունենք: Տարբերակը միայն մեկն է՝ գրոհել, գրոհել, գրոհել: Այնուհետև մի փոքր հանգստանալ և նորից առաջ ընթանալ: Երկրպագուներին հորդորում եմ մարզադաշտից չհեռանալ 80-րդ րոպեին, քանի որ անպայման ինչ-որ կարևոր բան բաց կթողնեն: Սա ևս մեկ երեկո է, որում կարելի է պատմություն կերտել»,- ասել է իսպանացի մասնագետը:
18.04.2017

Մինչ «Ռեալի» պատանեկան թիմի ֆուտբոլիստները տոնում էին իրենց խփած գոլը, «Բարսելոնայի» խաղացողները գրավեցին դատարկ դարպասը (տեսանյութ)

Մինչ «Ռեալի» պատանեկան թիմի ֆուտբոլիստները տոնում էին իրենց խփած գոլը, «Բարսելոնայի» խաղացողները գրավեցին դատարկ դարպասը:
18.04.2017

Թոփ 10 ֆուտբոլային ակումբներ, որոնք ունեն լավագույն երկրպագուները

Աշխարհի ամենադիտվող խաղին յուրաքանչյուր թիմ ներկայացնում է 12 մասնակից, որոնցից 11-ը կառուցում են խաղը, իսկ 12-րդը քաջալերում է իր թիմին ու խուճապի  մատնում հակառակորդին: Այդ մասնակիցը թիմի երկրպագուն է, դաշտից դուրս այդ ակումբի ամենաակտիվ ներկայացուցիչը: Ձեզ ենք ներկայացնում  լավագույն ֆուտբոլային ակումբների  լավագույն երկրպագուներին: «Բորուսիա Դորտմունդ» 500 հազար բնակչություն ունեցող քաղաքի համար «Ուեմբլի» մարզադաշտն առաջարկում էր 44 հազար տոմս 2013 թվականի Չեմպիոնների լիգայի եզրափակչի համար: 450 հազար դորտմունդցի դիմել էր տոմս ձեռք բերելու համար, սա նշանակում է , որ քաղաքի 9 տոկոսը պատրաստ էր իր թիմի հետ մեկնել Անգլիա: «Սիգնալ Իգունա» մարզադաշտից «Բորուսիայի» ամեն խաղին հետևում է մոտ 80 հազար հանդիսական: Դորտմունդցիները իրենց հանգիստ դրսևորող, կազմակերպված երկրպագուներ են, որոնք կապի մեջ են տեղի իշխանությունների  հետ, անգամ եթե խաղն այլ երկրում է: http://www.vivaronews.am/borusiayi-erkrpagunereh-othevanel-en-monakoyi-erkrpagunerin-lusankarner
18.04.2017

«Միլանը» իրականացրեց իր առաջին տրանսֆերը

«Միլանի» նոր ղեկավարությունը որոշել է միանգամից գործի անցնել և իրականացնել թիմի առաջին տրանսֆերը: Ինչպես հաղորդում է Sky Sport Italia-ն և մի շարք այլ իտալական ԶԼՄ-ներ, «Միլանը» համաձայնեցրել է պայմանագիրը «Վիլառեալի» պաշտպան Մատեո Մուսակիոյի հետ: «Ռոսոներիները» արգենտինացու տրանսֆերի դինաց իսպանական ակումբին կվճարեն 15 մլն եվրո + բոնուսներ: Հիշեցնենք, որ միլանյան ակումբի նոր ղեկավարները հաստատել էին, որ առաջիկա ամռանը իտալական գրանդը լուրջ տրանսֆերներ է իրականացնելու:  
18.04.2017

«Ռեմոնտադաների արքաները». 10 խաղ, որոնք «Ռեալը» փրկել է վերջին րոպեներին այս մրցաշրջանում

Մադրիդի «Ռեալը» շարունակում է վստահ քալերով առաջ գնալ դեպի Լա լիգայում 33-րդ չեմպիոնական տիտղոսը, ինչպես նաև լավ շանսեր ունի Չեմպիոնների լիգայի կիսաեզրափակիչ դուրս գալու ու «Լա Դուոդեսիմայի» համար պայքարելու: Այնուամենայնիվ, միշտ չէ, որ «Ռեալին» միավորները հեշտ են տրվել այս մրցաշրջանում: Զինեդին Զիդանի թիմը Սերխիո Ռամոսի գլխավորությամբ մեկ անգամ չէ, որ խաղը փրկել է վերջին րոպեներին ու միավորներ կորզել տապալված թվացող խաղերում: Որոշել ենք վերհիշել այն 10 խաղերը, որոնցում «Ռեալը» վերջին րոպեներին փրկվել է պարտությունից ու նույնիսկ հաղթել: 1. «Ռեալ Մադրիդ» 3-2 «Սևիլիա» / ՈՒԵՖԱ-ի սուպերգավաթ Մադրիդի «Ռեալը», հաղթելով Չեմպիոնների լիգայի գավաթը, իրավունք ստացավ պայքարել ՈՒԵՖԱ-ի սուպերգավաթի համար, իսկ մրցակիցը Եվրոպա Լիգայի վերջին երեք տարիների հաղթող «Սևիլիան» էր: «Ռեալը» խաղում էր առանց հիմնական հարձակվողների՝ Ռոնալդու, Բենզեմա, Բեյլ: Խաղը լավ սկսվեց Զիդանի թիմի համար, ու Մարկո Ասենսիոյի ֆանտաստիկ հարվածը արդյունավետ եղավ: Այնուամենայնիվ, «Սևիլիան» կարողացավ երկու անգամ գրավել Կիկո Կասիլյայի դարպասը և առաջ անցնել հաշվի մեջ: 93-րդ րոպե, «Ռեալը» հարձակվում է... Եվ իհարկե գնդակը հասնում է Սերխիո Ռամոսի գլխին, իսկ հաշիվը դառնում է 2-2: Խաղին ավելացված 30 րոպեների ընթացքում Դանիել Կարվախալին հաջողվում է ևս մեկ ֆանտաստիկ գոլ խփել հիանալի անցումից հետո, ու «Ռեալը» նվաճում է ՈՒԵՖԱ-ի սուպերգավաթը:
18.04.2017

