Իսպանիա | Էջ - 3

22.05.2017

Գվարդիոլա. «Երբ «Ռեալն» ու «Բարսելոնան» պայքարում են մի ֆուտբոլիստի համար, այդտեղ այլևս անելիք չկա»

«Մանչեսթեր Սիթիի» գլխավոր մարզիչ Պեպ Գվարդիոլան ամփոփել է ընթացիկ մրցաշրջանը և խոսել  տրանսֆերային շուկայում տիրող իրավիճակի մասին: «Այս մրցաշրջանից գոհ եմ, հաջորդ տարի մեզ վրա ավելի շատ ճնշում կգործադրեն: Հաջորդ մրցաշրջանում ես ավելի լավ մարզիչ կլինեմ, թիմն ավելի լավ մարզավիճակ ձեռք կբերի: Այժմ պետք է մտածել թիմում նոր ֆուտբոլիստների հայտնվելու մասին: «Ռեալը» հենց նոր 46 մլն. եվրո վճարեց 16-ամյա ֆուտբոլիստի մասին: Արդեն կարող եք պատկերացնել՝ ինչ իրավիճակ է տրանսֆերային շուկայում»,- ասել է իսպանացի մասնագետը: «Երբ մի ֆուտբոլիստի համար պայքարում են «Ռեալն» ու «Բարսելոնան», ուրիշ ակումբներ այդտեղ անելիք չունեն: Մեզ տասնամյակներ են պետք այդ ակումբենրի հետ մրցելու համար, միայն գումարը բավական չէ: Հաջողության հասնելու համար ժամանակ է պետք, իսկ ֆուտբոլում ժամանակ չկա»,- ասել է «Բարսելոնայի» նախկին մարզիչը: http://www.vivaronews.am/realeh-haghthec-barselonayin-16-amya-futbolisti-hamar-paykharum
22.05.2017

Ռոնալդու. «Մարդիկ կարծում են՝ հանցագործ եմ. ես հրեշտակ չեմ, բայց դժոխքի հետ կապ չունեմ»

Մադրիդի «Ռեալի» հարձակվող Կրիշտիանու Ռոնալդուն խոսել է իր հասցեին հնչող քննադատությունից: 32-ամյա պորտուգալացուն քննադատել են այն բանից հետո, երբ նա «Սելտային» մեղադրել է ճամպրուկով կաշառք վերցնելու մեջ: «Մարդիկ ինձ այնպես են վերաբերվում, ասես հանցագործ լինեմ, ես հրեշտակ չեմ, բայց և դժոխքի հետ էլ կապ չունեմ:Ես հեռուստացույց չեմ նայում, քանի որ երևի կխելագարվեմ, երբ իմանամ՝ ինչ են խոսում իմ մասին: Մարդիկ ոչինչ չգիտեն, նրանք չգիտեն՝ ինչիսին եմ ես խաղադաշտում կամ էլ առօրյա կյանքում»,- ասել է պորտուգալացի հարձակվողը: Խոսելով ընթացիկ մրցաշրջանի մասին՝ Ռոնալդուն ասել է. «Հիանալի մրցաշրջան ունեցանք, շատ ուրախ ենք, հաղթեցինք Լա լիգան լավ մարզչի, ակումբի ղեկավարության և թիմային ջանքերի շնորհիվ: Գիտեմ՝ Չեմպիոնների լիգայի եզրափակիչ խաղը բարդ է լինելու, բայց հիմա պատրաստվում ենք վայելել 5 տարի անց վաստակած տիտղոսը»:
22.05.2017

Ինիեստա. «Ռեալը» «Բարսելոնայից» լավն էր և արժանի էր չեմպիոնության»

«Բարսելոնայի» ավագ Անդրես Ինիեստան խոսել է Մադրիդի «Ռեալի» չեմպիոնությունից և ընդգծել, որ «արքայական» ակումբը այս մրցաշրջանում ավելի հաջող է ելույթ ունեցել: «Վերջին տուրում հաղթանակ տոնելով՝ մենք կատարեցինք մեր առջև դրած նվազագույն խնդիրը, սակայն մրցաշրջանի ընթացքում մրցում էինք այն թիմի հետ, որը մեզանից ավելի լավ տեսք ուներ և արժանի էր չեմպիոնի կոչմանը: Ավարտեցինք ելույթները առաջնությունում, սակայն մենք կայունությամբ չփայլեցինք, որը անհրաժեշտ էր հաղթող լինելու համար: Ամոթալի է, որ մեզ չբավարարեց ընդամենը 3 միավոր: «Էյբարի» դեմ խաղը Լուիս Էնրիկեի վերջին տնային հանդիպումն էր, և մենք բոլորս շնորհակալ ենք նրան մեր հետ անցկացրած օրերի համար: Սակայն դեռևս պետք է հաղթենք Իսպանիայի գավաթը, որպեսզի հրաժեշտ տանք մարզչին դրական նոտայի վրա»,-նշել է իսպանացին:
22.05.2017

Մուսակիոն՝ «Միլանի» ֆուտբոլիստ (տեսանյութ)

«Վիլյառեալի» պաշտպան Մատեո Մուսակիոն կարիերան կշարունակի «Միլանի» կազմում, այդ մասին տեղեկացնում իտալական ակումբի պաշտոնական էջը: 26-ամյա արգենտինացին բուժզննում է անցնում միլանյան ակումբում: Ավելի վաղ հայտնի էր դարձել, որ Մուսակիոն 4-ամյա պայմանագիր կկնքի «ռոսոների» ղեկավարության հետ: Ֆուտբոլիստի տրանսֆերային արժեքը բոնուսների հետ միասին կկազմի 18 մլն. եվրո, իսկ խաղացողը կստանա տարեկան 2,5 մլն. եվրո աշխատավարձ: Հիշեցնենք, որ ավելի վաղ «Միլանը» իրականացրել էր Ռիկարդո Ռոդրիգեսի տրանսֆերը: https://twitter.com/acmilan/status/866598511244189696
22.05.2017

Ոսկե խաղակոշիկ. Եվրոպայի լավագույն ռմբարկուների տասնյակը

Իսպանիայում, Գերմանիայում, Պորտուգալիայում և Ֆրանսիայում արդեն ավարտվել են ներքին առաջնությունները, միայն Ա Սերիայի ֆուտբոլիստները կարող են շարունակել պայքարը Եվրոպայի լավագույն ռմբարկուի կոչման համար: «Ռոմայի» հարձակվող Էդին Ջեկոն առաջնության լավագույն ռմբարկուն է, սակայն նա դժվար թե կարողանա մի հանդիպման ընթացքում 10 գոլ խփել և շրջանցել «Բարսելոնայի» ֆուտբոլիստ Լիոնել Մեսիին: Այսպիսով, վստահությամբ կարող ենք ասել, որ արգենտինացին 4-րդ անգամ կդառնա «Ոսկե խաղակոշիկի» մրցանակակիր: Դիրք Ֆուտբոլիստ Ակումբ Երկիր Գոլ Գործակից Միավոր 1 Լիոնել Մեսի 37 2 74 2 Բաս Դոստ 34 2 68 3 Պիեր Էմերիկ Օբամեյանգ   31 2 62 4 Ռոբերտ Լևանդովսկի 30 2 58 5 Հարի Քեյն 29 2 58 6 Լուիս Սուարես   29 2 58 7 Էդին Ջեկո 28 2 56 8  Դրիրես Մերտենս 27 2 54 9 Էդինսոն Կավանի 35 1,5 52.5 10 Անտոնի Մոդեստ   25 2 50 Թարմացված է առ  22/05/2017
22.05.2017

Նավասը սափրել է գլուխը Լա Լիգայում «Ռեալի» հաղթանակից հետո (լուսանկարներ)

Մադրիդի «Ռեալի» դարպասապահ Կեյլոր Նավասը Իսպանիայի առաջնությունում «սերուցքայինների» հաղթանակից հետո լրագրողների առաջ հայտնվել է սափրված գլուխով: «Ես Աստծուն խոստացել էի սափրել գլուխս՝ այն երեխաների պատվին, որոնք ամեն օր պայքարում են քաղցկեղի դեմ հիվանդանոցներում և այն դեպքում, եթե «Ռեալը» հաղթի առաջնությունը: Իմ ապագա՞ն, ես դեռ 3 տարվա պայմանագիր ունեմ «Ռեալի» հետ և նույնիսկ չեմ մտածում ակումբից հեռանալու մասին: Ես չեմ դադարի պայքարել և հաջորդ մրցաշրջանում կշարունակեմ անել այն, ինչ անում էի, և դեռ ավելի մեծ ուժեր կներդնեմ»,-Marca-ն է փոխանցում Նավասի խոսքերը:
22.05.2017

Լա Լիգայի՝ մրցաշրջանի խորհրդանշական հավաքականն ըստ Գիյեմ Բալագեի

Հայտնի լրագրող, իսպանական ֆուտբոլի փորձագետ Գիյեմ Բալագեն կազմել է Իսպանիայի Լա Լիգայի՝ 2016/17 մրցաշրջանի խորհրդանշական հավաքականը.
22.05.2017

«Ռեալի» ֆուտբոլիստները ծաղրել են Պիկեին չեմպիոնական շքերթի ժամանակ (տեսանյութ)

Մադրիդի «Ռեալը» Իսպանիայի առաջնության 38-րդ տուրում հաղթելով «Մալագային» (0-3)՝ նվաճեց Լա Լիգայի տիտղոսը 33-րդ անգամ: Այս նվաճումից «սերուցքայինները» իրենց չեմպիոնական ավտոբուսով շրջում էին Մադրիդի փողոցներով և նշում իրենց հաջողությունը երկրպագուների հետ: Երբ «Ռեալի» ֆուտբոլիստները հասել են Մադրիդի Սիբելես հրապարակ, սկսել են վանկարկել. «Ապուշ Պիկե, ողջունի չեմպիոններին»: Հիշեցնենք՝ «Բարսելոնայի» պաշտպան Ժերար Պիկեն 2015 թվականին թրեբլ ձևակերպելուց հետո ծաղրել էր Ռոնալդուին կրկնելով նրա «Calma, Calma» ժեստը, որը պորտուգալացին սովորաբար ցույց է տալիս գոլ խփելուց հետո։
22.05.2017

«Ռեալի» ֆուտբոլիստները ներխուժում են Զիդանի ասուլիսին և «թնդեցնում» «Մալագայի» հանդերձարանը (տեսանյութեր)

Մադրիդի «Ռեալը» երեկ մեծ շուքով էր նշում Իսպանիայի առաջնության իրենց 33-րդ տիտղոսը: Մադրիդյան ակումբի հարձակվող Ալավարո Մորատան տեսանյութ է հրապարակել, որում ֆուտբոլիստները երգում են չեմպիոնական երգը: https://twitter.com/AlvaroMorata/status/866392270010032129 Իսկ քիչ անց իրենց տոնախմբությունը տեղափոխում են մամուլի ասուլիսների սրահ և շամպայնով «լողացնում» «արքայական» ակումբի գլխավոր մարզիչ Զինեդին Զիդանին:
22.05.2017

Լիոնել Մեսիի տարօրինակ վրիպումն «Էյբարի» դեմ խաղում (տեսանյութ)

«Բարսելոնան» Լա Լիգայի 2016/17թթ. առաջնության վերջին՝ 38-րդ տուրում կամային հաղթանակ տոնեց «Էյբարի» նկատմամբ 4-2 հաշվով: Այն ժամանակ, երբ կատալոնացիները պարտվում էին 0-1 հաշվով, անհավանական վրիպումով է աչքի ընկել Լիոնել Մեսին: Հետաքրքիր է, որ արգենտինացին այս խաղում չի կարողացել անվրեպ իրացնել նաև 11-մետրանոցներից մեկը: Ճիշտ է, Մեսին հետագայում հասցրել է դուբլ ձևակերպել՝ երկրորդ գոլը խփելով անհատական փայլուն անցումից հետո:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: