Անգլիա | Էջ - 7

22.05.2017

Կուադրադոն՝ «Յուվենտուսի» ֆուտբոլիստ

Իտալական «Յուվենտուսը»  պայմանագիր կնքեց  «Չելսիի» կիսապաշտպան Խուան Կուադրադոյի հետ: Ինչպես հաղորդում է ակումբի պաշտոնական կայքը, «ծեր սենյորան»  որոշում է կայացրել ձեռք բերել ֆուտբոլիստի տրանսֆերը «Չելսիից» և նրան առաջարկել 3 տարվա պայմանագիր: 28-ամյա կոլումբացու համար «Յուվենտուսը» կվճարի 20 մլն. եվրո` սկսած 2017-18 մրցաշրջանից: Ֆուտբոլիստն այսօր արդեն ստորագրել է պայմանագիր, որով  համարվում է «Յուվենտուսի» ֆուտբոլիստ մինչև 2020 թվականի հունիսի 30-ը: Հիշեցնենք, որ Կուադրադոն վարձավճարով էր հանդես գալիս իտալական ակումբում 2015 թվականից սկսած: Ըստ նախնական համաձայնության` ֆուտբոլիստը  պետք է 3  մրցաշրջան վարձավճարով հանդես գար «Յուվենտուսի» կազմում, և եթե ակումբը ցանկանար, կարող էր ձեռք բերել նրա տրանսֆերը որոշակի թվով խաղերից հետո: Բացի 20 միլիոնից լոնդոնյան ակումբը կստանա նաև 4 մլն. հավելավճար: Ընթացիկ մրցաշրջանում Կուադրադոն մասնակցել է «Յուվենտուսի» 43 խաղերի՝ դառնալով 4 գոլի և 7 գոլային փոխանցման հեղինակ:
22.05.2017

Գվարդիոլա. «Երբ «Ռեալն» ու «Բարսելոնան» պայքարում են մի ֆուտբոլիստի համար, այդտեղ այլևս անելիք չկա»

«Մանչեսթեր Սիթիի» գլխավոր մարզիչ Պեպ Գվարդիոլան ամփոփել է ընթացիկ մրցաշրջանը և խոսել  տրանսֆերային շուկայում տիրող իրավիճակի մասին: «Այս մրցաշրջանից գոհ եմ, հաջորդ տարի մեզ վրա ավելի շատ ճնշում կգործադրեն: Հաջորդ մրցաշրջանում ես ավելի լավ մարզիչ կլինեմ, թիմն ավելի լավ մարզավիճակ ձեռք կբերի: Այժմ պետք է մտածել թիմում նոր ֆուտբոլիստների հայտնվելու մասին: «Ռեալը» հենց նոր 46 մլն. եվրո վճարեց 16-ամյա ֆուտբոլիստի մասին: Արդեն կարող եք պատկերացնել՝ ինչ իրավիճակ է տրանսֆերային շուկայում»,- ասել է իսպանացի մասնագետը: «Երբ մի ֆուտբոլիստի համար պայքարում են «Ռեալն» ու «Բարսելոնան», ուրիշ ակումբներ այդտեղ անելիք չունեն: Մեզ տասնամյակներ են պետք այդ ակումբենրի հետ մրցելու համար, միայն գումարը բավական չէ: Հաջողության հասնելու համար ժամանակ է պետք, իսկ ֆուտբոլում ժամանակ չկա»,- ասել է «Բարսելոնայի» նախկին մարզիչը: http://www.vivaronews.am/realeh-haghthec-barselonayin-16-amya-futbolisti-hamar-paykharum
22.05.2017

Հենրիխ Մխիթարյանի «կարիճ» գոլը և ևս 9 գնդակ հավակնում են ԱՊԼ-ի մրցաշրջանի լավագույն գոլ կոչմանը (տեսանյութ)

Հայաստանի հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանի «կարիճ» գոլը «Սանդերլենդի» դարպասը հավակնում է դառնալ Անգլիայի Պրեմիեր լիգայի 2016/17 մրցաշրջանի լավագույն գոլը: Այդ մրցանակին են հավակնում նաև «Միդսբրոյի» ֆուտբոլիստ Քրիստիան Ստուանիի գոլը, «Վեսթ Հեմի» նախկին կիսապաշտպան Դիմիտրի Պայեի գնդակը Վիկտոր Վալդեսի դարպասը, լոնդոնյան «Չելսիի» իսպանացի կիսապաշտպան Պեդրոյի գոլերը «Տոտենհեմի» և «Էվերթոնի» դեմ խաղերում, Էնդի Քերոլի խելահեղ գոլը «Քրիստալ Փելասի» հետ խաղում, Էդեն Ազարի գնդակը «Արսենալի» դարպասը, Անդրոս Թաունսենթի ուղարկած հարվածը «Վեսթ Բրոմվիչի» դարպասը և Էմրե Ջանի շրջադարձ գոլը «Վեսթ Հեմի» դեմ խաղում: Քվեարկությանը կարող եք մասնակցել անցնելով այս հղումով: Իսկ հաղթողի անունը կհայտարարվի մայիսի 26-ին: https://twitter.com/premierleague/status/866587290860216320
22.05.2017

Ինչքա՞ն վաստակեցին Պրեմիեր լիգայի ակումբները ավարտված մրցաշրջանում

Անգլիայի Պրեմիեր լիգան աշխարհի ամենահարուստ ակումբային առաջնությունն է, որում Դուք կհամոզվեք ստորև: Միայն առաջնությանը մասնակցության համար ակումբները ստանում են հսկայական եկամուտներ, ընդ որում փողերի բաշխումը բավականին հավասարաչափ է՝ ի տարբերություն Լա Լիգայի, որտեղ «առյուծի բաժինը» պոկում են «Ռեալն» ու «Բարսելոնան»: Ներկայացնում ենք բոլոր 20 ակումբների եկամուտներն այս մրցաշրջանից: Նշենք, որ թիմերին հատկացվելիք գումարները հաշվարկելիս հաշվի են առնվում երեք գործոններ՝ թիմի գրաված վերջնական տեղը, ցուցադրված խաղերի քանակը (13.6 մլն ֆունտ + 940,000 ֆունտ ամեն խաղի համար), ինչպես նաև հեռուստաիրավունքների վաճառքի գումարը՝ 84,4 մլն եվրո յուրաքանչյուրին: 20. «Սանդերլենդ» - 99,9 մլն ֆունտ 19. «Միդլսբրո» - 104,6 մլն ֆունտ 18. «Հալ Սիթի» - 103,7 մլն ֆունտ 17. «Ուոտֆորդ» - 108,4 մլն ֆունտ 16. «Բարնլի» - 107,5 մլն ֆունտ 15. «Սուոնսի» - 109,4 մլն ֆունտ 14. «Քրիստալ Փելաս» - 115 մլն ֆունտ 13. «Սթոք Սիթի» - 113,4 մլն ֆունտ 12. «Լեսթեր Սիթի» - 120,7 մլն ֆունտ 11. «Վեսթ Հեմ» - 121,6 մլն ֆունտ
22.05.2017

«Մանչեսթեր Յունայթեդը» ևս մեկ ընկերական խաղի պայմանավորվածություն է ձեռք բերել ամառային դադարի ընթացքում

«Մանչեսթեր Յունայթեդը» գրեթե ավարտին է հասցրել ամառային նախապատրաստական շրջանի ծրագիրը՝ համաձայնության գալով ևս մեկ ընկերական խաղի համար: Օգոստոսի 2-ին, Իռլանդիայի մայրաքաղաք Դուբլինի «Ավիվա» մարզադաշտում «Կարմիր սատանաները» կմրցեն իտալական «Սամպդորիայի» հետ: Այսպիսով, «Մանչեսթեր Յունայթեդը» ամռանը կմրցի հետևյալ թիմերի հետ. Հուլիսի 15 - «Լոս Անջելես Գելեքսի», «Ստաբհաբ Սենթեր» մարզադաշտ, Քարսոն, Կալիֆորնիա Հուլիսի 17 - «Ռեալ Սոլթ Լեյք», «Ռիո Տինտո» մարզադաշտ, Սենդի, Յուտա Հուլիսի 20 - «Մանչեսթեր Սիթի», «NRG Ստեդիում» մարզադաշտ, Հյուսթոն, Տեխաս Հուլիսի 23 - «Ռեալ Մադրիդ», «Լեվի՛ս Ստեդիում» մարզադաշտ, Սանտա Կլարա, Կալիֆորնիա Հուլիսի 26 - «Բարսելոնա», «Ֆեդեքս Ֆիլդ» մարզադաշտ, Լենդովեր, Մերիլենդ Հուլիսի 30 - «Վալերենգա», «Ուլիվել Ստեդիում» մարզադաշտ, Օսլո Օգոստոսի 2 - «Սամպդորիա», «Ավիվա Ստեդիում» մարզադաշտ, Դուբլին: Հիշեցնենք նաև, որ Եվրոպա լիգայում հաղթելու դեպքում «Մանչեսթեր Յունայթեդը» կմասնակցի ՈՒԵՖԱ-ի Սուպերգավաթին, որը կկայանա օգոստոսի 8-ին Սկոպյեի «Ֆիլիպ II» մարզադաշտում:
22.05.2017

4-րդ հորիզոնականը դավաճանում է Վենգերին Կլոպի հետ (ծաղրանկար)

Անգլիայի առաջնության վերջին տուրում «Լիվերպուլը» և «Արսենալը» պայքարում էին լավագույն քառյակում ընդգրկվելու և Չեմպիոնների լիգայի ուղեգիր նվաճելու համար: Չնայած «Արսենալը» առավելության հասավ «Էվերթոնի» նկատմամբ, բայց հանգրվանեց 5-րդ հորիզոնականում և հաջորդ մրցաշրջանում հանդես կգա Եվրոպա լիգայում: Արսեն Վերգերին թիմը կարող էր տեղ գտնել ԱՊԼ-ի լավագույն 4 թիմերի շարքում, եթե «Լիվերպուլը» չկարողանար հաղթել «Ուոտֆորդին», սակայն Յուրգեն Կլոպի սաները վստահ հաղթանակ տոնեցին և եզրափակեցին լավագույնների քառյակը:
22.05.2017

«Մանչեսթեր Յունայթեդը» և «Այաքսը» «պատերազմ» են սկսել Թվիթերում

Մայիսի 24-ին Եվրոպա լիգայի եզրափակիչ հանդիպման շրջանակներում «Մանչեսթեր Յունայթեդը» Ստոկհոլմում կհանդիպի «Այաքսին»: Պետք է նշել, որ «Կարմիր սատանաները» իրենց պատմության մեջ տիրացել են բոլոր տեսակի գավաթներին, բացի Եվրոպա լիգայի տիտղոսից: Եվ ահա «Այաքսը» եզրափակիչ հանդիպումից առաջ զգուշացրել է անգլիական ակումբին, որը նրանք չեն կարողանալու այդ բացը լրացնել. «Բարև, «Մանչեսթեր Յունայթեդ», մենք լսել ենք, որ ինչ-որ գավաթ պակասում ձեր տիտղոսների սենյակում: Եվ մենք ցանկանում ենք ամեն ինչ այդպես էլ թողնել»: https://twitter.com/AFCAjax/status/866595797898592256 Ժամեր անց «ՄՅՈւ»-ի պաշտոնական էջը պատասխանել է հոլանդական ակումբին. «Մեր գավաթների սենյակը բավական լիքն է, բայց մի անհանգստացեք, մենք միշտ էլ կարող ենք տեղ ազատել»:
22.05.2017

Ոսկե խաղակոշիկ. Եվրոպայի լավագույն ռմբարկուների տասնյակը

Իսպանիայում, Գերմանիայում, Պորտուգալիայում և Ֆրանսիայում արդեն ավարտվել են ներքին առաջնությունները, միայն Ա Սերիայի ֆուտբոլիստները կարող են շարունակել պայքարը Եվրոպայի լավագույն ռմբարկուի կոչման համար: «Ռոմայի» հարձակվող Էդին Ջեկոն առաջնության լավագույն ռմբարկուն է, սակայն նա դժվար թե կարողանա մի հանդիպման ընթացքում 10 գոլ խփել և շրջանցել «Բարսելոնայի» ֆուտբոլիստ Լիոնել Մեսիին: Այսպիսով, վստահությամբ կարող ենք ասել, որ արգենտինացին 4-րդ անգամ կդառնա «Ոսկե խաղակոշիկի» մրցանակակիր: Դիրք Ֆուտբոլիստ Ակումբ Երկիր Գոլ Գործակից Միավոր 1 Լիոնել Մեսի 37 2 74 2 Բաս Դոստ 34 2 68 3 Պիեր Էմերիկ Օբամեյանգ   31 2 62 4 Ռոբերտ Լևանդովսկի 30 2 58 5 Հարի Քեյն 29 2 58 6 Լուիս Սուարես   29 2 58 7 Էդին Ջեկո 28 2 56 8  Դրիրես Մերտենս 27 2 54 9 Էդինսոն Կավանի 35 1,5 52.5 10 Անտոնի Մոդեստ   25 2 50 Թարմացված է առ  22/05/2017
22.05.2017

Դե Խեան հրաժե՞շտ է տվել «Մանչեսթեր Յունայթեդի» երկրպագուներին

«Մանչեսթեր Յունայթեդի» դարպասապահ Դավիդ դե Խեան Անգլիայի առաջնության վերջին տուրի «Քրիստալ Փելասի» դեմ (2-0) դեմ հանդիպումից հետո լուսանկար է հրապարակել իր թվիթերյան էջում և գրել. «Շնորհակալություն ձեր անվերապահ աջակցության համար»: https://twitter.com/D_DeGea/status/866363167181504512 Ավելի վաղ տեղեկացրել էինք, որ Մադրիդի «Ռեալը» համաձայնության է եկել «Մանչեսթեր Յունայթեդի» հետ իսպանացի դարպասապահի տեղափոխության շուրջ: Բացի այդ, ընդգծվում էր, որ դե Խեան «արքայական» ակումբում ավելի ցածր աշխատավարձ կստանա, քան անգլիական թիմում: 26-ամյա ֆուտբոլիստը 2015 թվականին համաձայնության էր հասել «Ռեալի» հետ, սակայն գործարքը չէր կայացել տրանսֆերի հայտը ուշ ներկայացնելու պատճառով:
22.05.2017

Հենրիխ Մխիթարյան. «Աչքերն ուղղվում են դեպի Եվրոպայի լիգայի եզրափակիչը»

Ինչպես հայտնի է, «Մանչեսթեր Յունայթեդը» Պրեմիեր լիգայի 2016/17թթ. առաջնության վերջին՝ 38-րդ տուրում հաղթանակ է տոնել «Քրիստալ Փելասի» նկատմամբ (2-0): Հենրիխ Մխիթարյանն այսօր ընդգրկված չէր մանկունյական թիմի հայտացուցակում, քանի որ հանգստի հնարավորություն էր ստացել Ժոզե Մոոուրինյոյի կողմից: Առջևում մրցաշրջանի կարևորագույն հանդիպումն է, որում մանկունյանցիները Եվրոպայի լիգայի գավաթի խաղարկության եզրափակչում մրցելու են Ամստարդամի «Այաքսի» հետ: Հայ կիսապաշտպանը համառոտ գրառում է կատարել Twitter-ի իր էջում. «Պրեմիեր լիգայում վերջին ուիքենդն էր: Աչքերն ուղղվում են դեպի Եվրոպայի լիգայի եզրափակիչը»: Last @premierleague weekend Eyes on the #UELfinal ... @ManUtd pic.twitter.com/8GFwRalbpq — Henrikh Mkhitaryan (@HenrikhMkh) May 21, 2017  
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: