Պրեմիեր լիգա. 1-ին տուր. «Բորնմութ»-«Մանչեսթեր Յունայթեդ»

  • Պրեմիեր լիգա. Տուր 1
  • «Բորնմութ»-«Մանչեսթեր Յունայթեդ»
  • «Վիտալի» մարզադաշտ, Բորնմութ
  • Օգոստոսի 14, ժամը՝ 16:30

Խաղից առաջ 

Ժոզե Մոուրինյոյի սաները Անգլիայի առաջնության 2016/17 մրցաշրջանի մեկնարկային հանդիպումը  անցկացնելու են «Բորնմութի» դեմ: Օրեր առաջ Անգլիայի Սուպերգավաթը նվաճելուց և ֆուտբոլի պատմության ամենաթանկարժեք տրանսֆերը կատարելուց հետո «Կարմիր սատաանաները» մոտենում են այս խաղին բավական մեծ վստահությամբ: «ՄՅՈՒ»-ն,  իր կազմում ունենալով բարձրակարգ և փորձառու հարձակվող Զլատան Իբրահիմովիչին, խնդիրներ չի ունենա գոլային պահերը իրացնելու հետ,  իսկ գնդակները շվեդ հարձակվողին կմատակարարի Բունդեսլիգայի նախորդ մրցաշրջանի ամենաշատ գոլային փոխացնումեր կատարած Հենրիխ Մխիթարյանը:  Սակայն «Բորնմութը» ևս ակտիվ է եղել ընթացիկ տրանսֆերային պատուհանի ընթացքում  և ձեռք բերել 8 ֆուտբոլիստ: «Լիվերպուլի» նախկին հարձակվողը Ջորդան Այբը տեղափոխվել է «Բորնմութ» ակումբի համար ռեկորդային տրանսֆերային արժեքով և կարող է լուրջ խնդիրներ ստեղծել «Մանչեսթեր Յունայթեդի»` դեռևս ոչ կատարյալ պաշտպանությունում: «Կարմիր սատանաները» ներկայումս նոր պաշտպանի փնտրտուքների մեջ են, սակայն այս խաղում այդ բացը կարող է որոշիչ լինել առաջնության առաջին միավորները վաստակելու հարցում:

Հավանական մեկնարկային կազմեր

  • «Բորնմութ»-Բորուց- Սմիթ, Քուկ, Էյք, Բ.Սմիթ, Այբ, Գոսլինգ, Սուրման, Գրեյդել, Ուլիսոն, Աֆոբե
  • «Մանչեսթեր Յունայթեդ»-Դե Խեա-Վալենսիա, Բլինդ, Բայի, Շոու, Կարիկ, Ֆելաինի, Ռունի, Մխիթարյան, Իբրահիմովիչ, Մարսիալ

Հանդիպումը բաց կթողնեն 

  • «Բորնմութ»-Էմերսոն Հինդման, Թայրոն Մինգս, Ջունիոր Ստանիսլաս
  • «Մանչեսթեր Յունայթեդ»- Քրիս Սմոլինգ, Ջեսի Լինգարդ, Պոլ Պոգբա

Հետաքրքիր փաստեր

  • Պրեմիեր լիգայի պատմության մեջ առաջին անգամ իր նորամուտը կարող է նշել հայ ֆուտբոլիստ Հենրիխ Մխիթարյանը:
  • «Մանչեսթեր Յունայթեդի» կազմում իրենց նորամուտը կարող են նշել միանգամից 4 ֆուտբոլիստ:
  • «Բորնմութը» նախորդ մրցաշրջանի իր վերջին հանդիպումը անցկացրել է «ՄՅՈՒ»-ի դեմ, իսկ հիմա 2016/17 մրցաշրջանի մեկնարկը կրկին տալու է Ժոզե Մոուրինյոյի թիմի դեմ:

Միմյանց դեմ

  • 17/05/16 «Մանչեսթեր Յունայթեդ» 3-1 «Բորնմութ»
  • 12/12/15 «Բորնմութ»2-1«Մանչեսթեր Յունայթեդ»

Լիանա Մկրտչյան

ԼՐԱՀՈՍ
* ]
ԹԵԺ ԵՎ ԲԱՑԱՌԻԿ