Անգլիա | Էջ - 3

21.03.2017

Գրիզմանի երազը և Մոուրինյոն. Օմար Մոմանիի ծաղրանկարը

Անտուան Գրիզմանը դեռ մտածում է, թե որտեղ շարունակել կարիերան, իսկ Օմար Մոմանին փորձել է պատկերել նրա երազն իր ծաղրանկարում. Ֆրանսիացին երազում է «Ռեալի», «Բարսելոնայի» կամ «Բավարիայի» մասին, իսկ Մոուրինյոն փորձում է այդ ցանկում խցկել նաև «Մանչեսթեր Յունայթեդին»:
21.03.2017

Mirror. «Բարսելոնան» փոխարինող է գտել Անդրես Ինյեստային

«Բարսելոնան» առաջիկա ամառային տրանսֆերային պատուհանի ժամանակ պատրաստվում է ձեռք բերել «Լիվերպուլի» կիսապաշտպան Ֆիլիպե Կոուտինյոյին: Ինչպես հաղորդում է բրիտանական Mirror-ը, կատալոնացիները ներկայումս փորձում են փոխարինող գտնել թիմի կիսապաշտպան Անդրես Ինյեստային, ով մայիսի 11-ին կդառնա 33 տարեկան: Եվ «Լիվերպուլի» բրազիլացի ֆուտբոլիստը այդ ցուցակում առաջինն է: Ավելի վաղ «Բարսայի» հարձակվող Նեյմարը հայտարարել էր, որ շատ է ցանկանում մի օր խաղալ Կոուտինյոյի հետ մեկ ակումբում: Սակայն, իսպանական մամուլը, իր հերթին գրում է, որ այս տրանսֆերին դեմ է թիմի առաջատար Լիոնել Մեսին: Ընթացիկ մրցաշրջանում 24-ամյա Կոուտինյոն անցկացրել է 26 հանդիպում, խփել 7 գոլ և կատարել 7 գոլային փոխանցում:
21.03.2017

Ինչ է սպասում Ժոզե Մոուրինյոյին և իր սաներին ապրիլ ամսին

Ընթացիկ մրցաշրջանում Ժոզե Մոուրինյոն բազմիցս է բողոքել իր թիմի խաղային օրացույցից: Պորտուգալացի մասնագետին և իր սաներին լուրջ փորձություն է սպասվում ապրիլ ամսին: Մանկունիանցիները կանցկացնեն 9 հանդիպում: Ստացվում է այնպես, որ ամեն խաղից հետո նրանք կունենան միջին 3-4 օր վերականգնվելու համար: Ահա այսպիսին է «Յունայթեդի» խաղային օրացույցը ապրիլ ամսին ՝ 1 ապրիլ. «Մանչեսթեր Յունայթեդ» - «Վեսթ Բրոմվիչ» 4 ապրիլ. «Մանչեսթեր Յունայթեդ» - «Էվերտոն» 9 ապրիլ. «Սանդերլենդ» - «Մանչեսթեր Յունայթեդ» 13 ապրիլ. «Անդերլեխտ» - «Մանչեսթեր Յունայթեդ» 16 ապրիլ. «Մանչեսթեր Յունայթեդ» - «Չելսի» 20 ապրիլ. «Մանչեսթեր Յունայթեդ» - «Անդերլեխտ» 23 ապրիլ. «Բարնլի» - «Մանչեսթեր Յունայթեդ» 27 ապրիլ. «Մանչեսթեր Սիթի» - «Մանչեսթեր Յունայթեդ» 30ապրիլ. «Մանչեսթեր Յունայթեդ» - «Սուոնսի»
21.03.2017

Բաստիան Շվայնշտայգերը տեղափոխվել է MLS

«Մանչեսթեր Յունայթեդի» գերմանացի կիսապաշտպան Բաստիան Շվայնշտայգերը տեղափոխվում է MLS-ում հանդես եկող «Չիկագո Ֆայեր» ակումբ, հայտնում է Chicago Tribune-ը: Աղբյուրը հայտնում է, որ 32-ամյա գերմանացին 1+1 սխեմայով պայմանագիր է կնքել ակումբի հետ և տարեկան ստանալու է 4,5 մլն դոլար: Շվայնշտայգերը «Չիկագոյին» կմիանա հաջորդ շաբաթ՝ վիզայի հետ կապված խնդիրները հարթելուց հետո: Հիշեցնենք, որ «Չիկագո Ֆայերում» է հանդես գալիս նաև Հայաստանի հավաքականի թեկնածու, հարձակվող Դավիթ Արշակյանը:
20.03.2017

FA-ն մեղադրանք է առաջադրել «Սիթիին»

Անգլիայի Ֆուտբոլային ասոցիացիան մեղադրանք է առաջադրել «Մանչեսթեր Սիթիին» «Լիվերպուլի» դեմ հանդիպմանը թիմի ֆուտբոլիստների վարքագծի առնչությամբ: FA-ն պնդում է, որ մասնավորապես 50-րդ րոպեին ակումբը չի կարողացել կարգի հրավիրել ֆուտբոլիստներին: Նշենք, որ խոսքը վերաբերում է այն դրվագին, երբ գլխավոր մրցավար Մայքլ Օլիվերը 11-մետրանոց է նշանակել «քաղաքայինների» դարպասին: Օլիվերի որոշումից հետո «Սիթիի» ֆուտբոլիստներն սկսել են դժգոհել:
20.03.2017

«Լեսթերի» դարպասապահը՝ «Ռեալի» ու «Յունայթեդի» ուշադրության կենտրոնում

«Լեսթերի» դարպասապահ Կասպեր Շմեյխելը հայտնվել է Մադրիդի «Ռեալի» ու «Մանչեսթեր Յունայթեդի» ուշադրության կենտրոնում՝ հայտնում է Don Balon-ը: Նշվում է, որ երկու թիմերին գրավել է այն հանգամանքը, որ Շմեյխելի տրանսֆերը ձեռք բերելն ավելի հեշտ կլինի, քան մյուս դարպասապահների պարագայում: Շմեյխելի ու «Լեսթերի» պայմանագրի ժամկետը լրանում է 2021 թվականի ամռանը:
20.03.2017

Անգլիայի հավաքականի արտագնա հանդիպումների համար նախատեսված նոր մարզաշապիկը (լուսանկարներ)

Անգլիայի հավաքականի հարձակվող Մարկուս Ռեշֆորդը ներկայացրել է ազգային ընտրանու նոր մարզաշապիկը, որը նախատեսված է արտագնա հանդիպումների համար: Այս մարզաշապիկը իր «նորամուտը» կնշի Գերմանիայի հետ ընկերական խաղի շրջանակներում:    
20.03.2017

Հայտնի է՝ «ՄՅՈՒ»-ը որտեղ կանցկացնի 2017/18 մրցաշրջանի ուսումնամարզական հավաքը

«Մանչեսթեր Յունայթեդը» 2017-18 մրցաշրջանի նախապատրաստական ուումնամարզական հավաքը կանցկացնի Հյուսիսային Ամերիկայում: «Կամիր սատանաները» այդ ընթացքում 5 ընկերական հանդիպում կանցկացնեն տարբեր քաղաքներում (Լոս Անջելես, Սոլթ Լեյք Սիթի, Սանտա Կլարա և Վաշինգտոն): Անգլիական ակումբի գործադիր տնօրեն Էդ Վուդվարդը կարծում է, որ ԱՄՆ-ում թիմը կունենա անհրաժեշտ պայմանները առաջիկա մրցաշրջանին նախապատրաստվելու համար: «ԱՄՆ այցը ակումբին կտա լավագույն հնարավորությունները մրցաշրջանին նախապատրաստվելու համար, մենք խաղալու ենք մեծ մարզադաշտերում»:
20.03.2017

Մոուրինյո. «Նախընտրում եմ հաղթել Եվրոպա լիգան, քան ԱՊԼ-ում զբաղեցնել 4-րդ հորիզոնականը»

«Մանչեսթեր Յունայթեդի» գլխավոր մարզիչ Ժոզե Մոուրինյոն խոսել է թիմի առաջիկա նպատակների մասին: ««Միդսլբրոյի» (3-1) նկատմամբ հաղթանակը շատ կարևոր էր մեզ համար, քանի որ այն մեզ հնարավորություն է տալիս պայքարել 4-րդ հորիզոնականի համար:» Սակայն նախընտրում եմ հաղթել Եվրոպա լիգայում, քան ԱՊԼ-ում զբաղեցնել 4-րդ հորիզոնականը: Մենք կստանանք նույնը ՝ տեղ Չեմպիոնների լիգայում, բայց բացի դրանից կունենանք գավաթ, հեղինակություն և Եվրոպայի Սուպերգավաթի հանդիպում: Հնարավոր է, որ մեզ չհաջողվի հաղթել Եվրոպա լիգայում, այդ իսկ պատճառով պետք է շարունակենք պայքարել 4-րդ հորիզոնականի համար»,- ասել է Մոուրը: Նշենք, որ ներկայումս «Յունայթեդը» ԱՊԼ-ում 5-րդն է, իսկ ահա Եվրոպա լիգայի 1/4 եզրափակիչում կխաղա «Անդերլեխտի» հետ:  
20.03.2017

Հայտնի է՝ երբ կկայանա «Մանչեսթեր Սիթի»-«Մանչեսթեր Յունայթեդ» հետաձգված հանդիպումը

Անգլիայի Պրեմիեր լիգայի 26-րդ տուրի «Մանչեսթեր Սիթի» և «Մանչեսթեր Յունայթեդ» հետաձգված հանդիպումը կկայանա ապրիլի 27-ին : Ինչպես տեղեկացնում է Sky sports-ը, հանդիպումը կմեկնարկի ժամը 00:00-ին: Ընթացիկ մրցաշրջանում թիմերի միջև առաջին հանդիպմանը «Մանչեսթեր Սիթին» հաղթական տարավ «Օլդ Թրաֆորդում»: Պեպ Գվարդիոլայի սաները հաղթեցին 2:1 հաշվով: 29-րդ տուրից հետո «Մանչեսթեր Սիթին» ԱՊԼ-ի մրցաշարային աղյուսակում զբաղեցնում է 3-րդ տեղը: «Մանչեսթեր Յունայթեդը» ներկայումս ընթանում է 5-րդ հորիզոնականում՝ 5 միավոր զիջելով «քաղաքաբնակներին»: Հիշեցնենք՝ մանչեսթերյան դերբին հետաձգվել էր գավաթային խաղերի պատճառով:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: