Մերոնք դրսում

24.03.2017

Լավագույնների պարգևատրումը և «Ալաշկերտի» մարզչական «քաոսը». Հայկական ֆուտբոլի գլխավոր լուրերի քրոնիկոնը

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ: Ձեր ուշադրությանն ենք մարտի 24-ի իրադարձությունների քրոնիկոնը: Հենրիխ Մխիթարյանը ստացել է 2016 թվականի Հայաստանի լավագույն ֆուտբոլիստի, իսկ Վարդան Բիչախչյանը՝ լավագույն մարզչի մրցանակը: Պարգևատրվել են նաև լավագույն ֆուտբոլիստի պայքարում 2-3-րդ տեղերը զբաղեցրած համապատասխանաբար Գևորգ Ղազարյանը և Մարկոս Պիզելին: Հենրիխ Մխիթարյան. «Խաղում եմ ազգիս համար, ոչ թե լավագույն ֆուտբոլիստի կոչման»: http://www.vivaronews.am/video/henrix-mxitharyan-xaghum-em-azgis-hamar-och-the-lavaguyn-futbolisti-kochman Գևորգ Ղազարյան. «Կարևորն այն է, որ Արթուր Պետրոսյանի գալուց հետո թիմում տրամադրությունը բարձրացել է»: http://www.vivaronews.am/video/gevorg-ghazaryan-karevorn-ayn-e-or-arthur-petrosyani-galuc-heto-thimum-tramadruthyuneh-bardzracel-e «Ալաշկերտը» պաշտոնապես հայտարարել է գլխավոր մարզիչ Արամ Ոսկանյանի պաշտոնանկության մասին: Նրա հետ թիմից հեռացել են նաև օգնականներ Տիգրան Ասլանյանը և Մանուկ Սարգսյանը: Թիմը կգլխավորի Աբրահամ Խաշմանյանը, ում օրոք «Ալաշկերտը» դարձել էր 2015/16թթ. մրցաշրջանի Հայաստանի չեմպիոն: Վարդան Բիչախչյան. «Մեկ-երկու հաջողությունը Վահան Բիչախչյանին չպետք է շեղի ճիշտ ճանապարհից»: http://www.vivaronews.am/vardan-bichaxchyan-mek-erku-hajoghuthyuneh-vahanin-chpetkh-e-sheghi-tchisht-tchanaparhic-tesanyuth   Ամերիկյան ESPN-ի փորձագետները կանխատեսում են արել Հայաստան - Ղազախստան հանդիպման վերաբերյալ. «Հայաստանի հավաքականը պարտվել է ընտրական փուլի առաջին 3 խաղերում, բայց այնուհետև հաղթել խմբի առաջատարին: Այս անգամ նրանց կհյուրընկալվի Ղազախստանի ընտրանին: Հաղթանակի դեպքում հայերը կարող են պայքարել փլեյ-օֆֆի ուղեգրի համար: Նրանց կարելի է ֆավորիտ համարել առաջիկա խաղում»: Էստոնական «Տալինն» ընկերական խաղում 0-3 հաշվով զիջել է Հելսինկիի «ՀԻԿ»-ին: Սերգեյ Թումասյանը մասնակցել է ամբողջ հանդիպմանը, իսկ Ալեքսանդր Թումասյանը չի հայտնվել թիմի հայտացուցակում: Բաստիան Շվայնշտայգերը պաշտոնապես տեղափոխվել է ամերիկյան «Չիկագո Ֆայր»՝ դառնալով Դավիթ Արշակյանի թիմակիցը: Ղազախստանի Մ-21 հավաքականն ընկերական խաղում 2-3 հաշվով պարտություն է կրել «Կայզերսլաուտեռնի» Մ-21 թիմից: Գևորգ Նաջարյանը մասնակցել է երկրորդ խաղակեսին:
23.03.2017

Մ-17 հավաքականի ջախջախիչ պարտությունը և Բիչախչյանի որակազրկումը. Հայկական ֆուտբոլի գլխավոր լուրերի քրոնիկոնը

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ: Ձեր ուշադրությանն ենք մարտի 23-ի իրադարձությունների քրոնիկոնը: Հայաստանի Մ-17 հավաքականն առաջին հանդիպումն է անցկացրել Թուրքիայի Մանավգաթ քաղաքում ընթացող Եվրոպայի մինչև 17 տարեկանների 2016/2017 թթ. առաջնության էլիտ-ռաունդի առաջին խմբի մրցաշարի առաջին տուրում: Արտակ Օսեյանի սաները 1-10 հաշվով ջախջախվել են Գերմանիայի հավաքականի կողմից: Մեր թիմից աչքի է ընկել Արմեն Հովհաննիսյանը, իսկ «Քյոլնի» Մ-17-ում հանդես եկող Գերման Կուրբաշյանն իր հաշվին երկու ինքնագոլ է գրանցել: Հենրիխ Մխիթարյանը բարեգործական այց է կատարել պրոֆեսոր Ռ.Օ. Յոլյանի անվան Արյունաբանական կենտրոն: Նա անցել է կլինիկական բաժանմունքի բոլոր այն երեխաների հիվանդասենյակներով, որոնք գտնվում էին անկողնային վիճակում, զրուցել և լուսանկարվել նրանց հետ, ֆուտբոլային գնդակներ, մարզաշապիկներ և իր ստորագրությամբ նկարներ նվիրել նրանց: Ըստ Milliyet-ի՝ Արաս Օզբիլիսը դժգոհ է «Բեշիքտաշում» ստացած խաղային պրակտիկայից և դիմել է ակումբի ղեկավարությանը՝ պահանջելով կա՛մ վաճառել իր տրանսֆերը, կա՛մ վարձավճարով զիջել այլ ակումբի: Օզբիլիսի գործող պայմանագրի ժամկետը լրանում է 2020 թականի ամռանը: Կայացել է ՀՖՖ Կարգապահական կոմիտեի հերթական նիստը: Վահան Բիչախչյանը, ով «Շիրակ» - «Գանձասար-Կապան» խաղում (1-2) խաղում հեռացվել էր խաղադաշտից, որակազրկվել է մեկ խաղով, իսկ Գյումրին ներկայացնող ակումբը՝ տուգանվել 25 հազար դրամով: Մարկոս Պիզելի. «Չեռնոգորիայի հետ հանդիպումից հետո սա առաջին խաղն է: Մենք շատ մոտիվացված ենք և ցանկանում ենք կրկին ցուցադրել մեր լավագույն խաղը: Մենք խաղում ենք տանը, և Արթուր Պետրոսյանը նույնպես ուզում է վերադարձնել մեր հավաքականի լավագույն խաղը: Ինձ թվում է, որ փոքր մանրուքները կարող են որոշիչ դառնալ ղազախների հետ դիմակայությունում»:
23.03.2017

Milliyet. Արաս Օզբիլիսը խնդրել է «Բեշիքթաշի» ղեկավարությանը վաճառել իր տրանսֆերը

Հայաստանի ազգային հավաքականի և «Բեշիքթաշի» կիսապաշտպան Արաս Օզբիլիսը մտադիր է փոխել ակումբային գրանցումը,- այս մասին գրում է Miliyet-ը: Հայ ֆուտբոլիստը «Բեշիքթաշ» էր տեղափոխվել անցյալ տարի, սակայն թուրքական ակումբի կազմում խաղային պրակտիկա չի ստանում:  Արասը խնդրել է «Բեշիքթաշի» ղեկավարությանը վաճառել իր տրանսֆերը: Ավելացնենք, որ հայ ֆուտբոլիստը դուրս էր մնացել «Բեշիքթաշի» Եվրոպա լիգայի հայտացուցակից:  
22.03.2017

Մխիթարյան-Մովսիսյան ամառային հանդիպումը և ղազախների պարտությունը. Հայկական ֆուտբոլի գլխավոր լուրերի քրոնիկոնը

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ: Ձեր ուշադրությանն ենք մարտի 22-ի իրադարձությունների քրոնիկոնը: «Մանչեսթեր Յունայթեդը» պաշտոնապես հաստատել է, որ ամռանն ԱՄՆ-ում անցկացնելու է ուսումնամարզական հավաք: Անգլիական ակումբն ընկերական խաղում հուլիսի 17-ին կմրցի «Ռեալ Սոլթ Լեյքի» հետ, որտեղ հանդես է գալիս Յուրա Մովսիսյանը: «ՄՅՈՒ»-ն կխաղա նաև «ԼԱ Գելեքսիի», «Մանչեսթեր Սիթիի», Մադրիդի «Ռեալի» և «Բարսելոնայի» հետ: Հայաստանի ազգային հավաքականի առաջիկա մրցակիցը՝ Ղազախստանի ընտրանին, ընկերական հանդիպում է անցկացրել Կիպրոսի հավաքականի հետ և պարտություն կրել 1-3 հաշվով: Հաշիվը բացել էին հենց ղազախները՝ շնորհիվ Տանատ Նուսերբաևի գոլի: Յուրա Մովսիսյանը՝ «Ռեալ Սոլթ Լեյքի» պաշտոնանկ եղած գլխավոր մարզիչ Ջեֆրե Կասարի մասին. «Շնորհակալ եմ նրան՝ իմ ընկերոջը. նա շատ բան է արել ինձ և ընտանիքիս համար: Բոլորը գիտեն՝ նրա անձի գործոնը գլխավոր պատճառներից մեկն էր, որ վերադարձա ԱՄՆ: Ցավալի է ընդունել, որ նրան ամեն առավոտ այլևս չեմ տեսնելու մարզադաշտում»: ՀՖՖ պաշտոնական կայքի հաղորդմամբ՝ Բարձրագույն խմբի առաջնության 21-րդ տուրի՝ «Ալաշկերտ» - «Գանձասար-Կապան» հանդիպումն ապրիլի 2-ին փոխարեն կկայանա մարտի 30-ին, «Նաիրի» մարզադաշտում և կմեկնարկի 15:00-ին: Էդգար Մանուչարյան. «Միշտ շատ մեծ ուրախությամբ եմ գալիս հավաքական: Կարոտել եմ խաղընկերներիս և այն մթնոլորտը, որ տիրում է հավաքականի խաղերի ժամանակ: Եթե մենք ցանկանում ենք դուրս գալ Աշխարհի առաջնության եզրափակիչ փուլ, ապա պարտավոր ենք հաղթել ղազախներին և կրկին ուրախացնել մեր երկրպագուներին»: Հայաստանի լավագույն ֆուտբոլիստի (Հենրիխ Մխիթարյան) և մարզչի (Վարդան Բիչախչյան) մրցանակների հանձնման արարողությունը կկայանա մարտի 24-ին, ժամը 11:00-ին, ՀՖՖ Տեխնիկական կենտրոն/Ֆուտբոլի ակադեմիայում:
22.03.2017

Հայ ֆուտբոլիստների՝ համացանցում հայտնված ամենահետաքրքիր լուսանկարները. Մաս 8-րդ (լուսանկարներ)

Գաղտնիք չէ, որ ֆուտբոլիստների համար ժամանցի ամենանախընտրելի և սիրելի վայրն այսօր հանդիսանում է համացանցը: Սոցիալական տարբեր կայքերում նրանք իրենց անձնական կյանքին առնչվող հրապարակումներով հաճախ կիսվում են երկրպագուների հետ: Այդ ամենից անմասն չեն նաև հայկական ֆուտբոլի ներկայացուցիչները: Մարտի 17-22-ին նրանց՝ Facebook և Instagram սոցիալական կայքերում հրապարակած ամենահետաքրքիր լուսանկարները և տեսանյութերը ներկայացնում ենք ձեր ուշադրությանը: Գևորգ Ղազարյան  Էդգար Մանուչարյան Գևորգ Կասպարով («Ալաշկերտ») Մարկոս Պիզելի 
21.03.2017

Ազգային հավաքականի կազմն ամբողջանում է, իսկ Մ-17 ընտրանին Թուրքիայում է. Հայկական ֆուտբոլի գլխավոր լուրերի քրոնիկոնը

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ: Ձեր ուշադրությանն ենք մարտի 21-ի իրադարձությունների քրոնիկոնը: Հայաստանի հավաքականի ավագ Հենրիխ Մխիթարյանն արդեն միացել է ընտրանուն և նախապատրաստվում է Ղազախստանի ընտրանու դեմ ընտրական խաղին: Կիսապաշտպանը մասնակցել է թիմի այսօրվա մարզմանը, թեև ավելի վաղ կային ասեկոսեներ, թե նա վնասվածք ունի: ՀՖՖ պաշտոնական կայքի հաղորդմամբ՝ հավաքականի այսօրվա մարզմանը մասնակցել են 22 ֆուտբոլիստներ։ Արտյոմ Սիմոնյանը դեռ չի ժամանել հավաքականի ճամբար, իսկ Արթուր Քարտաշյանը բաց է թողել մարզումը վնասվածքի պատճառով։   Հայաստանի Բարձրագույն խմբի առաջնության 4-րդ շրջանի հանդիպումների արդյունքում «Արդար խաղի» դասակարգման աղյուսակը գլխավորում է «Փյունիկը», որի հաշվին գրանցված է 8.09 միավոր: Լավագույն եռյակում նրան հաջորդում են «Բանանցը» և «Ալաշկերտը», իսկ վերջին եռյակը կազմում են համապատասխանաբար «Շիրակը», «Արարատն» ու «Գանձասար-Կապանը»: Հայաստանի Մ-17 հավաքականն Արտակ Օսեյանի գլխավորությամբ մեկնել է Անթալիա, որտեղ մարտի 23-28-ին կկայանան Եվրոպայի մինչև 17 տարեկանների 2016/2017 թթ. առաջնության էլիտ-ռաունդի մրցաշարի առաջին խմբի հանդիպումները: Մարտի 23-ին Հայաստանի Մ-17 հավաքականը կմրցի Գերմանիայի, 25-ին՝ Թուրքիայի և 28-ին՝ Ֆինլանդիայի Մ-17 հավաքականների հետ: «Բանանցի» 2006 թվականին ծնվածների երկու թիմերը կմասնակցեն մարտի 26-ից ապրիլի 1-ը Սոչիում կայանալիք Hopes Cup միջազգային մրցաշարին: «Բանանց-Ա»-ի մրցակիցները խմբում կլինեն Նալչիկի «Սպարտակը», «Ռոստովը» և Կրասնոդարի ГДЮСШ-ը, իսկ «Բանանց-Բ»-ն ուժերը կչափի Վլադիկավկազի «Բարսի», Մոսկվայի «Դինամոյի» և Ռոստովի «Զվեզդայի» հետ:
20.03.2017

«Արարատի» պատանիներն ընդդեմ եվրոպական գրանդերի և Հենրիխ-Յուրա հնարավոր հանդիպումը. Հայկական ֆուտբոլի գլխավոր լուրերի քրոնիկոնը

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ: Ձեր ուշադրությանն ենք մարտի 20-ի իրադարձությունների քրոնիկոնը: «Մանչեսթեր Յունայթեդը» պաշտոնապես հաստատել է, որ 2017 թվականի ամռանը մրցաշրջագայության է մեկնելու ԱՄՆ: Մանկունյանցիները հանգրվանելու են նաև Սոլթ Լեյք Սիթի քաղաքում, և չի բացառվում, որ Հենրիխ Մխիթարյանի թիմն ընկերական խաղ անցկացնի «Ռեալ Սոլթ Լեյքի» հետ, որտեղ հանդես է գալիս Յուրա Մովսիսյանը: Հայաստանի ազգային հավաքականն Ավանի ֆուտբոլի ակադեմիայում սկսել է նախապատրաստվել Ղազախստանի ընտրանու դեմ ընտրական առաջիկա խաղին: Մարզմանը մասնակցել են 16 ֆուտբոլիստներ: Առաջիկա երկու օրերի ընթացքում թիմին կմիանան նաև Կամո Հովհաննիսյանը, Ռուսլան Կորյանը, Արթուր Սարկիսովը, Տարոն Ոսկանյանը, Հենրիխ Մխիթարյանը, Գևորգ Ղազարյանը և Արտյոմ Սիմոնյանը: «Արարատի» պատանեկան՝ «Արարատ-2003» և «Արարատ-2005» թիմերը հունիսին ուսումնամարզական հավաք կանցկացնեն Չեռնոգորիայում: Նրանք կմասնակցեն միջազգային մրցաշարի, որտեղ հանդես կգան նաև «Բավարիայի», «Արսենալի» և եվրոպական այլ գրանդ ակումբների պատանեկան թիմեր: Հայաստանի Առաջին խմբի առաջնության 18-րդ տուրում «Բանանց-2»-ը սեփական հարկի տակ 3 անպատասխան գնդակ է ուղարկել «Գանձասար-Կապան-2»-ի դարպասը: Հաջողության են հասել Էդգար Մովսիսյանը, Հայկ Ոսկանյանը և Էդուարդ Ավագյանը: Daily Mail. Հենրիխ Մխիթարյանը Պրեմիեր լիգայի 29-րդ տուրի՝ «Միդլսբրոյի» հետ հանդիպմանը (3-1) չի մասնակցել վնասվածքի պատճառով: Հայ կիսապաշտպանն այդպես էլ մնացել էր պահեստայինների նստարանին: Վնասվածք ունի նաև ֆրանսիացի Պոլ Պոգբան: Թուրքիայի առաջնության 25-րդ տուրում «Բեշիքտաշը» հյուրընկալվելիս գոլազուրկ ոչ-ոքի է գրանցել «Անթալյասպորի» հետ մրցավեճում: Արաս Օզբիլիսը դուրս է մնացել թիմի հայտացուցակից: «Բեշիքտաշը» 55 միավորով ընթանում է առաջին հորիզոնականում:
20.03.2017

«Փյունիկի» վստահ հաղթանակը և Մխիթարյանի բացակայությունը. Հայկական ֆուտբոլի գլխավոր լուրերի քրոնիկոնը (տեսանյութ)

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ: Ձեր ուշադրությանն ենք մարտի 19-ի իրադարձությունների քրոնիկոնը: Ավարտվել է Հայաստանի Բարձրագույն խմբի առաջնության 20-րդ տուրը: Վերջին խաղում «Բանանցը» հյուրընկալել է «Փյունիկին» և պարտվել 0-3 հաշվով: Հաջողության են հասել Կարեն Հայրապետյանը, Վարդան Պողոսյանը (11մ) և փոխարինման դուրս եկած Արմեն Նահապետյանը: Անգլիայի Պրեմիեր լիգայի 29-րդ տուրում «Մանչեսթեր Յունայթեդը» մրցակցի հարկի տակ 3-1 հաշվով առավելության է հասել «Միդլսբրոյի» նկատմամբ: Հենրիխ Մխիթարյանը մնացել է պահեստայինների նստարանին: Մանկունյական թիմն ընթանում է 5-րդ հորիզոնականում: Պորտուգալիայի առաջնության 26-րդ տուրում «Մարիտիմուն» սեփական հարկի տակ 3-1 հաշվով հաղթել է «Արոկային»: Գևորգ Ղազարյանը խաղադաշտ է դուրս եկել 86-րդ րոպեին: «Մարիտիմուն» 6-րդ հորիզոնականում է: Հունաստանի Սուպերլիգայի 25-րդ տուրում «Քսանտին» հյուրընկալել է «Լևադիակոսին» և փոխանակել 2-ական գնդակ: Մարկոս Պիզելին փոխարինման է դուրս եկել 60-րդ րոպեին: «Քսանտին» 6-րդ տեղում է: Բելառուսի գավաթի խաղարկության քառորդ եզրափակչի պատասխան խաղում «Տորպեդո-Բելազը» հյուրընկալվելիս 0-2 հաշվով պարտվել է «Սլուցկին» և, երկու խաղերի արդյունքում զիջելով 1-2 հաշվով, դուրս մնացել հետագա պայքարից: Կամո Հովհաննիսյանը խաղադաշտ է դուրս եկել 59-րդ րոպեին, իսկ Անդրեյ Խաչատուրյանը մասնակցել է ամբողջ խաղին: Ուկրաինայի Պրեմիեր լիգայի 22-րդ տուրի «Զարյան» հյուրընկալվելիս նվազագույն հաշվով հաղթել է «Վոլինին»: Գեղամ Կադիմյանը խաղադաշտ է մտել 76-րդ րոպեին: «Զարյան» եզրափակում է լավագույն եռյակը: Ռուսաստանի ֆուտբոլային լիգայի (2-րդ դիվիզիոն) 27-րդ տուրում «ԲՄԱ-Խաբարովսկը» հյուրընկալվելիս 0-1 հաշվով պարտություն է կրել «Շիննիկից»: Ռուսլան Կորյանն անցկացրել է ամբողջական հանդիպում: «ԲՄԱ-Խաբարովսկը» գտնվում է 3-րդ տեղում:
19.03.2017

Յուրա Մովսիսյանը գրավել է «Լոս-Անջելես Գելեքսիի» դարպասը (տեսանյութ)

Ամերիկյան ՄԼՍ-ի առաջնության 3-րդ տուրում «Ռեալ Սոլթ Լեյքը» սեփական հարկի տակ 1-2 հաշվով պարտվել է «Լոս-Անջելես Գելեքսիին»: Դաշտի տերերի կազմում հաշիվը բացել է Հայաստանի հավաքականի նախկին հարձակվող Յուրա Մովսիսյանը, ով եղել է իր թիմի մեկնարկային կազմում և փոխարինվել 66-րդ րոպեին: Հավելենք, որ «Ռեալ Սոլթ Լեյքը» մեկնարկային 3 տուրերից հետո ընթանում է 10-րդ հորիզոնականում: http://www.vivaronews.am/articles/hayeri-ardyunavet-orn-arterkrum-ev-kapanynan-thimi-haghthanakeh-gyumrium-haykakan-futboli-glxavor-lureri-khronikoneh
18.03.2017

Հայերի արդյունավետ օրն արտերկրում և կապանյան թիմի հաղթանակը Գյումրիում. Հայկական ֆուտբոլի գլխավոր լուրերի քրոնիկոնը (տեսանյութ)

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ: Ձեր ուշադրությանն ենք մարտի 18-ի իրադարձությունների քրոնիկոնը: Հայաստանի Բարձրագույն խմբի առաջնության 20-րդ տուրում Գյումրիի «Շիրակը» սեփական հարկի տակ 1-2 հաշվով պարտվել է «Գանձասար-Կապանին»: Հյուրերից աչքի են ընկել Վարդան Բակալյանը և Հայկ Իշխանյանը, իսկ գյումրեցիներից միակ պատասխան գոլը հեղինակել է թիմի նորեկ Մուսա Պոլ Բակայոկոն: Մակեդոնիայի առաջնության 23-րդ տուրում «Վարդարը» հյուրընկալվելիս 5 անպատասխան գնդակ է ուղարկել «Մակեդոնիա ՖԱ»-ի դարպասը: 24-րդ րոպեին հաշիվը կրկնապատկել է Հովհաննես Համբարձումյանը (մասնակցել է ամբողջ խաղին), 53-րդ րոպեին եռապատկել՝ Տիգրան Բարսեղյանը (փոխարինվել է 63-րդ րոպեին): «Մակեդոնիա ՖԱ»-ից Տիգրան Կանդիկյանը մնացել է պահեստայինների նստարանին: «Վարդարը» 1-ին հորիզոնականում է: Հունաստանի Սուպերլիգայի 25-րդ տուրում «Վերիյան» սեփական հարկի տակ 4-0 հաշվով պարտության է մատնել «Կերկիրային»: Գաել Անդոնյանը որակազրկված էր, քանի որ նախորդ խաղին կարմիր քարտ էր ստացել: Ուկրաինայի Պրեմիեր լիգայի 22-րդ տուրում «Ստալը» հյուրընկալել է «Ալեքսանդրիային» և հաղթել 4-1 հաշվով: Էդգար Մալաքյանը եղել է մեկնարկային կազմում և 48-րդ րոպեին դարձել գոլային փոխանցման հեղինակ: Նա փոխարինվել է 69-րդ րոպեին: Գոռ Մալաքյանը մնացել է պահեստայինների նստարանին: «Ստալը» 7-րդ հորիզոնականում է: Էստոնիայի Բարձրագույն խմբի առաջնության 3-րդ տուրում «Ինֆոնետ Տալինը» 5-0 հաշվով ջախջախել է «Վիլյանդիյին»: Սերգեյ Թումասյանը 54-րդ րոպեին հեղինակել է իր թիմի 4-րդ գոլը՝ իրացնելով 11-մետրանոցը: Նա մասնակցել է ամբողջ խաղին, իսկ Ալեքսանդր Թումասյանը չի հայտնվել հայտացուցակում: «Ինֆոնետ Տալինը» 2-րդ տեղում է: Ռուսաստանի առաջնության 20-րդ տուրում «Ուրալը» սեփական հարկի տակ նվազագույն հաշվով առավելության է հասել «Ռուբինի» նկատմամբ: Էդգար Մանուչարյանը եղել է մեկնարկային կազմում և փոխարինվել 68-րդ րոպեին: «Ուրալը» 12-րդ տեղում է:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: