Բռնցքամարտ

14.02.2017

Արթուր Աբրահամը վնասվածքից հետո վերադարձել է մարզումներին

WBO գերմիջին կարգի աշխարհի նախկին չեմպիոն Արթուր Աբրահամը վերականգնվել  է նոյեմբերին մարզման ժամանակ ստացած արմունկի վնասվածքից և վերսկսել է մարզումները Բեռլինում: Այս մասին ՀԱՕԿ լրատվականին տեղեկացրեց բռնցքամարտիկի մամուլի քարտուղար Սիրան Գրիգորյանը: Հիշեցնենք, որ նոյեմբերի 12-ին Մոնտե Կառլոյում նշանակված Արթուր Աբրահամ և Մարտին Մարեյ մենամարտը չէր կայացել հայ բռնցքամարտիկի վնասվածքի պատճառով: 2015 թվականի նոյեմբերին Արթուր Աբրահամը պարտության էր մատնել Մարեյին: Արթուր Աբրահամի գալիք մենամարտի և առաջիկա մրցակցի վերաբերյալ հստակ ոչինչ դեռևս որոշված չէ:
14.02.2017

Ստրանջայի մրցաշարին կմասնակցի 9 բռնցքամարտիկ

Բռնցքամարտի Հայաստանի հավաքականը շարունակում է ուսումնամարզական հավաք անցկացնել Երևանի «Օլիմպիական ապագա» մարզաբազայում՝ նախապատրաստվելով փետրվարի 20-27-ը Սոֆիայում կայանալիք Ստրանջայի միջազգային մրցաշարին։ ՀԲՖ մամուլի ծառայության հաղորդմամբ, այս մրցաշարին Հայաստանի հավաքականը կներկայանա 9 բռնցքամարտիկով: Սոֆիայում Հայաստանի մարզական պատիվը կպաշտպանեն 49 կգ քաշային Գասպար Բաբախանյանը, 56 կգ քաշային Վահե Բադալյանը, 60 կգ քաշային Կարեն Տոնականյանը, 64 կգ քաշային Հովհաննես Բաչկովը, 69 կգ քաշային Վլադիմիր Մարգարյանը, 75 կգ քաշային Արման Դարչինյանը, 81 կգ քաշային Արսեն Հայրապետյանը, 91 կգ քաշային Հենրիխ Սարգսյանը և գերծանր քաշային Դավիթ Չալոյանը: Հավելենք, որ հայ բռնցքամարտիկները Սոֆիայում հանդես կգան հավաքականի 2-րդ մարզիչ Վահան Ադիլխանյանի, և մարզիչ Ռուդիկ Մկրտչյանի գլխավորությամբ:
25.01.2017

Կարո Մուրադը պատասխանել է Դոմինիկ Բյոզելի հայտարարությանը, թե հայ բռնցքամարտիկը վախենում է մենամարտել իր հետ

Գերմանիայում հանդես եկող հայ բռնցքամարտիկ Կարո Մուրադը պատասխանել է Դոմինիկ Բյոզելի այն հայտարարությանը, թե հայ բռնցքամարտիկը վախենում է մենամարտել իր հետ: «Բռնցքամարտիկ Դոմինիկն ասել է, թե ես վախենում եմ նրանից, քանի որ ժամանակ չեմ հատկացնում մեր մենամարտի համար պայմանավորվածություն ձեռք բերելու համար։ Սիրելի Դոմինիկ, եթե ուշադիր լինես, կտեսնես, թե ինչ բռնցքամարտիկների հետ եմ մենամարտել ես, ու դու ում հետ, ուղղակի ես մոտակա ժամանակները երեխա եմ ունենալու, և որպես ընտանիքի հայր զբաղված եմ դրանով։ Դրանից հետո որտեղ ուզում ես, երբ ուզում ես, կարող ենք մենամարտել»,- գրել է Կարո Մուրադն իր ֆեյսբուքյան էջում:
12.01.2017

Արթուր Աբրահամը հանդիպել է Հռոմի պապ Ֆրանցիսկոսին (ԼՈՒՍԱՆԿԱՐ)

Հայազգի պրոֆեսիոնալ բռնցքամարտիկ Արթուր Աբրահամը հանդիպել է Հռոմի պապ Ֆրանցիսկոսի հետ: Նրանց հանդիպումը տեղի է ունեցել Վատիկանում: 36-ամյա բռնցքամարտիկը Հռոմի պապին է նվիրել իր ձեռնոցները և չեմպիոնական գոտին:  
09.01.2017

Արթուր Աբրահամը ֆուտբոլ է խաղացել Լուկաշ Պոդոլսկիի և Միկա Շումախերի հետ

Հայազգի պրոֆեսիոնալ բռնցքամարտիկ Արթուր Աբրահամը մասնակցել է ֆուտբոլային բարեգործական խաղին: Արթուրը Աբրահամը ֆուտբոլ է խաղացել Լուկաշ Պոդոլսկիի և Միկա Շումախեր հետ (Միխայել Շումախերի որդու): Հանդիպումը կայացել է Հյուսթոնում Schauinsland Travel Cup 2017-ի ժամանակ, որը կազմակերպվում է Պոդոլսկիի կողմից:
03.01.2017

Ամանորյա հարցախույզ. Անուշ Գրիգորյան

Ամանորյա անցուդարձով մեզ հետ կիսվել է նաև բռնցքամարտի երիտասարդների աշխարհի չեմպիոն Անուշ Գրիգորյանը. 1. Առաջին հիշվող նվերը, որը ստացել եք Ամանորին: Ամենասպասված նվերս եղել է բռնցքամարտի համար նախատեսված տանձիկը, հայրիկս էր նվիրել: 2. Ի՞նչ եք սիրում պատրաստել Ամանորին: Օգնում է մայրիկիս սեղանը զարդարելիս և բլինչիկի շերտերն եմ պատրաստում: 3.Ինչպե՞ս եք սիրում անցկացնել Ամանորը: Սիրում եմ անցկացնել ընտանիքիս հետ: 4. Սիրելի ֆիլմը Ամանորի մասին: Սիրելի ֆիլմս  «Տանը մենակ»: 5. Ի՞նչ անավարտ գործ եք թողել 2017թ.-ի համար: Իմ ապագան կապում եմ սպորտի հետ և երազանքներս էլ դրա հետ են կապված: Ցանկանում եմ նվաճել մեդալներ, ընդ որում, ոսկե մեդալներ: 6. Ձեր ամանորյա բարեմաղթանքը: Բոլորին ցանկանում եմ առողջություն, երջանկություն, խաղաղություն: Ամենակարևորը` սահմանում ոչ մի զինվոր չզոհվի:
01.01.2017

2016-ի 16 ակնթարթերը

2016 թվականը սպորտային առումով հագեցած տարի էր: Վերջին մեկ տարվա ընթացքում տեղի ունեցան այնպիսի իրադարձություններ, որոնք հավերժ կհիշվեն ու կգրվեն պատմության էջերում: VMag ամսագրի տարեվերջյան համարում մենք առանձնացրել ենք այդ իրադարձություններից 16 ամենահիշարժանները:  1. Արթուր Ալեքսանյանը՝ Օլիմպիական չեմպիոն Գյումրեցի ըմբիշը 20 տարվա ընդմիջումից հետո Օլիմպիական ոսկին բերեց Հայաստան, իսկ նրա պատվին Հայաստանի դրոշը ծածանվեց Ռիոյի երկնակամարում: Հունահռոմեական ոճում ըմբիշը հիանալի ելույթ ունեցավ 98 կգ քաշային կարգում: Ալեքսանյանը դարձավ անկախ Հայաստանի պատմության երկրորդ օլիմպիական չեմպիոնը՝ Արմեն Նազարյանից հետո, որը նույն հունահռոմեական ոճի ըմբշամարտից ոսկե մեդալ էր նվաճել 1996 թվականի Ատլանտայի Օլիմպիական խաղերում: 2. Մայքլ Ֆելփսը՝ Օլիմպիական խաղերի 23-ակի չեմպիոն Սպորտի պատմությունը դեռ երկար է սպասելու երկրորդ Մայքլ Ֆելփսին: Ամերիկացի լողորդը գերազանցեց բոլոր հնարավոր ու անհավանական թվացող ռեկորդները, իսկ Ռիոյում կարողացավ իր օլիմպիական ոսկիների քանակը հասցնել 23-ի: Ընդհանուր առմամբ նա նվաճել է 28 օլիմպիական մեդալ: Համեմատության համար նշենք, որ պատմության մեջ երկրորդ ամենաշատ ոսկիներ նվաճած մարզիկը եղել է Լարիսա Լատինինան՝ ԽՍՀՄ-ից, ով 9 ոսկե մեդալի է արժանացել մարմնամարզությունում: 3. Հուսեյն Բոլտը կրկին ամենաարագն է Ճամայկացի արագավազորդ Հուսեյն Բոլտը կրկին ապացուցեց, որ ամենաարագն է աշխարհում: Պեկինի ու Լոնդոնի Օլիմպիական խաղերի չեմպիոնը ժամանել էր Ռիո իր՝ ամենաարագ լինելը վերահաստատելու: Եվ նրան հաջողվեց երեք ոսկի նվաճել Բրազիլիայում՝ հաղթող ճանաչվելով 100 մ, 200 մ ու 4x100 մ մրցատարածություններում: 4. Պորտուգալիայի հավաքականը՝ Եվրոպայի չեմպիոն Պատմության մեջ առաջին անգամ Պորտուգալիայի ազգային հավաքականը կարողացավ նվաճել Եվրոպայի չեմպիոնի կոչումը: Կրիշտիանու Ռոնալդուն ու թիմակիցները անպարտելի մնացին մրցաշարի ողջ ընթացքում, իսկ եզրափակիչ խաղում Էդերի միակ գոլի շնորհիվ Ֆերնանդու Սանտուշի թիմը հաղթեց մրցաշարը հյուրընկալող Ֆրանսիայի ընտրանուն:
22.12.2016

Քանի՞ մեդալ են նվաճել հայ մարզիկները 2016թ.

ՀՀ Սպորտի և Երիտասարդության նախարարությունը ամփոփել է անցնող տարին: Այսպես, 2016 թ. մարզական տարում հայ մարզիկները` մեծահասակների, երիտասարդների և պատանիների Եվրոպայի և աշխարհի առաջնություններում նվաճել են 170 մեդալ, այդ թվում նաև 4 օլիմպիական մեդալ: Ռիո դե Ժանեյրոյում տեղի ունեցած 31-րդ ամառային օլիմպիական խաղերում, 20-ամյա ընդմիջումից հետո օլիմպիական ոսկին Հայաստան բերեց հունա-հռոմեական ոճի ըմբիշ Արթուր Ալեքսանյանը: Օլիմպիական արծաթե մեդալների արժանացան հունա-հռոմեական ոճի ըմբիշ Միհրան Հարությունյանը, ծանրորդներ՝ Սիմոն Մարտիրոսյանը և Գոռ Մինասյանը: 2016 թ. մեծահասակների, երիտասարդների և պատանիների ՀՀ հավաքականների անդամները աշխարհի առաջնություններում նվաճել են 41 մեդալ՝ 10 ոսկե, 11 արծաթե և 20 բրոնզե: Եվրոպայի առաջնություններում հայ մարզիկների նվաճած մեդալների թիվը 125 է՝ 37 ոսկե, 46 արծաթե և 42 բրոնզե: Մեդալակիրների թվում են նաև հաշմանդամություն ունեցող 7 մարզիկ:
19.12.2016

«Ռեալն» աշխարհի գագաթից «իջեցրեց» «Բարսելոնային», որն «Էսպանյոլին» «վռնդեց» Կատալոնիայից. Օրվա ամենաուշագրավ լուրերը

VivaroNews-ն առանձնացրել է դեկտեմբերի 18-ին տեղի ունեցած ամենաուշագրավ իրադարձությունները և դրանք ներկայացնում է ձեր ուշադրությանը: ՀԱՅԱՍՏԱՆ Ավարտվել է «London chess classic» շախմատային սուպերմրցաշարը, որին մասնակցում էին 10 գրոսմայստերներ: Լևոն Արոնյանը եզրափակիչ տուրում պարտություն է կրել Վեսելին Թոփալովից՝ հանձնվելով նրա հետ պարտիայի 53-րդ քայլին: Հայ գրոսմայստերն ամփոփիչ աղյուսակում կիսել է 7-9-րդ հորիզոնականները՝ վաստակած 4 միավորով: http://www.vivaronews.am/london-chess-classic-aronyaneh-partuthyamb-avartec-mrcashareh Բռնցքամարտիկ Արամ Ավագյանն իր առաջին մենամարտն է անցկացրել պրոֆեսիոնալ ռինգում: Նա Վորոնեժ քաղաքում տեղի ունեցած 6 ռաունդանոց մենամարտում մեծ առավելությամբ հաղթել է Բելառուսը ներկայացնող Անդրեյ Նուրչինսկիին: http://www.vivaronews.am/aram-avagyaneh-arajin-haghthanakn-e-tanum-profesional-ringum Տալլինում ավարտվել է կայծակնային շախմատի Եվրոպայի անհատական առաջնությունը: Զավեն Անդրիասյանը վերջնարդյունքում վաստակել է 19 միավոր և զբաղեցրել 6-րդ տեղը: Ինչ վերաբերում է Սերգեյ Մովսիսյանին, ապա նա, իր ակտիվում գրանցելով 17 միավոր, հայտնվել է ընդամենը 31-րդ հորիզոնականում: http://www.vivaronews.am/zaven-andriasyann-arzhanacav-550-evro-dramakan-pargevi
18.12.2016

Արամ Ավագյանը առաջին հաղթանակն է տանում պրոֆեսիոնալ ռինգում

Բռնցքամարտի Հայաստանի հավաքականի նախկին անդամ, Եվրոպայի առաջնության բրոնզե մեդալակիր, Ռիոյի օլիմպիական խաղերի մասնակից Արամ Ավագյանն այսօր իր նորամուտն է նշել պրոֆեսիոնալ բռնցքամարտում, հայտնում է  ՀԲՖ մամուլի ծառայությունը: Մեր մարզիկի նորամուտը պրոֆեսիոնալ ռինգ հաջող է ստացվել: Վորոնեժ քաղաքում տեղի ունեցած 6 ռաունդանոց մենամարտում Ավագյանը մեծ առավելությամբ հաղթել է Բելառուսը ներկայացնող Անդրեյ Նուրչինսկիին: Այսօր հաղթանակ է տարել նաև Նարեկ Աբգարյանը, որը պրոֆեսիոնալ ռինգում անցկացրեց իր 2-րդ մենամարտը: Նշենք, որ հայ բռնցքամարտիկները պետք է որոշակի քանակությամբ մենամարտեր անցկացնեն պրոֆեսիոնալ ռինգում, որոնք, իրենց հերթին, պետք է գնահատվեն փորձագետների կողմից: Ըստ այդ գնահատականների՝ կորոշվի, թե որ վարկածում են շարունակելու իրենց ելույթները: Իսկ որքան բարձր մակարդակի լինեն մենամարտերը, այնքան ավելի արագ մասնագետները որոշում կկայացնեն: http://www.vivaronews.am/aram-avagyaneh-aysuhet-handes-kga-naev-profesional-ringum
ԹԵԺ ԵՎ ԲԱՑԱՌԻԿ

Vivaro News

Հասցե - Գետառի 4/17 Հեռ. - 010 510051 E-mail - info@vivaronews.am

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: