Անգլիա | Էջ - 296

12.09.2016

Գվարդիոլա. «Ես ու Մոուրինյոն ժամանակ չունեցանք խմելու համար»

«Մանչեսթեր Սիթիի» գլխավոր մարզիչ Խոսեպ Գվարդիոլան ասել է, որ մանչեսթերյան դերբիից հետո ինքն ու Մոուրինյոն չեն հանդիպել: «Ո՛չ, մենք չհանդիպեցինք: Խաղից հետո շատ անելիք ունեինք, իսկ ժամանակ՝ ոչ: Բազմիցս ասել եմ, որ շատ եմ հարգում Մոուրինյոյին: Ես միշտ եմ փորձում սովորել իմ գործընկերներից ու մրցակիցներից»,- Goal.com-ը փոխանցում է Գվարդիոլայի խոսքը:
12.09.2016

Մոուրինյո. «Մխիթարյա՞նը, քանի՞ մեծ խաղի է նա մասնկացել»

«Մանչեսթեր Յունայթեդի» գլխավոր մարզիչ Ժոզե Մոուրինյոն մանչեսթերյան դերբիիում կրած պարտությունից հետո խոսել է Եվրոպա լիգայի «Ֆեյենրոդի» դեմ հանդիպման հայտացուցակից: Պորտուգալացին խոստովանել է, որ հիասթափված է որոշ ֆուտբոլիստների ելույթից և հավելել, որ նրանք չկարողացան լավ խաղ ցուցադրել, քանի որ նման մեծ հանդիպումների փորձ չունեն: «Ինչպե՞ս կարող եմ որոշում կայացնել, դուրս բերել խաղադաշտ այս կամ այն ֆուտբոլիստին, թե ոչ: Ես պետք է հետևություններ անեմ նրանց ցուցադրած խաղից: Իսկ եթե դուք ինձ հարցնում եք Լինգարդը ու Մխիթարյանը խաղալո՞ւ են, թե՞ ոչ: Ես ասում եմ՝ ոչ: Ես չեմ պատժում նրանց, ես կայացնում եմ այս որոշումը նրանց ելույթից ելնելով: Այսպիսով, ես խաղադաշտ դուրս կբերեմ ուրիշ ֆուտբոլիստների: Եկեք, օրինակ խոսենք Մխիթարյանի մասին: Քանի՞ մեծ հանդիպման է նա մասնակցել: Փոքրիկ Լինգարդը, նա քանի՞ խոշոր հանդիպում է անցկացրել»,-ասել է Ժոզե Մոուրինյոն:
12.09.2016

«Մանչեսթեր Յունայթեդի» սկաուտը հետևում է 19-ամյա ֆուտբոլիստի խաղին

«Մանչեսթեր Յունայթեդը» հետաքրքրված է 19-ամյա շվեդ հարձակվող Իյեսպեր Կառլսոնի ծառայություններով: Կառլոսնը 4 գոլ է հեղինակել «Ֆալկենբերգի» ընթացիկ մրցաշրջանի 17 խաղերում:  «Կարմիր սատանաների» ղեկավարությունը սկաուտ է ուղարկել Շվեդիա, որպեսզի վերջինս հետևի ակումբի նոր թիրախի ելույթներին: 19-ամյա հարձակվողի տրանսֆերը  «ՄՅՈՒ»-ին, ամենայն հավանականությամբ, կարժենա  6-8 մլն. եվրո: Կառլսոնին հետևում են նաև «Այաքսից», «Ֆեյենորդից» և «Սանդերլենդից»:  
12.09.2016

«Մանչեսթեր Յունայթեդը» եկամտաբերության ռեկորդ է սահմանել

«Մանչեսթեր Յունայթեդը» դարձել է առաջին անգլիական ակումբը, որ արձանագրում է տարեկան ավելի քան կես մլրդ ֆունտի եկամուտ: «Կարմիր սատանաները» հայտարարել են, որ 2016թ. հունիսի 30-ի դրությամբ նրանց տարեկան եկամուտը կազմել է 515.3 մլն ֆունտ /683.5 մլն եվրո/: Այնուամենայնիվ, դա զիջում է կատալոնական «Բարսելոնայի» ցուցանիշին, որը հայտարարել էր 570 մլն ֆունտի եկամուտ: Նշենք, որ այդ գումարից 68 մլն ֆունտը կազմել է «Մանչեսթեր Յունայթեդի» մաքուր շահույթը: Թեև ակումբն այս տարի չի մասնակցում Չեմպիոնների լիգային, սակայն գործադիր տնօրեն Էդ Վուդվարդը վստահ է, որ 2017-ին եկամուտն ավելանալու է: Նոր ռեկորդային տրանսֆերները հավելյալ եկամուտներ կապահովեն թիմին:
12.09.2016

Դավիդ Լուիսը ասել է, թե ինչու է ընտրել 30 համարի մարզաշապիկը

«Չելսիի» նորեկ Դավիդ Լուիսը հայտնել է, թե ինչու է ընտրել 30 համարի մարզաշապիկը: «Այսպես են ցանկացել իմ ծնողները: Կարծում եմ դա շատ լավ է: Բացի այդ, իմ նախկին համարը այժմ պատկանում է Ֆաբրեգասին (4), բայց ոչինչ, շուտով ես նրան կսպանեմ»,- կատակել է Լուիսը: Հիշեցնենք, որ Լուիսը 2 տարի անցկացնելով ՊՍԺ-ում, այս ամռանը վերադարձավ Լոնդոնյան գրանդ:
12.09.2016

«Չելսին» պատրաստվում է գերազանցել ՄՅՈՒ-ի տրանսֆերային ռեկորդը

Ինչպես հաղորդում է Daily Express-ը,  «Չելսին» հաջորդ տարի պատրաստվում է ձեռք բերել «Ատլետիկո Մադրիդի» հարձակվող Անտուան Գրիզմանին աստղաբախշական գումարի դիմաց: Բրիտանական լրատվամիջոցը պնդում է, որ «արիստոկրատները» մտադիր են նոր տրանսֆերային ռեկորդ սահմանել: «Չելսին» պատրաստվում է 90 մլն ֆունտ առաջարկել ֆրանսիացու դիմաց, որի հրաժարագինը կազմում է 86 մլն եվրո: Նշենք, որ Գրիզմանով հետաքրքրվում է նաև «Մանչեսթեր Յունայթեդը»: Ներկա պահին հենց «կարմի սատանաներին» է պատկանում տրանսֆերային ռեկորդը: Այս ամռանը անգլիացիները 105 մլն եվրոյի դիմաց գնել էին Պոլ Պոգբային ՝ սահմանելով նոր տրանսֆերային ռեկորդ:
12.09.2016

«Քրիսթալ Փելասի» ֆուտբոլիստը իր մեքենայով վթարի է ենթարկվել և տեղափոխվել է հիվանդանոց (տեսանյութ)

«Քրիսթալ Փելասի» ֆուտբոլիստ Պապա Սուարեն իր մեքենայով վթարի է ենթարկվել: 26-ամյա սենեգալցին իր «Մերսեդես» ավտոմեքենայով բախվել է մեկ այլ մեքենայի: Բախման արդյունքում Սուարեի մեքենայից մնացել միայն ներքևի հատվածը: Սուարեն ուղղաթիռի միջոցով տեղափոխվել է հիվանդանոց: Նրա կյանքին վտանգ չի սպառնում:
12.09.2016

Ալան Շիրեր.«Լինգարդի և Մխիթարյանի հայտնվելը մեկնարկային կազմում սխալ որոշում էր»

«Նյուքասլի» ու Անգլիայի հավաքականի նախկին հարձակվող Ալան Շիրերն իր կարծիքն է արտահայտել մանչեսթերյան դերբիի վերաբերյալ` քննադատելով Մխիթարյանի խաղը: «Թեև «Մանչեսթեր Յունայթեդը» լավ էր սկսել մրցաշրջանը, «Մանչեսթեր Սիթիի» դեմ իրենց խաղում անհանգստանալու շատ առիթներ կային: Լինգարդի և Մխիթարյանի հայտնվելը մեկնարկային կազմում սխալ էր: Ժոզե Մոուրինյոն ասաց, որ կարող էր փոխարինել նրանց արդեն 20 րոպե անց, բայց չէր ցանկացել նրանց անվստահություն հաղորդել: Իհարկե, ներկայիս «ՄՅՈՒ»-ն մեկ քայլ առաջ է այն ժամանակաշրջանի համեմատ, երբ թիմը մարզում էր Լուի վան Գալը, սակայն նրանք դեռ շատ պետք է աշխատեն, որպեսզի բարձրանան «Սիթիի» մակարդակի: Իսկ «Սիթին» դեռ կես ճանապարհին է այն թիմից, որ Գվարդյոլան է ուզում տեսնել: Դա ահազանգ է Մոուրինյոյի ու մյուսների համար»,-ասել է Շիրերը:
12.09.2016

Գաբրիելե Մարկոտի. «Մխիթարյանը վնասվածքով էր խաղադաշտ դուրս եկել»

ESPN-ի իտալացի լրագրող Գաբրիելե Մարկոտին իր թվիթերյան էջում գրել է, որ շաբաթ օրը կայացած Մանչեսթերյան դերբիի ժամանակ տանտերերի կիսապաշտպան Հենրիխ Մխիթարյանը հանդիպմանը պատրաստ չի եղել, քանի որ վերջինս լիովին չէր ապաքինվել ստացած վնասվածքից հետո: «Ասում էի, որ Մխիթարյանը լիովին պատրաստ չէր: Նա վնասվածքր էր ստացել հավաքականի կազմում: Նրան ՄՌՏ է սպասվում: Ահա ինչն էր պատճառը, որ վերջինս անհաջող հանդես եկավ այդ խաղում»,- գրել է Մարկոտին:   Հիշեցնենք, որ «Մանչեսթեր Յունայթեդը» 1-2 հաշվով զիջեց «Մանչեսթեր Սիթիին», իսկ ահա Մխիթարյանը 1-ին խաղակեսից հետո փոխարինվեց:
12.09.2016

Իբրահիմովիչը պաշտպանել է «Յունայթեդի» իր թիմակցին

«Մանչեսթեր Յունայթեդի» հարձակվող Զլատան Իբրահիմովիչը խոսել է թիմակից Պոլ Պոգբայի մասին` փորձելով պաշտպանել նրան քննադատություններից: «Պոլը ֆուտբոլիստների այն սերնդից է, ովքեր դարձան Ֆրանսիայի հավաքականի կարևոր մասը: Ափսոս, նրանք չհաղթեցին ԵՎՐՈ-ն, բայց այդ սերունդը շատ ուժեղ է, իսկ Պոգբայի հետ կդառնա ավելի ուժեղ: Մինչ այս ես ծանոթ չէր Պոլի հետ, բայց հիմա նրան անձամբ գիտեմ: Նա տքնաջան աշխատում է ու ցանկանում է աճել: Նա շատ լավ է վերաբերվում գործին ու դեռ երիտասարդ է: Բոլոր նրանք, ովքեր նախանձում են Պոգբային, իրենց խոսքերը հետ են վերցնելու, քանի որ նա միայն ավելի ուժեղ է դառնալու»,-ասել է Իբրահիմովիչը:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: