Իսպանիա

29.03.2017

Ռոնալդինյոն թողարկել է իր առաջին երգը (տեսանյութ)

«Բարսելոնայի» և «Միլանի» նախկին ֆուտբոլիստ Ռոնալդինյոն սկսել է իր երաժիշտի կարիերան: 37-ամյա ֆուտբոլիստը թողարկել է իր առաջին երգը ՝ «Sozinho»-ն, որը թարգմանաբար նշանակում է «միայնակ»: Ավելացնենք, որ Ռոնալդինյոն պաշտոնապես չի ավարտել իր կարիերան:
29.03.2017

«Ռեալը» մտադիր է դատի տալ Ժերար Պիկեին

Մադրիդի «Ռեալի» իրավաբանները կուսումնասիրեն «Բարսելոնայի» պաշտպան Ժերար Պիկեի վերջին հայտարարությունները: Իսպանիայի հավաքականի պաշտպանը դժգոհել էր այն փաստից, որ առաջիկա Էլ-Կլասիկոյի ժամանակ «Սանտիագո Բերնաբեու» մարզադաշտի օթյակում լինելու է պետական դատավոր Մարտա Սիլվան: «Չեմ ցանկանում տեսնել օթյակում մի մարդու, ով զբաղվում է պետական կառավարմամբ: Այդ մարդը միշտ մեղադրանքներ է ներկայացնում Մեսիին ու Նեյմարին, բայց ՝ ոչ Ռոնալդուին»,- ասել է Պիկեն: «Ռեալի» խորհրդատվական խումբը արդեն զբաղվում է այս հարցով:  
29.03.2017

Ժերար Պիկե. «Ռեալը» հաղթեց Չեմպիոնների լիգան խաղից դուրս վիճակից խփված գոլով, բայց այդ մասին բոլորը լռում են»

«Բարսելոնայի» պաշտպան Ժերար Պիկեն անդրադարձել է այն մեղադրանքներին, թե մրցավարները օգնել են կատալոնական թիմին հաղթելու ՊՍԺ-ին: «Ե՞րբ են մրցավարները բարեհաճ եղել մեր նկատմամբ: Չեմպիոնների լիգայո՞ւմ: Իսկ ես մտածեցի Իսպանիայի առաջնության մասին է: Լա Լիգայում դա արդեն վաղուց չկա: Մենք պատմական վերադարձ արեցինք «ՊՍԺ»-ի հետ, իսկ դուք խոսում եք մրցավարության մասին: «Ռեալը» հաղթեց Չեմպիոնների լիգան Ռամոսի՝ խաղից դուրս վիճակից խփված գոլով, բայց այդ մասին բոլորը լռում են»,-ասել է Պիկեն:
29.03.2017

Իսպանիայի հավաքականը երկրորդ կեսում պարտության մատնեց ֆրանսիացիներին (տեսանյութ)

Ընկերական հանդիպում Ֆրանսիա 0–2 Իսպանիա Գոլերը՝ 0-1 Սիլվա 68՛, 11մ, 0-2 Դեուլոֆեու 77՛ «Ստադ դե Ֆրանս», Փարիզ
28.03.2017

Երկրպագուն դաջվածք է արել՝ ի պատիվ Խավյեր Մասկերանոյի (լուսանկար)

Արգենտինայի հավաքականի երկրպագուն ոտքին դաջել է այն թիվը, որով ընտրանու կազմում հանդես է գալիս Խավյեր Մասկերանոն: Տղան լուսանկարվել է ֆուտբոլիստի հետ՝ լուսանկարում ցուցադրելով 14 թիվը: 1 թվի թեք ձևը խորհրդանշում է Մասկերանոյի սահանկումը «Մունդիալ-2014»-ի կիսաեզրափակչի՝ Հոլանդիայի հավաքականի հետ խաղում, որն արգենտինացիներին թույլ տվեց դուրս գալու աշխարհի առաջնության եզրափակիչ: Ինչպես հաղորդում է Mundo Deportivo-ն, երկրպագուն Մասկերանոյի հետ հանդիպել է Արգենտինայի հավաքականի ճամբարում, քանի որ ֆուտբոլիստն ընտրանու տրամադրության տակ է:
28.03.2017

Ռամոս. «Գրիզմանին ամենալավն եմ մաղթում, բացի «Ռեալի» դեմ խաղերից»

Մադրիդի «Ռեալի» պաշտպան Սերխիո Ռամոսը բարձր է գնահատել «Ատլետիկոյի» հարձակվող Անտուան Գրիզմանին: «Անտուանը հիանալի ֆուտբոլիստ է: Անխոս, նրա ներկայությունը միայն օգուտ է բերում իսպանական ֆուտբոլին և բարձրացնում նրա մակարդակը: Նրան ամենալավն եմ մաղթում, բացի «Ռեալի» դեմ խաղերից: Անտուանը հրաշալի տղա է, ով լավ գիտի իր գործը»,- ասել է Ռամոսը: Ընդգծենք, որ «Ռեալի» և «Ատլետիկոյի» առաջիկա հանդիպումը կայանալու է Լա Լիգայում, ապրիլի 8-ին:
28.03.2017

Ինյեստա. «Անարդար են այն երկրպագուները, ովքեր սուլում են Անդրե Գոմեշին»

«Բարսելոնայի» ավագ Անդրես Ինյեստան պաշտպանել է իր ակումբակից Անդրե Գոմեշին, ով լուրջ քննադատության է ենթարկվում ԶԼՄ-ների կողմից, իսկ ակումբի երկրպագուները սուլում էին նրան վերջին մի քանի հանդիպումներում: «Գոմեշը շատ որակներ ունի, որոնք բավարար են նրա համար, որպեսզի նա կարևոր ֆուտբոլիստ դառնա թիմի համար: Նա պետք է շարունակի առաջադիմել: Պետք է իդեալական մթնոլորտ ստեղծել, որպեսզի երիտասարդ ֆուտբոլիստներն իրենց լավ զգան մեր թիմում և կարողանան զարգացնել իրենց որակները: Անդրեին սուլո՞ւմ են երկրպագուները. կարծում եմ՝ դա անարդար է մի ֆուտբոլիստի հանդեպ, ով միայն այս մրցաշրջանից է հանդես գալիս մեր ակումբում: Դա օգուտ չի տա ո՛չ ֆուտբոլիստին, ո՛չ էլ ամբողջ թիմին»,- ասել է Ինյեստան:
28.03.2017

5 տաղանդներ, որոնք թակում են «Ռեալի» հիմնական թիմի դուռը

Մադրիդի «Ռեալը» վաղուց է գլխի ընկել, որ տաղանդավոր ֆուտբոլիստներին աստղաբաշխական գումարներ վճարելու փոխարեն կարող է նրանց ձեռք բերել դեռ շատ վաղ տարիքում: Հեղինակավոր Goal.com կայքը առանձնացրել է այդպիսի 5 հրաշամանուկների, ովքեր ներկայումս փայլում են «Արքայական» ակումբի երիտասարդական թիմերում: 5. Աշրաֆ Հաքիմի 18-ամյա աջ պաշտպանն արդեն Մարոկկոյի հավաքականի ֆուտբոլիստ է և ունի բոլոր որակները՝ «Սերուցքայինների» կազմում իր նորամուտը նշելու համար: «Ռեալի» վնասվածքների տարափի ժամանակ նա նույնիսկ հայտարարվել էր հիմնական թիմի՝ «Սելտայի» հետ Իսպանիայի գավաթի հանդիպմանը, սակայն առայժմ չի հասցրել նշել նորամուտը: Աշրաֆն արագ է, լավ տեխնիկա ունի, սիրում է միանալ հարձակմանը: Նա նաև գոլահարի որակներ ունի, խաղացել է վինգերի դիրքում ու գիտի ինչպես գնդակն առաջ նետել: Նրան արդեն համեմատում են Դանի Կարվախալի հետ:
28.03.2017

«Բարսելոնան» նոր տարբերակ է գտել գլխավոր մարզչի պաշտոնի համար

«Բարսելոնայի» ղեկավարությունը մտադիր է դիտարկել Խուան Կառլոս Ունսուեի թեկնածությունը, որպես ակումբի նոր գլխավոր մարզիչ: Ինչպես հաղորդում է Mundo Deportivo-ն, կատալոնական ակումբի ղեկավարությունը արդեն հարցրել է Ունսեին, թե արդյոք վերջինս պատրաստ է գլխավորել «Բարսան»: Լուիս Էնրիկեի օգնականը վստահ և դրական պատասխան է տվել: Նշենք, որ Էնրիկեն ընթացիկ մրցաշրջանի ավարտից հետո հեռանալու է իսպանական գրանդից: Ինչ վերաբերվում է Խուան Կառլոս Ունսուեին, ապա իսպանացի մասնագետը նախկինում մարզել է «Նումանսիա» և «Ռասինգ» ակումբները:  
28.03.2017

Դավիդ դե Խեան այլևս «Ռեալի» թիվ 1 նպատակը չէ

Մադրիդի «Ռեալը» շարունակում է նոր դարպասապահի փնտրտուքը: Goal.com-ի փոխանցմամբ՝ այս դիրքում մադրիդցիների թիվ 1 թիրախը Բելգիայի հավաքականի դարպասապահ Տիբո Կուրտուան է: 2015թ. օգոստոսին «Մանչեսթեր Յունայթեդի» դարպասապահ Դե Խեան «Ռեալում» չհայտնվեց միայն տեխնիկական խնդիրների պատճառով: Թվում էր, թե հետագայում տրանսֆերը կկայանա, բայց ամեն ինչ դեռ մնում է խոսակցությունների մակարդակում, իսկ իսպանացին նոր պայմանագիր կնքեց մանկունիացիների հետ: Այժմ մադրիդցիները ջանքեր են գործադրում «Չելսիի» դարպասապահ Տիբո Կուրտուային ձեռք բերելու համար: Լոնդոնյան ակումբը նույնիսկ սկսել էր հետաքրքրվել «Ատլետիկոյի» դարպասապահ Յան Օբլակին ձեռք բերելու հնարավորությամբ:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: