Իսպանիա | Էջ - 4

25.03.2017

«Լեսթերը» պատրաստ է վաճառել Մահրեզի տրանսֆերը «Բարսելոնային»

«Բարսելոնան» հետաքրքրված է «Լեսթերի» կիսապաշտպան Ռիհադ Մահրեզի ծառայություններով, տեղեկացնում է The Telehraph-ը: «Աղվեսների» ղեկավարությունը պատրաստ է վաճառել ֆուտբոլիստի տրանսֆերը առաջիկա ամառային տրանսֆերային պատուհանի ընթացքում, եթե կատալոնական ակումբը ալժիրցու դիմաց վճարի 40 մլն. ֆունտ կամ ավելին: Մահրեզը, իր հերթին, բազմիցս հիացմունք է հայտնել «Բարսելոնայի» վերաբերյալ և Լիոնել Մեսիին անվանել իր կուռքը: Ընթացիկ մրցաշրջանի բոլոր խաղարկություններում 26-ամյա կիսապաշտպանը 36 հանդիպում է անցկացրել և դարձել 9 գոլի ու 6 գոլային փոխանցման հեղինակ:
24.03.2017

Նեյմարը նշել է Պրեմիեր լիգայի այն ֆուտբոլիստին, ում կցանկանար տեսնել «Բարսելոնայում»

«Բարսելոնայի» հարձակվող Նեյմարը կարծիք է հայտնել, որ «Լիվերպուլի» հարձակվողական ոճի կիսապաշտպան Ֆելիպե Կոուտինյոն հիանալի կդրսևորեր իրեն կատալոնական ակումբում: «Պրեմիեր լիգայի ո՞ր ֆուտբոլիստին կցանկանայի տեսնել «Բարսելոնայում». իհարկե, Կոուտինյոյին: Ես կարծում եմ, որ նա առանց խնդիրների կներգրավեր մեր խաղային համակարգում»,- ասել է Նեյմարն իր հայրենակցի մասին: 24-ամյա Կոուտինյոն հունվարին է նոր՝ երկարաժամկետ պայմանագիր ստորագրել «Լիվերպուլի» հետ:
24.03.2017

Բենզեման խորհուրդ է տվել Մբապեին, թե նա ինչպես պետք է դասավորի իր կարիերան

Մադրիդի «Ռեալի» հարձակվող Կարիմ Բենզեման «Մոնակոյի» ծագող աստղ, 18-ամյա Կիլիան Մբապեին խորհուրդ է տվել չշտապել տեղափոխվելու թոփ-ակումբ: «Ինձ պատմել են, որ Մբապեն իսկական ֆեմոնեն է: Անկեղծ ասած, նրան դեռ չեմ տեսել գործի մեջ: Թոփ-ակումբներում հանդես գալն այնքան էլ հեշտ չէ, որքան կարող է թվալ: Ես Մադրիդ տեղափոխվեցի 21 տարեկան հասակում՝ հաջողությունների հասնելով «Լիոնում»: Իմ առաջին տարին Իսպանիայում ամենադժվարն էր, քանի որ հայտնվեցի շատ հեռու իմ ընտանիքից: Մարդիկ ասում են, որ Մբապեն շատ լավ ֆուտբոլիստ է, և հուսով եմ, որ նրան պայծառ ապագա է սպասվում: Միաժամանակ, Կիլիանը չպետք է շտապի հեռանալ Ֆրանսիայից, քանի որ դեռ շատ երիտասարդ է: Գործերն այժմ հաջող են ընթանում, բայց կկարողանա՞ 18-ամյա տղան պատվով դուրս գալ այն իրավիճակից, երբ ամեն ինչ չլինի այնպես, ինչպես հիմա է. նրան անչափ դժվար կլինի արդեն այս տարիքում հայտնվել ահռելի ճնշման տակ»,- ասել է Բենզեման:
24.03.2017

Ֆրանչեսկո Տոտտի. «Ժամանակին կարող էի տեղափոխվել «Ռեալ Մադրիդ»

«Ռոմայի» ավագ, 2006 թվականի աշխարհի չեմպիոն Ֆրանչեսկո Տոտտին խոստովանել է, որ ժամանակին կարող էր կարիերան շարունակել Մադրիդի «Ռեալում»: «Երբեք չեմ մտածել իմ հարազատ թիմը լքելու մասին: Կար ժամանակ, երբ ես կարող էի հեռանալ «Ռոմայից» և տեղափոխվել «Ռեալ Մադրիդ», բայց չարեցի դա: Ինչո՞ւ. դա չարեցի հռոմեացի երկրպագուների նկատմամբ հարգանքից ելնելով»,- ասել է Տոտտին՝ իտալական հեռուստաշոուներից մեկին մասնակցելու ժամանակ:
24.03.2017

Մեսիի դատավճիռը կհրապարակվի Կլասիկոյից 3 օր առաջ

«Բարսելոնայի» հարձակվող Լիոնել Մեսիի դատավճիռը հարկերից խուսափելու գործով կհրապարակվի ապրիլի 20-ին, տեղեկացնում է AS-ը: Արգենտինացի ֆուտբոլիստը կարող է դատապարտվել 21 ամսվա ազատազրկման, սակայն ենթադրվում է, որ պատիժը կրելու փոխարեն հարձակվողը կվճարի տուգանք: Նախորդ ամառ անցկացված հետաքննության արդյունքում հայտնի էր դարձել, որ Մեսին Իսպանիայի հարկային մարմիներին չի վճարել 4,1 մլն. եվրո: Հիշեցնենք՝ ապրիլի 23-ին կատալոնական ակումբը կհանդիպի Մադրիդի «Ռեալի» հետ:
24.03.2017

Կանտոնա. «Սուարեսը այլևս չի կծում, հիմա նա սուզվում է»

«Մանչեսթեր Յունայթեդի» և Ֆրանսիայի հավաքականի նախկին հարձակվող Էրիկ Կանտոնան մեկնաբանել է «Բարսելոնայի» քամբեքը Չեմպիոնների լիգայի 1/8 եզրափակչում ՊՍԺ-ի նկատմամբ (6-1): Նախկին ֆուտբոլիստը անդրադարձել է խաղի այն դրվագին, որում Լուիս Սուարեսի նկատմամբ խախտումից հետո նշանակվեց 11 մետրանոց հարված և կատալոնացիները խփեցին 5-րդ գոլը: «Որոշների համար այդ խաղը դարձավ հրաշքը խաղադաշտում, իսկ որոշների համար էլ դա դարի անարդարությունն էր: Ամեն դեպքում մենք ականատես եղանք դրամատիկ հանդիպման: Սուարեսը այլևս չի կծում, հիմա նա «սուզվում» է:  Դա լավ չէ, բայց չափազանց դրամատիկ է: Դա ֆուտբոլային պոռնոգրաֆիա է, երեխաները չպետք է նման բաներ դիտեն»,-ասել է Կանտոնան: https://www.youtube.com/watch?v=DNUpIXXikCI
24.03.2017

Կոնտեն հրաժարվել է ձեռք բերել Նեյմարի տրանսֆերը

«Չելսիի» գլխավոր մարզիչ Անտոնիո Կոնտեն հետաքրքված չէ «Բարսելոնայի» հարձակվող Նեյմարի ծառայություններով: Tuttosport-ը հայտնում է, որ լոնդոնյան ակումբի նախագահ Ռոման Աբրամովիչը առաջարկել է Կոնտեին ձեռք բերել բրազիլիացի ֆուտբոլիստին, սակայն իտալացի մասնագետը բացասական պատասխան է տվել: Այս որոշումից հետո մամուլում նորից սկսել են լուրեր պտտվել Կոնտեի հեռանալու մասին ընթացիկ մրցաշրջանի ավարտից հետո, չնայած նրան, որ «Չելսին» գլխավորում է Անգլիայի մրցաշարային աղյուսակը: Իտալական ԶԼՄ-ները տեղեկացնում են, որ 47-ամյա մասնագետի ծառայություններով հետաքրքված է «Ինտերը», որի ղեկավարությունը պատրաստ է Կոնտեին վճարել 15 մլն. տարեկան աշխատավարձ:
24.03.2017

Դիբալան ցանկանում է տեղափոխվել «Բարսելոնա»

«Յուվենտուսի» հարձակվող Պաուլո Դիբալան շարունակում է բանակցություններ վարել թուրինյան ակումբի հետ պայմանագիրը երկարաձգելու շուրջ: Mundo Deportivo-ի փոխանցմամբ, արգենտիանցին պայման է դրել ակումբի ղեկավարության առջև: Ֆուտբոլիստը ցանկանում է, որ իր պայմանագրում կետ կլինի, որը թույլ կտա նրան տեղափոխվել «Բարսելոնա» որոշակի գումարի դիմաց: Ավելի վաղ տեղեկություններ էին շրջանառվում, որ կատալոնական ակումբը հետաքրքված է 23-ամյա հարձակվողի տրանսֆերային իրավունքների ձեռքբերմամբ: Դիբալայի գործող պայմանագրի ժամկետը ավարտվում է 2020 թվականին:
24.03.2017

M.E.N: Անտուան Գրիզմանը մեկ ոտքով «Մանչեսթեր Յունայթեդում» է

«Ատլետիկո Մադրիդի» հարձակվող Անտուան Գրիզմանը ամառային տրանսֆերային պատուհանի ժամանակ կտեղափոխվի «Մանչեսթեր Յունայթեդ»: Ինչպես հաղորդում է Manchester News Evening-ը, ֆրանսիացի ֆուտբոլիստը արդեն մեկ ոտքով անգլիական ակումբում է: Բրիտանական պարբերականը գրում է, որ կողմերին մնացել է համաձայնեցնել Գրիզմանի տրանսֆերային արժեքը: http://www.vivaronews.am/simoene-kherana%D5%9E-grizmaneh-atletikoyic-ayo%D5%9B-da-hnaravor-e
24.03.2017

Պերեսը չի բացառել Մբապեի տրանսֆերը գնելու հնարավորությունը

Վերջին շրջանում իսպանական մամուլում լուրեր էին շրջանառվում, որ Մադրիդի «Ռեալը» հետաքրքրված է «Մոնակոյի» հարձակվող Կիլիան Մբապեի տրանսֆերի ձեռքբերմամբ: «Արքայական» ակումբի նախագահ Ֆլորենտինո Պերեսը մեկնաբանել է այդ տեղեկությունները և անդրադարձել այն շշուկներին, ըստ որոնց՝ Կարիմ Բենզեման թիմի հիմնական կազմում ընդգրկվում է իր պահանջով: «Մբապե-Բենզեմա դուետը՞, ամեն ինչ էլ հնարավոր է: Մբապեն շատ լավ ֆուտբոլիստ է, սակայն հիմա ես խոսելու եմ միայն «Ռեալի» խաղացողների մասին: Հիմա մենք միայն պետք է կենտրոնանանք Չեմպիոնների լիգայի և Իսպանիայի առաջնության վրա: Բենզեման խաղում է մեզ մոտ, քանի որ նախագահի սիրելի՞ ֆուտբոլիստն է, դա սուտ է: Նա խաղում է մեր թիմում իր արժանիքների և աշխատանքին պրոֆեսիոնալ մոտեցման շնորհիվ: Իմ շնորհիվ չէ, որ Բենզեման լավ ֆոտբոլիստ է: Ֆրանսիական 9 համարը: Էլ ի՞նչ կարող եմ ասել: Հույս ունեմ, որ նա կմնա մեզ հետ»,-Marca-ն է փոխանցում Պերեսի խոսքերը:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: