Անգլիա | Էջ - 6

20.05.2017

Մոուրինյո. «Հույս ունեմ՝ Պոգբայի տրանսֆերը այս ամռանը կդադարի ամենաթանկը լինելուց»

«Մանչեսթեր Յունայթեդի» գլխավոր մարզիչ Ժոզե Մոուրինյոն ասել է, որ լավ կլինի, եթե Պոլ Պոգբայի տրանսֆերը դադարի ամենաթանկը լինելուց: Պորտուգալացի մարզչի խոսքերով ամենաթանկ ֆուտբոլիստի պիտակը խանգարում է Պոգբային ցուցադրել իր կարողությունները: «Պոգբայի գլխավոր խնդիրն իր գինն է, նա վախենում է իր հասցեին հնչող քննադատությունից: Այդ խոսքերը ճնշում են նրան: Եթե մենք վճարեինք նրա տրանսֆերի գումարի կեսը, բոլորը կասեին, որ նա բավականին առաջխաղացում է ապրել, և որ մենք լավ ֆուտբոլիստի ենք ձեռք բերել այդպիսի ցածր գնով»,- ասել է պորտուգալացի մասնագետը: Պոգբայի ցուցադրած խաղը գնահատելով՝ Մոուրինյոն ասել է. «Չես կարող նրա բոլոր խաղերը լավ կամ վատ համարել, օրինակ նա հինալի խաղաց «Ռոստովի» դեմ: Կարծում եմ՝ այդ քննադատությունն անտեղին է: Հույս ունեմ , որ այս ամռանը նա կդադարի աշխարհի ամենաթանկ ֆուտբոլիստը լինելուց»:
20.05.2017

Մոուրինյոն ցանկանում է ձեռք բերել «Չելսիի» իր նախկին սանին

«Մանչեսթեր Յունայթեդի» գլխավոր մարզիչ Ժոզե Մոուրինյոն ցանկանում է ձեռք բերել լոնդոնյան «Չելսիի» կիսապաշտպան Նեմանյա Մատիչին, հաղորդում է Manchester Evening News-ը: Անգլիական պարբերականի տեղեկության համաձայն, «Մանչեսթեր Յունայթեդը»  սկսել է հետաքրքրվել սերբ ֆուտբոլիստի ծառայությաուններով: Մատիչին մանկունիական ակումբի կազմում ցանկանում է տեսնել հենց թիմի գլխավոր մարզիչ Ժոզե Մոուրինյոն: Մատիչը և Մոուրինյոն միմյանց հետ աշխատել են, երբ պորտուգալացին գլխավորում էր «Չելսին»: Մոուրինյոն Մատիչի թեկնածությունն առաջարկել է այն բանից հետո, երբ «Տոտենհեմը» հրաժարվեց վաճառել Էրիկ Դայերին: Մատիչն ընթացիկ մրցաշրջանում մասնակցել է «Չելսիի» 35 խաղերի, դարձել 1 գոլի և 7 գոլային փոխանցման հեղինակ: «Չելսիի» հետ սերբ ֆուտբոլիստի պայմանագիրը գործում է մինչև 2019 թվականը:
20.05.2017

Մորատան կարող է վերադառնալ Իտալիա

Մադրիդի «Ռեալի» հարձակվող Ալվարո Մորատայի ծառայություններով հետաքրքրվում է իտալական «Միլանը» հաղորդում է Goal-ը: 24-ամյա ֆուտբոլիստը «Միլանի» համար առաջնային տարբերակ է որպես հարձակվող: Իտալական ակումբից բացի իսպանացու համար պայքարում են նաև «Չելսին», «Մանչեսթեր Յունայթեդը» և «Արսենալը»: Մորատան ավելի վաղ մերժել է նաև չինական ակումբների մի քանի առաջարկ, որոնցից ամենաարժեքավորը կազմել է 35 մլն. եվրո: Սպասվում է, որ ընթացիկ մրցաշրջանի ավարտից հետո իսպանացին կլքի «Ռեալը», քանի որ դժգոհ է իրեն հատկացված խաղաժամանակից: Ավելի վաղ մամուլում տեղեկություններ էին տարածվել, որ Մորատայի ընկերուհին բնակարան է գնել Լոնդոնի կենտրոնում: Ինքը ֆուտբոլիստը  օրեր առաջ սկսել է հետևել «Չելսիի» մի քանի ֆուտբոլիստների Ինստագրամի էջերին:
20.05.2017

Մոուրինյոն ասել է՝ որ տիտղոսի կրկնօրինակը չունի իր հավաքածուի մեջ

Եվրագավաթներում Մոուրինյոյի  առաջին հաղթանակից անցել է 14 տարի: Պորտուգալացի մասնագետը լրագրողների հետ զրույցում ասել է, թե որ գավաթի կրկնօրինակը չունի իր անձնական հավաքածուի մեջ: 2003 թվականին Մոուրինյոյի գլխավորությամբ «Պորտուն» հաղթեց ՈՒԵՖԱ-ի գավաթը: Պորտուգալացու խոսքերով  դա միակ նվաճումն է, որի կրկնօրինակը նա չունի: «Դա միակ տիտղոսն է, որի կրկնօրինակը չունեմ, ֆուտբոլիստներն ասացին, որ դժվար կլինի այն պատրաստել: Ես ունեմ իմ բոլոր նվաճած տիտղոսների կրկնօրինակները՝ Չեմպիոնների լիգա, Լա լիգա, Պրեմիեր լիգա, բայց ՈՒԵՖԱ-ի գավաթ չունեմ: Սակայն ունեմ ոսկե մեդալ և ամենակարևորը՝ հիշողություններ»,- նշել է «Մանչեսթեր Յունայթեդի» գլխավոր մարզիչը: «Ոչ ոք չէր սպասում, որ մենք կհաղթենք ՈՒԵՖԱ-ի գավաթը, «Պորտուն» երիտասարդ թիմ էր, իսկ դրանից հետո հաղթեցինք նաև Չեմպիոնների լիգան:Բայց ամենակարևորն ինձ համար հենց այդ հաղթանակն է: Շատ եմ ցանկանում կրկնել նույնը «Մանչեսթեր Յունայթեդի» հետ և վերադառնալ Չեմպիոնների լիգա: Դա մեծ նվաճում կլինի ինձ համար»,- հավելել է պորտուգալացի մարզիչը:
20.05.2017

Իսպանիայի հավաքականը՝ Եվրոպայի Մ-17 առաջնության չեմպիոն

Ավարտվել է Մ-17 Եվրոպայի առաջնության եզրափակիչ փուլը: Եզրափակիչ մրցավեճում Իսպանիայի հավաքականը հաղթանակ է տոնել Անգլիայի ընտրանու նկատմամբ: Հանդիպման հիմնական ժամանակն ավարտվել է 2-2 հաշվով, իսկ 11-մետրանոց հարվածաշարում իսպանացիներն առավելության են հասել 4-1 հաշվով: Իսպանիայի Մ-17 հավաքականն իր տարիքային խմբում Եվրոպայի չեմպիոն դարձավ ռեկորդային՝ 3-րդ անգամ: Իսպանիա Մ-17 2-2 Անգլիա Մ-17 (11-մետրանոց հարվածաշարում՝ 4-1) Գոլերը՝ 0-1՝ Հադսոն-Օդոյ 18՛, 1-1՝ Մորեյ 38՛, 1-2՝ Ֆոդեն 58, 2-2՝ Դիաս 80՛
19.05.2017

Մոուրինյոն պնդում է՝ «Այաքսն» առհասարակ չպետք է մասնակցեր Եվրոպայի լիգային

«Մանչեսթեր Յունայթեդի» գլխավոր մարզիչ Ժոզե Մոուրինյոն կարծիք է հայտնել, որ «Այաքսը»՝ թիմի մրցակիցը Եվրոպայի լիգայի գավաթի խաղարկության եզրափակչում, առհասարակ չպետք է մասնակցեր այս մրցաշարին, քանի որ այնտեղ է հայտնվել Չեմպիոնների լիգայի խմբային փուլից դուրս մնալուց հետո: Ըստ պորտուգալացի մասնագետի՝ որևէ ակումբ չպետք է մեկ մրցաշրջանի ընթացքում մասնակցի եվրագավաթների երկու տարբեր խաղարկությունների: ««Այաքսը» Չեմպիոնների լիգայի թիմ է: Նրանք եկել են այդ մրցաշարից: Ես երբեք համաձայն չեմ եղել այդ կանոնի հետ: Կարծում եմ՝ թիմը չպետք է կարողանա շարունակելու պայքարը Եվրոպայի լիգայում այն բանից հետո, երբ դուրս է մնացել Չեմպիոնների լիգայից: Եվրոպայի լիգան այն ակումբների մրցաշարն է, որոնք մրցաշարին մասնակցում են նախնական փուլերից: Մենք Պրեմիեր լիգայի նախորդ առաջնությունն ավարտել էինք 5-րդ տեղում և հայտնվել Եվրոպայի լիգայում: Մենք այս մրցաշարին մասնակցում ենք մրցաշրջանի սկզբից և ստիպված ենք եղել մեծ ջանքեր գործադրել, որպեսզի լինենք այնտեղ, որտեղ այժմ ենք»,- ասել է պորտուգալացի մասնագետը: http://www.vivaronews.am/mourinyon-hastatel-e-or-khristal-phelasi-dem-kxaghan-eritasardakan-thimi-futbolistnereh
19.05.2017

FIFA 17. Պրեմիեր լիգայի 2016/17թթ. առաջնության խորհրդանշական հավաքականը

Bleacher Report-ը ներկայացրել է Անգլիայի Պրեմիեր լիգայի 2016/17թթ. առաջնության խորհրդանշական հավաքականը՝ հաշվի առնելով ֆուտբոլիստների հնարավորություններն ու ներուժը FIFA 17 Ultimate Team վիդեոխաղի տարբերակում:
19.05.2017

«Ռեալը» պլան Բ է մշակել, եթե դե Խեայի տրանսֆերը ձախողվի

Մադրիդի «Ռեալի» ղեկավարությունը ամառային տրանսֆերային պատուհանի ընթացքում մտադիր է ձեռք բերել դարպասապահի, տեղեկացնում է Goal.com-ը: «Արքայական» ակումբի հիմնական թիրախները «Մանչեսթեր Յունայթեդի» իսպանացի դարպասապահ Դավիդ դե Խեան է և «Չելսիի» դարպասապահ Տիբո Կուրտուան: Եթե «Ռեալը» չկարողանա գնել այդ ֆուտբոլիստներից որևէ մեկին, ապա ակումբը ամեն ինչ կանի «Ատլետիկոյի» դարպասապահ Յան Օբլակի տրանսֆերային իրավունքները գնելու ուղղությամբ: Սակայն սլովենացի ֆուտբոլիստի հրաժարագինը կազմում է 100 մլն. եվրո, և «հնդկացիների» ղեկավարությունը մտադիր չէ զիջումների գնալ ֆուտբոլիստի տրանսֆերային արժեքի հարցում: Ավելի վաղ հայտնի էր դարձել, որ «Ռեալը» մոտ է «Ատլետիկոյի» պաշտպան Տեո Էրնանդեսի տրանսֆերը ձեռք բերելուն:
19.05.2017

«Չելսին» ծաղիկներ է ուղարկել «Լեսթերին» Կանտեի առաջին մարզումից հետո

«Չելսիի» տեխնիկական գծով տնօրեն Մայքլ Էմենալոն պատմել է, որ լոնդոնյան ակումբի ղեկավարությունը այնքան տպավորված էր Նգոլո Կանտեի ցուցադրած որակներով, որ առաջին մարզումից հետո ծաղիկներ է ուղարկել «Լեսթերին» իրենց նման տաղանդավոր ֆուտբոլիստ վաճառելու համար: «Երբ Կանտեն առաջին մարզումը անցկացրեց մեզ հետ, ֆուտբոլիստները գրկեցին նրան, և մենք ծաղիկներ ուղարկեցինք «Լեսթերին»: Կոնտեն այսօր այստեղ չէ, այդ իսկ պատճառով ցանկանում եմ նրա փոխարեն ասել, որ Կանտեն ֆանտաստիկ ֆուտբոլիստ է, շատ լավ է դրսևորում իրեն տակտիկական բոլոր տեսանկյուններից, բայց նա էլ բարելավելու տեղ ունի: Իսկապես ծիծաղելի է մտածելը, որ նա կարող էլ ավելի լավը դառնալ, նրա խաղի շնորհիվ է 2 ակումբը նվաճել ԱՊԼ-ի տիտղոսը վերջին 2 տարում»,-ասել է նիգերիացի նախկին ֆուտբոլիստը:
19.05.2017

«Արսենալի» նախկին պաշտպան. «Մոուրինյոն սխալ դիրքում է օգտագործում Մխիթարյանին»

«Արսենալի» նախկին պաշտպան Մարտին Քեունը կարծում է, որ Ժոզե Մոուրինյոն սխալ դիրքում է օգտագործում թիմի կիսապաշտպան Հենրիխ Մխիթարյանին: ««Մանչեսթեր Յունայթեդը» հարձակվողական ֆուտբոլ չի խաղում, իսկ Հենրիխը ոչ մեկին իր խաղով չի վախեցնում: Չի կարող լինել այնպես, որ Մխիթարյանը, Բունդեսլիգայի նախորդ մրցաշրջանի լավագույն փլեյմեյքերը, վազի հարձակման գծից դեպի պաշտպանություն, ինչպես «Արսենալի» հետ խաղում էր անում: Եթե Մխիթարյանը հանդես գար «Չելսիի» կազմում, ապա կխաղար Ազարի կամ Պեդրոյի դիրքում: Մոուրինյոն դեռ չգիտի, թե ինչպիսին պետք է լինի իր ուժեղ կազմը»,- ասել է Քեոունը:    
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: