Անգլիա | Էջ - 4

19.02.2017

«Համաշխարհային մակարդակի գոլային փոխանցում էր». Մխիթարյանը M.E.N.-ի վարկածով երկու լավագույններից մեկն է

Ինչպես արդեն տեղեկացրել ենք, Անգլիայի գավաթի խաղարկության 1/8 եզրափակչում «Մանչեսթեր Յունայթեդը» 2-1 հաշվով առավելության է հասել «Բլեքբերնի» նկատմամբ և դուրս եկել հաջորդ փուլ: Հենրիխ Մխիթարյանը մասնակցել է ամբողջ խաղին և 27-րդ րոպեին հրաշալի գոլային փոխանցում կատարել Մարկուս Ռեշֆորդին: Manchester Evening News պարբերականն ավանդույթի համաձայն գնահատել է մանկունյական թիմի ֆուտբոլիստների ելույթները 10 բալանոց համակարգով: Մխիթարյանը ստացել է 8 գնահատականը, ինչպես և Մայքլ Քարիկը: Դա ամենաբարձր ցուցանիշն է մյուս խաղացողների համեմատ: Պարբերականը հայ կիսապաշտպանի ելույթի վերաբերյալ գրել է. «Սկզբնամասում դանդաղ էր, բայց նրա գոլային փոխանցումը Մարկուս Ռեշֆորդին համաշխարհային մակարդակի էր: Ավելի լավ է նայվում՝ խաղալով հարձակվողների թիկունքում, քան՝ եզրում»: Հավելենք, որ 7 գնահատականին են արժանացել Սերխիո Ռոմերոն, Էշլի Յանգը, Քրիս Սմոլինգը, Անդեր Էրերան, Մարկուս Ռեշֆորդը, ինչպես նաև փոխարինման մտած Պոլ Պոգբան և Զլատան Իբրահիմովիչը: Ամենացածր՝ 5 գնահատականն են ստացել Մատեո Դարմիանը և Ջեսի Լինգարդը: http://www.vivaronews.am/ibrahimovichi-goleh-yunaythedin-durs-berec-hajord-phul-mxitharyaneh%D5%9D-golayin-phoxancman-heghinak-tesanyuth
19.02.2017

Իբրահիմովիչի գոլը «Յունայթեդին» դուրս բերեց հաջորդ փուլ. Մխիթարյանը՝ գոլային փոխանցման հեղինակ (տեսանյութ)

FA գավաթ, 1/8 եզրափակիչ «Բլեքբերն Ռովերս» 1–2 «Մանչեսթեր Յունայթեդ» Գոլերը՝ 1-0 Գրեհեմ 17՛, 1-1 Ռեշֆորդ 27՛, 1-2 Իբրահիմովիչ 75՛ «Էվուդ Պարկ» մարզադաշտ, Բլեքբերն Հենրիխ Մխիթարյանը մասնակցել է ամբողջ հանդիպմանը՝ 27-րդ րոպեին գոլային փոխանցում կատարելով Մարկուս Ռեշֆորդին:
19.02.2017

Հնարավո՞ր, թե՞ անհնարին. «Յունայթեդի» տրանսֆերային նպատակը կրկին Տոնի Կրոսն է

«Մանչեսթեր Յունայթեդը» կրկին սկսել է հետաքրքրվել Մադրիդի «Ռեալի» կիսապաշտպան Տոնի Կրոսի ծառայություններով, թեև իսպանական ակումբն իր ֆուտբոլիստին զիջելու ամենևին մտադրություն չունի, հաղորդում է The Independent-ը: Մանկունյական ակումբն ավելի վաղ արդեն փորձել է հրավիրել գերմանացի ֆուտբոլիստին: «Կարմիր սատանաների» նախկին գլխավոր մարզիչ Դևիդ Մոյեսը մեկ անգամ չէ հայտարարել, որ ակումբը 2013 թվականին արդեն համաձայնության էր եկել «Բավարիայի» հետ, սակայն անձամբ Կրոսն ընտրել էր «Ռեալին» միանալու տարբերակը: Պարբերականը նաև պնդում է, որ 2014 թվականի աշխարհի չեմպիոնի հավանական տրանսֆերը կախված չէ այն հանգամանքից, թե արդյոք կմիանա «Մանչեսթեր Յունայթեդին» Մադրիդի «Ատլետիկոյի» հարձակվող Անտուան Գրիզմանը: http://www.vivaronews.am/mourinyo-pogban-shutov-kdadari-linel-ashxarhi-amenathankarzhekh-futbolisteh
19.02.2017

Տիերի Անրին քննադատել է «Արսենալի» ֆուտբոլիստներին

«Արսենալի» լեգենդար հարձակվող Տիերի Անրին լոնդոնյան թիմի վերջին անհաջողությունների մեջ չի մեղադրել գլխավոր մարզիչ Արսեն Վենգերին, փոխարենը քննադատական խոսքեր է հասցեագրել ֆուտբոլիստներին: «Բոլորս կարող ենք համոզվել, որ «Արսենալի» ֆուտբոլիստները փխրուն հոգեբանություն ունեին, երբ նրանք պարտվեցին Մյունխենում: Դա ակնհայտ էր: Արսենն արդեն երկար ժամանակ է, ինչ բոլոր հարվածները վերցնում է իր վրա: Նա այս ակումբը դարձրել է հաջողակ, երբ այն խնդիրներ ուներ: Վենգերը փոխեց ակումբը, կառուցեց ժամանակակից «Արսենալը»: Երբ թիմը պարտություն է կրում, բոլորն ասում են՝ «Վենգերը սա է, Վենգերը նա է», բայց խաղացողներն իրենք պետք է ոտքի կանգնեն և քննադատության մասնաբաժինը վերցնեն իրենց վրա: Համաձայն եմ՝ Վենգերն առաջատար է, նա է ստեղծել այս թիմը: Արսենը մեղավոր է, քանի որ նա առաջնորդ է: Բայց ֆուտբոլիստները պետք է ժամանակ առ ժամանակ նայեն իրենք իրենց»,- գրել է Անրին The Sun-ի իր սյունակում:  
19.02.2017

Հենրիխ Մխիթարյանի դիսպետչերական գոլային փոխանցումը Մարկուս Ռեշֆորդին (տեսանյութ)

Ընթացքի մեջ է Անգլիայի գավաթի խաղարկության 1/8 եզրափակիչ փուլի՝ «Բլեքբեռն» - «Մանչեսթեր Յունայթեդ» հանդիպման առաջին խաղակեսը: 30-րդ րոպեի դրությամբ հաշիվը հավասար է՝ 1-1: 28-րդ րոպեին մանկունյական թիմից հաշիվը հավասարեցրել է Մարկուս Ռեշֆորդը, ում հիանալի գոլային փոխանցումով օգնել է հաջողության հասնել Հենրիխ Մխիթարյանը: http://www.vivaronews.am/blekhbern-rovers-manchesther-yunaythed-vo%D6%82ghigh-ether-meknarkayin-kazmer-tesanyuth
19.02.2017

Յուրգեն Կլոպը «Բարսելոնան» գլխավորելու առաջնային թեկնածուների թվում է

«Լիվերպուլի» գլխավոր մարզիչ Յուրգեն Կլոպը «Բարսելոնայի» ղեկը ստանձնելու գլխավոր հավակնորդների թվում է, հաղորդում է Mirror-ը: Բացի գերմանացի մասնագետից, Լուիս Էնրիկեին փոխարինելու առաջնային թեկնածուների շարքին է դասվում նաև «Էվերթոնի» գլխավոր մարզիչ Ռոնալդ Կումանը: Կատալոնական ակումբի ղեկավարության ներկայացուցիչներից ոմանք նախապատվությունը տալիս են Կլոպին, իսկ որոշ անձինք՝ հոլանդացի մասնագետին, ով որպես ֆուտբոլիստ մեծ հաջողությամբ հանդես է եկել «կապտանռնագույնների» կազմում: Ավելի վաղ հաղորդվում էր, որ «Բարսելոնայի» ֆուտբոլիստները դժգոհ են Լուիս Էնրիկեի որոշ որոշումներից և վստահ են, որ ամռանը նա հեռանալու է պաշտոնից: Կատալոնացիները Չեմպիոնների լիգայի գավաթի խաղարկության 1/8 եզրափակչի առաջին խաղում հյուրընկալվելիս 0-4 հաշվով պարտվել են «ՊՍԺ»-ին: Էնրիկեի գործող պայմանագրի ժամկետը լրանում է 2017 թվականի ամռանը: http://www.vivaronews.am/mesii-hayreh-barselonayi-ghekavaruthyunic-pahanjel-e-pashtonank-anel-luis-enrikein
19.02.2017

Քեյնի հեթ-տրիկը «Տոտենհեմին» քառորդ եզրափակիչ դուրս բերեց (տեսանյութ)

FA գավաթ, 1/8 եզրափակիչ «Ֆուլհեմ» 0-3 «Տոտենհեմ» Գոլերը՝ Հարի Քեյն 16՛, 51՛, 73՛ «Քրեյվեն Քոթեջ» մարզադաշտ, Լոնդոն
19.02.2017

«Բլեքբերն Ռովերս» – «Մանչեսթեր Յունայթեդ». Ուղիղ եթեր, մեկնարկային կազմեր (տեսանյութ)

FA գավաթ, 1/8 եզրափակիչ «Բլեքբերն Ռովերս» - «Մանչեսթեր Յունայթեդ» Մեկնարկը՝ 20:15 Ուղիղ հեռարձակումը՝ խաղից 1-2 րոպե առաջ «Էվուդ Պարկ» մարզադաշտ, Բլեքբերն «Բլեքբերնի» մեկնարկային կազմը՝ Ստիլ, Գրիր, Ուիլյամս, Լոու, Ֆինի, Գրահամ, Մալգրու, Էմնես, Գատրի, Լենիհեն, Կոնուեյ «Մանչեսթեր Յունայթեդի» մեկնարկային կազմը՝ Ռոմերո, Յանգ, Սմոլինգ, Ռոխո, Դարմիան, Կերիկ, Էրերա, Լինգարդ, Մխիթարյան, Մարսիալ, Ռեշֆորդ
19.02.2017

Մխիթարյանն ու Իբրահիմովիչը ժամանել են «Էվուդ Պարկ»

FA գավաթի խաղարկության 1/8 եզրափակիչում «Մանչեսթեր Յունայթեդը» հյուրընկալվելու է «Բլեքբերն Ռովերսին»: Հանդիպումը մեկնարկելու է Երևանի ժամանակով 20:15-ին: Manchester Evening News-ը տեղեկացնում է, որ «Յունայթեդի» ֆուտբոլիստներ Հենրիխ Մխիթարյանն ու Զլատան Իբրահիմովիչը ժամանել են «Էվուդ Պարկ» մարզադաշտ, ինչը նշանակում է, որ նրանք հայտավորված են խաղին: Ավելի վաղ ներկայացրել էինք «Յունայթեդի» այն ֆուտբոլիստների անվանացուցակը, որոնց նկատել են Lowry հյուրանոցում: Այդ անվանացուցակից բացակում էին Մխիթարյանն ու Իբրահիմովիչը:
19.02.2017

Վենգեր. «Նախընտրում եմ «Արսենալը» գլխավորել ևս 4 տարի»

«Արսենալի» գլխավոր մարզիչ Արսեն Վենգերն ակնարկել է թիմի հետ պայմանագրի ժամկետը երկարաձգելու իր ցանկության մասին: «Որքա՞ն է հավանականությունը, որ ես այլ ակումբ կգլխավորեմ... Եթե թիմի սեփականատեր եք, կարող եք առաջարկ կատարել ինձ: Ո՛չ, ես չեմ սպառնում, բացարձակապես: Իմ նախընտրությունը միշտ եղել է «Արսենալը» գլխավորելը, և դա այդպես էլ արել եմ: Կարծում եմ՝ այնքան տարիքով եմ, որ կարող եմ վերլուծել իրավիճակը: Ֆերգյուսոնը կյանքի նկատմամբ այլ հետաքրքրություններ ուներ ու գնաց: Նա հեռացավ ավելի մեծ տարիքում, քան ես եմ այժմ: Նա չորս տարով մեծ է ինձնից: Նա ավարտեց մարզչական կարիերան 71 տարեկան հասակում, ես այժմ 67 տարեկան եմ: Միգուցե ևս չորս տարի աշխատեմ, միգուցե ոչ: Յուրաքանչյուր մարդ տարբեր է: Չեմ ուզում որևէ բան խլել Ֆերգյուսոնից: Նա բացառիկ մարզիչ է եղել: Երբ հասկացավ, որ ժամանակն է, հեռացավ: Ես դա դեռ չեմ հասկացել»,- ասել է Վենգերը:
ԹԵԺ ԵՎ ԲԱՑԱՌԻԿ

Vivaro News

Հասցե - Գետառի 4/17 Հեռ. - 010 510051 E-mail - info@vivaronews.am

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: