Իսպանիա | Էջ - 11

16.05.2017

Մեսին և Ռոնալդուն հայտնվել են թոփ 5 առաջնությունների խորհրդանշական հավաքականում

CIES Football Observatory գործակալությունը, որը զբաղվում է ֆուտբոլային վիճակագրության վերլուծությամբ, կազմել է թոփ 5 առաջնությունների 2016/17 մրցաշրջանի խորհրդանշական հավաքականը: Այսպիսի տեսք է ստացել խորհրդանշական հավաքականը՝ Մանուել Նոյեր («Բավարիա»), Ալեքս Սանդրո  («Յուվենտուս»), Մաթս Հումելս («»), Խավի Մարտինես  (երկուսն էլ «Բավարիա»), Բրունո Պերես  («Ռոմա»), Տիագո Ալկանտարա  («Բավարիա»), Պոլ Պոգբա  («Մանչեսթեր Յունայթեդ»),  Նաբի Կեյտա («Լեյպցիգ»), Կրիշտիանո Ռոնալդու  («Ռեալ»), Դրիս Մերտենս  («Նապոլի»), Լիոնել Մեսի  («Բարսելոնա»):    
16.05.2017

Բալագե. «Բարսելոնան» չի ցանկանում ձեռք բերել Կոուտինյոյին»

SkySports-ի լրագրող և իսպանական ֆուտբոլի փորձագետ Գիյեմ Բալագեն անդրադարձել է «Լիվերպուլի» առաջատար Ֆելիպե Կոուտինյոյի հնարավոր տեղափոխությանը «Բարսելոնա»՝ նշելով, որ կատալոնական ակումբն իրականում այնքան էլ լուրջ մտադրություններ չունի՝ կապված բրազիլացու հետ: «Կան մի քանի պատճառներ, թե ինչու «Բարսելոնան» շատ ջանքեր չի գործադրի Կոուտինյոյին ձեռք բերելու համար: Առաջինը նրա գինն է: Երկրորդն այն է, որ նա ավելի շատ հարձակվող է, քան կիսապաշտպան, իսկ «Բարսելոնան» հարձակման գծում համալրումների կարիք չունի: Նրանք ուրիշ ոճի կիսապաշտպան են փնտրում: Ոչ ոք կասկածի տակ չի դնում Կոուտինյոյի որակները, բայց «Բարսելոնային» այլ ֆուտբոլիստ է պետք»,-գրում է Բալագեն:
16.05.2017

Մադրիդի «Ռեալում» հերթական սկանդալն է հասունանում (լուսանկար)

Մադրիդի «Ռեալում» հերթական սկանդալն է հասունանում: Ինչպես տեղեկացնում են իսպանական ԶԼՄ-ները, «Արքայական ակումբի» հարձակվող Ալվարո Մորատան վիճել է թիմի գլխավոր մարզիչ Զինեդին Զիդանի հետ: Լա լիգայի վերջին տուրի «Սեվիլիայի» դեմ հանդիպման 61-րդ րոպեին իսպանացի հարձակվող փոխարինվեց և հրաժարվեց սեղմել գլխավոր մարզչի ձեռքը: Ավելացնենք, որ Ալվարո Մորատան վերջին շրջանում կապված է «Չելսի» տեղափոխության հետ: Նշվում, որ արդեն հունիսին կողմերը կհամաձայնեցնեն հարձակվողի տրանսֆերը:
16.05.2017

Կազեմիրո. «Երեխա ժամանակ չէի կարող երազել, որ 100 խաղ կանցկացնեմ «Ռեալի» կազմում»

Մադրիդի «Ռեալի» կիսապաշտպան Կազեմիրոն կիսվել է Լա լիգայի 37-րդ տուրի «Ռեալ Մադրիդ» 4 - 1 «Սևիլիա» խաղի մասին իր տպավորություններով: Խաղն ավարտվեց «Ռեալի» հաղթանակով ՝ 4-1 հաշվով: Կազեմիրոն «Սանտիագո Բեռնաբեու» մարզադաշտում անցկացրեց իր 100-րդ խաղը «արքայական» ակումբի կազմում: «Հպարտ եմ, որ 100 խաղ եմ անցկացրել «Ռեալի» կազմում, ես երազում էի դրա մասին, իսկ այժմ ցանկանում եմ շարունակել հանդես գալ այս ակումբի համար: Երեխա ժամանակ չէի կարող երազել ,որ 100 խաղ կանցկացնեմ «արքայական» ակումբում: Չեմ կարող ասել ՝ որն է ամենակարևորն այդ խաղերից՝ առաջինը, թե երեկվա խաղը, երևի բոլորն էլ կարևոր են»,- ասել է բրազիլացին Marca-ի հետ հարցազրույցում:  
15.05.2017

Նեյմարը նորից կրկնօրինակում է Գրիզմանին (տեսանյութ)

«Բարսելոնայի» հարձակվող Նեյմարը մարզման ժամանակ նորից կրկնօրինակել է «Ատլետիկոյի» հարձակվող Անտուան Գրիզմանի շարժումները, որոնք ֆրանսիացին անում է ամեն անգամ գոլ հեղինակելիս:
15.05.2017

Պերեսը ցանկանում է ձեռք բերել «Տոտենհեմի» ֆուտբոլիստին

Մադրիդի «Ռեալի» նախագահ Ֆլորենտինո Պերեսը ցանկանում է ընթացիկ մրցաշրջանից հետո ձեռք բերել «Տոտենհեմի» ֆուտբոլիստ Դելե Ալիին: Իսպանական մամուլի տեղեկությամբ, Պերեսը ցանկանում է վերակազմավորել «արքայական» ակումբը և թիմ հրավիրել բացառապես երիտասարդ ու տաղանդավոր ֆուտբոլիստների: Մադրիդյան ակումբը մտադիր է ձեռք բերել հիմնական դարպասապահի, պաշտպանի, հարձակվողական ոճի կիսապաշտպանի և հարձակվողի: Իսպանական մամուլը պնդում է, որ «Ռեալն» արդեն համաձայնության է եկել «Մանչեսթեր Յունայթեդի» դարպասապահ Դավիդ դե Խեայի հետ: Որպես հարձակվողներ դիտարկվում են «Մոնակոյի» երիտասարդ խաղացող Կիլիան Մբապեն և «Յուվենտուսի» արգենտինացի ֆուտբոլիստ Պաուլո Դիբալան: Կիսապաշտպանի հիմնական թեկնածուն Դելե Ալին է, որը լիովին համապատասխանում է Պերեսի պահանջներին: Սակայն «Տոտենհեմը» չի պատրաստվում հեշտությամբ հրաժարվել իր ֆուտբոլիստից: Անգլիական ակումբը «Ռեալից» կպահանջի  86 մլն. ֆունտից ոչ պակաս, ինչպես արեց Գարեթ Բեյլի դեպքում: Հիշեցնենք, որ սեպտեմբերին Ալին 6-ամյա պայմանագիր է կնքել «Տոտենհեմի» հետ և ակումբը չի վաճառի նրան մինչև ֆուտբոլիստն ինքը չցանկանա տեղափոխվել:
15.05.2017

Մարկ-Անդրե տեր Շտեգենն ամուսնացել է (լուսանկար)

Այսօր «Բարսելոնայի» գերմանացի դարպասապահ Մարկ-Անդրե տեր Շտեգենի հարսանիքն է: Դարպասապահն ամուսնացել է իր ընկերուհի Դանիելա Ջեհլեի հետ, որի հետ հանդիպում է 2012 թվականից: Դանիելան տեր Շտեգենի հետ Գերմանիայից տեղափոխվել է Իսպանիա այն բանից հետո, երբ դարպասապահը «Բարսելոնայի» հետ պայմանագիր կնքեց: Զույգի պսակադրության արարողության մասին շատ բան հայտնի չէ, սակայն լուսանկարից կարելի է ենթադրել, որ նորապսակները փոքրիկ արարողություն են նախընտրել: ❤ Публикация от Dani (@danijehle_) Май 15 2017 в 8:58 PDT
15.05.2017

«Բարսելոնայի» պաշտպանը այս մրցաշրջանում այլևս խաղադաշտ դուրս չի գա

«Բարսելոնայի» պաշտպան Խավիեր Մասկերանոն վնասվածքի պատճառով բաց թողեց Իսպանիայի առաջնության 37-րդ տուրի «Լաս Պալմասի» դեմ հանդիպումը (4:1): Արգենտինացին ընդգրկված էր այդ խաղի հայտացուցակում, սակայն վնասվածք էր ստացել մարզմանը և մնացել պահեստայինների թվում: Մասկերանոն այսօր բուժզննում է անցել, որի արդյունքում ֆուտբոլիստի մոտ ախտորոշվել է աջ ազդրի վնասվածք: Կատալոնական ակումբի մամուլի քարտուղարությունը չի բացառում պաշտպանի շուտափույթ ապաքինումը, սակայն AS-ի փոխանցմամբ, Մասկերանոն բաց է թողելու մրցաշրջանի վերջին խաղերը` «Էյբարի» և Իսպանիայի գավաթի եզրափակիչը «Ալավեսի» դեմ:
15.05.2017

Ռակիտիչ. «Բարսելոնան» սպասում է «Ռեալի» սխալին»

«Բարսելոնայի» կիսապաշտպան Իվան Ռակիտիչը հույս ունի, որ «Կապտանռնագույները» ընթացիկ մրցաշրջանի արդյունքներով կկարողանան նվաճել Իսպանիայի առաջնության չեմպիոնի տիտղոսը: «Ռեալը» և «Բարսելոնան» ներկայումս հավասար միավորներով պայքարում են չեմպիոնության համար, սակայն «արքայական» ակումբը մեկ հանդիպում պակաս է անցկացրել և եթե չսայթաքի առաջիկա 2 խաղում, կհաղթի Լա Լիգան: «Իհարկե, «Ռեալը» դեռևս կարող է զիջել Վիգոյում կամ Մալագայում: Այդ քաղաքների մարզադաշտերում շատ դժվար է խաղալ: Մենք պետք է հանգստանանք և կենտրոնանանք մեր առջև դրած առաջադրանքների վրա, պետք է որքան հնարավոր է լավ պատրաստվել առաջիկա խաղին: Սպասելու ենք «Ռեալի» սխալին: Հույս ունենք, որ դա տեղի կունենա երեքշաբթի, բայց մենք «Բարսելոնան» ենք և պետք է մտածենք մեր խաղերի մասին»,-նշել է խորվաթ կիսապաշտպանը:
15.05.2017

Խամես Ռոդրիգես. «Վայլելեմ «Ռեալում» անցկացրած բոլոր րոպեները, բայց արդեն որոշել եմ, թե որտեղ եմ շարունակելու կարիերաս»

Մադրիդի «Ռեալի» կիսապաշտպան Խամես Ռոդրիգեսը Լա լիգայի «Սեվիլյայի» դեմ հաղթանակից հետո հայտարարել է, որ սա իր վերջին մրցաշրջանն է մադրիդյան գրանդի կազմում: «Վայլելեմ «Ռեալում» անցկացրած բոլոր րոպեները, բայց արդեն որոշել եմ, թե որտեղ եմ շարունակելու կարիերաս»,- ասել է կոլումբացին: Հիշեցնենք որ,  «Մանչեսթեր Յունայթեդը» 25-ամյա ֆուտբոլիստին ձեռք բերելու գլխավոր հավակնորդն է: Marca-ն պնդում է, որ մադրիդյան ակումբի գլխավոր մարզիչ Զինեդին Զիդանը հնարավորություն տվեց կոլումբացուն խաղը սկսել մեկնարկից, որպեսզի նա կարողանա հրաժեշտ տալ երկրպագուներին:    
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: