Բռնցքամարտ

23.04.2017

Արթուր Աբրահամը հաղթում է Կրասնիքիին և իրավունք ստանում վերադարձնել չեմպիոնական տիտղոսը (տեսանյութ)

Հայ պրոֆեսիոնալ բռնքամարտիկ Արթուր Աբրահամը գերմանական Էրֆուրտ քաղաքում առավելության հասավ 30-ամյա Ռոբին Կրասնիքիի նկատմամբ (118-110, 115-114 և 117-111): Արթուրը 12 ռաունդն էլ անցկացրեց բացարձակ առավելությամբ  և թույլ չտվեց ալբանացի մարզիկին կտրուկ գործողությունների դիմել: Այս հաղթանակի շնորհիվ Աբրահամը իրավունք է ստանում ռևանշ մենամարտ անցկացնել մեքսիկացի Խիլբերդո Ռամիրեսի հետ, որին զիջել էր WBO գերմիջին քաշային կարգի տիտղոսը 2016 թվականի ապրիլին: Գիլբերդո Ռամիրեսը 25 տարեկան է և իր 34 մենամարտերում դեռևս ոչ մի պարտություն չի կրել: Հիշեցնենք՝ 2016-ի նոյեմբերին Արթուրը արմունկի վնասվածք էր ստացել, այդ պատճառով Մոնտե Կառլոյում նշանակված Արթուր Աբրահամ և Մարտին Մարեյ մենամարտը չէր կայացել: Փետրվար ամսին Արթուրը արդեն վերսկսել էր մարզումները: Մենամարտի տեսագրությունը՝ https://www.youtube.com/watch?v=bEkpT6DOxZQ
18.04.2017

Արթուր Աբրահամը հանդիպել է մրցակցին (լուսանկարներ)

Ինչպես արդեն տեղեկացրել էինք, WBO գերմիջին կարգի աշխարհի նախկին չեմպիոն Արթուր Աբրահամը ապրիլի 22-ին կմենամարտի 29-ամյա Ռոբին Կրասնիքի հետ: Հայ բռնցքամարտիկի մամուլի քարտուղարի փոխանցմամբ, այսօր` ապրիլի 18-ին, բռնցքամարտիկները մամուլի ասուլիսի շրջանակներում հանդիպել են Էրֆուրտում և պատասխանել լրագրողների հարցերին: «Ես դեռ 4 կիլոգրամ պետք է կորցնեմ, սակայն դա խնդիր չէ ինձ համար: Ես հաղթելու եմ»,-bz-berlin-ն է մեջբերում Աբրահամի խոսքերը: Նշենք՝ հայ բռնցքամարտիկի երկրպագուները հնարավորություն կունենան դիտելու մենամարտը ժամը 00:30-ին՝ Առաջին ալիքի ուղիղ եթերում:
14.04.2017

Հայ բռնցքամարտիկները 3 ոսկե, 2-ական արծաթե ու բրոնզե մեդալ են նվաճել Թբիլիսիի մրցաշարում

Վրաստանի մայրաքաղաք Թբիլիսիում ավարտվել է բռնցքամարտի` Դավիդ Կվաչաձեի անվան միջազգային մրցաշարը: ՀԲՖ մամուլի ծառայություն փոխանցմամբ, եզրափակիչ դուրս եկած Հայաստանի 5 ներկայացուցիչներից 3-ն այսօր հաղթել են: Ոսկե մեդալ են նվաճել 52 կգ քաշային Վահե Բադալյանը, 64 կգ քաշային Հովհաննես Բաչկովն ու 75 կգ քաշային Արման Դարչինյանը: 49 կգ քաշային Գասպար Բաբախանյանն ու 91 կգ քաշային Հենրիկ Սարգսյանը եզրափակչում պարտվել են և նվաճել արծաթե մեդալ, իսկ 60 կգ քաշային Հրայր Շահվերդյանն ու 69 կգ քաշային Վլադիմիր Մարգարյանը նվաճել են բրոնզե մեդալ: Հիշեցնենք, որ Թբիլիսիում Հայաստանը ներկայացնում էր 8 բռնցքամարտիկ:
12.04.2017

5 բռնցքամարտիկ հավականում է նվաճել ոսկե մեդալ Թբիլիսիի մրցաշարում

Վրաստանի մայրաքաղաք Թբիլիսիում ընթացող բռնցքամարտի՝ Դավիդ Կվաչաձեի անվան միջազգային մրցաշարում Հայաստանի 5 ներկայացուցիչ նվաճել է եզրափակչի ուղեգիր: Հայաստանի բռնցքամարտի ֆեդերացիայի հաղորդմամբ, ապրիլի 14-ին ռինգ դուրս կգան և ոսկե մեդալի համար կպայքարեն 49 կգ քաշային Գասպար Բաբախանյանը, 52 կգ քաշային Վահե Բադալյանը, 64 կգ քաշային Հովհաննես Բաչկովը, 75 կգ քաշային Արման Դարչինյանն ու 91 կգ քաշային Հենրիկ Սարգսյանը: Հիշեցնենք, որ հավաքականը Թբիլիսի է մեկնել 8 բռնցքամարտիկով:
20.03.2017

Բռնցքամարտի ԵԱ. Արթուր Հովհաննիսյանն և Նարեկ Մանասյանը բրոնզե մեդալներ են նվաճել

Ռումինիայի Բրաիլա քաղաքում ընթացող Եվրոպայի 18-22 տարեկանների առաջնությունում Հայաստանի ներկայացուցիչներն ավարտեցին իրենց ելույթները։ ՀԲՖ մամուլի ծառայություն հաղորդմամբ, կիսաեզրափակիչ դուրս եկած մեր 2 մարզիկները՝ 49 կգ քաշային Արթուր Հովհաննիսյանն ու 91 կգ քաշային Նարեկ Մանասյանը պարտություն կրեցին, և արժանացան բրոնզե մեդալի։ Հիշեցնենք, որ Եվրոպայի առաջնությունում Հայաստանը հանդես էր գալիս 7 մարզիկով։
18.03.2017

Chemistry Cup 2017. Հովհաննես Դանիելյանն՝ արծաթե մեդալակիր

Գերմանիայի Հալե քաղաքում ավարտվեց բռնցքամարտի «Chemistry Cup 2017» միջազգային մրցաշարը, տեղեկացնում է ՀԱՕԿ լրատվության բաժինը: Հայաստանի վերջին ներկայացուցիչ Հովհաննես Դանիելյանն արծաթե մեդալ նվաճեց: Եզրափակչում Դանիելյանը մրցեց Էկվադորի ներկայացուցչի հետ եւ պարտություն կրեց օլիմպիական բրոնզե մեդալակրից: Հիշեցնենք՝ այս մրցաշարում Հայաստանը ներկայացել էր երեք բռնցքամարտիկով:
26.02.2017

Հովհաննես Բաչկովը՝ Ստրանջայի մրցաշարի հաղթող

Բուլղարիայի մայրաքաղաք Սոֆիայում ընթացող բռնցքամարտի Ստրանջայի մրջազգային մրցաշարում այսօր տեղի են ունենում եզրափակիչ մենամարտեր, հայտնում է բռնցքամարտի Հայաստանի ֆեդերացիան: Հայաստանի վերջին ներկայացուցիչը՝ 64 կգ քաշային Հովհաննես Բաչկովը եզրափակչում հաղթել է Բուլղարիան ներկայացնող Այրին Իսմեթովին և նվաճել ոսկե մեդալ: Այսպիսով, հավաքականը հայրենիք կվերադառնա նվաճած 1 ոսկե մեդալով: Հայ բռնցքամարտիկը պայքարը սկսել էր 1/16 եզրափակչից, որտեղ նոկաուտի էր ենթարկել Տայպեն ներկայացնող Պան Հունգ-Մինին, 2-րդ մենամարտում Բաչկովը հաղթել էր Ուկրաինայի ներկայացուցչին և դուրս եկել քառորդ եզրափակիչ, որում էլ հաղթել էր աշխարհի առաջնության բրոնզե մեդալակիր՝ Թայլանը ներկայացնող Մաշուկ Վուտիչային: Իսկ կիսաեզրափակչում Հովհաննեսը հաղթել էր Ռուսաստանը ներկայացնող Գրիգորի Լիզունենկոյին և ճանապարհ հարթել դեպի եզրափակիչ: Հիշեցնենք՝  հայ բռնցքամարտիկները Սոֆիայում հանդես եկան հավաքականի 2-րդ մարզիչ Վահան Ադիլխանյանի և մարզիչ Ռուդիկ Մկրտչյանի գլխավորությամբ:
25.02.2017

Արամ Ավագյանն ու Նարեկ Աբգարյանը հերթական հաղթանակներն են տարել պրոֆեսիոնալ ռինգում

Բռնցքամարտի Հայաստանի հավաքականի անդամներ Արամ Ավագյանն ու Նարեկ Աբգարյանը, որոնք իրենց առաջին քայլերն են կատարում պրոֆեսիոնալ ռինգում, այսօր հերթական հաղթանակներն են գրանցել, տեղեկացնում է ՀԲՖ մամուլի ծառայությունը: Արամ Ավագյանն արդեն 3-րդ ռաունդում ստիպել է մրցակցին ընդունել պարտությունը, իսկ Նարեկ Աբգարյանը 2-րդ ռաունդում նոկաուտի է ենթարկել հակառակորդին: Սա Արամ Ավագյանի 2-րդ, և Նարեկ Աբգարյանի 3-րդ անընդմեջ հաղթանակն էր պրոֆեսիոնալ ռինգում: Հիշեցնենք՝ Նարեկ Աբգարյանը պրոֆեսիոնալ ռինգում իր առաջին մենամարտում նոկաուտի էր ենթարկել ուզբեկ բռնցքամարտիկին, 26-ամյա մարզիկը իր 2-րդ անընդմեջ հաղթանակը պրոֆեսիոնալների պայքարում տարել էր ռուս Անտոն Մեժուևի նկատմամբ: Իսկ Եվրոպայի առաջնության բրոնզե մեդալակիր Արամ Ավագյանը իր անդրանիկ հաղթանակը տոնել էր Բելառուսը ներկայացնող Անդրեյ Նուրչինսկիի հետ մենամարտում: Նշենք, որ հայ բռնցքամարտիկները պետք է որոշակի քանակությամբ մենամարտեր անցկացնեն պրոֆեսիոնալ ռինգում, որոնք, իրենց հերթին, պետք է գնահատվեն փորձագետների կողմից: Ըստ այդ գնահատականների՝ կորոշվի, թե որ վարկածում են շարունակելու իրենց ելույթները:
25.02.2017

Ստրանջա-2017. Բաչկովը եզրափակչում է

Բուլղարիայում ընթացող բռնցքամարտի Ստրանջայի միջազգային մրցաշարում այսօր տեղի են ունենում կիսաեզրափակիչ փուլի մենամարտերը: Հայաստանի բռնցքամարտի ֆեդերացիան հաղորդում է, որ այս ստուգատեսում Հայաստանի վերջին ներկայացուցիչը՝ 64 կգ քաշային Հովհաննես Բաչկովը կիսաեզրափակչում հաղթել է Ռուսաստանը ներկայացնող Գրիգորի Լիզունենկոյին և դուրս եկել  եզրափակիչ: Հայ բռնցքամարտիկը պայքարը սկսել էր 1/16 եզրափակչից, որտեղ նոկաուտի էր ենթարկել Տայպեն ներկայացնող Պան Հունգ-Մինին, 2-րդ մենամարտում Բաչկովը հաղթել էր Ուկրաինայի ներկայացուցչին և դուրս եկել քառորդ եզրափակիչ, որում էլ հաղթել էր աշխարհի առաջնության բրոնզե մեդալակիր՝ Թայլանը ներկայացնող Մաշուկ Վուտիչային: Հիշեցնենք՝ Հայաստանի հավաքականը Սոֆիայում ընթացող մրցաշարին ներկայացել էր 9 բռնցքամարտիկով, որոնցից միայն Բաչկովն է շարունակում պայքարի մեջ մնալ :
24.02.2017

Ստրանջա 2017. Տոնականյանն ու Վլադիմիր Մարգարյանը դուրս են մնում հետագա պայքարից

Սոֆիայում շարունակում է ընթանալ բռնցքամարտի Ստրանջայի միջազգային մրցաշարը: ՀԲՖ մամուլի ծառայությունը տեղեկացնում է՝ փետրվարի 24-ին կիսաեզրափակչի ուղեգրերի համար պայքարում էին 60 կգ քաշային Կարեն Տոնականյանն ու 69 կգ քաշային Վլադիմիր Մարգարյանը: Սակայն վերջիններս չկարողացան հաղթահարել Անգլիան ներկայացնող բռնցքամարտիկների արգելքը և Հայաստան կվերադառնան ձեռնունայն: Ավելի վաղ տեղեկացրել էինք՝ 64 կգ քաշային Հովհաննես Բաչկովը դուրս գալով կիսաեզրափակիչ՝ ապահովել է առնվազն բրոնզե մեդալ, իսկ գերծանր քաշային Դավիթ Չալոյանը պարտություն է կրել: http://www.vivaronews.am/stranja-2017-hovhannes-bachkoveh-kisaezraphakchum-e
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: