«Ալաշկերտը» հաղթեց Կապանում, «Արարատն» ու «Բանանցը» ոչ-ոքի խաղացին

Հայաստանի Բարձրագույն խմբի առաջնության 16-րդ տուրում գործող չեմպիոն «Ալաշկերտը» հյուրընկալվեց Կապանի «Գանձասարին»:

14-րդ րոպեին կապանցիների կազմում հաշիվը բացեց կիսապաշտպան Գեղամ Հարությունյանը, սակայն հյուրերին հաջողվեց երկու գնդակ խփել ու կամային հաղթանակ տոնել: 40-րդ րոպեին հաշիվը հավասարեցրեց Արտակ Դաշյանը, իսկ 86-րդ րոպեին 11-մետրանոցը դիպուկ իրացրեց Արտակ Եդիգարյանը:

16-րդ տուրի վերջին հանդիպումը տեղի ունեցավ «Հանրապետական» մարզադաշտում. «Արարատն» ընդունեց «Բանանցին»: 34-րդ րոպեին «Բանանցի» հարձակվող Լայերսիոն դիպուկ իրացրեց 11-մետրանոցը՝ բացելով խաղի հաշիվը, սակայն 57-րդ րոպեին Մհեր Սահակյանը հավասարեցրեց հաշիվը: Հանդիպումն ավարտվեց ոչ-ոքի՝ 1-1:

16-րդ տուրից հետո մրցաշարային աղյուսակը հետևյալ տեսքն ունի.

# Թիմ Խաղ Հաղթանակ Ոչ-ոքի Պարտություն Խ/Ը գնդակ Միավոր
1. «Շիրակ» 16 9 4 3 17:8 31
2. «Ալաշկերտ» 16 8 5 3 27:17 29
3. «Փյունիկ» 16 7 5 4 18:12 26
4. «Գանձասար-Կապան» 16 7 3 6 18:14 24
5. «Բանանց» 16 4 4 8 14:24 16
6. «Արարատ» 16 1 3 12 7:26 6
ԼՐԱՀՈՍ
* ]
ԹԵԺ ԵՎ ԲԱՑԱՌԻԿ