Դիեգո Սիմեոնե. «Ֆուտբոլում հաղթում է նա, ով արժանի է հաղթանակի»

Մադրիդի «Ատլետիկոյի» գլխավոր մարզիչ Դիեգո Սիմեոնեն Չեմպիոնների լիգայի եզրափակիչում Մադրիդի «Ռեալին» 11-մետրանոցներով պարտվելուց հետո անդրադարձել է խաղին:

«Ուզում եմ շնորհավորել «Ռեալին»: Նրանք այս անգամ էլ ուժեղ գտնվեցին, թեև 11-մետրանոցներով: Հանդիպման մեկնարկում լավ չխաղացինք, բայց երկրորդ կեսում ակնհայտ էր, որ հաշիվը հավասարեցնելու հնարավորություններ ունեինք:

Ամենացավալին այն է, որ չկարողացանք արժանի կերպով մատուցել նրանց, ովքեր գումար էին վճարել ու եկել խաղը դիտելու: Սա է, որ իսկապես ցավ է պատճառում ինձ:

Ակնհայտ է նաև, որ ոչ ոք չի մոռանա, թե ով էր երկրորդը: Երկու եզրափակիչում էլ պարտվելը ձախողում է: Լավագույն թիմը նա է, որը հաղթում է: Ֆուտբոլում արդարություն կամ նման բաներ գոյություն չունեն: Հաղթում է այն թիմը, որն արժանի է: Ոչ մի արդարացում չի կարող լինել:

«Ռեալը» լավագույն թիմն է, քանի որ նրանք հաղթեցին, իսկ մենք չկարողացանք վճռել խաղի ելքը 11-մետրանոցներով: Ինձ համար եկել է մտածելու ժամանակը»,- Football Espana-ն փոխանցում է Սիմեոնեի խոսքը:

ԼՐԱՀՈՍ
* ]
ԹԵԺ ԵՎ ԲԱՑԱՌԻԿ