Գերմանիա

29.04.2017

«Բավարիան» ջախջախեց «Վոլֆսբուրգին» և դարձավ Գերմանիայի չեմպիոն (տեսանյութ)

Գերմանիայի Բունդեսլիգա, 31-րդ տուր «Ֆոլկսվագեն արենա» մարզադաշտ, Վոլֆսբուրգ Ապրիլի 29, 20։30 «Վոլֆսբուրգ» 0-6 «Բավարիա» Գոլերը՝ 0-1՝ Ալաբա 19՛, 0-2՝ Լևանդովսկի 36՛, 0-3՝ Լևանդովսկի 45՛, 0-4՝ Ռոբեն 66՛, 0-5՝ Մյուլեր 80՛, 0-6՝ Կիմիխ 85՛ «Բավարիան» այս խաղից հետո անհասանելի դարձավ մրցակիցների համար և ժամանակից շուտ հռչակվեց Գերմանիայի չեմպիոն։ Մյունխենցիները 27-րդ անգամ և 5-րդ անգամ անընդմեջ լավագույնն են Բունդեսլիգայում։ Միաժամանակ, Կառլո Անչելոտիի սաների համար այսքանով մրցաշրջանն ավարտված է, քանի որ մյուս մրցաշարերում նրանք պայքարից դուրս են մնացել։
29.04.2017

«Լայպցիգը» վայր է դնում զենքերը, «Բորուսիան»՝ վտանգում երրորդ տեղը

Բունդեսլիգայի 31-րդ տուրում առաջատար եռյակի երկու թիմերը՝ «Լայպցիգը» և Դորտմունդի «Բորուսիան» իրենց հանդիպումներն ավարտեցին գոլազուրկ ոչ-ոքիներով։ «Բորուսիա Դորտմունդ» 0-0 «Քյոլն» «Լայպցիգ» 0-0 «Ինգոլշտադտ» Այսպիսով, այսօր 20։30 «Վոլֆսբուրգի» հետ խաղում հաղթելու կամ ոչ-ոքի խաղալու դեպքում «Բավարիան» 5-րդ տարին անընդմեջ կդառնա Գերմանիայի չեմպիոն։
29.04.2017

Ահաբեկչությունից հետո Բարտրան վերսկսել է մարզումները

Դորտմունդի «Բորուսիայի» պաշտպան Մարկ Բարտրան, որը տուժել է Չեմպիոնների լիգայի «Մոնակոյի» դեմ հանդիպման մեկնարկից առաջ ակումբի ավտոբուսի մոտ որոտացած պայթյունների պատճառով, սկսել է աշխատել է գնդակի հետ: Իր թվիթերյան էջում 26-ամյա իսպանացին տեսանյութ է հրապարակել, որում գնդակով վարժություններ է անում՝ վիրակապված ձեռքով. «Որքան էի կարոտել քեզ»,-գրել է Բարտրան: Հիշենցնենք՝ պաշտպանը ձեռքը վիրահատել էին կոտրվածքի պատճառով: Ապրիլի միջնամասում տեղեկացվում էր, որ Բարտրայի ապաքինման համար կպահանջվի 4 շաբաթ: https://twitter.com/MarcBartra/status/858289148674924544
28.04.2017

Կլոպ.« Անգամ «Բարսելոնան» և «Ռեալը» չէին կարողանա հաղթել ԱՊԼ-ում»

«Լիվերպուլի» գլխավոր մարզիչ Յուրգեն Կլոպը խոսել է անգլիական Պրեմիեր լիգայի մասին: Գերմանացին ասել է, որ Պրեմիեր լիգան շատ լարված առաջնություն է: «Անգամ «Ռեալի» և «Բարսելոնայի» նման գրանդ ակումբները չէին կարողանա հաղթել Անգլիայում, նրանք իհարկե կպայքարեին, բայց հաղթելն անհնար կլիներ»- նշել է Կլոպը: «Պրեմիեր լիգայի խաղերն անկանխատեսելի են, երբեք չես կարող հանգիստ տալ հիմնական կազմին և հաղթել 4-0 հաշվով: Դա Բունդեսլիգայում էլ է անհնար, եթե իհարկե չես գլխավորում «Բավարիան»- հավելել է «Լիվերպուլի» գլխավոր մարզիչը: Խոսելով Պրեմիեր լիգայի առաջատար «Չելսիի» մասին Կլոպն ասել է. «Կոնտեի թիմը հիանալի մրցաշրջան է անցկացնում, սակայն շատ խաղեր կան, որտեղ նրանք հաղթել են 1-0 հաշվով, սակայն պետք է պայքարեին ավելիի համար: Ես  աշխատել եմ երկու լիգաներում,սակայն այսպիսի առաջնություն դեռ չեմ տեսել: Հարցրե՛ք Գվարդիոլային, նա նույն կարծիքին կլինի»:
28.04.2017

Աշխարհի թոփ 50 մարզիչները՝ ըստ ֆրանսիական L’Équipe-ի (ֆոտո)

Հեղինակավոր ֆրանսիական L’Équipe հրատարակությունը հրապարակել է աշխարհի թոփ 50 մարզչի ցուցակը: 33 մարզական լրագրողներ մասնակցել են քվեարկությանը և արդյունքում ընտրել լավագույն 50 մարզչին: Ցուցակը գլխավորել է «Մանչեսթեր Սիթիի» գլխավոր մարզիչ Խոսեպ Գվարդիոլան: 1) Խոսեպ Գվարդիոլան - «Մանչեսթեր Սիթի»
27.04.2017

Իտալացիների գերիշխանությամբ. Աշխարհի լավագույն 10 մարզիչներն այս պահին

Իտալական Corriere dello Sport պարբերականը եվրոպական առաջատար պարբերականների 20 լրագրողների շրջանում հարցում է անցկացրել՝ պարզելու, թե ով է աշխարհի լավագույն մարզիչն այս պահին: Առաջին եռյակում են հայտնվել բացառապես իտալացի մասնագետներ՝ Մասիմիլիանո Ալեգրին, Անտոնիո Կոնտեն և Կառլո Անչելոտին: Լրագրողներին առաջարկվել է կազմել լավագույն մարզիչների իրենց տասնյակը: 10-րդ տեղում հայտնված մասնագետը ստացել է 1, իսկ 1-ին հորիզոնականում նշվածը՝ 10 միավոր: Հարցմանը մասնակցել են Corriere dello Sport-ի, The Times-ի, L’Equipe-ի, Mediaset-ի, Sky-ի, Tuttosport-ի, Rai Sport-ի, Guerin Sportivo-ի, La Repubblica-ի, Corriere della Sera-ի, Bild-ի և beIN SPORTS-ի թղթակիցները: Լավագույն տասնյակն ընդունել է հետևյալ տեսքը. 1. Մասիմիլիանո Ալեգրի («Յուվենտուս») – 167 միավոր 2. Անտոնիո Կոնտե («Չելսի») – 156 3. Կառլո Անչելոտի («Բավարիա») – 137 4. Դիեգո Սիմեոնե («Ատլետիկո Մադրիդ») – 130 5. Ժոզե Մոուրինյո («Մանչեսթեր Յունայթեդ») – 114 6. Պեպ Գվարդիոլա («Մանչեսթեր Սիթի») – 108 7. Լեոնարդո Ժարդիմ («Մոնակո») – 97 8. Զինեդին Զիդան («Ռեալ Մադրիդ») – 87 9. Լուիս Էնրիկե («Բարսելոնա») – 59 10. Ունայ Էմերի («ՊՍԺ») – 45
27.04.2017

ՊԱՇՏՈՆԱԿԱՆ. «Բավարիան» գնեց Կոմանի տեղափոխությունը

Մյունխենի «Բավարիայի» հարձակվող Կինգլսի Կոմանը, որի տրանսֆերային իրավունքները պատկանում են «Յուվենտուսին», ընթացիկ մրցաշրջանի ավարտին կդառնա գերմանական թիմի լիիրավ ֆուտբոլիստ: Մյունխենյան ակումբի մամուլի քարտուղարության փոխանցմամբ, «կարմիրները» կօգտվեն թուրինյան ակումբից ֆրանսիացի ֆուտբոլիստի ծառայությունները ձեռք բերելու հնարավորությունից: Կոմանի գործող պայմանագիրը «Բավարիայի» հետ սպառվում է 2020 թվականին: «Նա ֆուտբոլիստ է մեծ ներուժով: Մենք համոզված ենք, որ նա մեզ շատ կօգնի առաջիկա տարիների ընթացքում»,-ասել է գերմանական ակումբի գործադիր տնօրեն Կառլ-Հայնց Ռումենիգեն:
27.04.2017

«Բավարիայի» ծաղրական թվիթը առաջին կեսից հետո, որի համար թիմը դաժանորեն պատժվեց

«Բավարիայի» թվիթերյան էջը միշտ առանձնացել է իր հումորային, երբեմն նույնիսկ ծաղրական գրառումներով: Սակայն, երբեմն այդ ամենը դաժանորեն պատժվում է: Հենց դա տեղի ունեցավ երեկ: Գերմանիայի գավաթի կիսաեզրափակիչ խաղում «Բավարիան» առաջին կեսից հետո հաղթում էր «Բորուսիային», և մյունխենյան ակումբը շտապեց ընդմիջմանը այսպիսի գրառում կատարել թվիթերում. That first half in GIF form... #MiaSanMia #DFBPokal #FCBBVB 2-1 pic.twitter.com/hnNVblNLkK— FC Bayern English (@FCBayernEN) April 26, 2017 Սակայն, երկրորդ կեսում «Բորուսիան» բեկեց խաղի ընթացքը և հաղթանակ տարավ, իսկ այս թվիթը դարձավ ծաղրանքի առարկա համացանցում:
27.04.2017

«Բորուսիան» գոլառատ խաղում հաղթում է «Բավարիային»(տեսանյութ)

 Գերմանիայի գավաթ. Կիսաեզրափակիչ «Բավարիա» - «Բորուսիա Դորտմունդ» «Ալիանց Արենա», Մյունխեն Գոլերը՝ 0-1 ՝Ռոյս 19՛, 1-1՝ Մարտինես 28՛, 2-1՝ Հյումելս 41՛,2-2՝ Օբամեյանգ 69՛,2-3 ՝ Դեմբելե 74՛
26.04.2017

«Բավարիա» – «Բորուսիա Դորտմունդ». Հայտնի են մեկնարկային կազմերը

 Գերմանիայի գավաթ. Կիսաեզրափակիչ «Բավարիա» – «Բորուսիա Դորտմունդ» «Ալիանց Արենա», Մյունխեն Հանդիպման մեկնարկը ՝ 22:45 Ձեզ ենք ներկայացնում թիմերի մեկնարկային կազմերը. «Բավարիա» ՝ Ուլրայխ-Լամ, Մարտինես, Հյումելա, Ալաբա, Ալոնսո,Ռոբեն,Տիագո,Վիդալ,Ռիբերի,Լևանդովսկի «Բորուսիա Դորտմունդ»՝ Բյուրկի- Պիշչեկ, Սոկրատիս,Բենդեր,Շմելցեր-Կաստրո,Վայգլ-Դեմբելե, Գերեյրո,Ռոյս-Օբամեյանգ
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: