Անգլիա | Էջ - 11

17.05.2017

Ժոզե Մոուրինյոն «Սաութհեմփթոնի» դեմ խաղի հայտացուցակում ընդգրկել է 19 ֆուտբոլիստների

«Մանչեսթեր Յունայթեդը» մայիսի 17-ին անցկացնելու է Պրեմիեր լիգայի 28-րդ տուրից հետաձգված արտագնա հանդիպումն ընդդեմ «Սաութհեմփթոնի»: Ժոզե Մոուրինյոն այդ խաղի համար թիմի հայտացուցակում ընդգրկել է 19 ֆուտբոլիստների՝ Դարպասապահներ. Ռոմերո, Պերեյրա, Օ՛Հարա Պաշտպաններ. Դարմիան, Տուանզեբե, Բայի, Ջոնս, Սմոլինգ, Միտչել Կիսապաշտպաններ. Քերիկ, Էրերա, Մաքթոմինեյ, Լինգարդ, Ֆելայնի, Մատա, Մխիթարյան Հարձակվողներ. Ռունի, Մարսիալ, Ռեշֆորդ: Մոուրինյոն Ռոմերոյին խաղալու հնարավորություն տալու համար հայտացուցակից դուրս է թողել Դավիդ դե Խեային, Պոլ Պոգբան բացակայելու է ընտանեկան պատճառներով, իսկ Տիմատի Ֆոսու-Մենսան, Զլատան Իբրահիմովիչը, Մարկուս Ռոխոն, Լյուկ Շոուն և Էշլի Յանգը վնասվածքներ ունեն:
17.05.2017

«Մանչեսթեր Սիթին» հաղթանակի շնորհիվ շրջանցեց «Լիվերպուլին» ու բարձրացավ 3-րդ տեղ (տեսանյութ)

Պրեմիեր լիգա, 34-րդ տուր «Մանչեսթեր Սիթի» 3-1 «Վեստ Բրոմվիչ» Գոլերը՝ 1-0՝ Ժեզուշ  27՛, 2-0՝ Դե Բրույնե 29՛, 3-0՝ Յայա Տուրե 57՛, 3-1՝ Ռոբսոն-Կանու 87՛ «Էթիհադ Սթեդիում», Մանչեսթեր  «Մանչեսթեր Սիթին» 75 միավորով բարձրացավ 3-րդ հորիզոնական և լավագույն քառյակը եզրափակող «Լիվերպուլից» առաջ է անցել 2 միավորով: «Վեստ Բրոմվիչը» 45 միավորով 9-րդ հորիզոնականում է: Սա նաև Պաբլո Սաբալետայի վերջին հանդիպումն էր «Մանչեսթեր Սիթիի» կազմում «Էթիհադ» մարզադաշտում:
17.05.2017

Ալեքսիս Սանչեսի դուբլն «Արսենալին» պահում է ՉԼ ուղեգրի համար մրցավազքում (տեսանյութ)

Պրեմիեր լիգա, 34-րդ տուր «Արսենալ» 2-0 «Սանդերլենդ» Գոլերը՝ 1-0, 2-0՝ Ալեքսիս Սանչես 72՛, 81՛ «Էմիրեյթս» մարզադաշտ, Լոնդոն «Արսենալը» 72 միավորով 5-րդ հորիզոնականում է և լավագույն քառյակը եզրափակող «Լիվերպուլից» հետ է մնում մեկ միավորով: «Սանդերլենդը» 24 միավորով վերջին՝ 20-րդ հորիզոնականում է և դուրս է մնալու Պրեմիեր լիգայից:
16.05.2017

Պրեմիեր լիգայի 2016/17թթ. մրցաշրջանի վատագույն ֆուտբոլիստների խորհրդանշական հավաքականը (լուսանկար)

Goal.com-ը կազմել է Անգլիայի Պրեմիեր լիգայի 2016/17թթ. մրցաշրջանի վատագույն ֆուտբոլիստների խորհրդանշական հավաքականը: Տարվա «հիասթափությունների» թիմում 2-ական ֆուտբոլիստներով են ներկայացված «Մանչեսթեր Յունայթեդը», «Մանչեսթեր Սիթին», «Լեսթերը» և «Սանդերլենդը», իսկ մեկական «պատվիրակներ» ունեն «Տոտենհեմը», «Արսենալը» և «Միդլսբրոն»:
16.05.2017

Մոուրինյո. «Պոգբան չի խաղա, քանի որ մասնակցելու է հոր թաղման արարողությանը»

«Մանչեսթեր Յունայթեդի» կիսապաշտպան Պոլ Պոգբան բաց կթողնի Պրեմիեր լիգայի 28-րդ տուրից հետաձգված հանդիպումը «Սաութհեմփթոնի» դեմ, որը կայանալու է մայիսի 17-ին: Պատճառը ֆրանսիացու հոր թաղման արարողությունն է: Այս մասին հաղորդել է մանկունյական թիմի գլխավոր մարզիչ Ժոզե Մոուրինյոն: Ֆասու Անտուան Պոգբան կյանքից հեռացել է 79 տարեկան հասակում: «Չեմ կարծում, թե Պոգբան հասանելի կլինի այդ խաղի համար: Նրա հոր թաղման արարողությունը կայանալու է Ֆրանսիայում չորեքշաբթի օրը: Չեմ կարծում՝ Պոլն ի վիճակի կլինի խաղալու: Մենք պետք է նրան հնարավորություն տանք վերադառնալու, երբ նա կլինի ամբողջապես պատրաստ»,- ասել է պորտուգալացի մասնագետը: Պոգբան նույն պատճառով բաց էր թողել նաև Պրեմիեր լիգայի 37-րդ տուրում «Տոտենհեմի» հետ կիրակնօրյա հանդիպումը (1-2): http://www.vivaronews.am/daily-mail-de-xean-arden-anckacrel-e-ir-verjin-xagheh-yunaythedi-kazmum
16.05.2017

Daily Mail. Դե Խեան արդեն անցկացրել է իր վերջին խաղը «Յունայթեդի» կազմում

«Մանչեսթեր Յունայթեդի» դարպասապահ Դավիդ դե Խեան արդեն անցկացրել է իր վերջին հանդիպումը մանկունյական թիմի կազմում, հաղորդում է Daily Mail-ը: Ըստ պարբերականի՝ դա Պրեմիեր լիգայի 37-րդ տուրում «Տոտենհեմի» հետ արտագնա մրցավեճն էր (1-2): «Խթանների» հետ խաղից հետո «Կարմիր սատանաների» գլխավոր մարզիչ Ժոզե Մոուրինյոն հայտարարել է, որ մրցաշրջանի վերջին երեք հանդիպումներում նա վստահելու է պահեստային դարպասապահներին՝ Սերխիո Ռոմերոյին և Ժոել Պերեյրային: Արգենտինացին անպայման մեկնարկային կազմում է լինելու Եվրոպայի լիգայի գավաթի խաղարկության եզրափակչի՝ «Այաքսի» հետ մրցավեճում: Ավելի վաղ հաղորդվում էր, որ Դե Խեան համաձայնության է եկել Մադրիդի «Ռեալ» տեղափոխության շուրջ: http://www.vivaronews.am/manchesther-yunaythedeh-mrcashrjani-avartin-patmakan-nvatchman-khasni
16.05.2017

Չեմպիոնները. 9 ակումբներ, որոնք արդեն լավագույնն են ճանաչվել իրենց երկրներում

Եվրոպական մրցաշրջանը մոտենում է իր տրամաբանական ավարտին: Ձեր ուշադրությանն ենք ներկայացնում եվրոպական 9 ակումբների, որոնք արդեն ապահովել են իրենց առաջնությունների հաղթողների կոչումը: «Բազել» - Ապրիլի 28-ին հռչակվեց Շվեյցարիայի չեմպիոն 8-րդ անգամ անընդմեջ: «Բավարիա» - Ապրիլի 29-ին Բունդեսլիգայի ուժեղագույն թիմի կոչումը նվաճեց 5-րդ անգամ անընդմեջ: Սա նմանատիպ առաջինն էր Կառլո Անչելոտիի օրոք, ով դարձավ եվրոպական թոփ-5 առաջնություններից 4-ում չեմպիոն հռչակված առաջին մարզիչը: «Չելսի» - Անտոնիո Կոնտեի տիտղոսն Անգլիայում առաջին իսկ մրցաշրջանում, 6-րդն՝ ակումբի պատմության մեջ: Գերազանցեցին «Սանդերլենդի» ցուցանիշը:
16.05.2017

«Մանչեսթեր Յունայթեդը» մրցաշրջանի ավարտին պատմական նվաճման կհասնի

«Մանչեսթեր Յունայթեդն» Անգլիայի Պրեմիեր լիգայի ընթացիկ առաջնության արդյունքներով կաշխատի մոտ 100-150 մլն ֆունտ ստեռլինգ: Ըստ Spreadex ֆինանսական հետազոտությունների կենտրոնի ուսումնասիրությունների՝ մանկունյական ակումբն այս պահին գլխավորում է Պրեմիեր լիգայի ամբողջ պատմության մեջ ամենաշատ պարգևավճարներ ստացած ակումբների ցուցակը՝ սկսած 1992/93թթ. մրցաշրջանից: «Կարմիր սատանաներն» իրենց բյուջեն հարստացրել են 870,3 մլն ֆունտով: Այդպիսով, «Մանչեսթեր Յունայթեդը» Պրեմիեր լիգայի այս առաջնության ավարտից հետո կդառնա անգլիական առաջին ակումբը, որը վաստակած կլինի մրցանակային մեկ միլիարդ ֆունտ: «Արսենալն» ընդհանուր ցուցակում զբաղեցնում է 2-րդ հորիզոնականը (842,8 մլն ֆունտ), իսկ եռյակը եզրափակում է «Լիվերպուլը» (815,4 մլն): Տասնյակում տեղ են գտել նաև «Չելսին» (815,36 մլն), «Տոտենհեմը» (750,28 մլն), «Մանչեսթեր Սիթին» (723,49 մլն), «Էվերտոնը» (700, 26 մլն), «Նյուքասլը» (649,35 մլն), «Աստոն Վիլան» (649,23 մլն) և «Վեստ Հեմը» (585,2 մլն):
16.05.2017

Իսկ Դուք արդեն քվեարկե՞լ եք Հենրիխ Մխիթարյանի օգտին

Մրցաշրջանի ավարտը մոտ է, և եկել է լավագույններին որոշելու ժամանակը: Հենրիխ Մխիթարյանը ևս ներկայացված է մի քանի անվանակարգերում, որտեղ նրան անհրաժեշտ է հայ երկրպագուների օգնությունը: Հիշեցնում ենք այն երեք առցանց քվեարկությունները, որոնց անհրաժեշտ է մասնակցել և օգնել Մխիթարյանին. 1. «Մանչեսթեր Յունայթեդի» տարվա լավագույն ֆուտբոլիստ - Քվեարկել այստեղ 2. «Մանչեսթեր Յունայթեդի» տարվա լավագույն գոլ - Քվեարկել այստեղ 3. Անգլիայի Պրեմիեր լիգայի տարվա լավագույն գոլ - Քվեարկել այստեղ:
16.05.2017

«Մանչեսթեր Յունայթեդի» ֆուտբոլիստները բավականին մեծ բոնուս կստանան, եթե կարողանան հաղթել Եվրոպա լիգայի եզրափակչում

«Մանչեսթեր Յունայթեդի» ֆուտբոլիստները բավականին մեծ բոնուս կստանան, եթե կարողանան հաղթել Եվրոպա լիգայի եզրափակչում: Ինչպես տեղեկացնում է Daily Star-ը, եթե «կարմիր սատանաները» կարողանան հաղթել «Այաքսին», ապա թիմը կստանա մոտ 38 մլն ֆունտ բոնուս: Հիշեցնենք, որ Եվրոպա լիգայի եզրափակիչ հանդիպումը կկայանա մայիսի 24-ին Շվեդիայի մայրաքաղաք Ստոկհոլմում:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: