Իսպանիա | Էջ - 6

21.05.2017

2 օրից «Ռեալը» կհայտարարի նոր տրանսֆերի մասին

«Ֆլամենգոյի» 16-ամյա հարձակվող Վինիսիուս Ժունիորը մոտ է Մադրիդի «Ռեալ» տեղափոխությանը: Ինչպես տեղեկացնում է AS-ը, բրազիլիացի ֆուտբոլիստի տրանսֆերի մասին պաշտոնապես կհայտարարվի մյուս շաբաթ: Այդ տրանսֆերը «արքայական» ակուբին կարժենա 45 մլն. եվրո: Ընդգծվում է, որ երկուշաբթի մադրիդյան ակումբի ներկայացուցիչը կմեկնի Ռիո դե Ժանեյրո, որպեսզի հարթի բոլոր մանրուքները, իսկ արդեն երեքշաբթի «սերուցքայինները» նոր հրաշամանուկի ձեռքբերման մասին կհայտնեն պաշտոնապես:
21.05.2017

Էնրիկե. «Եթե «Բարսելոնան» չհաղթի Լա Լիգան, ապա կշնորհավորի չեմպիոնին»

Իսպանիայի առաջնության վերջին տուրի շրջանակներում «Բարսելոնան» հյուրընկալելու է «Էյբարին», իսկ Մադրիդի «Ռեալը» արտագնա հանդիպում է անցկացնելու «Մալագայի» հետ: Եթե «արքայական» ակումբը այդ խաղում հաղթի կամ ոչ-ոքի խաղա, ապա կդառնա Իսպանիայի չեմպիոն, իսկ պարտության դեպքում լավագույնի կոչումը կզիջի իրենց սկզբունքային մրցակից «Բարսելոնային», եթե վերջիններս էլ հաղթեն «Էյբարին»: Կատալոնական ակումբի գլխավոր մարզիչ Լուիս Էնրիկեն հայտարարել է, որ «կապտանռնագույները» կշնորհավորեն «Ռեալին» չեմպիոնության կապակցությամբ, եթե նրանց հաջողվի անհրաժեշտ միավորները վաստակել: «Աշխատանքի վրա կենտրոնանալը միակ միջոցն է լարվածությունը հաղթահարելու: Եթե մենք հաղթենք առաջնությունը, դա ֆանտաստիկ կլինի, և մենք լավ կնշենք այդ հաղթանակը: Եթե ոչ, կշնորհավորենք չեմպիոններին, քանի որ դա իմ պրոֆեսիոնալ աշխատանքի սկզբունքներից մեկն է»,-Marca-ն է փոխանցում իսպանացի մասնագետի խոսքերը:
21.05.2017

«Բարսելոնա» – «Էյբար», «Մալագա» – «Ռեալ Մադրիդ». Հավանական մեկնարկային կազմեր

Այսօր վերջապես կստանանք այն հարցի պատասխանը, թե ով է դառնալու Իսպանիայի Լա Լիգայի 2016/17թթ. առաջնության հաղթող: Առաջատար Մադրիդի «Ռեալը» վաստակել է 90 միավոր և առնվազն ոչ-ոքի խաղալու դեպքում 2012 թվականից հետո առաջին անգամ կռչակվի լավագույնն Իսպանիայում: «Բարսելոնան» զուգահեռաբար ուժերն է չափելու «Էյբարի» հետ: Ձեր ուշադրությանն ենք ներկայացնում հավանական մեկնարկային կազմերն՝ ըստ իսպանական ԶԼՄ-ների: Լա Լիգա, 38-րդ տուր «Բարսելոնա» - «Էյբար» Մեկնարկը՝ 22:00-ին «Կամպ Նոու» մարզադաշտ, Բարսելոնա  Mundo Deportivo Sport Marca
21.05.2017

115 մլն եվրո. «Մանչեսթեր Յունայթեդը» սկսում է «որսը» Նեյմարի համար

«Բարսելոնայի» հարձակվող Նեյմարի հայրը հայտարարել է, որ իր որդին պետք է հեռանա Իսպանիայից, որպեսզի դուրս գա Լիոնել Մեսիի ստվերի տակից, հաղորդում է Express-ը: Ըստ ասեկոսեների՝ բրազիլացու տաղանդի մեծ երկրպագուն է «Մանչեսթեր Յունայթեդի» գլխավոր մարզիչ Ժոզե Մոուրինյոն: Մանկունյական թիմն ամռանը մտադիր է մեծ գումարներ ներդնել կազմն ուժեղացնելու ուղղությամբ, և Նեյմարի՝ «Բարսելոնայում» իր կարգավիճակից դժգոհ լինելու լուրերից հետո նա Մոուրինյոյի համար կարող է դառնալ տրանսֆերային գլխավոր նպատակ: Այդպիսով, «Յունայթեդը» մի պահ կդադարեցնի պայքարն Անտուան Գրիզմանի համար, և Նեյմարի տրանսֆերի դիմաց կառաջարկի 115 մլն եվրո: Բրազիլացի աստղի ծառայություններով հետաքրքրված է նաև «Մանչեսթեր Սիթին»: Այդ տարբերակը նույնպես հավանական է, քանի որ Նեյմարը վերջերս հայտարարել էր՝ կցանկանար հանդես գալ Պեպ Գվարդիոլայի ղեկավարությամբ: «Գվարդիոլան այն մարզիչն է, ումով ես հիանում եմ և կցանկանայի մի օր խաղալ նրա թիմում»,- խոստովանել էր Նեյմարը: http://www.vivaronews.am/cadena-cope-barselonan-patrast-e-transferi-hanelu-neymarin
21.05.2017

Չավին ընտրել է աշխարհի լավագույն 5 կիսապաշտպաններին՝ մի կողմ դնելով «Բարսայի» ֆուտբոլիստներին

«Բարսելոնայի» լեգենդար կիսապաշտպան Չավի Էրնանդեսը, ով ներկայումս հանդես է գալիս քաթարական «Ալ-Սադում», անվանել է իր խաղային դիրքում աշխարհի լավագույն 5 ֆուտբոլիստներին: Le parisien-ին տված հարցազրույցում Չավին պետք է ընտրեր 5 լավագույններին՝ հաշվի չառնելով «Բարսելոնայի» կիսապաշտպաններին: Հնգյակն ունի հետևյալ տեսքը՝ Լուկա Մոդրիչ («Ռեալ Մադրիդ») Տոնի Կրոս («Ռեալ Մադրիդ»)
20.05.2017

Հայտնի է Լա Լիգայից դուրս մնացած 3-րդ թիմը

Մայիսի 20-21-ը տեղի կունենան Իսպանիայի Լա Լիգայի 38-րդ տուրի հանդիպումները։ Շաբաթ օրը խաղում էին հիմնականում այն թիմերը, որոնք պայքար են մղում լիգայում իրենց տեղը պահպանելու համար։ Սեփական հարկի տակ ոչ-ոքի՝ 2-2 խաղալով «Բետիսի» հետ՝ Խիխոնի «Սպորտինգը» դարձավ 3-րդ թիմը, որ լքեց Լա Լիգան։ Ավելի վաղ այդ բախտին էին արժանացել «Օսասունան» և «Գրանադան»։ Այս տուրից առաջ դեռևս իր տեղը լիովին չապահոված «Դեպորտիվոն» հաղթեց «Լաս Պալմասին» 3-0 հաշվով։
20.05.2017

«Ռեալի» 3 ֆուտբոլիստներ շարք են վերադարձել Լա Լիգայի որոշիչ տուրին ընդառաջ

Մեկնարկել է Լա Լիգայի 2016/17 մրցաշրջանի վերջին՝ 38-րդ տուրը։ Առաջատարները՝ «Ռեալը» և «Բարսելոնան» իրենց հանդիպումները կանցկացնեն վաղը։ Մադրիդի «Ռեալը» ներկայացրել է հայտացուցակը վաղվա՝ «Մալագայի» հետ խաղի համար։ Շարք են վերադարձել Դանի Կարվախալը, Խամես Ռոդրիգեսը և Գարեթ Բեյլը։ #RealMadrid 2⃣5⃣ @MalagaCF#RMMovistar #HalaMadrid pic.twitter.com/ujc2clqTic— Real Madrid C. F. (@realmadrid) May 20, 2017
20.05.2017

Ժերար Պիկեն որոշել է լրատվամիջոց ստեղծել

«Բարսելոնայի» պաշտպան Ժերար Պիկեն իր թվիթերում գրել է, որ պատրաստվում է ստեղծել նոր լրատվամիջոց։ «Առաջիկա ամիսներին իմ նպատակն է ստեղծել լրատվամիջոց, որը կլինի տարբեր, կոկիկ, հավաստի, և խաղացողների համար։ Ես հոգնել եմ»,-գրել է Պիկեն։ Իսպանացու զայրույթի պատճառն այն է, որ մի շարք լրատվամիջոցներ տարածել էին լուսանկար և գրել, թե ֆուտբոլիստը տուգանվել է 190 կմ/ժ արագությամբ երթևեկելու համար։ Պիկեն նշել է, որ դա հերյուրանք է։
20.05.2017

«Բարսելոնան» հատուկ մարզաշապիկով կխաղա «Էյբարի» դեմ

Կատալոնական «Բարսելոնան» հատուկ մարզաշապիկով հանդես կգա «Էյբարի» դեմ խաղում: «Կապտանռնագույնները» պատրաստվում են տոնել Չեմպիոնների լիգայում իրենց առաջին հաղթանակի 25 ամյակը: Շապիկների վրա գրված կլինի «Ուեմբլի» 25, 20.05.1992»: Հենց 1992 թվականի մայիսի 20-ին «Բարսելոնան» իր պատմության մեջ առաջին անգամ նվաճեց Չեմպիոնների լիգայի գավաթը՝ հաղթելով «Սամպդորիային» 1-0 հաշվով: Տոնական արարողությանը կմասնակցի «Բարսելոնայի» նախկին կիսապաշտպան  Խոսե Մարի Բակերոն: Նա 1992 խաղացել է «կապտառնագույնների» կազմում և մասնակցել այդ պատմական հանդիպմանը:  
20.05.2017

Daily Star. «Ռեալը» և «Բարսելոնան» կպայքարեն «Լիվերպուլի» երիտասարդ ֆուտբոլիստի համար

«Ռեալը» և «Բարսելոնան» կպայքարեն «Լիվերպուլի» 17-ամյա ֆուտբոլիստ Դեն Վուդբերնի համար, հաղորդում է Daily Star-ը: Կատալոնական «Բարսելոնան» հետևում է 17-ամյա ֆուտբոլիստի խաղին այն բանից հետո, երբ Վուդբերնը դարձավ «Լիվերպուլի» ամենաերիտասարդ ֆուտբոլիստը, որ գոլի հեղինակ է դարձել: «Ռեալը» պայքարին է միացել Գարեթ Բեյլի խորհրդով: Բեյլն ու Վուդբուրնը միասին հանդես են գալիս Ուելսի ազգային հավաքականում: Don BAlon-ի տեղեկությամբ, «Բարսելոնան» արդեն առաջարկով դիմել է ֆուտբոլիստին և մոտ է նրա հետ պայմանագրի կնքմանը: Վուդբերնի պայմանագիրը «Լիվերպուլի» հետ գործում է մինչև 2019 թվականը: Իսպանական գրանդերը կկարողանան ֆուտբոլիստի հետ պայմանագիր կնքել միայն 2018 թվականի հոկտեմբերին, երբ նա չափահաս դառնա:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: