«Ալաշկերտն» ավելի սուր է զգում չեմպիոնության համը, «Բանանցը»՝ կրկին հեռանում առանց գոլի. Օրվա գլխավոր լուրերի քրոնիկոնը (տեսանյութ)

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ:

Ձեր ուշադրությանն ենք մայիսի 19-ի իրադարձությունների քրոնիկոնը:

  • Մեկնարկել է Հայաստանի Բարձրագույն խմբի առաջնության 28-րդ տուրը: «Ալաշկերտը» հյուրընկալվելիս 3-0 հաշվով առավելության է հասել «Բանանցի» նկատմամբ: Երկրորդ խաղակեսում աչքի են ընկել Միհրան Մանասյանը, Արտակ Եդիգարյանը և Արտակ Դաշյանը: «Ալաշկերտը» 58 միավորով մնում է առաջատարը և մեկ խաղ պակաս անցկացրած «Գանձասար-Կապանին» գերազանցում է արդեն 6 միավորով: «Բանանցը» 7-րդ անընդմեջ մրցավեճում խաղադաշտից հեռացել է առանց խփած գնդակի:

  • «Արսենալի» լեգենդար պաշտպան Մարտին Քեուն. ««Մանչեսթեր Յունայթեդը» հարձակվողական ֆուտբոլ չի խաղում: Ճիշտ չէ, որ Բունդեսլիգայի նախորդ առաջնության լավագույն ասիստենտ Մխիթարյանը պետք է ավելի շատ մտածի պաշտպանության մասին, ինչպես «Արսենալի» հետ խաղում էր: Մոուրինյոն սխալ է օգտագործում Հենրիխի ներուժը: Եթե վերջինս խաղար «Չելսիում», ապա կգործեր Ազարի կամ Պեդրոյի դիրքում»:
  • «Կայրաթի» հարձակվող Անդրեյ Արշավին. «Վստահ եմ՝ Ղազախստանի հավաքականը Բորոդյուկի օրոք շուտով կարող է խաղալ Հայաստանի հավաքականի հետ՝ ոչ թե երազելով ոչ-ոքիի մասին, այլ փորձելու հաղթել: Ես թիմակիցներիս ասել եմ՝ ձեր և հայկական ընտրանու միջև միակ տարբերությունը Մխիթարյանն է: Միաժամանակ, Բաուրժան Իսլամխանը իր որակներով Հենրիխից վատ չէ, պետք է պարզապես զարգացնել ունակությունները»:
  • Ուկրաինայի Մ-21 առաջնության 30-րդ տուրում «Ստալը» գերգոլառատ խաղում մրցել է «Դնեպրի» հետ և զիջել 4-7 հաշվով: Արամ Ադամյանը փոխարինման է մտել 85-րդ րոպեին, իսկ Արթուր Դանիելյանը մասնակցել է ամբողջ մրցավեճին: Եղիշե Մելիքյանի գլխավորած «Ստալ Մ-21»-ը 7-րդ տեղում է:
  • Ուզբեկստանի Բարձրագույն խմբի առաջնության 11-րդ տուրում «Կիզիլկումը» սեփական հարկի տակ ուժերն է չափել «Նևֆտչիի» հետ և փոխանակել 2-ական գնդակ: Արթուր Գևորգյանը եղել է հիմնական կազմում և փոխարինվել 80-րդ րոպեին: «Կիզիլկումը» զբաղեցնում է 13-րդ տեղը:
  • Ղազախստանի 2-րդ դիվիզիոնի 7-րդ տուրում «Աստանայի» երիտասարդական թիմը հյուրընկալել է «Օրդաբասիի» երկրորդ թիմին և հաղթանակ տոնել 2-1 հաշվով: Գևորգ Նաջարյանը մասնակցել է ամբողջ հանդիպմանը; «Աստանան» ընթանում է 8-րդ հորիզոնականում:
  • Սիրիայի հավաքականի հարձակվող Մարտիկ Մարտիկյանը լքել է Հորդանանի «Ալ-Ջազիրա» ակումբը, որը երկրի Բարձրագույն խմբի ավարտված առաջնությունում զբաղեցրել էր 2-րդ հորիզոնականը: Նա տեղափոխվել է Քաթարի Բարձրագույն դիվիզիոնում հանդես եկող «Ալ-Արաբի», որը վերջին առաջնությունն ավարտել է 9-րդ հորիզոնականում:
  • Ֆրանսիայի 3-րդ դիվիզիոնի 34-րդ տուրում «Լիոն-Դյուշերը» մրցակցի հարկի տակ 1-2 հաշվով պարտություն է կրել «Էպինալից»: Մատյո Եզիկյանը փոխարինման է մտել 57-րդ րոպեին: «Լիոն-Դյուշերը» 7-րդ տեղում է:
ԼՐԱՀՈՍ
* ]
ԹԵԺ ԵՎ ԲԱՑԱՌԻԿ