Մեսութ Օզիլ. «Սիրում եմ Ժոզե Մոուրինյոյին»

«Արսենալի» և Գերմանիայի ազգային հավաքականի կիսապաշտպան Մեսութ Օզիլը խոսել է Ժոզե Մոուրինոյի մասին, որի հետ նախկինում աշխատել է «Ռեալում»: «Սիրում եմ Ժոզե Մոուրինյոյին: Նա գլխավոր պատճառներից մեկն էր, որ ես տեղափոխվեցի «Ռեալ»: Ես չէի ընտրել ակումբը, ես ընտրել էին նրան»,- ասել է Օզիլը: Հիշեցնենք, որ գերմանացին հանդես է եկել իսպանական գրանդի կազմում 2010-13թ.:  
18.04.2017

«Բարսելոնան» և «Բավարիան» կպայքարեն «Այաքսի» ծագող աստղի համար

«Այաքսի» կիսապաշտպան Դոնի վան դե Բեկը հայտնվել է գրանդ ակումբների ուշադրության կենտրոնում: Ինչպես հաղորդում է Sport1-ը, 19-ամյա կիսապաշտպանի ծառայություններով հետաքրքրված են «Բարսելոնան» և «Բավարիան»: Արդեն առաջիկա տրանսֆերային պատուհանի ժամանակ հոլանդական ակումբի ծագող աստղը կարող է փոխել ակումբային գրանցումը:
18.04.2017

Նեյմարը նշել է, թե որ ակումբում կցանկանար երբևէ խաղալ

«Բարսելոնայի» հարձակվող Նեյմարը, թեև պայմանագիր ունի կատալոնացիների հետ ու մտադիր չէ լքել ակումբը, բայց ցանկություն է հայտնել իր կարիերայի ընթացքում անպայման խաղալ բրազիլական ակումբներից մեկում՝ «Ֆլամենգոյում»: «Ես շատ մեծ ցանկություն ունեմ մի օր խաղալու «Ֆլամենգոյում», մարդաշատ «Մարականա» մարզադաշտում, Լիբերտադորեսի գավաթում»,- պատմել է Նեյմարը: Նշենք, որ Նեյմարը նախկինում հանդես է եկել բրազիլական «Սանթոսում»: Երբ նրան հարցրել են, թե ինչու նա Պելեի կամ Ռոբինյոյի նման չի շնորհավորել ակումբի 105 ամյակը, բրազիլացին ասել է. «Ես որևէ պարտավորություն չունեմ: Ես շատ եմ հարգում ակումբը, իմ ողջ ընտանիքը «Սանթոսի» երկրպագու է, նույնիսկ երևի ես: Բայց ակումբը դատարան է դիմել իմ դեմ հայցով մի բանի համար, որ ես այդպես էլ չեմ հասկանում»,-նշել է բրազիլացին:
17.04.2017

Պաուլո Դիբալա. «100 տոկոսով պատրաստ եմ «Բարսելոնայի» դեմ խաղին»

«Յուվենտուսի» հարձակվող Պաուլո Դիբալան տեղեկացրել է, որ կարողացել է ամբողջությամբ ապաքինվել վնասվածքից և պատրաստ է Չեմպիոնների լիգայի 1/4 եզրափակչի «Բարսելոնա» - «Յուվենտուս» պատասխան խաղին: «Բարեբախտաբար ամեն ինչ կարգին է, արդեն մարզվում եմ թիմի հետ, 100  տոկոսով պատրաստ եմ «Բարսելոնայի» դեմ խաղին»,- ասել է արգենտինացի ֆուտբոլիստը: Հիշեցնենք, որ «Պեսկարա» - «Յուվենտուս» (0-2)  հանդիպման 54-րդ րոպեին Դիբալան փոխարինվել էր կոճի հատվածում ցավերի պատճառով: Չեմպիոնների լիգայի 1/4 եզրափակչի «Բարսելոնա»-«Յուվենտուս» հանդիպումը տեղի կունենա ապրիլի 19-ին:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: