Մեսի. «ՄՍՆ-ի մեջ ներքին մրցակցություն չկա»

Լիոնել Մեսին  վերջապես մեկնաբանել  է իր թիմակիցներ Նեյմարի և Սուարեսի հետ մրցակցության մասին խոսակցությունները:

«Բարսելոնայի» հարձակվողը խոստովանել է, որ իր, ուրուգվայցի Լուիս Սուարեսի և բրազիլացի Նեյմարի միջև մրցակցություն չկա: Նրա խոսքով դա վերաբերվում է միայն իրենց ակումբային խաղերին և ոչ թե հավաքականների մակարդակի խաղերին:

«Մենք բոլորս խաղում ենք «Բարսելոնայում», այնպես որ չկա որևէ մրցակցություն,- EL Grafico-ին ասել է Մեսին,- Մենք պրոֆեսիոնալներ ենք: Երբ խոսքը վերաբերում է հավաքականին, ապա ամեն ինչ փոխվում է, բայց ակումբի ներսում չկա ո՛չ մրցակցություն, ո՛չ էլ լարվածություն»:

Մեսին խոսել է նաև Արգենտինայի հավաքականում իր ելույթների մասին: Նա դեռ հույս ունի, որ իրեն կհաջողվի հաղթել որևէ մրցաշարում իր ազգային հավաքականի հետ: Նա նաև մեծ կարևորություն չի տվել լավագույն ռմբարկու դառնալուն: Այս պահին Արգենտինայի կազմում նա իր հաշվին ունի 49 գոլ, իսկ Գաբրիել Բաստիստուտան՝ 56:

«Իհարկե ինձ տխրեցնում է մրցաշարերում հաղթանակների բացակայությունը Արգենտինայի կազմում: Մենք պետք է հաղթենք: Վերջին տարիներին մենք արել ենք ամեն ինչ, որպեսզի հաղթենք Աշխարհի առաջնությունը և Ամերիկայի գավաթը, բայց չհաջողվեց: Կնախընտրեի հաղթել ինչ-որ բան հենց ազգային հավաքականի կազմում, քան դառնալ լավագույն ռմբարկուն նրա պատմության մեջ: Գոլեր կան, բայց դրանք Արգենտինային կոչումներ չեն բերում», – ասել է Լեոնել Մեսին:

ԼՐԱՀՈՍ
* ]
ԹԵԺ ԵՎ ԲԱՑԱՌԻԿ