Անգլիա | Էջ - 10

16.05.2017

Մոուրինյո. «Պոգբան չի խաղա, քանի որ մասնակցելու է հոր թաղման արարողությանը»

«Մանչեսթեր Յունայթեդի» կիսապաշտպան Պոլ Պոգբան բաց կթողնի Պրեմիեր լիգայի 28-րդ տուրից հետաձգված հանդիպումը «Սաութհեմփթոնի» դեմ, որը կայանալու է մայիսի 17-ին: Պատճառը ֆրանսիացու հոր թաղման արարողությունն է: Այս մասին հաղորդել է մանկունյական թիմի գլխավոր մարզիչ Ժոզե Մոուրինյոն: Ֆասու Անտուան Պոգբան կյանքից հեռացել է 79 տարեկան հասակում: «Չեմ կարծում, թե Պոգբան հասանելի կլինի այդ խաղի համար: Նրա հոր թաղման արարողությունը կայանալու է Ֆրանսիայում չորեքշաբթի օրը: Չեմ կարծում՝ Պոլն ի վիճակի կլինի խաղալու: Մենք պետք է նրան հնարավորություն տանք վերադառնալու, երբ նա կլինի ամբողջապես պատրաստ»,- ասել է պորտուգալացի մասնագետը: Պոգբան նույն պատճառով բաց էր թողել նաև Պրեմիեր լիգայի 37-րդ տուրում «Տոտենհեմի» հետ կիրակնօրյա հանդիպումը (1-2): http://www.vivaronews.am/daily-mail-de-xean-arden-anckacrel-e-ir-verjin-xagheh-yunaythedi-kazmum
16.05.2017

Daily Mail. Դե Խեան արդեն անցկացրել է իր վերջին խաղը «Յունայթեդի» կազմում

«Մանչեսթեր Յունայթեդի» դարպասապահ Դավիդ դե Խեան արդեն անցկացրել է իր վերջին հանդիպումը մանկունյական թիմի կազմում, հաղորդում է Daily Mail-ը: Ըստ պարբերականի՝ դա Պրեմիեր լիգայի 37-րդ տուրում «Տոտենհեմի» հետ արտագնա մրցավեճն էր (1-2): «Խթանների» հետ խաղից հետո «Կարմիր սատանաների» գլխավոր մարզիչ Ժոզե Մոուրինյոն հայտարարել է, որ մրցաշրջանի վերջին երեք հանդիպումներում նա վստահելու է պահեստային դարպասապահներին՝ Սերխիո Ռոմերոյին և Ժոել Պերեյրային: Արգենտինացին անպայման մեկնարկային կազմում է լինելու Եվրոպայի լիգայի գավաթի խաղարկության եզրափակչի՝ «Այաքսի» հետ մրցավեճում: Ավելի վաղ հաղորդվում էր, որ Դե Խեան համաձայնության է եկել Մադրիդի «Ռեալ» տեղափոխության շուրջ: http://www.vivaronews.am/manchesther-yunaythedeh-mrcashrjani-avartin-patmakan-nvatchman-khasni
16.05.2017

Չեմպիոնները. 9 ակումբներ, որոնք արդեն լավագույնն են ճանաչվել իրենց երկրներում

Եվրոպական մրցաշրջանը մոտենում է իր տրամաբանական ավարտին: Ձեր ուշադրությանն ենք ներկայացնում եվրոպական 9 ակումբների, որոնք արդեն ապահովել են իրենց առաջնությունների հաղթողների կոչումը: «Բազել» - Ապրիլի 28-ին հռչակվեց Շվեյցարիայի չեմպիոն 8-րդ անգամ անընդմեջ: «Բավարիա» - Ապրիլի 29-ին Բունդեսլիգայի ուժեղագույն թիմի կոչումը նվաճեց 5-րդ անգամ անընդմեջ: Սա նմանատիպ առաջինն էր Կառլո Անչելոտիի օրոք, ով դարձավ եվրոպական թոփ-5 առաջնություններից 4-ում չեմպիոն հռչակված առաջին մարզիչը: «Չելսի» - Անտոնիո Կոնտեի տիտղոսն Անգլիայում առաջին իսկ մրցաշրջանում, 6-րդն՝ ակումբի պատմության մեջ: Գերազանցեցին «Սանդերլենդի» ցուցանիշը:
16.05.2017

«Մանչեսթեր Յունայթեդը» մրցաշրջանի ավարտին պատմական նվաճման կհասնի

«Մանչեսթեր Յունայթեդն» Անգլիայի Պրեմիեր լիգայի ընթացիկ առաջնության արդյունքներով կաշխատի մոտ 100-150 մլն ֆունտ ստեռլինգ: Ըստ Spreadex ֆինանսական հետազոտությունների կենտրոնի ուսումնասիրությունների՝ մանկունյական ակումբն այս պահին գլխավորում է Պրեմիեր լիգայի ամբողջ պատմության մեջ ամենաշատ պարգևավճարներ ստացած ակումբների ցուցակը՝ սկսած 1992/93թթ. մրցաշրջանից: «Կարմիր սատանաներն» իրենց բյուջեն հարստացրել են 870,3 մլն ֆունտով: Այդպիսով, «Մանչեսթեր Յունայթեդը» Պրեմիեր լիգայի այս առաջնության ավարտից հետո կդառնա անգլիական առաջին ակումբը, որը վաստակած կլինի մրցանակային մեկ միլիարդ ֆունտ: «Արսենալն» ընդհանուր ցուցակում զբաղեցնում է 2-րդ հորիզոնականը (842,8 մլն ֆունտ), իսկ եռյակը եզրափակում է «Լիվերպուլը» (815,4 մլն): Տասնյակում տեղ են գտել նաև «Չելսին» (815,36 մլն), «Տոտենհեմը» (750,28 մլն), «Մանչեսթեր Սիթին» (723,49 մլն), «Էվերտոնը» (700, 26 մլն), «Նյուքասլը» (649,35 մլն), «Աստոն Վիլան» (649,23 մլն) և «Վեստ Հեմը» (585,2 մլն):
16.05.2017

Իսկ Դուք արդեն քվեարկե՞լ եք Հենրիխ Մխիթարյանի օգտին

Մրցաշրջանի ավարտը մոտ է, և եկել է լավագույններին որոշելու ժամանակը: Հենրիխ Մխիթարյանը ևս ներկայացված է մի քանի անվանակարգերում, որտեղ նրան անհրաժեշտ է հայ երկրպագուների օգնությունը: Հիշեցնում ենք այն երեք առցանց քվեարկությունները, որոնց անհրաժեշտ է մասնակցել և օգնել Մխիթարյանին. 1. «Մանչեսթեր Յունայթեդի» տարվա լավագույն ֆուտբոլիստ - Քվեարկել այստեղ 2. «Մանչեսթեր Յունայթեդի» տարվա լավագույն գոլ - Քվեարկել այստեղ 3. Անգլիայի Պրեմիեր լիգայի տարվա լավագույն գոլ - Քվեարկել այստեղ:
16.05.2017

«Մանչեսթեր Յունայթեդի» ֆուտբոլիստները բավականին մեծ բոնուս կստանան, եթե կարողանան հաղթել Եվրոպա լիգայի եզրափակչում

«Մանչեսթեր Յունայթեդի» ֆուտբոլիստները բավականին մեծ բոնուս կստանան, եթե կարողանան հաղթել Եվրոպա լիգայի եզրափակչում: Ինչպես տեղեկացնում է Daily Star-ը, եթե «կարմիր սատանաները» կարողանան հաղթել «Այաքսին», ապա թիմը կստանա մոտ 38 մլն ֆունտ բոնուս: Հիշեցնենք, որ Եվրոպա լիգայի եզրափակիչ հանդիպումը կկայանա մայիսի 24-ին Շվեդիայի մայրաքաղաք Ստոկհոլմում:
16.05.2017

Մեսին և Ռոնալդուն հայտնվել են թոփ 5 առաջնությունների խորհրդանշական հավաքականում

CIES Football Observatory գործակալությունը, որը զբաղվում է ֆուտբոլային վիճակագրության վերլուծությամբ, կազմել է թոփ 5 առաջնությունների 2016/17 մրցաշրջանի խորհրդանշական հավաքականը: Այսպիսի տեսք է ստացել խորհրդանշական հավաքականը՝ Մանուել Նոյեր («Բավարիա»), Ալեքս Սանդրո  («Յուվենտուս»), Մաթս Հումելս («»), Խավի Մարտինես  (երկուսն էլ «Բավարիա»), Բրունո Պերես  («Ռոմա»), Տիագո Ալկանտարա  («Բավարիա»), Պոլ Պոգբա  («Մանչեսթեր Յունայթեդ»),  Նաբի Կեյտա («Լեյպցիգ»), Կրիշտիանո Ռոնալդու  («Ռեալ»), Դրիս Մերտենս  («Նապոլի»), Լիոնել Մեսի  («Բարսելոնա»):    
16.05.2017

EPL Index. «ՄՅՈՒ» ամառային ձեռքբերումների գնահատականները

Անգլիայի Պրեմիեր լիգայի վիճակագրության մեջ մասնագիտացած EPL Index կայքը անդրադարձել է «Մանչեսթեր Յունայթեդի» ամառային ձեռքբերումներին՝ գնահատելով նրանց մրցաշրջանը: Անդրադառնալով Հենրիխ Մխիթարյանին, աղբյուրը տվել է 7/10 գնահատական: «Մեկնարկը թույլ էր հայ ֆուտբոլիստի համար, մինչև որ Մխիթարյանը մշտական խաղաժամանակ ստացավ Մոուրինյոյի կողմից, և նա ցույց տվեց, թե ինչու էր համարվում Եվրոպայի ամենատաղանդավոր ֆուտբոլիստներից մեկը: Թեև Պրեմիեր լիգայում ընդամենը 14 անգամ մեկնարկային կազմում հայտնվելուն՝ նա 4 գոլի հեղինակ է դարձել և ցույց տվել իրեն որպես «Յունայթեդի» ամենամահացու հարձակողական զենքը, երբ իր մարզավիճակի գագաթնակետին էր: Նա ունի տեմպ և կրեատիվություն, բայց Մխիթարյանը պետք է աշխատի իր ֆիզիկական պատրաստվածության վրա՝ հարմարվելու Պրեմիեր լիգային: Նա բազում դեպքերում շատ հեշտ է գնդակը զիջում, նրա մոտ պակասում է այն ուժը և ուշադրությունը, որպեսզի պահի գնդակը դաշտի կարևոր հատվածներում: Նրա առաջին մրցաշրջանը խոստումնալից է, ու նա պետք է հաջորդ տարի դառնա հիմնական կազմի ֆուտբոլիստ»,-գրել է EPL Index-ը հայ կիսապաշտպանի մասին: Նույն աղբյուրը ամենաբարձրը գնահատել է Զլատան Իբրահիմովիչի խաղը՝ 8/10, իսկ Պոլ Պոգբան և Էրիկ Բային ստացել են 6/10 գնահատականը:
16.05.2017

AS. Մայիսի 21-ին «Մանչեսթեր Յունայթեդը» կհայտարարի իր առաջին տրանսֆերի մասին

Մադրիդի «Ռեալի» կիսապաշտպան Խամես Ռոդրիգեսը մոտ է «Մանչեսթեր Յունայթեդ» տեղափոխվելուն: Ինչպես հաղորդում է AS-ը, մայիսի 21-ին կողմերը պաշտոնապես կհաստանեն կոլումբացու տեղափոխությունը անգլիական գրանդ: Ավելի վաղ հայտնի էր դարձել, որ «Ռեալը» Խամեսի տրանսֆերի դիմաց պահանջում է 75 մլն եվրո:  
16.05.2017

Գոլառատ խաղում «Չելսին» հաղթում է «Ուոտֆորդին», Ջոն Տերին դառնում է գոլի հեղինակ (տեսանյութ)

Անգլիա, Պրեմիեր լիգա, տուր 28 «Չելսի» - «Ուոտֆորդ» «Սթեմֆորդ Բրիջ» մարզադաշտ, Լոնդոն Գոլերը՝ 1-0՝ Ջոն Տերի 22՛, 1-1՝ Էտյեն Կապու 24՛, 2-1՝ Սեզար Ասպիլիկուետա 36՛, 3-1՝ Միչի Բաչուայ 49՛,3-2՝ Դերիլ Յանմատ  51՛, 3-3՝ Ստեֆանո Օկակա 74՛, 4-3 ՝ Սեսկ Ֆաբրեգաս 88՛ Հեռացում՝ Սեբաստիան Պրյոդլ 90՛+2  
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: