«Արարատը» 222 օր անց առաջնությունում ճաշակեց հաղթանակի բերկրանքը. Օրվա գլխավոր լուրերի քրոնիկոնը (տեսանյութ)

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ:

Ձեր ուշադրությանն ենք ապրիլի 21-ի իրադարձությունների քրոնիկոնը:

  • Մեկնարկել է Հայաստանի Բարձրագույն խմբի առաջնության 24-րդ տուրը: «Արարատը» մեկնարկային խաղում հյուրընկալել է «Փյունիկին» և հաղթանակ տոնել 1-0 հաշվով: Վճռորոշ է դարձել Գեղամ Թումբարյանի հեղինակած գնդակը: Արկադի Անդրեասյանի թիմն առաջնությունում վերջին անգամ հաղթել էր 2016 թվականի սեպտեմբերի 10-ին՝ պարտության մատնելով «Ալաշկերտին» (3-1):

  • Բելառուսի Բարձրագույն խմբի առաջնության 4-րդ տուրում «Տորպեդո-Բելազը» հյուրընկալվելիս մեկական գնդակ է փոխանակել «Վիտեբսկի» հետ: Կամո Հովհաննիսյանը եղել է հիմնական կազմում և փոխարինվել 88-րդ րոպեին, իսկ Անդրեյ Խաչատուրյանը խաղադաշտը լքել է 82-րդ րոպեին: Վերջինս դարձել է գոլային փոխանցման հեղինակ: «Տորպեդո-Բելազը» 3-րդ տեղում է:
  • Կայացել է Եվրոպայի Լիգայի գավաթի խաղարկության կիսաեզրափակչի վիճակահանությունը: «Մանչեսթեր Յունայթեդը» կհանդիպի «Սելթայի» հետ, իսկ մյուս զույգը կազմել են «Այաքսն» ու «Լիոնը»:
  • «Ալաշկերտի» կիսապաշտպան Լեստեր Պելտիեր. «Ընկերուհիս ասաց, որ այնքան է ինձ սիրում, որ նույնիսկ պատրաստ է ներկել իր մազերը` ի պատիվ իմ նոր թիմի մարզաշապիկի գույնի: Ես էլ ասացի, որ ինքս էլ կանեմ դա: Այսպես, ներկեցի մազերս «Ալաշկերտի» ակումբային գույնով և շիկահեր դարձա»:

17966136_745280605650747_4606591742138282047_o

  • «Բանանցի» պաշտպան Վլատկո Դրոբարով. «Հարգում եմ «Փյունիկին», բայց գավաթային առաջին խաղում մենք պարտվեցինք, քանի որ բախտը նրանց կողմն էր: Այդ խաղին մոտեցել էինք հոգեբանական լավագույն վիճակում և պետք է հաղթեինք, բայց դա արդեն անցյալում է: Քրտնաջան աշխատում ենք, որպեսզի դուրս գանք գավաթի խաղարկության եզրափակիչ»:
  • Դեյան Ստանկովիչ. «Հայաստանի հավաքականի դեմ երևանյան հանդիպումից այնքան էլ լավ հիշողություններ չունեմ, քանի որ այդ խաղում մենք կորցրինք «Եվրո-2008» դուրս գալու մեր վերջին հնարավորությունները: Բայց ամենաշատը տպավորվել է չափազանց վատ որակի խաղադաշտը: Ի պատիվ ձեզ, հիմա՝ 10 տարի անց, այդ առումով ես տեսնում եմ հսկայական առաջընթաց»:

Դեյան Ստանկովիչ. «Շատ տպավորված եմ Հայաստանի հավաքականի ցուցադրած խաղից»

  • Ռուսաստանի Երիտասարդական լիգայի 24-րդ տուրում «ԲԿՄԱ»-ն հյուրընկալվելիս գոլազուրկ ոչ-ոքի է խաղացել «Ուֆայի» հետ: Նաիր Տիկնիզյանը մասնակցել է ամբողջ խաղին, իսկ Արտյոմ Ավանեսյանը չէր հայտնվել հայտացուցակում: «ԲԿՄԱ»-ի երիտասարդական թիմը գլխավորում է մրցաշարային աղյուսակը:
ԼՐԱՀՈՍ
* ]
ԹԵԺ ԵՎ ԲԱՑԱՌԻԿ