Իսպանիա | Էջ - 6

19.02.2017

Զիդան. «Մինչ փոխարինումը Բեյլին ասել էի՝ դո՛ւրս արի խաղադաշտ և հաճույք ստացիր»

Մադրիդի «Ռեալի» գլխավոր մարզիչ Զինեդին Զիդանը մեկնաբանել է Իսպանիայի Լա Լիգայի շրջանակներում «Էսպանյոլի» նկատմամբ տոնած հաղթանակը (2-0): Հիշեցնենք, որը հաշիվը բացել էր Ալվարո Մորատան, իսկ հաղթական արդյունքն ամրագրել էր երեք ամսվա դադարից հետո խաղադաշտ վերադարձած Գարեթ Բեյլը, ով դուրս էր եկել փոխարինման: «Մենք շատ լավ աշխատեցինք: 1-0 հաշվի ժամանակ, չգիտես ինչու, հանգստացանք, իսկ վերջնամասում արժանի էինք նաև երրորդ գոլին, քանի որ Կրիշտիանու Ռոնալդուի նկատմամբ խախտման համար պետք է 11-մետրանոց նշանակվեր: Գոլ ենք խփել վերջին 42 խաղերում անընդմե՞ջ. թիմն աշխատում է, մթնոլորտը հիանալի է, իսկ խաղացողներն իրենց շատ լավ են զգում: Մենք դեռ ոչինչ չենք հաղթել այս մրցաշրջանում: Ուրախ եմ Բեյլի վերադարձի կապակցությամբ, որն իդեալական ստացվեց, նա գոլ հեղինակեց: Գարեթն, իրոք, շատ էր ցանկանում կրկին օգնել մեզ: Ես մինչ փոխարինումը նրան ասել էի՝ դո՛ւրս արի խաղադաշտ և հաճույք ստացիր»,- ասել է ֆրանսիացի մասնագետը:
19.02.2017

Մեսիի հայրը «Բարսելոնայի» ղեկավարությունից պահանջել է պաշտոնանկ անել Լուիս Էնրիկեին

«Բարսելոնայի» հարձակվող Լիոնել Մեսիի հայրը՝ Խորխե Մեսին, ով այս օրերին գտնվում է Կատալոնիայի մայրաքաղաքում, դժգոհ է թիմի ղեկին Լուիս Էնրիկեի աշխատանքից և ցանկանում է գլխավոր մարզչի պաշտոնում տեսնել ներկայումս «Սևիլյայում» աշխատող Խորխե Սամպաոլիին, հաղորդում է El Confidencial-ը: Այս գործոնը կարող է վճռորոշ դեր կատարել «Ոսկե գնդակի» հնգակի դափնեկրի՝ «Բարսելոնայի» հետ նոր պայմանագիր ստորագրելու-չստորագրելու հետ կապված: Լուիս Էնրիկեի հասցեին քննադատությունը նոր ուժգնություն ստացավ այն բանից հետո, երբ կատալոնացիները Չեմպիոնների լիգայի գավաթի խաղարկության 1/8 եզրափակչում Փարիզում 0-4 հաշվով պարտվեցին «ՊՍԺ»-ին: Հիշեցնենք, որ իսպանացի մասնագետի գործող պայմանագրի ժամկետը լրանում է առաջիկա ամռանը: Ինչ վերաբերում է Սամպաոլիին, ապա նա «Սևիլյայի» հետ համաձայնագրով կապված է մինչև 2018 թվականի ամառը: Ընդգծենք, որ 2013 թվականին «Բարսելոնան» Մեսի-ավագի խորհրդով ակումբի գլխավոր մարզչի պաշտոնում էր նշանակել Խերարդո «Տատա» Մարտինոյին, բայց նա պաշտոնանկ արվեց առաջին իսկ մրցաշրջանից հետո, քանի որ թիմը Չեմպիոնների լիգայում պայքարը լքեց արդեն քառորդ եզրափակչում՝ զիջելով Մադրիդի «Ատլետիկոյին», Իսպանիայի առաջնությունում բավարարվեց երկրորդ տեղով, իսկ Արքայական գավաթի խաղարկության եզրափակչում պարտվեց Մադրիդի «Ռեալին»:
19.02.2017

Բեյլը ոտքի կանգնեցրեց «Բեռնաբեուն», «Բավարիան»՝ փախցրեց ոչ-ոքի. Օրվա գլխավոր լուրերի քրոնիկոնը

VivaroNews.am-ն առանձնացրել է փետրվարի 18-ին տեղի ունեցած ամենաուշագրավ իրադարձությունները և դրանք ներկայացնում է քրոնիկոնի տեսքով: Յուրգեն Կլոպ. «Չեմ կարոտում Չեմպիոնների լիգայի գավաթի խաղարկությունը: Իհարկե, շատ կցանկանայի «Լիվերպուլը» վերադարձնել այդ մրցաշար, ուստի պետք է լավ աշխատենք: «Լիվերպուլի» պես ակումբի համար շատ կարևոր է մասնակցել նման հեղինակավոր մրցաշարի»: Իսպանիայի Լա Լիգայի 23-րդ տուրում Մադրիդի «Ռեալը» 2 անպատասխան գնդակ է ուղարկել «Էսպանյոլի» դարպասը: Հաշիվը բացել է Ալվարո Մորատան, իսկ տանտերերի առավելությունն ամրապնդել է երեք ամսվա դադարից հետո խաղադաշտ վերադարձած Գարեթ Բեյլը: «Սևիլյան» սեփական հարկի տակ 2-0 հաշվով պարտության է մատնել «Էյբարին»: Աչքի են ընկել Պաբլո Սարաբիան և Վիտոլոն: Իսկ Մադրիդի «Ատլետիկոն» հյուրընկալվելիս 4-1 հաշվով հաղթել է Խիխոնի «Սպորտինգին»: Հեթ-տրիկ է հեղինակել Կևին Գամեյրոն: Գերմանիայի Բունդեսլիգայի 21-րդ տուրում «Բավարիան» հյուրընկալվելիս մեկական գնդակ է փոխանակել «Հերտայի» հետ: Վեդադ Իբիշևիչի գոլին հյուրերը մրցավարի ավելացրած 6-րդ րոպեին պատասխանել են Ռոբերտ Լևանդովսկիի գնդակով: Դորտմունդի «Բորուսիան» 3-0 հաշվով առավելության է հասել «Վոլֆսբուրգի» նկատմամբ: Թոմաս Տուխելի թիմին հաղթանակ են պարգևել Ջեֆրի Բրումայի ինքնագոլը, ինչպես նաև Լուկաշ Պիշչեկի և Օսման Դեմբելեի գոլերը: Անգլիայի գավաթի խաղարկության 1/8 եզրափակչի՝ «Հադերսֆիլդ» - «Մանչեսթեր Սիթի» մրցավեճում դարպասի գրավում չի արձանագրվել, ուստի կողմերը կանցկացնեն վերախաղարկում: Իսկ «Չելսին» մրցակցի հարկի տակ 2-0 հաշվով հաղթել է «Վուլվեհեմփթոնին»՝ շնորհիվ Պեդրոյի և Դիեգո Կոստայի գոլերի: Գարեթ Բեյլ. «Ինձ դեռ մի քանի շաբաթ է պետք, որպեսզի լավ մարզավիճակ հավաքեմ: Երեք ամսվա բացակայությունից հետո խաղադաշտում ինձ լավ էի զգում: Դժվար է թիմի խաղին հետևել պահեստայինների նստարանից: Ուրախ եմ, որ կրկին կարող եմ օգնել խաղընկերներիս»: Չավի Էրնանդես. ««Բարսելոնան» հաղթելու ոչ մի շանս չուներ «ՊՍԺ»-ի դեմ խաղում: Ֆրանսիական թիմը շատ ավելի ագրեսիվ էր գործում, խաղում էր ավելի բարձր արագությամբ: Դժվար է լինելու, բայց ես հավատում եմ, որ «Բարսելոնան» կարող է անցնել հաջորդ փուլ: Պետք է սառնասիրտ լինել, քանի դեռ շանսեր կան»:
18.02.2017

«Ռեալը» նոր ակումբային ռեկորդ սահմանեց

Իսպանիայի Լա Լիգայի 23-րդ տուրում Մադրիդի «Ռեալը» 2-0 հաշվով պարտության մատնեց «Էսպանյոլին»։ Մադրիդցիները նոր ակումբային ռեկորդ սահմանեցին՝ գրավելով մրցակիցների դարպասը 42-րդ խաղում շարունակ։ Վերջին անգամ «Ռեալը» դաշտից առանց գոլի է հեռացել 2016թ. ապրիլի 26-ին՝ Չեմպիոնների լիգայի՝ «Մանչեսթեր Սիթիի» հետ խաղում, որն ավարտվել է գոլազուրկ ոչ-ոքիով։ Հաջորդող 42 խաղերում Զիդանի սաները 113 գնդակ են հեղինակել։ Իսպանիայի բացարձակ ռեկորդը պատկանում է «Բարսելոնային», որը 1942/43 և 1943/44 մրցաշրջաններում գոլի հեղինակ է դարձել 44 խաղ շարունակ։
18.02.2017

Բեյլը վերադարձը նշանավորում է գոլով՝ օգնելով «Ռեալին» հաղթել «Էսպանյոլին» (տեսանյութ)

Իսպանիայի Լա Լիգա, 23-րդ տուր «Սանտիագու Բեռնաբեու», Մադրիդ Փետրվարի 18, 19։15 «Ռեալ Մադրիդ» - «Էսպանյոլ» Գոլերը՝ 1-0՝ Մորատա 33՛, 2-0՝ Բեյլ 83՛
18.02.2017

Ռոնալդո.«Ես համաձայնության հասա «Բարսելոնայի» հետ նոր պայմանագրի շուրջ, բայց մի շաբաթից ինձ վաճառեցին»

Բրազիլիայի հավաքականի լեգենդար հարձակվող Ռոնալդոն պատմել է, թե ինչու է «Բարսելոնայից» տեղափոխվել «Ինտեր»։ «Դա հիանալի փորձ էր, բայց այլևս հնարավոր չէր շարունակել, թեև այնտեղ իմ մեղքը չկար։ Մրցաշրջանի ավարտից մեկ ամիս առաջ ես համաձայնության հասա «Բարսելոնայի» հետ պայմանագրի երկարաձգման շուրջ։ Մեկ շաբաթ անց ակումբի նախագահն ու իրավաբանը որոշեցին, որ պայմանագիրն անհեթեթ է, ու նրանք կընդունեն առաջարկ ցանկացած թիմից, որը կվճարի սահմանված 29 մլն եվրո հրաժարագինը։ Նույնիսկ այժմ «Բարսելոնան» մութ գործեր է անում բանակցությունների ժամանակ։ Նրանք այլ կերպ են գործում, ինչպես Նեյմարի դեպքում։ Կարծում եմ՝ մինչև հիմա էլ հստակ պարզ չէ, թե ինչ է տեղի ունեցել։ Շատ լուրջ խնդիրներ կան, ու ինչ-որ մեկը մի օր թանկ է վճարելու դրանց համար»,-ասել է Ռոնալդոն ESPN հեռուստաընկերության եթերում։
18.02.2017

Հեթ-տրիք 5 րոպեում, որը 3 միավոր բերեց «Ատլետիկոյին» (տեսանյութ)

Իսպանիայի Լա Լիգա, 23-րդ տուր «Սպորտինգ Խիխոն» 1-4 «Ատլետիկո Մադրիդ» Գոլերը՝ 0-1՝ Կարասկո 46՛, 1-1՝ Սերխիո Ալվարես 49՛, 1-2՝ Գամեյրո 80՛, 1-3՝ Գամեյրո 81՛, 1-4՝ Գամեյրո 85՛
18.02.2017

«Ռեալ Մադրիդ» – «Էսպանյոլ». Մեկնարկային կազմեր

Իսպանիայի Լա Լիգա, 23-րդ տուր «Սանտիագու Բեռնաբեու», Մադրիդ Փետրվարի 18, 19։15 «Ռեալ Մադրիդ» - «Էսպանյոլ» Մեկնարկային կազմեր՝ «Ռեալ Մադրիդ»՝ Կասիլյա - Նաչո, Պեպե, Վառան, Կարվախալ - Իսկո, Կրոս, Կովաչիչ - Ռոնալդու, Մորատա, Վասկես Պահեստայիններ՝ Խամես, Բեյլ, Մարսելո, Կազեմիրո, Դիաս, Ասենսիո, Յենես «Էսպանյոլ»՝ Դիեգո Լոպես - Արոն Մարտին, Դուանտե, Դավիդ Լոպես, Ռեյես - Դիոպ, Ֆուեգո - Պյատի, Խոսե Խուրադո, Խոսե Անտոնիո Ռեյսե - Ժերարդ Մորենո
18.02.2017

«Ատլետիկոն» այս մրցաշրջանում ավելի շատ գնդակ է ընդունել, քան ամբողջ նախորդ մրցաշրջանի ընթացքում

Իսպանիայի առաջնության 23-րդ տուրի Խիխոնի «Սպորտինգի» դեմ հանդիպմանը «Ատլեոտիկոն» սեփական դարպասը ընդունեց ընթացիկ մրցաշրջանի 19-րդ գնդակը: Այսպիսով, այս մրցաշրջանում Դիեգո Սիմեոնեի սաները ավելի շատ գնդակ են ընդունել, քան նախորդ ամբողջ մրցաշրջանը միասին վերցրած: 2015/16 խաղաշրջանում «ատլետները» Իսպանիայի առաջնությունում 18 գնդակ էին բաց թողել:
18.02.2017

Բելոտիի համար մղվող պայքարին միացավ ևս մեկ ակումբ

«Տորինոյի» հարձակվող Անդրեա Բելոտին հայտնվել է Մյունխենի «Բավարիայի» հետաքրքրությունների շրջանակում: Գերմանական ակումբը 23-ամյա ֆուտբոլիստի տրանսֆերային իրավունքները գնելու համար կպայքարի «Ռեալի», «Յուվենտուսի» և «Արսենալի» հետ, որոնք հետևում են իտալացի հարձակվողի ելույթներին մրցաշրջանի մեկնարկից ի վեր: Բելոտին գրավել է շատ եվրոպական ակումբների ուշադրությունը իր արդյունավետության շնորհիվ: Հարձակվողը Իտալիայի առաջնության ընթացիկ խաղարկությունում 17 գոլ է գրանցել իր հաշվին:
ԹԵԺ ԵՎ ԲԱՑԱՌԻԿ

Vivaro News

Հասցե - Գետառի 4/17 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: