Հայ ծանրորդի «ոսկե» հաջողությունը և «Ռեալի» «շտապ օգնություն» Սերխիո Ռամոսը. Օրվա ամենաուշագրավ լուրերը

VivaroNews-ն առանձնացրել է դեկտեմբերի 10-ին տեղի ունեցած ամենաուշագրավ իրադարձությունները և դրանք ներկայացնում է ձեր ուշադրությանը:

ՀԱՅԱՍՏԱՆ

Իսրայելում ընթացող ծանրամարտի Մ20 տարեկանների Եվրոպայի առաջնությունում երեկ պայքարի մեջ է մտել այս տարիքային խմբում Հայաստանի վերջին ներկայացուցիչը՝ այս տարվա ամռանը կայացած Օլիմպիական խաղերի փոխչեմպիոն Սիմոն Մարտիրոսյանը: Նա պոկում վարժությունում նվաճել է փոքր ոսկե մեդալ՝ գրանցելով 180 կգ արդյունք: Հրում վարժությունում մեր ծանրորդի ակտիվում է գրանցվել 220 կգ արդյունքը, և նա երկամարտի 400 կգ արդյունքով հռչակվել է ոսկե մեդալակիր:

Սիմոն Մարտիրոսյանը՝ Եվրոպայի Մ20 առաջնության չեմպիոն

a73044f187560ac77d7b3fc3d2776b1c

Երեկ պայքարի մեջ են մտել նաև Մ20 տարիքային խմբի 75+ քաշայինների պայքարում հանդես եկող Արփինե Դալալյանը և Մ23 տարեկանների առաջնության 94 կգ քաշային կարգում հանդես եկող Կարուշ Ղուկասյանը: Դալալյանը երկամարտի 218 կգ արդյունքով զբաղեցրել է ընդհանուր հաշվարկի 4-րդ հորիզոնականը, իսկ Ղուկասյանը երկամարտի 362 կգ արդյունքով նույնպես իր քաշային կարգի ընդհանուր հաշվարկում եզրափակել է լավագույն քառյակը:

Կարուշ Ղուկասյանը և Արփինե Դալալյանը 4-րդն են Եվրոպայի Մ20 և Մ23 առաջնությունում

Հունգարիայում ընթացքի մեջ է ըմբշամարտի ոչ օլիմպիական քաշային կարգերի աշխարհի առաջնությունը: Երեկ պայքարի մեջ են մտել Հայաստանի երկու ներկայացուցիչներ՝ 61 կգ քաշային ազատ ոճի ըմբիշ Վոլոդյա Ֆրանգուլյանը և 71 կգ քաշային կարգում հունահռոմեական ոճի ներկայացուցիչ Վարշամ Բորանյանը: Ֆրանգուլյանը 1/4 եզրափակչում լքել է պայքարը՝ 0:4 հաշվով զիջելով իրանցի Բեհնամ Եշաղ Եհնասապուրին: Ինչ վերաբերում է Բորանյանին, ապա նա 1/16 եզրափակչում պարտության է մատնել նույն Իրանը ներկայացնող Աֆշին Նեմատ Բիանագարդին, բայց հաջորդ փուլում 0-6 հաշվով զիջել է մոլդովացի Դանիել Կատարագային: Բորանյանն անհաջողության է մատնվել նաև սփոփիչ գոտեմարտում, որտեղ 1-5 հաշվով պարտություն է կրել ռուս ըմբիշ Ադամ Կուրակից:

Վարշամ Բորանյանը պարտվում է նաև սփոփիչ գոտեմարտում

VivaroNews.am-ի՝ Հայաստանի հավաքականի լավագույն գոլը նախագծում այս անգամ պայքարի մեջ են մտել գյումրեցի 2 հարձակվողներ՝ Յուրա Մովսիսյանը և Արթուր Պետրոսյանը: Կարող եք անցնել հղումով և քվեարկել ձեր նախընտրած գոլի օգտին:

Քվեարկություն. Ո՞րն է Հայաստանի հավաքականի լավագույն գոլը. Յուրա Մովսիսյան vs Արթուր Պետրոսյան

Լոնդոնում մեկնարկել է «London chess classic» շախմատի ավանդական՝ արդեն 8-րդ մրցաշարը: Լևոն Արոնյանն իր ելույթները սկսել է հաղթանակով՝ 41-րդ քայլին պարտության մատնելով անգլիացի գրոսմայստեր Մայքլ Ադամսին: Հայկական շախմատի առաջատարը գործում էր սպիտակ խաղաքարերով: Արոնյանը 2-րդ տուրում սևերով ուժերը կչափի Վլադիմիր Կրամնիկի հետ:

Լևոն Արոնյանի հաղթական մեկնարկը «London chess classic» մրցաշարում

Հայաստանի ֆուտբոլի ֆեդերացիան և ԻՀՀ ֆուտբոլի ֆեդերացիան ստորագրել են փոխըմբռնման հուշագիր, որն իրենից ենթադրում է երկու երկրների միջև ֆուտբոլային համագործակցության մակարդակի բարձրացում և հարաբերությունների  խորացում: Երկու կազմակերպությունների ղեկավարները՝ համապատասխանաբար Ռուբեն Հայրապետյանը և Մեհդի Թաջը, փաստաթղթերի տակ իրենց ստորագրությունները դնելուց հետո լրագրողների հետ շփման ժամանակ մեծ կարևորություն են տվել այս իրադարձությանը:

Ռուբեն Հայրապետյան. «Մենք և Իրանը դարերով բարեկամ ժողովուրդներ ենք եղել. փորձի փոխանակումը երկուստեք օգտակար կլինի»

ՈՒԵՖԱ-ի գործադիր կոմիտեի որոշմամբ, ֆուտբոլի Եվրոպայի Մ19 տարեկանների առաջնությունը 2019 թվականին կանցկացվի Հայաստանում: Մեր երկիրն առաջին անգամ է հյուրընկալելու ՈՒԵՖԱ-ի մրցաշար: Ընթացիկ խաղարկության եզրափակիչ խաղերը անցկացվելու են Վրաստանում, իսկ 2018 թվականին մրցաշարը կընդունի Ֆինլանդիան:

Հայաստանը կհյուրընկալի Եվրոպայի Մ19 տարեկանների առաջնությունը

 

1 2 3 4 5 6
ԼՐԱՀՈՍ
* ]
ԹԵԺ ԵՎ ԲԱՑԱՌԻԿ