Անգլիա | Էջ - 9

17.03.2017

«Անդերլեխտի» նախագահ. «Յունայթե՞դ». մենք անգամ չէինք մտածում, որ «Զենիթին» կհաղթենք»

«Անդերլեխտի» նախագահ Ռոժե վան դեն Ստոկը խոսել է Եվրոպա լիգայի քառորդ եզրափակիչի վիճակահանության մասին: Հիշեցնենք, որ «Անդերլեխտի» մրցակիցն այդ փուլում «Մանչեսթեր Յունայթեդն» է: «Իսկապես բարդ վիճակահանություն էր մեզ համար, սակայն մենք անգամ չէինք սպասում, որ «Զենիթին» պայքարից դուրս կթողնենք»,- ասել է Ստոկը: Նշենք, որ 1/16 եզրափակիչում «Անդերլեխտը» տնային խաղում 2-0 հաշվով հաղթեց «Զենիթին», իսկ պատասխան խաղում զիջեց 1-3 հաշվով՝ մրցակցի դաշտում խփած գնդակի շնորհից նվաճելով 1/8 եզրափակիչի ուղեգիր:
17.03.2017

Մոուրինյո. «Մխիթարյանն այլ կերպ լուծեց խնդիրը. քիչ ֆուտբոլիստներ են այդպես անում»

«Մանչեսթեր Յունայթեդի» գլխավոր մարզիչ Ժոզե Մոուրինյոն խոսել է Հենրիխ Մխիթարյանի մասին, որը «Մանչեսթեր Յունայթեդ» տեղափոխվելուց հետո որոշ ժամանակ չէր կարողանում հարմարվել թիմին ու տեղ գտնել մեկնարկային կազմում: «Այն ճանապարհը, որ Մխիթարյանն ընտրեց խնդիրը լուծելու համար, քիչ ֆուտբոլիստներ են ընտրում: Նա հասկացավ, որ այդ իրականությանը չի կարող հարմարվել: Նա պետք է հարմարվեր թե՛ ֆիզիկական, թե՛ հոգեկան, թե՛ մրցունակության առումով: Մխիթարյանն իր մարմինը պետք է հարմարեցներ ֆիզիկական այսպիսի ինտենսիվությանը, կարճ ժամանակահատվածում վերականգնվելուն»,- Daily Star-ը փոխանցում է Մոուրինյոյի խոսքը:
17.03.2017

FA-ն տուգանել է «Յունայթեդին»

Անգլիայի Ֆուտբոլային ասոցիացիան տուգանել է «Մանչեսթեր Յունայթեդին» թիմի ֆուտբոլիստների՝ «Չելսիի» դեմ 1/4 եզրափակիչ հանդիպմանը ցուցաբերած վարքագծի համար: «Մանչեսթեր Յունայթեդը» տուգանվել է 20 հազար ֆունտ: Խոսքը վերաբերում է Անդեր Էրերայի հեռացման դրվագին, երբ մանկունյանցիների ֆուտբոլիստները հարձակվել են գլխավոր մրցավարի վրա: FA-ի պաշտոնական կայքը հաղորդում է, որ «Մանչեսթեր Յունայթեդն» ընդունել է առաջադրված մեղադրանքը:
17.03.2017

Կոուտինյոն Միկի Մաուսի դեմքով դաջվածք է արել (ֆոտո)

«Լիվերպուլի» բրազիլացի ֆուտբոլիստ Ֆելիպե Կոուտինյոն Միկի Մաուսի դեմքով դաջվածք է արել: Նշենք, որ Կոուտինյոն առաջին անգամ չէ ցուցադրում իր սերը հայտնի մուլտհերոսի նկատմամբ: Ավելի վաղ նրան նկատել էին Միկի Մաուսի նկարով վերնաշապիկով: Հատկանշական է նաև, որ սա Կոուտինյոյի առաջին դաջվածքը չէ: Նա դաջվածք ունի նաև իր ձախ ձեռքին:
17.03.2017

Մոուրինյո. «FA-ն ու ԱՊԼ-ն թքած ունեն անգլիական թիմերի՝ եվրագավաթներում ունեցած ելույթների վրա»

«Մանչեսթեր Յունայթեդի» գլխավոր մարզիչ Ժոզե Մոուրինյոն կրկին դժգոհել է ԱՊԼ-ի խաղերի ժամանակացույցից: «Ես հասկանում եմ այն, որ նորմալ է, երբ թիմերն օգնություն չեն ստանում ԱՊԼ-ում, սակայն չեմ հասկանում, երբ FA-ն ու ԱՊԼ-ն չեն ցանկանում օժանդակություն ցույց տալ այն թիմերին, որոնք մասնակցում են եվրագավաթներին: Ես այս մասին շատ եմ խոսել: Հատկապես այս հարցը բարձրացրել եմ 2004-2008 թվականներին, երբ աշխատում էի «Չելսիում»: Դա արել եմ ոչ միայն ինձ, այլև բոլորի համար: Կարծում եմ՝ FA-ն ու ԱՊԼ-ն թքած ունեն այն բանի վրա, որ անգլիական թիմերը մասնակցում են եվրագավաթներին: Այլապես ասոցիացիան մի փոքր աջակցություն կցուցաբերեր, սակայն այստեղ աջակցության սպասելը հիմար գործ է: Կիրակի ցերեկը խաղ ունենք անցկացնելու... Ինչո՞ւ, եթե կարելի էր այդ խաղն անցկացնել երկուշաբթի կամ կիրակի երեկոյան, սակայն ոչ ցերեկը: Մենք անգամ չենք հասցնում քնել: Երբ աշխատում էի Իտալիայում, այն թիմերը, որոնք եվրագավաթներում պետք է խաղեր անցկացնեին, ելույթ էին ունենում Ա Սերիայում ուրբաթ, Պորտուգալիայում եվրագավաթային խաղերից հետո թիմն առաջնությունում խաղում էր երկուշաբթի: Բոլոր երկրներում է այսպես, բացի Անգլիայից»,- Մոուրինյոյի խոսքն է փոխանցում The Telegraph-ը:
17.03.2017

Հայտնի է Չեմպիոնների լիգայի շաբաթվա լավագույն ֆուտբոլիստի անունը

ՈՒԵՖԱ-ի պաշտոնական կայքում անցկացված քվեարկության արդյունքում Չեմպիոնների լիգայի 1/8 եզրափակչի 2-րդ շրջանի լավագույն ֆուտբոլիստ է ճանաչվել «Լեսթերի» դարպասապահ Կասպեր Շմեյխելը: Դանիացի ֆուտբոլիստը «Սևիլիայի» հետ մրցավեճում ետ է մղել 11 մետրանոց հարված: Շաբաթվա լավագույն ֆուտբոլիստի կոչման համար պայքարում էին նաև Կիլիան Մբապեն («Մոնակո»), Պաուլո Դիբալան («Յուվենտուս») և դարպասապահ Յան Օբլակը («Ատլետիկո»): Շմեյխելը հավաքել է ձայների 36 տոկոսը: Իսկ 2-րդ տեղն է զբաղեցրել Յան Օբլակը (31 %), լավագույնների եռյակը եզրափակում է Մբապեն (18 %), իսկ ամենաքիչ ձայներն է հավաքել «Յուվենտուսի» արգենտինացի հարձակվող Դիբալան (16 %):
17.03.2017

5 ուշագրավ հանդիպումներ, որոնք կկայանան հանգստյան օրերին

Շաբաթ և կիրակի օրերը կրկին հագեցած են լինելու ֆուտբոլային հետաքրքիր իրադարձություններով: Եվրոպական առաջատար առաջնություններում կկայանան հերթական տուրերի հանդիպումները: VivaroNews.am-ն առանձնացրել է 5 հանդիպում, որոնք արժանի են առաձնակի ուշադրության: «Ատլետիկ Բիլբաո» - «Ռեալ Մադրիդ» Լա Լիգա, 28-րդ տուր, 18-ը մարտի, մեկնարկը՝ 19:15-ին Կողմերի դիրքերը մրցաշարային աղյուսակում. «Ատլետիկ Բիլբաո»՝ 7-րդ հորիզոնական (44 միավոր), «Ռեալ Մադրիդ»՝ 1-ին հորիզոնական (62 միավոր) Կորուստները. «Ատլետիկ Բիլբաո»՝ Սան Խոսե (որակազրկում), հարցականի տակ է Սաբինի մասնակցությունը (վնասվածք) «Ռեալ Մադրիդ»՝ Ռաֆայել Վարան (վնասվածք) Կողմերի վերջին 5 դիմակայություններում «Ատլետիկ Բիլբաոն» հաղթել է մեկ անգամ, «Ռեալ Մադրիդը»՝ 4
17.03.2017

Մոուրինյո. «Մխիթարյանը, Պոգբան և Զլատանը գիտեն՝ վաղ թե ուշ հայտնվելու ենք Չեմպիոնների լիգայում»

«Մանչեսթեր Յունայթեդի» գլխավոր մարզիչ Ժոզե Մոուրինյոն կարծում է, որ մանկունյական ակումբն առանց Չեմպիոնների լիգայի գավաթի հաջորդ խաղարկության ուղեգիր նվաճելու էլ ամռանը կարող է համալրվել աշխարհի լավագույն ֆուտբոլիստներով: ««Մանչեսթեր Յունայթեդը» շատ հզոր ակումբ է: Նրան հարկավոր չէ մասնակցել Չեմպիոնների լիգային, որպեսի գրավի աշխարհի ուժեղագույն խաղացողներին: Իբրահիմովիչը կարող էր առ այսօր հանդես գալ «ՊՍԺ»-ում, Մխիթարյանը՝ «Բորուսիայում», իսկ Պոգբան՝ «Յուվենտուսում»: Մենք կարողացանք հրավիրել այդ ֆուտբոլիստներին, քանի որ նրանք գիտեն, որ «Մանչեսթեր Յունայթեդը» վաղ թե ուշ հայտնվելու է Չեմպիոնների լիգայում: Եթե որևէ ֆուտբոլիստ չցանկանա միանալ մեզ այն պատճառով, որ չենք խաղում այդ մրցաշարում, ապա ես ուրախ կլինեմ, որ նա չի համալրել մեր շարքերը»,- ասել է պորտուգալացի մասնագետը:
17.03.2017

Մինո Ռայոլայի ևս մեկ հաճախորդ կտեղափոխվի՞ «Մանչեսթեր Յունայթեդ»

«Էվերտոնի»  հարձակվող Ռոմելու Լուկակուն, ով օրեր առաջ հայտարարել էր, որ չի ցանկանում երկարաձգել պայմանագիրը «Էվերտոնի» հետ և մտադիր է լքել ակումբը: Բելգիացին կարող է կարիերան շարունակել «Մանչեսթեր Յունայթեդում»: Երեկ հայտնի ֆուտբոլային գործակալ Մինո Ռայոլան ժամանել է Մանչեսթեր քաղաքի The Lowry հյուրանոց: Մի շարք ԶԼՄ-ներ պնդում են, որ Մինո Ռայոլան քննարկել է «Կարմիր սատանաների» ղեկավարության հետ իր հաճախորդ Ռոմելու Լուկակուի տրանսֆերը: Նշենք, որ Ռայոլան համարվում է «ՄՅՈՒ»-ի ֆուտբոլիստ Պոլ Պոգբայի, Հենրիխ Մխիթարյանի, Զլատան Իբրահիմովիչի գործակալը: http://www.vivaronews.am/lukaku-karogh-em-hamashxarhayin-futboli-astgh-linel-bayc
17.03.2017

Whoscored.com. Հենրիխ Մխիթարյանը ամենացածր գնահատականն է ստացել «Մանչեսթեր Յունայթեդի» կազմում

Հեղինակավոր Whoscored.com կայքը «Մանչեսթեր Յունայթեդի» կազմում ամենացածր գնահատականը տվել է Հենրիխ Մխիթարյանին: Նշենք, որ երեկ անգլիացիները 1-0 հաշվով հաղթեց «Ռոստովին», իսկ «Յունայթեդի» գոլի մեջ իր ներդրումն ունեցավ Հենրիխ Մխիթարյանը: Իսկ ահա լավագույնը հարձակվող Զլատան Իբրահիմովիչն է:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: