Արթուր Ալեքսանյան. «Ցանկանում եմ դառնալ կրկնակի Օլիմպիական չեմպիոն»

Նկատողություն՝ Ռոբերտ Աբաջյանի նկարով շապիկի համար

Օլիմպիական չեմպիոն Արթուր Ալեքսանյանը պարգևատրման արարողության ժամանակ Ռոբերտ Աբաջյանի նկարով շապիկով ներկայանալու համար մեր ըմբշամարտի հավաքականը նկատողություն է ստացել ՄՕԿ-ից,  սակայն պատժամիջոցներ չեն կիրառվել:

Արթուրը կիսվեց իր տպավորություններով ու նշեց, որ հպարտ է այդ արարքի համար: Սպիտակ արջը հուզվել է օդանավակայանում, երբ իրեն գրկախառնվել և համբուրել է Ռոբերտ Աբաջյանի հայրը ու իր երախտագիտությունը արտահայտել, ում հետ բազմության մեջ չի կարողացել ավելի երկար շփվել, սակայն ցանկանում է հանդիպել և ծանոթանալ մեր հերոսի հոր ու ընտանիքի հետ:

Արթուր Ալեքսանյան . «Հպարտություն եմ ապրում 20 տարվա դադարից հետո ոսկե մեդալ նվաճելու համար, դրսում մարդիկ մոտենում են ինձ, շնորհավորում են: Ամենամեծ հաղթանակը ազգիս ուրախությւնն է ու վերաբերմունքը , ինձ համար դրանից մեծ հաղթանակ գոյություն չունի, երբ իմ հաղթանակով ամբողջ ազգն է ուրախացել»

Արթուրը չի պատրաստվում  սահմանափակվել միայն մեկ օլիմպիական  ոսկով: Հետագայում նա ցանկանում է դառնալ կրկնակի օլիմպիական չեմպիոն:

«Բոլոր հնարավոր տիտղոսները հաղթել եմ, բայց չեմ հանգստանալու,  միշտ ձգտում եմ ավելիին: Կրկնակի օլիմպիական չեմպիոության նույնպես ձգտում եմ», – նշեց Արթուրը:

ԼՐԱՀՈՍ
* ]
ԹԵԺ ԵՎ ԲԱՑԱՌԻԿ